زوجي طقني ورحت لهلي

[ما كو اسم]

تصرفج صحيح 100% وحتن طلعتج من البيت صح بس كملي اللي بديتيه ولا اتخربين على روحج لا اطيحين عليه . على رمضان اذا ما بين شئ خل ابوج يكلمه بحجة ايام فضيله بس نصيحه لا ادقين لو شنو

 

[! بــدويه وآآيــد !]

،


حسبي الله عليه الا الطق كلش كلش ولا الطق
خلي ابوج او اخوج اكثر واحد حازم وقوي فيهم يدق يقوله جيب لولدك جذي وجذي وجذي محنا ملزومين فيه
واذا جاء طلعي قولي له وين الخدامه ؟ جيبها لان هذا من حقي الخدامه وغصبن عنك تجيها سوى كنت على ذمتك الحين والا على ذمة اهلي خدامة ولدي عليك والا انت شتسوي فيها شهاللعانه خلج قووويه ويبيني له انج بايعته وكارهته خليه يندم ويركض وراج اقسم الله قهرني والبنات الي يقولون لاتطلعين بعد قهروني يطقها بالعقال جنها مو آدميه مو انسانه ويقولون لها قعدي !​

 

[•Brown•Sugar•]

لاتفكرين بالطلاق دام بينكم ياهل
والله بتندمين والمرا مالها الا بيت ريلها
ردي وتعوذي من ابليس والله يهدي زوجج

 

[خير ان شاءالله]

شهالمسخره هذي انتي اللي تودين ملابسه !!! ولانج ماوديتهم تنطقين من صجه؟؟؟ شنو سايق عنده انتي؟؟

استغفر الله بس صراحه من القهر ماعرف شقووووووووووولج

 

[Freakya]

اب اب اب


قولي لنا شصار معاج =(

 

[بنت الفوزان]

اسمحيلي اهو مد ايده عليج عشان سبب تافه لو انا والله مارجع انتي مو رخيصه ماطلعتي انتي من بيت اهلج عشان تنهانين وتنطقين حتى ما تأسفلج ولا اعتذرلج ولا يكلمج عادي جن مو مسوي شي انا اقول خل يستريح

 

[عاشقة هواك]

لاتفكرين بالطلاق دام بينكم ياهل
والله بتندمين والمرا مالها الا بيت ريلها
ردي وتعوذي من ابليس والله يهدي زوجج

اناا وياهاااا :eh_s(17)::eh_s(17)::eh_s(17)::eh_s(17):

 

[ماحب اتدلع]

وين قاعدين يطقج مو بكيفة ودزي له مسج اييب اغراض للبيبي السالفة ماينسكت عنها خله يتأدب لا يتمادى بس ماتوصل للطلاق كل شي بالتفاهم

 

[صابرة الحمدلله]

انا مو مفكرة ابدا بالطلاق كلش الوحدة مو كل يوم لها زوج

وبالنسبه للخدامه هو عشان يحرني قال لاتاخذينها يبي يذلني وانا اقدر اخذها اصلا لما طلعت ماكان موجود وجوازها معاي بس عشان اثبت له ان ماهمني

وانا فاتحه جهازي وماكلمني ولا كلمته حتى ابوي زعلان ولا يبي يكلمه كلش

والله يهديه ان شالله ويدة لي ردا جميلا خواتي ادعولي ان الله يسخرة لي يارب​

 

[أسم والسلام]

الله يسخر قلبه لج ودزي أخوج يجيب لج الخدامه ومصروف أرسلي له مسج بهالشي

 

[يا عيون سمي]

الله يسخره لج حبيبتي سالفه الطق ترا عادي شوفي حال امهاتنا قبل والله ينطقون ويزفونهم ما يطلع منهم شي وصابرين وشوفي الحين عايشين احسن عيشه

 

[salamq8]

والله الطق صرنا نسمعه بكل بيت وزعل ورده وزعل ورده الله كريم

 

[يارب اشرح صدري]

هونيها وتهون ياقلبي فتره وتعدي صدقيني بس انت ان شالله مامنج غلط وان يكن لازم مايمد ايده أبدا شنو الجريمه اللي سويتيها عشان بالعقال الله يهديه لج ولنفسه ولبيته انت تعرفين زوجك ولاتفكرين بالطلاق عشان الحلوه اللي بينكم واذا اول مره يمد ايده زين سويتي ولا قعدتي عنده ولا راح يكررها وانا اعرف وحده زوجها مارضي تروح لأهلها بس قالته أوكي سامحتك بس أنا مستحيل تطقني واقعد عندك بروح يومين أغير جو عند اهلي بس عشان ينقرص ويحسب احساب أهالها وأنها أكيد قالتلهم وعلي حسب اذا زوجك زين انتي تعرفينه بعضهم عادي ديدنه بالحياة يمد ايده سوا مع الدوام مع خواته مع نفسه الحل الله يحلها ولاتفكرين انج اول ولا اخر وحده كان زوجها معصب ودش بينهم الشيطان عاد انتي فكري زين زوجي في حسنات ليش تنصرين الشيطان وتنهزمين ياما راح اتشوفين هذي الدنيا بس لازم تكونين قويه حبيبتي ادري الحين وصلتي بيت اهلج وتري أسبوعين مده كافيه المفروض اهوا جا بس يمكن منجرح من كلامج مالومج حبيبتي الحين دخلي اخوج او ابوج وادري صعبه بيقولون ليش اهوا المفروض اللي يجي طبعا صعبت السالفه فما بالج اهو إحساسه اكمل

 

[هيبة ملك]

ليتج ماطلعتي من بيتج وهو ماقصر حاول يراضيج

لكن ماعليه كل شئ يتصلح

ألحين طرشي مسج انج تبين أغراض للبيبي وصدقيني راح يجيكم وقتها لاكلمج شوفيه لاصار شاري تشرهي عليه
حيل موشوية وقولي كل اللي بخاطرج وتطولينها وبدون صراخ .وليقالج يلا بيتنا وتعذر منج روحي معاه لبيتج وتعلمي ماتخلين بيتج مهما صار... باين عليه طيب لكنه عصبي هذا طبعه

الله يهديكم ويجمع شملكم

 

[دموع أنثى]

السلام عليكم حبايبي انا زوجي عصبي لدرجه ماتتصورونها وانا دايم اتحاشى اكلمه​

اذا عصب عشان مايمد ايدة على ودايم يعصب على اسباب تافهه ماعنده شغل الا انا​

والحمدلله انا قايمه بكل حقوقي مخافه من رب العالمين وابي الجنه ​

في يوم الخميس قام من نومه الساعه5 ونص وسالني وانا نايمه اذا وديت له ملابس للمصبغه او لا​

وصراحه ماوديت نسيت وكان معصب وقال انتي مو مهتمه ببيتج بس تبين الروحات والمساير ​

وانا ساكته مارديت عليه ماخلا كلمه ماقالها وانا على فراشي ​

مادريت الا هو على راسي وطقني طق بعقاله لين طفى الحقد اللي فيه تخيلو اني من الصدمه​

خبيت نفسي وشال الفراش وطقني بعد لين خلص​

وقام وقال شيلي قشج انا مابيج ورديت عليه وقلت انا اللي مابيك ولا اقعد عندك​

وقمت فتحت باب الشقه وطرته بس ماطلع وسكر الباب وكلمت ابوي كان بدوامه وهو يشوفني وانا الم اغراضي​

وخذى تلفوني وكلم ابوي وقال انا اراضيها لاتاخذها ياعمي​

بس رفضت وقلت له انا ماقعد عندك انت مارحمتني وانا ماسويت شي ​

لاكفرت ولاسويت شي كبير عشان تعاملني جذي انا ماقصرت معاك وهذا جزاي​

هل جزاء الاحسان الا الاحسان​

والله اني رحت بحالت هسيريا وقمت اصارخ واهاوش​

وحتى قلت له انا لاني ابيك صبرت على انك ماتجيب اعيال الا بعلاج انابيب (ولدي عمرة4 شهور)​

وصراحه ندمت على هالكلمه الوحيدة لاني ماحب اتكلم على المرض ​

وبعدها طلع وماجى الا الساعه 9 وانا اجمع اغراضي وتخيلو يكلمني عادي ​

وطلب اسويله ريوق ولا بعد غدا وسويت وانا ماكلمه​

ويسالني بتسافرين يوم شاف اغراضي قلت بروح لهلي ويقول تروحين وتخلين زوجج وبيتج​

قلت زوجي باعني وطلبته يوديني بس قال اوديج وماخذ اغراضج واذا رحتي لاتاخذين خدامتج​

وبعد ماتغدا مشى وبعد ساعه جاى اخوي ورحت وخليت الخدامه وسكرت جهازي​

والحين صار لي من رحت اسبوعين ولا شفنا شي​

شسوي الحين؟​

ولدي يبي حليب ملابس حفاظات شلون اطلب ؟​

وانا اطلب مصروف ولا لا انا مو موظفه؟
​

أختي لو أنج قاعده ببيتج أحسن لج لان هذا طبع زوجج وأنتي تعرفينهم ومبين عليه أنه يبيج وشاريج ولاتحرمين ولدج من أبوه حرام وزوجج متحسف لكن مايدري شنو يسوي رجعي لبيتج وأحفظي زوجج ولدج ترا المره مو كل يوم لها ريل والله يهديه ويصلحه ويسخره لج وكثري من الأستغفار وصلاه الليل وسوره البقره

 

[يارب اشرح صدري]

المهم اللي أبيج تسوينه كله انشالله عشان تعالجين الامور فهمي الوسيط يتعامل مع زوجك بحذر دير باله يغلط ويعالج الغلط بغلط علي حساب بيتج المهم يبين له مامنج قصور ليش مارحمك وانتي زوجته وام بنته ومعلقه برقبته وليش تهون عليك بنتك أسبوعين ماشفتها عالجي الموضوع لاتبعدون اكثر وان شالله تردون احسن من اول ويعرف قيمتج ويرزقكم الذريه الصالحه اما بنته يتكفل فيها من الي حتي اذا انتي زعلانه بس صدقيني لاتكابرين شدراج يمكن نفسيته تعبانه لاتفرجين الناس علي بيتك وقوليله غلطه منها نتعلم والله يحفظه من بنات الحرام ويخليج نور عيونه انه القدير العفو

 

[ELFAD3Ah]

طلبي مصروف لج ولولدج هذا حقج بس انا اقول ردي بيتج احسن ولدج صغير حرام

 

[*شوقي معنيني*]

الي تقول ردي
لي متى كرامتنا تنهان واحنا ساكتين
الريال يبي القويه الي تعطيه
قرصه تمشيه سيده
حقنا ولازم مانسكت عنا الي يسكت عن حقه
شيطان"اخرس"
لو شنو عواقب الي بنمر فيها
اتعب سبوع سبوعين وارتاح طول العمر
ولا ارتاح سبوع سبوعين واتعب طول العمر
لو حتى دزه اسمها
مدت يد
احنا مو بهايم عشان ننطق
لا ياماما
واهي ماكفرت
احذي حقج الدنيا ماتمشي الى قوي
حقرييه خليه يعرف قيمتج
ترى حياة مو واقفه على ريال الحين تشوفينه عايش
حياته
طلعي روحي ردي
معاه ولا بدونه الحياة ماشيه
انصدم من الي يرض وخلي كرامته تنهان
عشان واحد ذلني
لا والف لا اوقفه عند حده لي متى نسكت نسكت
وراح نموت بحرتنا
وانصحج حبيبتي دخلي ابوج

 

[سارونهh_a_z]

الي تقول ردي
لي متى كرامتنا تنهان واحنا ساكتين
الريال يبي القويه الي تعطيه
قرصه تمشيه سيده
حقنا ولازم مانسكت عنا الي يسكت عن حقه
شيطان"اخرس"
لو شنو عواقب الي بنمر فيها
اتعب سبوع سبوعين وارتاح طول العمر
ولا ارتاح سبوع سبوعين واتعب طول العمر
لو حتى دزه اسمها
مدت يد
احنا مو بهايم عشان ننطق
لا ياماما
واهي ماكفرت
احذي حقج الدنيا ماتمشي الى قوي
حقرييه خليه يعرف قيمتج
ترى حياة مو واقفه على ريال الحين تشوفينه عايش
حياته
طلعي روحي ردي
معاه ولا بدونه الحياة ماشيه
انصدم من الي يرض وخلي كرامته تنهان
عشان واحد ذلني
لا والف لا اوقفه عند حده لي متى نسكت نسكت
وراح نموت بحرتنا
وانصحج حبيبتي دخلي ابوج

كلامج يبرررررررررررد القلب

 

[ScarletteO'Hara]

الي تقول ردي
لي متى كرامتنا تنهان واحنا ساكتين
الريال يبي القويه الي تعطيه
قرصه تمشيه سيده
حقنا ولازم مانسكت عنا الي يسكت عن حقه
شيطان"اخرس"
لو شنو عواقب الي بنمر فيها
اتعب سبوع سبوعين وارتاح طول العمر
ولا ارتاح سبوع سبوعين واتعب طول العمر
لو حتى دزه اسمها
مدت يد
احنا مو بهايم عشان ننطق
لا ياماما
واهي ماكفرت
احذي حقج الدنيا ماتمشي الى قوي
حقرييه خليه يعرف قيمتج
ترى حياة مو واقفه على ريال الحين تشوفينه عايش
حياته
طلعي روحي ردي
معاه ولا بدونه الحياة ماشيه
انصدم من الي يرض وخلي كرامته تنهان
عشان واحد ذلني
لا والف لا اوقفه عند حده لي متى نسكت نسكت
وراح نموت بحرتنا
وانصحج حبيبتي دخلي ابوج

كلامج عين العقل
انصدم من الردوج الي يقولون لها ليتج ما طلعتي من البيت
عيل تقعد لين يذبحها و لا شنو؟؟؟؟
شنو الي مجرأ الرياييل على حريم و كل يوم طاقينهم و مكفخينهم غير انهم يدرون انهم على كثر ما يطقونهم مردهم بيرجعون لهم ؟؟؟؟