وحنا قدها ان شاء الله عاد اول مره اجرب دوم لووول واليوم طفت على دوم الي في دبي مول الحين كل ما اشوفه بذكرج :eh_s(17): قريت السوالف اللي طافتني (أرد عليها بعدين لأني داشه من الآيباد) بس قروبنا صج نايم
ودي أطلع اللي بقلبي
بنت خالتي باطه جبدي، ذاك اليوم تقولي ليش ما تسوين تحزيم؟ مو أول مرة تقولي
وأمس قاعدين نسولف جان تقول آنا أبوي أول ما خذا أمي قالها إن متنتي راح أطلقج
وكنا قاعدين نسولف (كانت حاطتلي مكياج حق حفلة) جان تسألني ريلي شقال عن المكياج، قلت لها اهوا ما يحب المكياج، نوعه simple، ما يحب قمصان النوم... ومن هالحجي، جان تقول اي بس يقولون إن الرياييل ما يحبون حريمهم يسوون لهم جذي، بس إذا رفيجاتهم يموتون عليهم
واي حقيرة -.- جنه نغزة إن ريلي مو مرتاح وياي لأني مو ضعيفة وإن عنده رفيجات
بس جذي قاعده تعطيني دافع إن أضعف وأقهرها. يا كره الناس لي تدخلوا بخصوصيات غيرهم
مرحبا ^_^ شلونكم يا وردات
الحمدلله انتي شلونج بروت
يالله هانت ما بقى شي وتودعين الـ 100 ان شاء الله . . وان شاء الله ع العيد تكونين 90 او تعدينها
هلا بزنز، احنا زينين انتي شلونج؟
اليوم ودعت ال١٠٠
إن شاء الله أودع ال٩٠ عالعيد
تحرك التجمع هاليومين وان شاء الله يتنشط اكثر :eh_s(9):
اي آنا جم يوم ما كنت طاله بالتجمع وبس مسولفين صفحتين!!
بروت طاف ولا تحرقين قلبج وهالكلام خليه نقطة تغير ودااافع لج وانتي تقدرين ان شاء الله واهم شي انج اذا قررتي تلتزمين تستمرين ع الرياضة والاكل الصحي وان شاء الله يارب بتضعفين وبتحرينها
ومثل ما قالت فوفو لا تتكلمين عن ريلج شو يحب وشو ما يحب ابددددد ديري بالج حتى لاقرب الناس لج فكيف هذي وهي تحرج :/ بصراحه شي يقهررررررر
اي كلامها عطاني دافع
صح كلامج، على قولتهم خاويني وأخاويج آخذ ريلج وأخليج
وكلامها كله نغزات عن الوزن وعن ريلي -.-
يومياتي :
ما تريقت بس شربت ماي ع الريج
تغدينا انا ورفيجتي بمطعم اونو . . طلبت صدر دياي مشوي بالاعشاب ويا ماشد بوتيتو والطبق الجانبي المفروض خضره بس ماحب اكلها فطلبت فرايز بس كلت كمن حبه عن خاطري
والعصر شربت شاي
وعشاي شوربة pumpkin وقفشتين سلطة وقفشتين شاورما لحم
شربت ميغا دايت بعد العشا
والحين اشرب ماي وقبل ما انام بشرب شاي اخضر ان شاء الله
والحمدلله ع النعمه
وما اكتفي الا بـ portion لشخص هذا اقل شي لوول 
بنات انا خايفه برمضان وزني يزيد لأني بكل صراحه ما قاوم الحلو
يعني اقدر اسوي كنترول على نفسي اني اكل قطعه وحده من الحلو مثلاً بس ماقدر ما اكل
ابي نصاايح عشان احافظ ع الاقل على وزني اهم شي ما يزيد واذا نزل خير وبركة
ان شاء الله ناويه امشي قبل الفطور اذا الله راد وبحاول التزم بالمشي بس بعد مو متأكده من هالشي
صح صارلي اسبوع تقريباً استخدم بايو oil للسترتش ماركس المفروض مرتين يومياً بس احياناً استخدمه مره وحده وبحاول استمر عليه ان شاء الله اشوف نتايج حلووه
اخذته من بوتس وكان مكتوب عليه الـ best selling product ومتأمله خير ان شاء الله
.
بنات عندي سؤال : . .
الرياييل يلاحظون او يعلقون ع السترتش ماركس :/ ؟!
بنات احس لازم نحط اوزاننا .. لازم نحس إنا مراقبين عشان نلتزم عدل .. يالله حددو يوم هالاسبوع اننزل فيه اوزاننا والحاظر يعلم الغايب
