تجمع الاكزيميات :( تعالو نفيد ونخفف عن بعض

[ام حمادنه]

السلام عليكم بنات شلوونكم


يابنات موضوعي مبين تجمع للي يعانون من اكزيما

والله ماسويت هالتجمع الا بعد ماتعبت وانهد حيلي منها

طبعا اعرفكم بالبدايه

انا ام حمادنه

جتني الاكزيما بايدي قبل 3 سنين بعد ولادتي بولدي حمادنه

جتني بايدي بباطن الايد من داخل

حكككككه بشكل موطبيعي لدرجة تقشر ويطلع دم مرات

جربت علاجات واجد مافاد خصوصا الكرتزون تروووح وتخف حيل بس من اهدها ترد لا موبس ترد الا تنتشر اكثر

والله يابنات صرت اخاف اغسل وجهي لانه الاكزيما بايدي :eh_s(11)::eh_s(11): هذا غير الزيرتك اللي اكله تقريبا يوم وترك هد حيلي ..لانه اذا مااكلته احتك حيييل

طبعا لاتقولولي من اكل معين الاكزيما من كل ي تتحسس شنو يعني ماناكل

طبعا رحت عالجت بدار الشفا والراشد والمستشفى الهندي ورحت المياه الكبيرتيه اللي بالسعوديه تعبت والله تعبت

هذا غير كريم الترطيب الطبي اللي اتدهن فيه 24 ساعه لانه الاكزيما يبيلها على طول ترطيب


يلا تكفون بنات هذا تجمع لنا كل وحده تكتب اذا فادها شي الله يخليكم مانبي سمعنا ويقولون نبي تجارب او شي شفتووه بعيونكم لانه اذا بنقعد على يقولون ترى قوقل مليان قصص عن علاج الاكزيما ماتخلص

 

[Fajory]

انصح بالسدر .. الله يشافيج يا حياتي
وترى الكورتزون علاجه مؤقت توقفينه احسن

 

[UNICORNA]

هلا

انا عندى اجزيما من كذا سنه بس متى ماتذكر تحديدا

طلعتلى برجلى اليمين تحت الركبه تقريبه بشبر والاكثر كانت عندى بالصدر )= >>> مأساه

لانى كنت احكها وانا نايمه لين تخرج دم

ورحت لطبيبه مشهوره فى مصر وقالتلى انتى عربيه صح قولتلها اى

قالتى اولا الاكزيما مشهوره اكثر شى ومنتشره فى شبه الجزيره العربيه والخليج اكثر من اى منطقه اخرى

وقالتلى ان الاكزيما مالها علاج نهائى لانها تروح وترد وتنتقل من مكان لمكان اخر ولذلك لازم حمايه

الجسم كله عشان ماتطلع بمكان ثانى

وعطتنى مرهم احطه على صدرى والحمدلله بعد حوالى 3 اسابيع ماكان عندى اى شى

وعطنى مرهم لرجلى استخدمه 3 مرات والحمدلله اسبوعين وراحت

بس اهم شى اهم شى

ملابسى الداخليه اللى ملامسه للجسم لازززززم تكون قطن 100% طبيعى

ومصر فيها محلات بها اندرويرات قطنيه رووووعه وشريت منهم مجموعه

بس ماحصلت سونتيانات قطن 100% فكنت البس فانيلا بناتى قطن طبيعى وفوقها السونتيان (=

وثانى شى ابتعد تمااااااما عن اى شى معطر سواء

بارفان = صابون=شاور جيل= زيوت للجسم = لوشنات = شامبوهات الللللللللللخ

ثالث شى عطتنى اسم كريم اسمه ايفان روووعه واهو كريم طبى فرنسى مخصص

للبشره الجافه الحساسه واللى تعانى من اكزيما يعنى حتى لو وجهك به تحسس بأستثناء الاكزيما راح يعالجها ان شالله

اسمه

avene

for very dry,sensitive & atopic skin

هذا استخدمه 3 مرات يوميا على الجسم بالكااااامل وهو نظيف لمده شهر عشان لمن الاكزيما تنتقل ماتقدر

تطلع والجسم يصير محمى (=

وبعد شهر استخدمه على الجسم مره باليوم فقط كنوع من الوقايه

وعطنى صابون سائل من بيوديرما رووعه اسمه bioderma gel moussant

for very dry & weakened skin

body & face

وللجسم والوجه وهذا استخدمه بدل الصابون والشاور جيل بحيث مايجى على جسمى اى شى غيره بالنهايه اغسل

شعرى بالحوض (=

والحمدلله الحين صارلى سنتين مواضبه بس مو مواضبه كثير ولكن للحين ماجانى والحمدلله (=

بس انا استغرب على كل هالاشياء اللى خذيتيها والكورتيزون لانها عطتنى بس مرهم وكريم وصابون سائل وبس !!

وقبل انسى

قالتلى لو ابى اتعطر ما اجيب شى على جسمى وانما اعطر ملابسى ( حق الخروج مو الداخليه ) وبعد شوى البسها

 

[al_sheikha]

السلااااااام
حتى اناا عندي اكزيماا ترووح وترد
وهالاياام صاايره تنقل من مكاان لي مكاان بجسمي
وماافي شي مااستعملته كل شي اشووفه حق الكزيماا استعمله
الحين قمت مااستعمل شي بس زيت مقري ومااي زمزم
وانشاءالله يفييد

 

[ANGEL CAT]

الله يشافيكم يارب

وترى الاكزيما والصدفيه ماتروح يعني تروح وترد


اهم شي تستعملون شغلات طبيه



وترا الصابون الاسود الي تبيعه جراس يعالج الاكزيما


جزاها الله خير

 

[ام حمادنه]

هلااا وغلا بنات جزاكم الله خير

UNICORNA والله العظيم كل شي سويت انا ادري ماتختفي بس مابيها تزيد اهي قاعده تزيد وتنتشر

وانا المشكله بايدي يعني ماله دخل الاندر وير

وانا دايم اغسل بغسول طبي اسمه استراليان
ودايم ارطب ايدي بمرطب طبي وثقيل مركز خاص للبشره الجافه والاكزيما اسمه كيو في عجيب
وعلى طاري بيوديرما مستحيييل استخدم منهم شي لاني مره بدبي خلص مرطب ايدي كيو في رحت ادوره مالقيته عندهم وامدحولي بيوديرما قالولي يعالج ويرطب والله انها كانت تحلف يااختي انا من استخدمته وانا زاااااااادت الاكزيما وانتشرت بسرعه تقولين نار كاتين عليها بانزين والله تعبت انا اللي كتبته ولا شي انا جربت زبدة الشيا وجربت زيوت وجربت خل وملح البحر والقسط البحري والله واجد الله يعين بس


اميرة الورد اااي قاعده تنتشر هالايام مادري شنو الموضوع يارب تعينا وتشافينا يارب

انجل كات والله جربت وبدة الشيا من جراس ماسوتلي شي للاسف وريحتها زيت زيتون

 

[ANGEL CAT]

يا قلبي الله يشفيج عاجلا ليس اجلا انتي وامه المسلمين اجمعين

 

[CUTIE-THUG]

حبيبتي انا اختي الصغيرة من بعد مانولدت ب 3 اشهر صار فيها اكزيما بكل جسمها وعليا اي بكل جسمها المسكينة حتى شامبو نفسنا ما تقدر تستخدم لازم شامبو مال اليهال و مداومة على كريمات مستوصف الجلدية و لما تستخدمهم تخف واايد ولما تهدهم تزيد و الحين عمرها 12 سنة و للحين ما راحت لكن اخف من قبل بوايد

 

[زهرة الفردوس]

استخدمي زبدة الشيا مع صابون الافريقي السائل من غراس حيل يمدحونه للأكزيما

 

[UNICORNA]

هلااا وغلا بنات جزاكم الله خير

UNICORNA والله العظيم كل شي سويت انا ادري ماتختفي بس مابيها تزيد اهي قاعده تزيد وتنتشر

وانا المشكله بايدي يعني ماله دخل الاندر وير

وانا دايم اغسل بغسول طبي اسمه استراليان
ودايم ارطب ايدي بمرطب طبي وثقيل مركز خاص للبشره الجافه والاكزيما اسمه كيو في عجيب
وعلى طاري بيوديرما مستحيييل استخدم منهم شي لاني مره بدبي خلص مرطب ايدي كيو في رحت ادوره مالقيته عندهم وامدحولي بيوديرما قالولي يعالج ويرطب والله انها كانت تحلف يااختي انا من استخدمته وانا زاااااااادت الاكزيما وانتشرت بسرعه تقولين نار كاتين عليها بانزين والله تعبت انا اللي كتبته ولا شي انا جربت زبدة الشيا وجربت زيوت وجربت خل وملح البحر والقسط البحري والله واجد الله يعين بس


اميرة الورد اااي قاعده تنتشر هالايام مادري شنو الموضوع يارب تعينا وتشافينا يارب

انجل كات والله جربت وبدة الشيا من جراس ماسوتلي شي للاسف وريحتها زيت زيتون

اولا الاندر وير له دخل لان اى شى غير قطنى بالعاده يسبب تحسس بالجلد والجسم

فلمن يكون عندك اجزيما ينصح بهالشى

ثانى شى انا قولت لكى نوع معين حق بيوديرما واهم عندهم انواع ياكثرها بس هذا

خااااص للاكزيما وكتبتلك اسمه

ثالث شى ابتعدى فتره عن الماء ولبسى جلافز بيدك حتى وانتى تتغسلى ولا تقربينها

للماى لييييييييين تجف وتتعالج

رابعا مثل ماقولت العطور والشامبو وغيرها ابتعدى عنها وجربى منك خسرانه وربى انا

بحوالى شهر رجعت سليمه والحمدلله وانش الله ترجعى احسن من اول :eh_s(7):

 

[ToOoFe]

ماتشوفين شر ياقلبي
والله ثم والله ثم والله
انا وحده من الناس رجولي اثنينهم من تحت فيهم اكزيما وجلد ميت وطبعا لما اروح بيت خوالي مااقعد مع البنات من كثر مااحك رجولي عذااااااااااااب وماارتاح الا لما احكهم حييييييل ويطلع الدم والله
ورحت لمستشفى حكومي ورحت لموسى سلامه جبر والله مانفعني قطيت فلوسي ع الفاضي
لين جيت لبيت عم امي تخيلوا شنو اللي نفعني
والله العظيم النحل اي النحل
تخيلوا عم امي كان يمسك النحله ويقرص رجلي فيها طبعا ماكنت احس .. ليش لان جلدي ميييت
والله يابنات وربي شاهد علي كنت يوميا اروح لبيتهم واقرص رجولي بالنحل لين جا يوم اختفت ووالله العظيييم اختفت
ومن سنه 2003 مادري 2004 ماشفت شي اسمه اكزيما ولله الحمد
وحبيت اقولج انا من عمري 7 او 8 سنين كانت فيني الاكزيما وراحت من عندي وانا عمري 14 سنه او 13
والحين عمري 21 وماشفتها

الحمدالله ياارب ..

 

[- BambeNo -]

حبيبتي ماتشوفين شر .. سمعت عن العسل وبعدة زبدة الشيا..
وماركة Qv موجوده فالامارات أنا استخدمها واااااايد أوكي
حتى مرطب الشفايف روعه ..

 

[انثى الغموض]

.
،


ربي يشافيكم
ووايد يمدحون زبدة الشياا للاكزيما...~

 

[..~Goolz]

علاجج

زيت زيتون مقري >ضروري يكون مقري لان الاكزيما عين وما تخف الا بالقرائه والتحصين
وتحصلينه بحواي ثقه >او راسليني وادلج وينه تحصلين المقري

 

[UNICORNA]

علاجج

زيت زيتون مقري >ضروري يكون مقري لان الاكزيما عين وما تخف الا بالقرائه والتحصين
وتحصلينه بحواي ثقه >او راسليني وادلج وينه تحصلين المقري

حبيبتى منو قالك ان الاكزيما عين ؟؟!!

ومنو قالك ان القرأن والاشياء المقرى عليها تعالج ؟؟

القرأن ولااشياء المقرى عليها تعالج الامراض الروحيه والنفسيه

مثل الاكتئاب - المس - الضيق وغيرها


وماتعالج الامراض العضويه

يعنى لا قدر الله واحده عندها سرطان لو جلست سنه اشربها ماى مقرى فوقه ماراح تشفى

الاكزيما مرض جلدى مثل التحسس وغيره شدخله بالعين الحين الناس صارت

تقول على كل شى انه عين مدرى ليش :bbbiu:

 

[ملاك طيبة]

السلام عليكم
انا وحدة ماكنت اعرف شي اسمه اكزيما لحد ماجاتني حكة فظيعة في رجلي اقعد احك لما يطلع الدم حتى وانا نايمة
فصار عندي جرح ورحت للمستشفى وقال الطبيب هذي اكزيما ووصف لي مرهم اسمه Fucicort اعطى نتيجة من اول استخدام
والحمدلله تشافيت منها
نصيحة اخيرة المنطقة اللي فيها اكزيما حاولو تبعدونها عن الموية لان الاكزيما تتغذى على الموية
الله يشفيكم

 

[ام حمادنه]

جزاكم الله خير بناات


يابناااات شسوي تقولون وخرو عن الماي

هذي ايدي شلون مااغسلها شلووون

 

[ام حمادنه]

ماتشوفين شر ياقلبي
والله ثم والله ثم والله
انا وحده من الناس رجولي اثنينهم من تحت فيهم اكزيما وجلد ميت وطبعا لما اروح بيت خوالي مااقعد مع البنات من كثر مااحك رجولي عذااااااااااااب وماارتاح الا لما احكهم حييييييل ويطلع الدم والله
ورحت لمستشفى حكومي ورحت لموسى سلامه جبر والله مانفعني قطيت فلوسي ع الفاضي
لين جيت لبيت عم امي تخيلوا شنو اللي نفعني
والله العظيم النحل اي النحل
تخيلوا عم امي كان يمسك النحله ويقرص رجلي فيها طبعا ماكنت احس .. ليش لان جلدي ميييت
والله يابنات وربي شاهد علي كنت يوميا اروح لبيتهم واقرص رجولي بالنحل لين جا يوم اختفت ووالله العظيييم اختفت
ومن سنه 2003 مادري 2004 ماشفت شي اسمه اكزيما ولله الحمد
وحبيت اقولج انا من عمري 7 او 8 سنين كانت فيني الاكزيما وراحت من عندي وانا عمري 14 سنه او 13
والحين عمري 21 وماشفتها

الحمدالله ياارب ..

الشر مايجيج وعساها ماتجيج ولاتشوفينها

تكفين شلون يعني اروح اخلي النحله تغزني بمكان الاكزيما لسعه وحده؟؟ وجم مره يعني 3 ايام ورا بعض

وانتي منو قالج انه لسعة النحل بتشفيج يعني من نفسج جذي سويتيها ؟؟

 

[ToOoFe]

الشر مايجيج وعساها ماتجيج ولاتشوفينها

تكفين شلون يعني اروح اخلي النحله تغزني بمكان الاكزيما لسعه وحده؟؟ وجم مره يعني 3 ايام ورا بعض

وانتي منو قالج انه لسعة النحل بتشفيج يعني من نفسج جذي سويتيها ؟؟

اجمعين ياارب
انا رجلي اليمين كنت اتقرص 8 نحلات تقريبا ورجلي الثانيه نفس الشي وماكنت احس لانه جلد ميت
وانا ماكنت ادري ان النحل يشفي الاكزيما بس عم امي شافني وقال بقرصج بالنحل وسبحان الله راحت ولله الحمد

وتقريبا شهر وانا اتقرص ع حسب كميه الاكزيما ..

 

[نور مغليها]

الله يشاافيج حبيبتي ويشاافي كل المرضى ياارب
ان شاء الله يروح ولا عاد تشوفيييينه