اختي المريضه وبيتنا الكئيب واخواني البطالية والنفسيه تعبانه ؟؟

[أإلع ـشق دلع ـهـأإ]

.





















يً حبيبتي لآتيئسون ..

ربج موجوود ..

ربج يقول في كتآبه " اذا مرضت فهو يشفين "

ربج أن كتب لآختج الشفآء بتشفى بدون لآ علآج ولآشي ..

أدعولهآ بليل ونهآر ..

وتصدقوا لآنه الرسول قآل " داووا مرضآكم بالصدقه "

وجيبوآ زيت مقري وأدهنوووه على جسمهى كله ..

وخليهآ تآكل عسل مقري ....

وبآذن الله الله بيشفيهآ ..

ومآرآح ننسآكم من الدعاااء ..

اللهم يً سميع يُ مجيب أسألك ان تشفيهآ شفآء لآيغادر شقمآ
















.

 

[رحيل المرافيء]

في عمليات للصرع يسوونها ويطيبون

 

[هاجر الكويت]

عسى الله يشفيها يارب ويبعد عنكم المشاكل والله صدقيني كل اللي اتشوفينه راح يتغير الى الاحسن عسى الله الله يفرجها عليج وعلى اختج واخوانج ويسر امركم ويسخر لكم من يساعدكم ويطلعكم من الهم

 

[متى اشوف الفرح؟]

السلام عليكم ورحمة الله وبركاته

مبارك على الجميع شهر رمضان
وعسى ربي يكتب لنا صيامه وقيامه ويعتقنا من النار

عزيزتي ( متى أشوف الفرح ؟ ):eh_s(17):
اليوم أول أيام شهر الرحمة والمغفرة ومبارك عليج

شكثر استغربت من اخوانج واتكاليتهم ..
واختج بعد ما بي اظلمها بس حسيت فيها اتكالية (اسفة ويمكن اكون غلطانة في ظني )
بس هالدنيا تحتاج قوة وثبات علشان الواحد يعين نفسه
مشكلة اختج لازم هي اللي تتحمل أكثر المشكلة وهي اللي تقاوم وتحس ان لنفسها عليها حق
ولولدها حق ولامج ولج حق
يعني تتصبر وتخفف عن امج
لانه كافي امج حملت وربت وتعبت واختج ما تبذل بحق نفسها كثر ما تبذلون لها
مايصير جذي المعادلة مومضبوطة
صدقيني واخذيها مني حكمة تعلمتها من الحياة ووصلتني لقناعة اكيدة
وهي ان كل انسان ماراح يتغير الا اذا هو قرر يغير نفسه
ولا راح احد يساعده مهما بذل من مجهود الا اذا كان هو يبذل مجهود تجاه نفسه أكثر من غيره

مثل ما انتم تحسون بالمسؤولية وتحاتون اختج لازم هي تحس فيكم وفي امها بالذات
مو تخاف من جرح المشاعر وما تبي تحس انها عالة
ليش تنجرح من انكم بتجيبون خدامة لها ؟؟؟ شفيها يعني ؟؟؟
هي مو طفلة علشان تخاف من فقد الحنان وبعدين هي ام وعندها ولد محتاج حنانها
حرام عليها تفرط بمسؤولياتها .. لمتى بتعيش بإطار الطفولة والدلع
لا تقولين مريضة .. ناس وايد معاقين بس يحبون يشيلون نفسهم بنفسهم
اتذكر كان فيه بنت معاقة ومقيدة بكرسي متحرك وورا ظهرها مادري جم من المخدات علشان ما تحس بآلام في ظهرها
كانت تداوم وتدرس بكلية من الكليات ومعاها خدامتها تدخلها القاعة وتتركها لحد ما تخلص المحاضرة وترجع تاخذها
ماشاء الله تبارك الرحمن عليها
والله لوهي بشخصية اتكالية ما حضرت ولا ساعة وحدة للكلية
كانت تداوم كل يوم
وجسمها يتحرك بصعوبة
هذي شلون تروح للحمام ؟ شلون تتسبح ؟ شلون تعتني بنفسها ؟؟؟
لالا كل هذا تجاوزته ماشاء الله عليها وربي يعطيها الصحة
يا عزيزتي الاعاقة مو بالجسد الاعاقة بالفكر والشخصية
ياما ناس ما فيهم شي وربي منعم عليهم بالصحة لكن يعيشون معوقين
مابي اضيق خلقج

و مع هذا كله صدقيني حياتكم فيها ايجابيات

ابدي بالتغيير حبيبتي ولا تحاتين اختج اكثر من محاتاتها لنفسها
وطلعي وغيري اثاث البيت ولا تعطين اختج اكثر اهتمامج
عطي نفسج اهتمام اكثر
يمكن اختج معتمدة على احساسكم تجاهها وتبي تكون محور الاهتمام
وماخذة المرض حجة لها
وجيبوا خدامة وقولوا لها هالخدامة علشان البيت وعلشان تخدمنا موحقج انتي بس
واذا ما تبين كيفج بس احنا نبي

لج كل المودةوالاحترام :eh_s(17):
ابتسمي وافرحي بهذا الشهر واللجوء لله اهم شي
وان نقص من الدنيا شي مادام الدين سالم ترى ما نقص شي

شاكره لج يالغاليه
والله كلامج كله درر واعذريني اني ما رديت عليكم من البداية
لكن والله انقطعت عن هالناس وكل شي لان بيتنا الحين ما فيه خدامه
واظن تعرفون ازمة الخدامات ومكاتب الخدم .. طلبنا خدامه مرتين وبالاخير يتعذرون المكتب
ان الخدامه مريضه والحين طلبنا خدامه من اربع شهور وليما الحين ما وصلت
الحين كله اكرف بهالبيت واختي صار لها 4 ايام كل شوي تطيح علينا

حتى حالتها تطورت صارت تصيح وهي نايمه وبعدها تطيح
وربي لو الميزانيه شوي عاليه كان يبت انا بنفسي خدامتين للبيت ولاختي
علشان تعينها وتعين البيت
يا رب توصل خدامتنا قريب وتكون زينه

اخوي قام يقرا على اختي وزوجها يجي الفجر احيانا يقرا عليها
والله قاعده اسوي اللي اقدر عليه واحاول اتقرب من ربي قدر امكاني ويا رب يثبتني ولا يغير علينا ويا رب يا رب تتشافى اختي ويشافي كل مسلم مبتلي
ويفرجها على كل مسلم ومسلمه ويفرحنا كلنا

اما اخواني ما راح يهتدون ليما ربي يهديهم ويا رب الفرج القريب يا رب يجي الفرج مره وحده ..

شاكره لج يالغاليه ويا رب يسعدج ويفرح وربي اني استفدت من البنات هني كثير

واللي نصحتني بالمسك اختي يبنا لها مسك والحين تاخذه مع قراءة القران والله كريم

عسى ربي يفرحكم :eh_s(17):

 

[متى اشوف الفرح؟]

ادعي وتصدقي وكثري استغفار بتشوفين كل خير ان شاء الله


الله يشفي اختج واختي

باذن الكريم ابقى مستمره عالاستغفار وتتشافى اختي واختج
وكل مسلم ويفرجها علي وعلى كل مسلم يا كريم

شاكره لج يالغلا من كل قلبي :eh_s(17):

 

[متى اشوف الفرح؟]

السلام عليكم
اللهم الشافي المعافي اشفي اختها اشفي اختها اشفي اختها شفاءا عاجلا غير اجلا برحمتك ياارحم الراحمين

اختي في الله احتسبوا الآجر هذا اول شي

ثاني شي هاتوا لها سستر افضل ترتب لهاكل شي الادويه الاكل الحمام وهاتيوا خدامة حق ولدها بس وهذا يحطه لها ريلها مو انتوا اذا تقولين ما تقدرون بسبب الميزانيه.

الله يجعله بميزان حسناتكم

وعليكم السلام يالغاليه
لا لا ما نقدر نييب ممرضه وربي راح تنهبل علينا اختي على بالها هالمره صج عاله علينا
الحين نبي نييب خدامه ان شاء الله وراح تساعدنا وتساعدها وهي متحسسه من هالسالفه
على بالها اذا يبنا خدامه ملينا منها وربي ما ملينا بس نبيها تساعدها وتعينها وتعين
امي هالمسيجينه ذبحها السكر منيه تقعد عند اختي ومنيه البيت يبي ومحد يعذر


حتى ابوي الله يهديه مرات يقول نظفوا بيتكم وامي تكون نايمه او قاعده يم اختي وربي مسكينه اغلب الايام ما تنام غير 3 او اربع ساعات وانا اكون اغسل الماعين او حايسه بهالملابس والبيت وفوق هذا حتى اخواني يبون اسوي لهم حاجاتهم وانا اشتغل يطلبون مني طلب ثاني والله تعب

اما زوج اختي بالناحية هذي مو مقصر وده يجيب خدامه بس عنده ضيقه ماديه وامي ما تبي
تضغط عليه تقول زين متحمل اختج مسكينه وهي مريضه بعد اقعد احن عليه ييب لها خدامه
خليها ليما تفرج

الله يكون بعونا وعون كل مسلم يا رب

شاكره لج يالغاليه وعسى ربي يفرحج :eh_s(17):

 

[متى اشوف الفرح؟]

الله يكون بعونكم ويفرج همكم بهالشهر الفضيل

امين يا رب ويعين كل مسلم بحاجه لاستجابه دعاءه باقرب وقت يا كريم :eh_s(17):

 

[متى اشوف الفرح؟]

الله يشافيها يارب :yaaaaaarb: ويشافي كل مسلم يارب

امين يا رب

شاكره لج حبيبي :eh_s(17):

 

[متى اشوف الفرح؟]

الله يشفيها

ودوها العمررررره خل تعتمر وخلوا واحد من الشيوخ هناك يقرا عليها وشربوها من زمزم

امين يا رب

والله وديناها وايد للعمره والحين ما تشرب الا ماي زمزم وبنية الشفاء يا رب

الحين ودنا نروح بس تتيسر الامور باذن الله رغم انه زحمه هالسنه ما شاء الله مكه
وايد زحمه وباذن الله ربي يكتب لنا نروح

شاكره لج حبيبتي :eh_s(17):

 

[متى اشوف الفرح؟]

مــــــــــــــــــــــــي تــــــــــــــــــــــــــــــــــــــــــــــــــــــــــــــــــــــــو:bbbiu:

شاكره لج اختي كويتيه وربي يفرحكم كلكم يا رب باللي تتمنون :eh_s(17):

 

[متى اشوف الفرح؟]

متى اشوف الفرح ؟
انشالله ياارحم الراحميييييييييين قريب بتشوفينه عليك بالاستغفار هذا كنز اعتبره بس استمري عليه
وياارحم الراحمين يشفي اختك يارب من اللي فيه وتتحسن نفسيتكم

امين يا رب

شاكره لج يالغلا وعلى دعاءج الطيب ويا رب يفرجها علينا وعلى كل مسلم :eh_s(17):

 

[متى اشوف الفرح؟]

احتسبي الاجر من ربج والله يكون بعونكم وربي يفرجها

اقري هالموضوع ان شاء الله يفيدج

http://www.q8yat.com/t697053.html

وهم هالدعاء اقريه بهالشهر الفضيل عند القيام ولا قبل اذان المغرب بربع سااعه وربي ان شاء الله بيستجيب بس انتي خلي ثقتج بربج كبيرها وماتضيق الاتنفرج باذن الله

http://www.q8yat.com/t789937.html

وعسااااااااج ع القووووة

يا ربي الثقه فيك كبيره يا رب افرجها علينا بهالشهر وجيب لنا الفررح مره وحده
وتهدينا وتثبتنا يا كريم ويشافي كل مسلم مريض

شاكره لج حبيبتي وربي اني استفدت وايد من هالمواضيع وخاصة موضوع النقاش
حق الصرع كنت متوقعه بس اختي اللي تتعب جذي .. سبحانك يا ربي فيه حالات وايد جذي
شنو السالفه الصرع منتشر وايد يا ربي تعافينا يا كريم وتبعد عننا كل مرض وتعب وحسد
وعين وسحر وحقد وكره يا كريم ..

عسى ربي يوفقج حبيبتي ويفرحج :eh_s(17):

 

[الحلللوه]

الله يعينك ويفرجهاا علينا وعليكي وعلى كلل مهمووم لاتشكين للناس اشكي لرب النااس لانوو موعارف وين الخيره الاالله الله يععيين ويفرجها ولاتقولين ياائسه والله مايجووز حبي تقولينها مافيه ياس دام رحمه الله موجووده موفقه وفكري بكلامي عددل

 

[متى اشوف الفرح؟]

انا اقولج


لها رب العالمين

كله اجر يبيله صبر

ذكري الله ليش التفكير بالانتحار

الله يشافيها يااااارب
ويفرح قلوبكم بعافيتها

ميخالف حبيبتي
انتي تحسين روحج مضغوطه
ومعاج حق

تحاتين الكل
بعد الصلاة ادعي
والله يجبر بالخاطر


الله يوفقج

صاجه علشان وقت ضيقه الحين وضغط وايد واحاتي امي واختج

ويا رب ما يخيب رجاي والثقه فيه كبيره يا رب يفرجها يا كريم

شاكره لج حبيبتي وباذن الله امشي على اللي تقولينه ويا رب يفرحنا يا كريم :eh_s(17):

 

[متى اشوف الفرح؟]

الله يشافي اختج يا رب ويلبسها ثوب العافية

امين يا رب

شاكره لج حبيبتي الدعاء

 

[الحلللوه]

وبالنسبه للصرع اللي يقلله خلوها تسجد على رمل يخفف الشحنات الكهربائيه والصرع بسيط عند السرطانات الله يكفينا شررها

 

[متى اشوف الفرح؟]

السلام ..

حبيبتـي هذآ بلاء و أنتي بكككل دقيقه تااخذين أججر .. حبيبتي أحتسبي الاجر .. *

وعليكم السلام

يا رب لا تحرمنا الاجر يا كريم وما يحرم كل انسان صابر

باذن الله بحتسب الاجر ويا رب يكون هذا تغفير لذنوبنا يا رب

شاكره لج حبيبتي :eh_s(17):

 

[الحلللوه]

الله يفرج همي وهمك وهم كل مهمووم ماضاقت الالفررج باذن الله

 

[جديده 1]

حالكم صعب نعم .. و لكن تأكدي ان لج أجر عظيييييييييييييم عند الله ..

 

[متى اشوف الفرح؟]

بيتكم هو اللي يحتاج خدامه مو اختج عالاقل لي جابلتوا اختج الخدامه تقوم بالبيت تنظف وتطبخ وتغسل لان امج تكسر الخاطر ومتضايقه وانتي بعد ..
واهم شي للمريض النفسيه تكون عاليه وانتوا طلعوها براااا تغير جو وطلعات وروحات ووناسه حياتي هي موناقصه حبسة كافي اللي فيهاااا ..
وانتي شحقة متضايقه هي من تشوفكم جذيه تنتكس وتتعب اكثر من المرض اللي فيها
عورت قلبي الله يشافيها ان شاءالله رب العالمين ولاتنسين القرآن و الزيت المقري والماي هم زين لوانتي تقرين عليه شوفي الايات سوي سيرج

والله طلبنا خدامه الله يهديهم المكتب صار لهم اربع شهور ما وصلت
شكلها بتجي بالعيد لان المكاتب كلهم جذي يقولون الخدمات ما يبون يجون بشهر رمضان
راح يجون بعد رمضان .. وعارفه ان امي تعبت وربي عارفه علشان جذي صايره اقوم بالمطبخ كله غسل وطبخ وغسيل الصحون .. المشكله ان امي نفسها صايره تتعب من السكر
ويبي لها اهتمام حتى ايدينها مسكينه يعورونها وما فيه وقت تروح للطبيب

وبالنسبه للطلعات وربي كل ما نبي نطلع اختي تتعب يعني مثلا صارت مناسبه
لازم احد يقعد يمها في البيت ومرات اذا صحت شوي قلنا لها امشي نطلع او نعزم احد يجينا
ونغير جو تقول لا تعزمون احد ولا تطلعون اقعدوا عندي واذا تبون تروحون روحوا بس امي تقعد عندي وامي هني ما تقدر تتكلم واحنا ما نقدر نروح اذا امي ما راحت معانا احس ما نستانس بروحنا لا مكان ولا مطعم وربي كله في البيت محد يشوفنا ولا نشوف احد
وكل هذا وربي نبي نونس اختي وتطلع من هالروتين الكئيب بس هي ما تبي
احس المرض خلاها تنطوي على نفسها ما تبي احد وصار محد يعرفها ومحد يعرفنا

حتى مره جت جارتنا تقرب لنا وراحت يم ناس يقربون لنا وقعدت تسولف عننا وعن اخواني
تقول لما كنت اسولف لهم عنكم وعن اخوانكم الناس استغربت ان ابوكم عنده عيال وبنات كبار ؟؟
وربي محد يعرفنا ابد مع ان جماعتنا كثير وكله بسبة اننا قاعدين ما نقدر نطلع برا البيت
لان اختي تتعب وجو البيت تعبان ومتكهرب غالبا
بس ما عليه هذا اللي الله كاتبه ويا رب يفرجها قريب ويفرحنا ويحقق كل امانينا وثقتي
برب العالمين كبيره ويا رب لا تخيب رجاي بهالشهر الفضيل ..

الحمدلله اختي مستمره بالقراءة على نفسها واخوي مرات يقرا عليها وزوجها بعد احيانا
والزيت المقري وماي الزمزم والمسك حتى السنا قامت تستخدمه والسدر تتسبح فيه
ويا رب تتشافى يا كريم ويشافي كل مسلم

شاكره لج يالغلا :eh_s(17):