طلب وين احصل مثل هالمطبقه والبوكسات الميني

[جينواز]

ابي مثل هالعلب المطبقه وغطاها بالوسط شفاف بس المطبقه فاضيه وانا اعبيها وين احصلها والبوكسات الصغيره الي اتعرف ياليت تدلني وانا عارفه إنكم ماتقصرون الله ايعافيكم

 

[[ مطر ]]

مادري والله
انشالله يفيدونج البنات

 

[فلانه وعلانه]

اول صوره بالاسواق الشعبيه

وثاني صوره مادري وين

 

[لولوة الكويتية]

اب

اب

سوي سيرج بقوقل

 

[gardenai]

اختي انا اليوم شاريه المطبقية من سوق شعبي بالشويخ يم المخفر عنده اكثر من شكل العلب من بياع الورد

 

[شخابيط]

المطبقيه شايفتها بسوق لندن نفسها اما الشفافه تحصلينها في بياع الورد بحولي انشاء الله افدتج​

 

[KOKO_284I]

الاولى بيوم البحاره

والثاني بطيور الجنه

 

[جينواز]

مادري والله
انشالله يفيدونج البنات

مشكوره على المرور

 

[جينواز]

اول صوره بالاسواق الشعبيه

وثاني صوره مادري وين

مشكوره اختي بس وين بالأسواق الشعبيه وش اقول للتكسي انا مو من هني

 

[جينواز]

اب

اب

سوي سيرج بقوقل

سويت أختي بس ماشاء الله لاقوة إلا بالله كله يطلع لي موقع كويتيات انتم الأصل ماشاء الله تبارك الرحمن الله يحفظكم

 

[جينواز]

اختي انا اليوم شاريه المطبقية من سوق شعبي بالشويخ يم المخفر عنده اكثر من شكل العلب من بياع الورد

مشكوره عسى عمرتس طويل بس سؤال وش اسم المحل وبياع الورد وين بالظبط يعني العقده التكسي وش أقوله:eh_s(16):

 

[السفيرة عزيزه]

الطاسه الاولى مثل ما قالو لك البنات ممكن تحصلينها في سوق لندن الشعبي في منطقة الشويخ

الثانيه في محل في منطقة حولي مقابل مستشفى دار الشفاء اهو المحل محل زهور اسمه بياع الورد تحت في نفس العماره السرداب بتشوفين هالعلب وبعد احلى منهم

في بعد أسواق شعبيه في منطقة حولي ممكن تحصلين هناك في سرداب سوق المعلم

اي استفسار البنات ما يقصرون

 

[جينواز]

المطبقيه شايفتها بسوق لندن نفسها اما الشفافه تحصلينها في بياع الورد بحولي انشاء الله افدتج​

والله افدتيني سوق لندن معروف بس بياع الورد يعرفه التكسي

 

[السفيرة عزيزه]

لو ما يعرفه قولي له مستشفى دار الشفاء اللي بحولي معروووف اهو مقابله خليه يلف لك وشوفي لافتات المحلات لافتته حمره كبيره وينج فيه وانا اوديج

 

[جينواز]

بس لاتنسون ابي وصف بياع الورد والأخت الي قالت السوق الشعبي وين الله ايوفقكم ويبلغكم رمضان

 

[جينواز]

مشكورات يا بنات والله ودي انسخ ردودكم الي تبرد التسبد وانسخها واحطها في موقع مشتركه فيه ثلاثة اسابيع امنزله موضوع وإلا الحين مافي ردود ولا تفاعل
حنا صدق جينا للكويت واهلي كلهم في تركيا واوربا صح إن عندكم الحرارة شديده بس ردودكم اتبرد على القلب ومتعاونات لأبعد حد ماشاء الله صح الي سافرو برا لقو الجو بس اعتقد ماراح يلقون ابطيبتكم وتعاملك الراقي

 

[السفيرة عزيزه]

بعد قلبي حياج الله بديرة العز بين أهلج واخواتج

بعد الحين لا يفوتكم ارض المعارض بمشرف فيه 3 معارض شغاله بتشوفين فناتق ​

 

[جينواز]

لو ما يعرفه قولي له مستشفى دار الشفاء اللي بحولي معروووف اهو مقابله خليه يلف لك وشوفي لافتات المحلات لافتته حمره كبيره وينج فيه وانا اوديج

يابعد تسبدي توي اشوف ردك الله ايوفقك وين مارحتي :eh_s(7):

 

[جينواز]

بعد قلبي حياج الله بديرة العز بين أهلج واخواتج

بعد الحين لا يفوتكم ارض المعارض بمشرف فيه 3 معارض شغاله بتشوفين فناتق ​

والله ديرة عز بهلها الله يحفظكم من كل شر بالنسبه للمعرض لا ماودي اشوفها رحلتنا إن شاء الله الجمعه اخاف اتعلق أكيد إنه كبير وعلى مستوى ياالله يمديني ادور العلب بكره ونروح الفنيوز واليوم لفيت على محلات الحلويات عجبني الرهش عنده تمريات محشيه قشيت هدايا بس ابي احطها بالعلب قالت لي العلبه الصغيره بدينار وانا ابي 20 علبه واخذت من امبرس وسلفرينا روعه والماندرين عنده نوع حلو بالرمان والبيكان والكرميل

 

[فطووومة]

اعتقد ان ام مرمر عندها