بنتج او ولدج كانوا يستفرغون واايد ... تعالي فيديني

[Om 3zo0oz_2011]

السلام عليكم



بنات أنا ولدي من يوم عمره يوم لي الحين دش ال 6 أشهر وهو يرجع من يشرب المميه لييين رضعته الثانيه وهو يرجع بالدقيقه :eh_s(4):
ومالاحظت ان خف :eh_s(10): لمن دخلت الاكل بعد


وديته الطبيب وخذوله سونار وكل شي تماااااااااااااااام طبيعي الحمدالله

ام ريلي قالت ان ابوه جذي يوم كان صغير يرجع واااايد بس وقف يوم دش ال 5 شهوور
يعني وراثه علي ابوه :eh_s(14): بس ولدي بعده




انا الحمدالله تعودت عليه مو مضايقني عسل علي قلبي بس كرهت الطلعه كل دقيقه اغير ملابسه ويدمرني وما احب أكشخه لان كلا صدااري وبالدقيقه اغير بدلته حياتي يكسر خاطري كلا حاطته بالعربانه ما أشيله كلش والحريم فلم رعب محد ياخذه لووول كل وحده تاخذه من الحريم يسبحها وعليااااا وانا بس اطلع هالورق الديتول وامسح لوووول




منو الي عانت مثلي ومتي وقف !!

 

[حلوه ولمآحه]

الله يخليه لج حبيبتي
بنتي كآنت جذيه بس بالسادس خفت وايد
وماعليه عطيه وخليه يستفرغ لانه لازم المعده تكبر وتتوسع
واذا على الطلعه خذيله تبديلآت معآج
وخذيله من الصداري الي ملبس من تحت بلاستك
وله جموم تدخل بيدينه وتغطيه
لبسيه قبل الرضعه وخليه عليه ليمآ تستفرغ
وانتي لازم بعد الرضعه تكرعينه

 

[*ماي الورد*]

استعملي حليب الارتجاع وايد يخفف

 

[لوكي 22]

يمكن فيه عظيم
انا كان بولدي وديته دكتور يعرف بهالسوالف رفعها كانت نازله حيل
والحمدلله خف صار احسن من قبل ووزنه رجع صار احسن

 

[ام ميميتو]

الله يعينج حبيبتي انا انا ولدي لما كان صغير كان ارجع كل ما يشرب الحليب بس غيرتله الحليب تحسن بس يمكن انتي مثل ما قالتي وراثه اهم شي اذا كانت صحته زينه و وزنه زين لا تشيلين هم ما عليه شر ان شاءالله والله يخليه لج يارب

 

[هيبة الطاووس]

انا بنتي جذي مو وراثه شكو المعده

والله من عمرها يوم ترجع والدكاتره الله يهداهم عادي عادي

وصلت مرحله اذا بيشيلها احد اقوله ترجع لا تشيلها فشله تسبح الناس

يكفي تسبحني بروحي المهم من دشت الخامس قلت ماكو فايده وديتها

دكتور عبد الله فرحان وشافها قال اسمه الترجيع المزعج وعطاني دوا اسبوعين

وخلاها على حليب الارتجاع قالي لما تبدي تاكل وتقعد وقفيه ولله الحمد الترجيع

شبه انعدم وبنتي ماشا ء الله حتى عليه طلعت لها بطه بريلها قبل عظام وجسمها بو شهرين

شربيه حليب الإرتجاع ابتاميل احسن شي في ماده صمغيه وتنظم الخروج بعد والغازات

 

[.،:"$الـعـوبــــة$":،.]

يمكن فيه عظيم
انا كان بولدي وديته دكتور يعرف بهالسوالف رفعها كانت نازله حيل
والحمدلله خف صار احسن من قبل ووزنه رجع صار احسن

منو هالدكتور ؟؟

شكله حيل شاطر ،،:rerrerek:

شوفي يالغاليه انا بناتي الثنتين نفس المعاناة،

الاولى حيل توهقت وماعرفت شسوي خصوصا انها كانت بكري !!

والله من الخوف اقعد ابكي تكسر خاطري !:eh_s(11):

وديتها سعاد البصيري ووصفتلي حليب للارتجاع ،

وقالت لي لما ترضعينها لا تنومينها عادي ،

اشتريلك كرسي يكون مايل وخليها دايم فيه عشان مايصعد الحليب لفوق وتضطر انها ترجعه ،

بعد الرضعه وبعد مايترع ، لاتخلين احد يشيله ويحركه بزيادة ،

وعطتني دوى كبير مدري شنو اسمه خلتني استمر عليه اسبوع ،

والحمدلله حيل تحسنت بنتي لما تمت 6 شهور ،

بنتي الثانيه طلعت نفس اختها بس هالمره عرفت اتصرف وعادي الحمدلله حتى قدرت اخفف الترجيع من عمرها 4 شهور ،

يعني حبه حبه بتصيرين خبره وعسى الله يخليه لك يارب ،​

 

[PuPa^^SWeeT]

ربي يخليه لج

انا بنتي الثانية اسم الله عليها

سنة كاملة واهيا تستفرغ الحليب الماي الاكل


يعني من رضعة لي رضعة اترجع


من وجبة لي وجبة تستفرغ


بس من كملت سنة وقف كل شي و صارت طبيعية

 

[Om 3zo0oz_2011]

بنات يعطيكم العافيه ماقصرتوا
بخصوص حليبه حتي صدري يرجعه غيرت حليبه 3 مرات ماكو فايده عطيته الخفيف نان همن ماكو فايده

اختي العوبه
انا مره نزلت موضووع من شهرين ورديتي علي ماقصرتي وجربت طريقتج اول ما ارضعه بسرعه اسدحه محد يشيله همن ماكو فايده
واتريعه وكل شي

بوديه عند الدكتور بس ياليت اختي لوكي 22 تعطينا اسم الدكتور!!

 

[الأمل الأبيض]

ماايشوف شر ان شاء
اهم شي وزنه يزيد اذا يزيد مافي ضرر ان شاءالله
تغير الحليب كذا مره حيييييل غلط خلج علي حليب واحد
المشكله بمعدة البيبي موووو الحليب
في دوا اسمه ميتيليم تقريبا جذي اسمه
خاااص للارتجاع ومافي ضرر اشتري و عطي ولدج منه ٢ملي او اسألي الصيدلي
عن الجرعة علي حسب وزن ولدج
عطيه قبل الرضعه
بعدين لا تكثرين له حليبه حاولي تعطينه اقل شوي
يمكن يرجع لان حليبه اكثر من حاجته ولا تعطينه الا لما يكون صج صج جوعان
شربيه حليب و هو قاعد مو منسدح
بعد الرضعه نوميه علي بطنه بحضنج ولا بمخده شوي مرتفعه
وان شاءالله ما يشوف شر

 

[Om 3zo0oz_2011]

الأمل
حبيبتي ماقصرتي انا ولدي ضعيف بس ما ادري اذا قاعد يزيد او لأ انا اسملا عليه ولدي دش السادس والي الحين البسه من 0 الي 3

والحين من شهرين ماغيرته له انا بعد ما احب كل دقيقه اغير حليبه قلت ما ابي اغير حليبه ابي حل ثاني
والله ما يشرب الا 3 ارقام ومرات رقمين ونص وبالغصب يشربه بعد

 

[الأمل الأبيض]

وديه الدكتور محمد سعيد رجال فاهم و يفصص لج ولدك
و هم يقولج اذا وزنه طبيعي ولا لأ و شنو تعطينه
و شرحيله حالته و الارتجاع الي فيه و ان شاءالله مافيه الا العافية

 

[الأميرة جوري]

غيري حليبه...الحمد الله ماصار لعيالي جذيه بس بنفاس وايد

 

[Q8tya_GirL]

عادي الترجيع انا بنتي ولدي كان جنه نافووره
وبالطلعه يتلفوني من الترجيع ونفس ما قلتي كل شوي لازم ابدل ملابسهم
بس ما راح الترجيع الا لما صار عمرهم 9 شهور مع انه بنتي البجر ولدي هم يبته يرجع الظاهر وراثه فلا تخافين شي طبيعي

 

[kanoosha]

منو هالدكتور ؟؟​

شكله حيل شاطر ،،:rerrerek:​

شوفي يالغاليه انا بناتي الثنتين نفس المعاناة،​

الاولى حيل توهقت وماعرفت شسوي خصوصا انها كانت بكري !!​

والله من الخوف اقعد ابكي تكسر خاطري !:eh_s(11):​

وديتها سعاد البصيري ووصفتلي حليب للارتجاع ،​

وقالت لي لما ترضعينها لا تنومينها عادي ،​

اشتريلك كرسي يكون مايل وخليها دايم فيه عشان مايصعد الحليب لفوق وتضطر انها ترجعه ،​

بعد الرضعه وبعد مايترع ، لاتخلين احد يشيله ويحركه بزيادة ،​

وعطتني دوى كبير مدري شنو اسمه خلتني استمر عليه اسبوع ،​

والحمدلله حيل تحسنت بنتي لما تمت 6 شهور ،​

بنتي الثانيه طلعت نفس اختها بس هالمره عرفت اتصرف وعادي الحمدلله حتى قدرت اخفف الترجيع من عمرها 4 شهور ،​

يعني حبه حبه بتصيرين خبره وعسى الله يخليه لك يارب ،​

نفس بنت بالضبط وديتها للبيصير ونفس الكلام اللي قالته لج

 

[miss mama]

انا ولدي تعذبت لما كان صغير الحليب مايقعد ببطنه وماخليت حليب ولا ادويه وكل ششي سووويته مافاد. اخرتها طلع معاه حساسيه من الحليب جسمه ومعدته مو متقبلته ولا تهضمه وصارت مشاكل من ورا هالحليب وياريت احد فادني ونصحني اسوي تحليل واشوف اذا عنده حساسيه من الحليب مريت معاه بكابوس ولحد اليوووم اعابله فيه ومانعه عنه اي شي فيه مشتقات الحليب. مابي اطوول عليج السالفه لكن نصيحتي لج تسوين لولدج تحليل حساسية الاكل وتشوفين شيطلع معاج. الله يحفظ ضناج من كل شر ويفرحج فيه ً

 

[<<لمار>>]

اهم شي تراقبين وزنة اذا طبيعي عادي ولاتحاتين بروح مع الوقت وجربي الميتيليوم زين يخفف هالشي انا ولدي جذي من اشوفة زاد ترجيعة عطيتة اياة

 

[مدمنة ككاو]

ام عزوووز حبي شلووونج لج وحشه

شخبار عزيزان ؟

حبيبتي انا بجري كان جذي بس اشيل من حلجه المميه يطلع الحليب دافي ومثل النافوره كله مره وحده

وعطوني له حليب اس 26 ضد الارتجاع خفف بس بشكل بسيط
وظل بالترجيع لين كمل السنه وقام يمشي خف شوي شوي لين وقف

بس اهو طبيعته يرجع بسرعه اذا اكل زياده يرجع
اذا ضحك وايد يرجع

بس ان شاء الله ولدج مو نفسه

يمكن اهي فتره ويوقف

وديه عند الدكتور فهد المخيزيم وايد ممتاز يعطي حق اللي عنده ارتجاع زايد مثل النقط بالفم تخفف من الترجيع لانها تقوي المعده والمريء

 

[ايووه]

حبيبتي أنا نفس حالتج
من كان ولدي بالمستشفى توه والد وهو يستفرغ بشكل موطبيعي,, قالولي نفس ابوه وراثة بس يكمل 4 شهور يوقف وماوقف ,, لاطلعه افرح فيها ولالبسي ع طول يدمرني وع قولتج 24 ساعه عليه صدريه حتى لبسه محد يشوفه ولا احد يشله ومن الاستفراغ ولدي صار عنده حساسيه بصدره
غيرت حليبه اكثر من مره حتى حليب الاسترجاع جربته ومانفع صار يستفرغ حليب ثقيل وتعب منه حبيبي
قلت يمكن عنده حساسيه من الحليب فحصته ماعنده حساسيه
لما صار عمره 6 شهور تعبت منه حيل ودورت بالنت ولقيت الحل .. توكلت ع الله وشريت رضاعات د.براون قلت يمكن الهواء يدش المعده ومايصير مكان للحليب بفضل الله ثم اهي وقف ترجيع بس بعد شهر من الاستخدام
أول شهر بتلاحظين يستفرغ بس بشكل اقل ومع الوقت اذا تعود علبيها راح يوقف ,, بس أنا غيرت حلماتها وحطيت حلمة بيجون لان ولدي متعود عليها
جربيها وتوكلي ع الله ,, ولدي عمره الحين سنه وشهر يستفرغ اذا ضحك واجد أو بجى واجد بس لكن الحمدلله مونفس قبل 24 ساعه
ع فكره هذي بنية المعده عندهم حساسه

 

[نسيانك صعب]

انا عندي بنتين وولد الله يحفظهم نفس حاله ولدج بالضبط بس انا لما يكملون سنه يوقف الترجيع اول ماجبت بنتي بجري كنت اتضايق من هالسالفه وكانت تكسر خاطري ووديتها الطبيب وعطوني حليب لالرتاج بس اخوانها الي بعدها عادي تعودت وعرفت لهم عادي حبيبتي لا تحاتين انا كل عيالي جذيه