مشكلتي مع زوجي بعد أن فقدت جنيني!! أفيدوني

[Tantoshah]

السلام عليكم يا بنات

بدش بالموضوع على طول بدون مقدمات


أنا بالمختصر كنت حامل ب شهر ستة أعتقد بعضكم شافوا موضوعي وقدر الله وماشاء فعل وطاح الياهل والحمدلله حمدا كثيرا ظهري وايد ضعيف يا بنات انا تعذبت وايد ويعصرني قلبي يوم اتذكر ولان نفسيتي محطمة ما اعتنيت بنفسي وايد احس اني متروسة هوا انا جاهلة بالاجهاض مادري انه نفس النفاس والحين دورت بالنت وقريت أشياء ان شاء الله لها فائدة .. وبخصوص مشكلتي مع زوجي يوم درى اني حامل شالني بكفوف الراحة ودللني دلال وكل اييبلي فواكة كل يوم واي طلب ما يرفضة من عقب هالسالفة وايد اتغير علي جنه مو قادر يطالعني المهم تكلمنا وتفاهمنا والامل بالله عشنا حياة حلوة وسعيدة الحين صارلة أسبوع يسهر مرات للساعة 4 الفجر ومرات للساعة 7 وطبعا الصبح انسوا يروح الدوام والعصاري لي بليل كله مشغول ... انا حاسة بفراغ كبير ونفسيتي محطمة احاول اشغل نفسي مع بنتي وبالبيت بس هم ماكو فايدة ..

يوم الجمعة تهاوشنا لانه الفاظة بذيئة شوي دش الحمام كلمتة كان في موضوع ببيتهم صاير قلت له شفيكم عسى ماشر؟؟ انا كنت عالتلفون قالي بعدين ادق قلت له مابي بقعد عالخط جان يقولي ممكن أز ... العفو منكم انا وايد انصدمت مو لهدرجة طايحة الميانة يعني عشان انه ريلي الاحترام مفروض وعدمة يقتل الحب هذا من راي الشخصي سكرت التلفون وماكلمتة صارلي يومين بعدين ياني يستهبل ويتحرش فيني يبي يضحكني انا مو نكدية بنات بس اذا ما انحلت المشكلة بالنقاش والطرفين شرحوا حق بعض انه هالشي ممنوع او مرفوض وغير لائق مارح تنحل الأمور وانا طوفتله وايد اشياء لدرجة انه صار يستغل هالشغلة يعني حتى لو مشكلة كبيرة يهدني بالايام وبعدين يدخل من باب المزح والطرافة مرة مرتين جاريتة بس ما اقدر كل مرة ...

المهم كلمتة وقتلة انك مشغول عني طبعا كان بالديوانية ادزلة فوق الخمسين مسج واهو طاف بالوات ساب !! يغير الموضوع وانا وايد اتضايقت من اسلوب الطاف اللي يعطيني اقولة خل نطلع مافي فايدة يابنات انا راضية بقسمتي الحمدلله على كل حال بس مرات الطاف يحرق الدم ويكلمني ببرود يوم اقولة اسلني شنو فيني شنو أحس شنو محتاجة يقولي احبج يعني مسكتني احس انه طريقة استغلالية لتوقيف النقاش قلت له شلون تبيني اتعامل وياك عطيني حل من إهمالك شنو الحل:eh_s(11): يا بنات ... وتوة داق يصرخ علي يقول أنا مشغول وسكر بويهي ولا كأني تكلمت :eh_s(14): وأنا من ناحيتي يا بنات رح أقولكم شعوري مو قادرة أتقبل منه كلمة لأنة وايد جرحني بالكلام وأحس اني مهانة وبنفس الوقت اهو مايبي لا يعتذر ولاهم يحزنون يبي يسكر السالفة وتمشي الدنيا ...

أنا اللي ابيه يحس بالغلط يعتذر يقول اسف مارح اكررها مو لازم يعطيني كلام معسول وحب وسوالف انا كافي عندي يحس انه قلل من احترامي واهاني وانا سكت بس مو عارفة شالحل ؟؟ نار بقلبي وحرقة أعصاب أرجوكم افيدوني بنصيحة ودعاء في ظهر الغيب ان يفرج الله همي عاجلا غير اجلا ولكم بالمثل إن شاء الله

 

[لولو كـاتي]

اممم

امسكيه في يوم من الايام قوليله ابيك بموضوع مهم ودخلي الغرفه .. قولي انا ابي اتكلم وانت اسمعني اذا ممكن وطلعي كل اللي بقلبك


اووو اذا تتوقعين انه بيقاطعك اكتبي كل اللي بقلبك بورقه وخليه يقراها

حتى موضوع التاخير قوليله انت رجال سو اللي تبي بس حاول ماتتاخر كثير انا يضيق صدرري باخر الوقت بروحي



وانتي عيشي يومك عادي في بيتك رتبي وطبخي بس لا تتكلمين ولا تتناقشين اذا كلمك ردي من ورا خشمك

وانتظري كم يوم

وطول هالفتره ادعي ان الله يسخره لك

يمكن لعلى وعسى يجلس مع نفسه شوي ويفكر ويجيلك

يراضيك

والله يسخر لك زوجك يارب

 

[انا لحبيبي .]

حبيبتي اسمحيلي ، انتي غلط لانه زوجك بالحمام وانتي بدك ضلك على التلفون ؟؟ هاد اكبر غلط

تاني شي معروف ، انه المره بطبيعتها اذا ما طلعت يلي بقلبها وفضفضت ما بترتاح ، انتي حاولي فهميه انه نفسيتك تعبانه شوي وبدك شوية اهتمام وراحه نفسيه وانه محتاجيته وما بترتاحي الا لما يكون جنبك ، لانه هو اقرب الناس الك . يعني اضغطي على نفسك وحاولي حبيبتي عشان راحتك

الله يعوضك يارب العالمين ويرزقك الرزقه الصالحه ، ولا تزعلي حبيبتي ربنا اله حكمه بهالشي

 

[فوز22]

اسال لله العظيم رب العرش الكريم ان يسخر لك زوجج ويهديه ويهدينا آآجمعين

اقولج آختى اعملى اللى عليج..واصبري وصابري ؟
لأنج تعاملين ربك فى معاملة زوجج
وتاكدى ان الله عآلم ومطلع ولن يضيع حقج

وعليج بالدعاء في قيام الليل وكل وقت والاستغفاروالدعاء ان الله يسخر لك قلب زوجج ويرى منك ماهو طيب ولا ترين منه الا كل ما هوطيب؟؟
آآآميييييين

 

[Tantoshah]

اممم

امسكيه في يوم من الايام قوليله ابيك بموضوع مهم ودخلي الغرفه .. قولي انا ابي اتكلم وانت اسمعني اذا ممكن وطلعي كل اللي بقلبك


اووو اذا تتوقعين انه بيقاطعك اكتبي كل اللي بقلبك بورقه وخليه يقراها

حتى موضوع التاخير قوليله انت رجال سو اللي تبي بس حاول ماتتاخر كثير انا يضيق صدرري باخر الوقت بروحي



وانتي عيشي يومك عادي في بيتك رتبي وطبخي بس لا تتكلمين ولا تتناقشين اذا كلمك ردي من ورا خشمك

وانتظري كم يوم

وطول هالفتره ادعي ان الله يسخره لك

يمكن لعلى وعسى يجلس مع نفسه شوي ويفكر ويجيلك

يراضيك

والله يسخر لك زوجك يارب

مشكورة أختي ماقصرتي على هالكلام الطيب والله دزيتله مسجات كثير جني أكلم نفسي بس بجرب وان شاء الله خير

 

[Tantoshah]

حبيبتي اسمحيلي ، انتي غلط لانه زوجك بالحمام وانتي بدك ضلك على التلفون ؟؟ هاد اكبر غلط

تاني شي معروف ، انه المره بطبيعتها اذا ما طلعت يلي بقلبها وفضفضت ما بترتاح ، انتي حاولي فهميه انه نفسيتك تعبانه شوي وبدك شوية اهتمام وراحه نفسيه وانه محتاجيته وما بترتاحي الا لما يكون جنبك ، لانه هو اقرب الناس الك . يعني اضغطي على نفسك وحاولي حبيبتي عشان راحتك

الله يعوضك يارب العالمين ويرزقك الرزقه الصالحه ، ولا تزعلي حبيبتي ربنا اله حكمه بهالشي

شكرا كثير حبيبتي فعلا أنا غلطانة بس أنا على فكرة فكرت إنه دش الحمام يكلمني ما يبي يتكلم قدامهم !!! هذا ظني عشان جذي قلت ابي اقعد عالخط لقافة شكرا على الدعوة الحلوة ولك بمثل أجرها إن شاء الله

 

[نشيج الروح]

لا تعاندين وتقولين إلا الحين تقولي أو تسوي لي أو أو ....الخ
ولازم تعرفين سبب هروب زوجج من الواقع عشان تحلين المشكلة .... يعني لا يداوم وكله بره البيت وفجأة صار جذي .... بحثي وصارحيه

 

[الأميرة جوري]

الله يعوضج يارب...

 

[Tantoshah]

اسال لله العظيم رب العرش الكريم ان يسخر لك زوجج ويهديه ويهدينا آآجمعين

اقولج آختى اعملى اللى عليج..واصبري وصابري ؟
لأنج تعاملين ربك فى معاملة زوجج
وتاكدى ان الله عآلم ومطلع ولن يضيع حقج

وعليج بالدعاء في قيام الليل وكل وقت والاستغفاروالدعاء ان الله يسخر لك قلب زوجج ويرى منك ماهو طيب ولا ترين منه الا كل ما هوطيب؟؟
آآآميييييين

بارك الله فيك أختي الكريمة ولك بمثلها في ظهر الغيب أسعدني جدا هالكلام الطيب جزاج الله ألف ألف خير ووفقك الى ما يحب

 

[رحيل المرافيء]

حبوبة تكلمين الريال بالحمام خلصت الاوقات يعني هم انتي غلطانة بعد
ثانيا قلتي عنده مشكلة ببيتهم يمكن متضايق منها تقولين صار له اسبوع خليه على راحته مو وراه وراه
خلاص ريحي عمرج مو كل مادش البيت هواش ونجرة خلاص ابدي صفحة يديدة جنه شي ماصار
ولاتدقدقين عليه خليه على راحته
وترى حتى الريال يتؤثر من الاجهاض مو بس المرة

 

[Tantoshah]

لا تعاندين وتقولين إلا الحين تقولي أو تسوي لي أو أو ....الخ
ولازم تعرفين سبب هروب زوجج من الواقع عشان تحلين المشكلة .... يعني لا يداوم وكله بره البيت وفجأة صار جذي .... بحثي وصارحيه

فعلا شكرا عالمرور الطيب الله يوفقج

 

[Tantoshah]

الله يعوضج يارب...

أمين وأجمعين يارب

 

[Tantoshah]

حبوبة تكلمين الريال بالحمام خلصت الاوقات يعني هم انتي غلطانة بعد
ثانيا قلتي عنده مشكلة ببيتهم يمكن متضايق منها تقولين صار له اسبوع خليه على راحته مو وراه وراه
خلاص ريحي عمرج مو كل مادش البيت هواش ونجرة خلاص ابدي صفحة يديدة جنه شي ماصار
ولاتدقدقين عليه خليه على راحته
وترى حتى الريال يتؤثر من الاجهاض مو بس المرة

مشكورة أختي عالرد فعلا كان متضايق بس انا حسبت انه دش يكلمني .. ممكن أعرف أكثر عن تأثر الرجل بالإجهاض لو تكرمتي ترى هو ماقالي شي قالي الحمدلله والشكر خيره وقام يراضيني ويضحك معاي يقول بكرة نجيب 10 مرة وحدة راح اخليج تولدينهم بس انا ادري انه قلبه معصور لاني تعبت وايد

 

[شقرديه كيوت]

الله يهديه لج

 

[مألوفة]

حبيبتي انا حالتي نفس حالتج هم يروح الدوانية من العصر لين الصبح ولا رد ما يحاجيني ولا يقولي اسف تاخرت عليج

لا يا يحط راسه وينام ولا جني موجودة حبيبتي هذيلي الرياييل الله يعينج انا هم كاتبة موضوع اهني بنفس مشكلتج ويمكن انا اكثر يا عمري ماكو فايدة انا مليت وانا اكتب رسايل ولا راح الدوانية يا ويلي اكتبله رسالة يقول انا قاعد مع ربعي وانتي قاعده تحرقين باعصابي
والله اني حاسة فيج لاني بنفس حالتج ونفس معاناتج عدم الاهتمام

ولا ييت اكلمه بالموضوع يقول تبين تتناجرين؟ صكي الموضوع وخلصينا يلا

وبالنسة للياهل اللي طاح الله يعوضج خير حبيبتي وانشالله اتحملين مرة ثانية ولا عاد تفكرين بشي راح طلبي ربج يرزقج والله كريم ما يبخل على عباده موفقة

 

[Tom ♥ Jerry]

.،


آممممممممم آعتقد آنه الريال مضغوووط من آهله والشغل و ربعه
و هم انتي قاعده تضغطين عليه .،

خليه شوي عطيه رآحته يا قلبي .،
يمكن صايره مشكله كبيره في بيت آهله و مأثره على نفسيته .،

 

[هيبة ملك]

الله يعوضج خير ويرزقج بالذرية الصالحة

بالنسبة لزوجج خليه عطيه فجه خليه يفقدج ويدورج
لاتلحين عليه ولاتطرشين له شئ ولا تدقين ولارد لج حاجيه بكل صراحه

هذا مثل زوجي بالضبط يقط الحجي ويرد جنه ماسوى شئ

 

[Tantoshah]

الله يهديه لج

ويهدي الجميع مشكورة عالمرور

 

[ام حمد 85]

عسى الله يصلح ما بينكم ويرزقج الذريه الصالحه بالقريب العاجل عادي الاجهاض عقبها اب 3 شهور تقدرين اب حيل الله تحملين لو تابعتي التبويض مع دكتور شاطر ولا زم بالدوره تهتمين عشان يروح الهواء اللي فيج وما عليج شر ان شاء الله

 

[Tantoshah]

حبيبتي انا حالتي نفس حالتج هم يروح الدوانية من العصر لين الصبح ولا رد ما يحاجيني ولا يقولي اسف تاخرت عليج

لا يا يحط راسه وينام ولا جني موجودة حبيبتي هذيلي الرياييل الله يعينج انا هم كاتبة موضوع اهني بنفس مشكلتج ويمكن انا اكثر يا عمري ماكو فايدة انا مليت وانا اكتب رسايل ولا راح الدوانية يا ويلي اكتبله رسالة يقول انا قاعد مع ربعي وانتي قاعده تحرقين باعصابي
والله اني حاسة فيج لاني بنفس حالتج ونفس معاناتج عدم الاهتمام

ولا ييت اكلمه بالموضوع يقول تبين تتناجرين؟ صكي الموضوع وخلصينا يلا

وبالنسة للياهل اللي طاح الله يعوضج خير حبيبتي وانشالله اتحملين مرة ثانية ولا عاد تفكرين بشي راح طلبي ربج يرزقج والله كريم ما يبخل على عباده موفقة

حبيبتي الله يهدية ويسخرة لج إن شاء الله ماقريت الموضوع مالج ماعليه ونعم بالله الله يعوضني ويعوضك بالأحسن والأفضل والخيرة في ما اختارة الله الحمدلله على كل حال