بنت حماي!! بس كبرت ليي متي بعد

[.دمعتي الحزينه.]

عاادي انا ام اربعه والم خااالي وتعلق برقبته من كثر ما اشتاااق له صفي النيه يا خيتي هو محرم لها

 

[zoqa]

لا تقولين انج ماتغارين واضحه الغيره
وترى صج شفيها انا شكبري الحين لمه الحين
اقعد بحضن عمي وخالي والملم فيهم اهم الي ربوني
ودلعوني وكبروني ليش هالتفكير الي ماله داعي !!
​

 

[Milk^Shake]

امبي لاموصج الموضوع بعد عمها كيفها
وبعدين انتو من كل شي تسوون مشكله البنيه ماسوت شي غلط لويصير عمرها مليون تلمه وتبوسه عادي
عفيه لاتبطلين الموضوع مع ريلج لان صج بطيحين من عينه وبيضحك عليج بعد

 

[زهراء 24]

عادي مافيها شي هذا عمها حسبه ابوها عادي تلمه تبوسه كيفها ليش تفكيرج جذي وصخ
انا لمه كنت بعمرها نفس الشي الم اعمامي وخوالي واقعد بحضنهم بعد 12 سنه ترى للحين ياهل
معقولة تغارين من ياهل

 

[جود المري]

عمها وبمقام أبوها وش فيها لو ضمها حتى لو عمرها 30 سنه !!

هو محرمها حالها حال أبوها و أخوانها

 

[zoooba]

الصراحه ما عندج سالفه هي صغيرة وبعدين عمها لو صار عمرها مليون عادي

 

[هموووم]

انا مثل حالتك زوجي ضم اخته لانه من زمان ما شافها بس مت من الغيرة وتخانقت مع زوجي ما عاد يضم احد

 

[جعلي فدوه لبوي]

صراحه انتي لازم تروحين دكتور نفساني ولاتقولين موغيرانه بلا ميته من الغيره شسالفه عمهااااااااااا هذا انا عمري26سنه ومتروسه وقعد بحضن خالي لاني اموت فيه وهو عمره 50 سنه لا انتي موصج حرام مسكينه

 

[jooosy]

حبيبتي عادي شنو فيها
انا الي متزوجه عندي ياهل عمي اصغر من ابوي اذا شفته المه واهو يلمني
لانه صج صج اموووووووووت عليه واعتبره شي اكبير ابحياتي
هذا عمي مو واحد غريب اذا لميته
لا اتسمينها فصاعه وعيب
يمكن زوجج له مكانه ابقلبها وترتاحله واتحبه اكثر واحد
انا اشوف انه ماكو مشكله بالموضووع

 

[أم الخلاجين]

انا مثل حالتك زوجي ضم اخته لانه من زمان ما شافها بس مت من الغيرة وتخانقت مع زوجي ما عاد يضم احد

والله حرام عليج


أنا مثلج أغار عليه حتى من نسمة الهوا

أعشقه و أعشق ترابه...
حتى لو غرت من خواته وخالاته وعماته ..

ماأبين هالشي ... لأنهم محارم هذا أول شي

وثاني شي أنا أعرف غلاتي ... أنا زوجته وحبيبته وأم اعياله

وثالث شي ... هو قبل لا ياخذني هم متعودين على بعضهم جي

مابيي إنا بسبة غيرتي ... أبعده عن خواته وأحرمهم من حنانه
و أخليه يعاملهم بحدود ورسميه وجفاء .... حرام هذيل خواته لازم يضحك ويمزح وياهم ..
ويحضنهم عادي ...



وعشان موضوعج دلوعه وحلوه ...

انتي استنكرتي هالشي لأنج مب متعوده ف بيتكم على جذي ..
وانا بعد نفسج مب متعوده على جي ... حتى ويا أخواني ..


ليش؟ لأن نحن نشوفه عيب .... لان تفكيرنا سلبي وخايفين يصير شي مب زين من هالتحضن والتبويس
لأن الريال يتم ريال والبنت بنت والشيطان موجود .


هذا تفكيرنا وتربيتنا اللي تربينا عليها ... انه عيب و توقعاتنا السلبيه لباجر.



لكن لو شفناها من الناحية الايجابيه : الالفه والترابط والتراحم اللي بينهم ..
والراحه النفسيه ... والكل يسولف ويا الثاني بحب وحنان ومشاكسه بريئه .... بتحصلين هالبيت
والناس اللي عايشين فيه عايله سعيده وصلة الترابط بينهم قويه جدا جدا جدا .



وف الأخير كل واحد حسب البيئه اللي عاش فيها وتربيته ... وحسب أخلاقه.
حتى لو البنت كانت مثيرة ... بتم بنت أخوه ... مابيشوفها بنظرة مب زينه
وخاصه انه تحبه وايد وهو الاقرب لها ... ويمكن اتظل طريقة سلامهم على بعض
حتى لو دشت الثلاثين..
لاتستنكرين هالشي منهم لانه روتيني وهم متعودين عليه ...
ولا تخافين من هالناحيه اذا انتي واثقه ف ريلج.. انتي أدرى بأخلاق ريلج وخوفه من ربج ..
إذا كنتي اتشوفين عواقب هالحضن بتكون وخيمه ... كلميه باسلوب بدون لاتفجين عينه عليها وعلى جسمها...


أما إذا الموضوع لمجرد العيب ... إنج مب متعوده ف بيتكم على جذي وهم متعودين.
لاتكلمينه أبدا أبدا أبدا أبدا أبدا ..

هو مب حرام ولا بعيب ... بس نحن تربينا على جي ... أنا وانتي :eh_s(2):



والسموحه منج ...

 

[موت وميلاد]

الحمدلله والشكر تغارين من وحده عمرها 12 سنه وبنت اخو بعد ؟؟

هذا مرض نفسي لازم تعالجين نفسج قبل لاتغارين حتى من بناتج

حاطه دوبج دوب ياهل ؟؟

الله يشفيج

 

[dantella]

انا مثل حالتك زوجي ضم اخته لانه من زمان ما شافها بس مت من الغيرة وتخانقت مع زوجي ما عاد يضم احد

زعلتي من زوجج لان لم اخته؟

 

[Miss sensitive]

حبوبه الوضع عادي وطبيعي
من كثر الميانه
انا 2 من خوالي من كثر ما يحبوني يلمنوني من قلب وانا ام عيال وبناتي حوالي

 

[أم الخلاجين]

لبعض البنات اللي ردوا على الموضوع


حسنوا ألفاظكم وأسلوبكم ف الردود
والله إني جزيت من ألفاظكم ....

خلج إنسانه راقيه ... راقيه ف كل شي
حتى فألفاظج والكلمات اللي تكتبينها ...


يعني بسألكم بالله عليكم ... لو اتناقشتوا ويا البنت باسلوب حلو
حتى ولو ماعيبكم تفكيرها .... حتى ولو ف نظركم غيرة البنت مالها داعي ...
حتى ولو ف نظركم غيرتها مرضيه ...
شو بيصير يعني ؟! بتخسرين شي ؟
بتخسرين سمعتج ف المنتدى ؟
شو اللي بتخسرينه لو اتكلمتي عدل أبا أفهم ..

أستغفر الله بس..

ردوا على بعضكم البعض بأسلوب راقي ...
النقاش واختلاف الرأي لا يفسد للود قضية...
الأساليب الهابطه ف الردود هي اللي تفسد

اممممممم وبس

والسموحه من الجميع​

 

[Kint a3rfik!!]

انتي تحبين ريلج و يكون لج بس غيورة فدييتج
بس عاادي حبيبتي اهوه بينظرلها بنت اخووه و ما راح يفكر مثل ما تفكرين
بس عاد اهي اتمني ان ما تمصخها و حتي لو صغيروونه ياما صارت مشاكل و بلاوي سبة هالسوالف

 

[هولنديه اياكسيه]

من صجج
لاعييييييب ولاشي عمها وعااااادي يلمها وتلمه
وبعدين البنت انتي تشوفينها كبيره عشان جسمها بس اهيا عقلها على سنها عقلها 12 سنه

لامومن صجج الموضوع كلش مالاداعي

 

[هولنديه اياكسيه]

قولي حق ريلج لاتلمها عيب البنت كبرت وشوفي ردة فعله

 

[|مـلاكـ|]

لا اله الا الله ...



لاتسيئين الظن حبيبتي،،

انا معاج انه الموضوع شوي ينرفز خاصتا انه ( البنت جسمها كبر وبينت تضاريس جسمها وكونها بالغه طبعا )
،، بس يمكن اهي متعوده اول ماتدخل ترركض وتلمه عذرها < مشتاقه لعمهااا



لو بتفكرين بكل صغيره وكبيره ماراح تعيشين ،،


مومشكله لهي نفسج قوولي زوجي يغليها ويعتبرها حسبت بنته
لاتخلين الافكار السووده تلعب بعقلج وتوديج يمين ويساار ،،،


انتي امرآءه عاقله لاتفكرين بهالامور

وديري بالج تقولين لريلج ،،
ترا بطيحين من عينه .....


استهدي بالله وادعي الله بكل شي..
واذا يت لمته لهي نفسج سولفي ضحكي خلي الدنيا بعيينج حلووه يااااحلوه


اتمنا اكون فدتج ولو بشي بسيط

والله المستعان سبحانه


تقبلي مروري


| مـلاكـ |

 

[|مـلاكـ|]

الحمدلله والشكر تغارين من وحده عمرها 12 سنه وبنت اخو بعد ؟؟

هذا مرض نفسي لازم تعالجين نفسج قبل لاتغارين حتى من بناتج

حاطه دوبج دوب ياهل ؟؟

الله يشفيج

انتي شفيج حبيبتي داشه هوشه
البنت فتحت قلبها واحنا نرد عليها باسلوب راقي يدل ع تربيتنا
محد طقت ع ايدج وقالج ردي مهي محتاجه لاسلوبج الاستفزازي


وانتي الي عالج الله يشفيج ويكملج بعقلج

 

[|مـلاكـ|]

اسمحيلي صاحبه الموضوع حبيبتي موقصدي اخرب موضوعج بس جد اسلوبها ينرفز جد ابتلشنا باليهاالووووو