## تجمع معلمات تعيين يديد##

[fri2010]

رحت المعرض من الساعه 5 وانا اهناك زحمه مو طبيعيه وبالذات عند قاعه رقم 5 لدرجه ان صفطت سيارتي بعيد ومشينا مشي اهناك وموت حررر


دخلنا داخل اول الناس فما كان زحمه وايد داخل



طبعا ما ادري اشفيني من رجعت من السفر وما قام يملي عيني شي مع ان فيه وايد شغلات حلوه الا تيينن بس يمكن عشان خلصت فلوسي ههههههههههه



ولقيت وحده تسوي تغليف حق دفتر التحاضير بس تذكرت ذكريات كل توجيه لهم طلب معين فما سألت عن السعر وبث

 

[fri2010]

على طاري الملابس اذا ما خلوني البس بنطرونات بفصل لي عبي لان مستحيل البس تنانير هههههههههه

انزين يعني شنو فيها لو لبسنا البنطرونات الواسعه!!! جنها تنوره يعني لازم تنوره <<<عصبت لوووول

 

[ذكريات عشاق]

اي لازم اول يوم زحمة
خاصة بالمعرض

اي الدفتر يقولون لما المدرسة الاولى

تصدقون بنات اختي قالت لي بخصوص دفتر التحضير ان مرات يقولون لج ممنوع تكتبين بخط الكمبيوتر
ومرات يقولون عادي يعني التزجيه كل سنة لهم طريقة
ولهم شروط معينة

 

[ذكريات عشاق]

على طاري الملابس اذا ما خلوني البس بنطرونات بفصل لي عبي لان مستحيل البس تنانير هههههههههه

انزين يعني شنو فيها لو لبسنا البنطرونات الواسعه!!! جنها تنوره يعني لازم تنوره <<<عصبت لوووول

تصدقين مادري ليش وعاد احنا مدرسات ثانوية على قولتهم عشان البنات مايتعلمون منا ههههههه
يعني احنا بناثر على البنااات
والله يضحكووون
بس بصراحه انا ححيل تعودت على العباية من ايام الجامعه وانا دايما عباية اريح وخاصة للمدرسة حركة اكثر وشكثر قالولي الحين المدرسات دايما عبي

 

[fri2010]

ايه صح كلامج ذكريات بس بنت عمتي صار لها 10 سنين بالتدريس تقول ولا مره استخدمت الكمبيوتر في التحضير!

تقول بالكتابه اسرع!

بس لو في غلطه مو حلوه تمسحها بالكولكتر او ان تشق الورقه

ما احب البس عبايه بس اذا انجربت بين التنانير والعبايه راح اختار العبايه طبعا

 

[ذكريات عشاق]

اي اي صح الكمبيوتر بيضيع الوقت يعني متى يمديج تحضرين وتقومين تطبعين وتزهبين شغلج لباجر

وصح احس التنانير قديمة صارت محد يلبسها مثل قبل

وانا بعد افضل العباااية

 

[fri2010]

ايييه بس اذا استخدمتي الكتابه وصار في غلط تضطرين تعيدين من اول ويديد

ايه والله مثل ما قلتي محد قام يلبس تنانير

بس ان شاء الله مدرستي ترضى البس بنطرووونااااات

 

[miss shouq]

هااااااااي بنات
شلونكم
باجر بروح الوزاره عشان اوديلهم نتايج الفحص وبسالهم عن كل شي بصراحه طولوا السالفه

 

[miss shouq]

هااااااي بنات
شلونكم
باجر ان شاءالله بروح الوزاره اوديلهم نتايج الفحص وبسالهم عن كل شي بصراحه طولوا السالفه

 

[miss shouq]

هاااااي بنات
شلونكم
باجر ان شاءالله بروح الوزاره اوديلهم نتايج الفحص وبسالهم عن كل شي

 

[miss shouq]

سوري علق معاي ودز وااايد

 

[eastfem]

هاي بنات شلونكم شخباركم يااااني ولهانه عليكم لوووول

امس رحت سويت فحص الدم و كان لويه وزحمه وخصوصا شباك 20 والي يمه شنو هذا لا والى اخس من جذي الرياييل والحريم بشبك واحد !! غير الممر وايد ضيج عوووع وطبعا انا مره ناطه يمين ومره يسار ومره غايصه بالوسط وحسيت الى يمي ملت مني لووول بس شسوي الي يبون يمرون والى يبون يسألون يدرعمون خصوصا الرياييل لا ذوق لا ادب قطيعه. غير الممرضه ايدها ثقيله وكلنا على غرفه وحده سوتني الدكتورة بسرعه بسرعه حتى كنت لابسه عدسات قالتلي عادي حمدالله ولا نظري زيرو ماشوف شي مثل العيوز حمدالله على العافيه .

وقالتلي الموظفه ايي الاربعه عشان اخذ النتيجه واوديها ويا اوراقي للوزاره الله يعين بيكون رمضان وحر وانشالله تتسهل امورنا يابنات لووول مادري شحقه هالتقرير

وصباحكم عسل .

 

[ذكريات عشاق]

ممساء الخخير بنات

لا موووصج الحر والتعب ياابوي واربي يطولون السالفه واهيا قصيرة..

اخبار اليوم
رحت للمجلس الطبي وخذيت الاوراق ورحت للوزارة وعطيتهم اوراقي ووقعت جم ورقه وعبيت بياناتي بجم ورقه
وعطتني الموظفة وصل قالت عشان ندق عليكم
وتراجعونا قلت لها متى بدقون قالت على تاريخ 20 او 21
هالتواريخ هذي
وقلت لها انزين متى الدوورة قالت يمكن 24/8
وقلت لها جم يوم الدورة قالت اسبوع بس..!




وبعدين لما رديت البيت قعدت اسسسولف مع رفيجتي واهيا صارلها سنة ادرس
ونفس تخصص جنان الرىيسي فلسفة والمساند تاريخ

قلت لها شلون طريقة توزيعنا قالت على حسب النقص والتخصص
وقالت لي اول سنة يعطونكم مادة وطن عربي ومواد اختيارية مثل الدستور والصحه النفسية
واذا تمكنتوا يعطونكم مواد تخصص

انا احس احسسن جذي عشان مو على طول يعطونا مواد صعبه حبه حبه والا شرايكم..؟

 

[jen2n]

ذكريات: واللي ما تحب العبي شنو تسوي غصب يعني!!! انا اشوف البنطرون الفضفاضه والقميص الطويل احسن شي حق المشي والسرعه لووول والله هذيلا مواعيدهم مو مظبوطه لان يوم 20 السبت يصادف!! و ما نبي بالرمضان نداوم حق الدوره بنات تجمع التربيه الاساسيه قايلين لهم المنطقه إن 5/9 الدوره! وبعدين شنو ادرس دستور وصحه نفسيه انا شعرفني ولا بعمري خذيت هالمقررين الوطن العربي ياللا نبلعه بس هالمقررين شنو !!! والله شكلي بشتري كتب من الوزاره جذي ما ينفع

فراي: يه يه شالزين صايره مصوره بس وايد ناس يقولون زحمه مو طبيعيه وحر وقته بالمعرض!!


مس شوق: هايات موفقه إن شاء الله

ايستفيم والله معاناه تقريرج بس الله يعينج على الحر بالرمضان وصج الممرضه اللي تاخذ التحليل ايدها ثقيله انا للحين ايدي تعورني منها

 

[ذكريات عشاق]

ذكريات: واللي ما تحب العبي شنو تسوي غصب يعني!!! انا اشوف البنطرون الفضفاضه والقميص الطويل احسن شي حق المشي والسرعه لووول والله هذيلا مواعيدهم مو مظبوطه لان يوم 20 السبت يصادف!! و ما نبي بالرمضان نداوم حق الدوره بنات تجمع التربيه الاساسيه قايلين لهم المنطقه إن 5/9 الدوره! وبعدين شنو ادرس دستور وصحه نفسيه انا شعرفني ولا بعمري خذيت هالمقررين الوطن العربي ياللا نبلعه بس هالمقررين شنو !!! والله شكلي بشتري كتب من الوزاره جذي ما ينفع


هههههه اي والله مواعيدهم كلش مو شي شكلهم اخرتها صادمينا ويدقون بعد اسبوع ترى يسوونهااااااااا
والله مادري كل شوي لهم كلمة
بخصوص المواد رفيجتي تقول لان توكم
انا دشيت على موقع وزارة التربية ولقيت الكتب قعدت اقلب فيهم

 

[jen2n]

ايه والله يسونها بس ترا اهم لما يتصلون ما راح نروح المنطقه على طول لان في شي لازم نسويه بمكتب التنسيق

يعني في كتب بالموقع ذكريات؟

لما قلت حق امي اني بشتري تقول يمكن يقطونج متوسطه اشلون!!!

اقول لها حاطيني ثانويه اشلون يقطوني متوسطه!

 

[Q8Buying]

مبروك خلصت الفحوصات! .. الحين بننطر النتايج .. وبتبدي لنا أول مشاوير رمضان.. في استلام نتايج الفحوصات ..

إن شاء الله خير ..

وإن شاء الله يخلون موعد الدورة 5/9 ... أفضل شيء ..

لأن دوام الطلبة المتوسط والثانوي 18/9 ..

والابتدائي 13 جنه ..

 

[jen2n]

مبروك كويت باينغ خلصتي اهم شي عن زحمه مجلس الطبي

ايه معناه ان يمدي 5/9 اسبوع حق الدوره

احسن من ان نداوم امبجر ونقعد اسبوعين مع المدرسات حق سوالف الحريم لووول على الاقل بالدوره احسن

 

[ذكريات عشاق]

اي في كتب الحين بنزلج بالصور الطريقة اللي راح تقديرن تشوفين الكتب

 

[jen2n]

اوكي حبيبتي ما تقصرين