(( ياغلطتي بالعـمر وشلون أعدلك )) .. ثاني كتاباتي / ρeαrℓ

[ρeαrℓ]

^^

نورتي ياقلبي

 

[q8dvd2000]

يعطيييج الف عااافيه يا قلبي
بصراخه صارلي سنتين يمكن ماقريت قصص من المنتدى
بس قصتج شدتني
بس شكلها القصه ببدايتها الحين شينطرني ليما تخلص
وع العموم يعطيج الف عافيه قصتج وايد حلوه
وياريت تستعيلين لنا بالبارتات

 

[ρeαrℓ]

يعطيييج الف عااافيه يا قلبي
بصراخه صارلي سنتين يمكن ماقريت قصص من المنتدى
بس قصتج شدتني
بس شكلها القصه ببدايتها الحين شينطرني ليما تخلص
وع العموم يعطيج الف عافيه قصتج وايد حلوه
وياريت تستعيلين لنا بالبارتات

الله يعافيج ياقلبي .. ويسعدني أنها عجبتج
وان شاء الله مرح تطول .. :eh_s(7):
نورتي .. ولاتحرميني من مرورج

 

[ρeαrℓ]

..

محمد : ألو
فهد ( أخوه ) : ألو .. شلونك محمد ..؟
محمد : بخير .. انت شلونك ..؟
فهد : آنا بخير دامك بخير
محمد : شتبي داق غريبه
فهد : أبيك بموضوع .. وين أشوفك ..؟
محمد : شبيني وبينك على شان تبيني بموضوع
فهد تضايق : محمد أكلمج من صجي
محمد : وآنا أكلمك من صجي .. خير
فهد : بخصوص أنك أخوي أبيك بموضوع .. زين جذي
محمد : وتوك تدري أن عندك أخو
فهد : محمد ماله داعي الكلام الحين خلني أشوفك وبعدين يصير خير
محمد : زين زين .. مرني البيت
فهد : ان شاء الله

...

[ بالسياره ]
محمد : مشاء الله .. هذي من سيارته
فهد : مالت أمي
محمد : زين شتبي
فهد : نروح نتعشى
محمد : اذا على حسابك ليش لا ..؟
فهد بابتسامه : أوكي

...

[ بالمطعم ]
محمد يشرب ماي : فهد ترى صارلي ساعه ناطرك .. تكلم شعندك
فهد : بصراحه .. آنا بكلمك بموضوع بس لاتفهمني غلط
محمد رفع حاجبه : بخصوص
فهد : آنا اليوم سمعتكم أنت وأبوي لمن تهاوشتوا .. محمد يعني لي متى هالمشاكل .. شنو مايصير تحلونها
محمد عصب : أسأل أبوك مو تسألني
فهد : ماعليه .. أهو ترى وايد طيب .. بس أنت شايف أسلوبك معاه شلون .. حاول تعدل أسلوبك معاه صدقني بيتغير
محمد : آسف .. لمن أهو يعدل أسلوبه معاي .. آنا أعدل أسلوبي معاه
فهد : بس أهو أبوك مهمى يسوي المفروض تحترمه
محمد : فهد رجاءا سكر السالفة
فهد : لا ماني مسكرها .. أنت على بالك احنا نكرهك .. بالعكس كلنا نحبك ترى
محمد : أي مبين
فهد حط ايده على يد محمد : صدقني أنت أخونها والظفر عمره مايطلع من اللحم
محمد يستهزأ : امبلى يطلع
فهد : محمد عشان خاطري جرب تتسامح منه .. واذا مافاد خلاص
محمد : أخاف أمك تزعل
فهد يبتسم : أمي طيبه .. بس عصبيه شوي .. بس والله قلبها طيب
محمد : مبين
فهد : دق اتسامح منه .. ترى أبوي اليوم متضايق من تصرفك
محمد : يعني لهدرجه أهمه
فهد : شلون ماتهمه انت ولده
محمد بتردد : يعني أدق عليه شقوله
فهد : اتسامح منه
محمد يدق

...

منيره : جاسم تلفونك يدق
جاسم توه يخلص من الصلاة : منو
منيره تعطيه التلفون : شوف منو ..؟
جاسم بعصبيه : شتبي
محمد ماسك أعصابه : شلونك يبه
جاسم بضيق : مشاء الله صرت تعرف تقولها .. زين والله
محمد حاس بالذنب : آسف
جاسم : على شنو
محمد : على الي صار اليوم
جاسم : ماعليه يبه حصل خير
محمد : يعني سامحتني
جاسم بابتسامه : أي .. بعد شلون ما أسامحك وأول مره تسويها وتعتذر
محمد يبتسم بضيق : مشكور
جاسم : تبي شي
محمد : لا سلامتك
جاسم : سلم على أمك
محمد : يوصل ان شاء الله .. مع السلامه
جاسم : مع السلامه

...

منيره معصبه : شكو تقوله سلم على أمك
جاسم : منيره الله يهداج شفيج عصبتي
منيره : لا وشلون ما أعصب .. أشكره جدامي تقوله سلم على أمك
جاسم : لاحول ولاقوة الا بالله .. منيره لاتكبرين الموضوع
منيره تهدي نفسها : وشيبي داق .. مشكله يديده من مشاكله
جاسم : لا داق يعتذر عن الي صار اليوم
منيره : مشاء الله وحمود من متى يعرف يعتذر
جاسم : منيره خلاص ترى كلش ماله داعي
منيره بخبث : أكيد يبي شي .. والا ليش يعتذر
جاسم : لو يبي شي جان قال .. أعرف محمد مو هذي سوالفه

...

فهد : شصار
محمد : شبيصير يعني .. أكيد سامحني
فهد : أتمنى أن مشاكلكم ماتتكرر
محمد : والله مادري شقولك .. بس ماضنتي
فهد : محمد بقولك شغله ترى كل شي يصير بالكلمه الحلوه
محمد : ان شاء الله

...

بطرف ثاني بالمطعم كانت قاعده ساره
ساره بقلبها : هذا مو جنه محمد .. منو الي معاه .. معقوله فهيدان أخوي .. يحليلهم .. خليني أروح عندهم .. يمكن محمد يغير نظرته فيني

...

[FONT=Times New Roman (Arabic)][FONT=Times New Roman (Arabic)]ياكثر ماشلت فى قلبى عليك .. ياكثر ما قلت ماسامح خطاك[/FONT][/FONT]
[FONT=Times New Roman (Arabic)][FONT=Times New Roman (Arabic)]من اشوفك ترجف اضلوعى تبيك .. واثر هذا كله من حرة هواك[/FONT][/FONT]
[FONT=Times New Roman (Arabic)][FONT=Times New Roman (Arabic)]اخلق الاعذار من لمسة ايديك .. والمس جروحى واداريها دواك[/FONT][/FONT]
[FONT=Times New Roman (Arabic)][FONT=Times New Roman (Arabic)]قوتي ضعفى وضعفي انى ابيك .. وانت موعارف انى ما اعشق سواك[/FONT][/FONT]

[FONT=Times New Roman (Arabic)][FONT=Times New Roman (Arabic)]ابتليت بحب جعله يبتليك .. ويا عساك تذوق حراتي معاك[/FONT][/FONT]
[FONT=Times New Roman (Arabic)][FONT=Times New Roman (Arabic)]صرت انا الحين ما اغفى بلاك[/FONT][/FONT]
[FONT=Times New Roman (Arabic)][FONT=Times New Roman (Arabic)]ما ابيك اليوم وباكر احتريك .. واللى بعده واللى بعده ياملاك[/FONT][/FONT]
[FONT=Times New Roman (Arabic)][FONT=Times New Roman (Arabic)]حسبى الله على الهوى وحسبى عليك .. الله ياخذنى والا انه ياخذك[/FONT][/FONT]


...

ساره : قوه فهود
فهد بابتسامه : هلا ساره
ساره بتردد : شلونك محمد
محمد يلف ويهه عنها : اوف
ساره باصرار : سألنا شلونك
محمد بقلبه : ماتستحي
محمد بنفسيه : زين
فهد : شيايبج بروحج
ساره تقعد على الكرسي : رفيجتي كانت موجوده بس راحت قلت أقعد معاكم
فهد : حياج
محمد يبتسم : دام أختك يت آنا شمقعدني
ساره قامت : اذا وجودي مضايقك آنا ماشيه << وراحت
فهد : شفيها هذي
محمد : شدراني

...

[ بالسياره ]
فهد : مو تقطع
محمد : وانت بعد
فهد يبتسم
محمد : حياك بيتنا
فهد : لا مره ثانيه ان شاء الله
محمد : أنت ولامره ييت بيتنا حياك .. لاتردني عاد
فهد : يالله مرح أزعلك
محمد يبتسم

...

محمد بصوت عالي : يمه معاي ضيف
حصه : حياك يمه
محمد : تفضل
فهد منزل راسه : شلونج خالتي ..؟
حصه باستغراب : هلا يمه .. الحمدالله بخير
محمد : اي نسيت أعرفج .. فهد أخوي
حصه بابتسامه : هلا يمه فهد شلون أمك وخواتك وأبوك أن شاء الله بخير
فهد : الحمدالله كلهم بخير
حصه : دوم ان شاء الله
فهد : ماتقصرين
حصه : حياكم تفضلوا ليش واقفين ..؟
محمد : أي صح صح حياك خيي
حصه : تبون شي
فهد : سلامتج خالتي
محمد : لاتستحي أعتبر البيت بيتك
فهد يبتسم
حصه : رايحه أسويلكم شي تشربونه << وراحت
فهد وأهو يطالع البيت : محمد بسألك سؤال بس لاتفهمني غلط
محمد باستغراب : اسأل
فهد : البيت .. بسم أبوي
محمد : شقصدك يعني
فهد : محمد الله يهداك قلت لك من الأول لاتفهمني غلط
محمد : لا هذا بيت أمي
فهد : امم .. ماعليه محمد
محمد : شنو
فهد : لاتتوقع أني راضي على الي أبوي يسويه
محمد : ترى أنت متناقض .. قبل شوي تقولي تأسف منه والحين مو راضي عن الي يسويه
فهد : تتأسف منه اي .. بس همن في تصرفات اهو يسويها غلط بحقك وانت بعد .. بس لازم تتسامحون على شان ماتكثر المشاكل عدل كلامي
محمد : أي عدل
فهد : يالله أنا بمشي
حصه تطلع من المطبخ : وين تو الناس
فهد : مره ثانيه يمه
حصه : زين أشرب لك جاي
فهد : ودي أقعد القعده معاكم ماتنمل بس وراي دوام
حصه : خلاص عيل أوعدني تزورنا مره ثانيه
فهد : ان شاء الله << وطلع
حصه تقعد يم محمد : أي يمه جذي لازم تقوي علاقتك مع أخوانك وأبوك مهمى يكونون هذولي أهلك
محمد نزل راسه : ان شاء الله يمه .. بس شسوي اذا أهم مايبوني
حصه : وليش مايحبونك .. شوف أخوك شلون مستانس
محمد : فهد والله طلع خوش واحد .. اليوم تسامحت من أبوي
حصه : زين سويت يمه
محمد : يعني صح الي سويته
حصه : أكيد صح
محمد يلمها : الله يخليج لي
حصه : ويخليك لي ياعمري .. وأن شاء الله أشوف عيالك وعيال عيالك
محمد يطالعها ويبتسم : ومنو قالج أني بتزوج
حصه تطقه : وليش ماتتزوج شناقصك
محمد يبتسم : ما أبي أييب لج وحده تضايقج .. بروح الي فيج مكفيج
حصه : يابعد عمري يايمه تفكر فيني .. لا ان شاء الله بتتزوج البنت الي بتسعدك وتكون زينه معاي

...

اليوم الثاني المغرب
حصه تدق على ساره
ساره : هلا خالتي
حصه : وينج يالقاطعه لاتمرين ولاتسألين
ساره : ماعليه خالتي بس هالايام صايره أنشغل وايد
حصه : يالعياره .. ادري عشان محمد .. تعالي محمد مو موجود
ساره تبتسم : امم يعني أمان هههههه
حصه : تدوم الضحكه ياقلبي .. تعالي يمه أشتقت لج
ساره : ان شاء الله خالتي

...

حصه : حيالله من يانا .. تو مانور البيت
ساره : منور بوجودج خالتي
حصه : ومبروك عالحجاب
ساره : الله يبارك فيج .. وايد مستانسه فيه
حصه : عسى دوم ان شاء الله .. وطالعه أحلى
ساره : عاد ماكنت أفكر ألبس حجاب كلش .. بس بالفتره الاخيره تغيرت نظرتي للحياة .. قاعده أشوف البنات الي مو متحجبات .. أٌقول الحين اهم مستانسين .. بس الواحد مايدري متى بيموت
حصه : اي والله .. يحليلج ياساره كلامج ينقط عسل .. أمس محمد يقولي مرح أتزوج وحده تضايقج .. بس لو الله يهديه وياخذج .. ماضنتي بتضايقيني
ساره مستحيه
محمد بابتسامه : السلام وعليكم << عصب >> ساره
ساره : يالله خالتي آنا ماشيه
حصه : قعدي يمه .. وعليكم السلام
محمد : وأنتي ماتفهمين شنو مافيه كرامه .. كل يوم رازه ويهج
ساره عصبت : أحترم نفسك .. أمك اهي الي طلبت مني أيي
محمد معصب : لاطولين صوتج علي
ساره : تدري شلون .. أنا أصغر نفسي اذا أرد على واحد ياهل مثلك
محمد : صج مو متربيه
ساره : والله مادري منو الي مو متربي آنا ولا أنت
محمد عصب وراح
ساره خانقتها العبره : خالتي آنا آسفه .. مو قصدي أقوله مو متربي بس أسلوبه معاي اهو الي خلاني أقول هالكلام
حصه متضايقه : ماعليه يمه .. أدري أن محمد غلطان .. آنا آسفه اذا دخلتج بهالمشاكل
ساره : آنا طالعه

...

محمد : هين ياساره .. آنا صرت مو متربي .. بتشوفين .. والله لا أعلمج .. بس شلون يامحمد ... شلون أوقفها عند حدها ..؟ << يفكر
محمد : لقيتها

...

محمد يبوس راس أمه : يمه آنا آسف عن الي صار اليوم
حصه : عيب عليك البنت طلعت واهي متضايقه
محمد بخبث : يمه آنا فكرت بالموضوع .. وعرفت أني غلطان .. عطيني رقمها عشان أعتذر
حصه : اي يمه .. على شاني << وتعطيه الرقم


...

محمد : ألو
ساره بضيق : ألو
محمد : شلونج ساره ..؟
ساره : منو معاي
محمد : آنا محمد
ساره بعصبيه : شتبي
محمد : بصراحه حبيت أعتذر عن الي صار اليوم
ساره : عادي مو بس اليوم تسوي جذي .. شمعنى هالمره تعتذر
محمد : لاني حسيت أني زودتها
ساره استانست بس تتثيقل : أوكي والمطلوب
محمد : أنج تسامحيني
ساره : أوكي سامحتك
محمد : وبعد في شي ثاني
ساره : شنو
محمد : ماينقال بالتلفون .. ممكن أشوفج ..؟
ساره : أوكي .. وين

[ .. أدري بتقولون شنو فكرته .. كان يبيها تحبه ( مسكين مايدري أنها تحبه ) .. وبعدين يخليها .. على شان يكسر قلبها .. ]

...

[ بالمطعم ]
ساره : شبغيت
محمد بابتسامه : أول شنو تشربين
ساره : لا مابي شي قول
محمد : مايصير نقعد بالمطعم ومانطلب شي
ساره : أوكي أطلب لي عصير برتقال
محمد : أوكي
ساره : والحين يالله قول
محمد : أنا بصراحه .. كنت أتجنب أني أشوفج بأي طريقه مو كرهها فيج
ساره : عيل شنو
محمد يمثل : آنا أحبج ياساره .. بس خايف أنج ماتكونين لي .. عشان جذي كنت أحاول أتجنبج .. بس الحين ما أقدر راح أتحدى الكل عشانج
ساره مستانسه : صج
محمد : أي صج

ويقطع اللحظه الشبه رومانسيه .. نوف ومعاها واحد داخلين المطعم .. وماسكه ايده .. وضحك وسوالف

محمد معصب : هذي مو جنها نوف
ساره تطالعهم : أي
محمد رافع حاجبه : ومنو الي معاها
ساره : مادري

...

محمد راح صوب طاولتهم
نوف بخوف : محمد
محمد معصب : بدون أي مقدمات جدامي .. << ويطالع الي معاها >> وانت حسابك معاي بعدين
نوف قامت
محمد ياخذ مفتاح السياره من ساره
محمد معصب ويدزها : دشي .. دشي
نوف معصبه : وخر عني
محمد عطاها طراق ودخلها بالسياره
ساره راحت تركض وركبت

...

بيت أبو جاسم
نوف دشت تركض وسيده راحت لأمها
نوف تبجي : يمه يمه
منيره : اسم الله عليج .. شفيج
نوف : يمه محمد
منيره : شفيه
نوف : طقني
جاسم طلع من الغرفة : شفيج
منيره معصبه : اسأل ولدك
جاسم : شمسويه
نوف : طقني
جاسم : وينه
نوف : مادري يمكن تحت

...

جاسم بعصبيه : أنت بأي حق تمد ايدك عليها
محمد : بحق أني أخوها وأبي مصلحتها
نوف متمسكه بأبوها
جاسم : شسوت
محمد : يرضيك بنتك تدش مطعم ماسكه ايد واحد لا حيى ولا مستحه .. وطاقه ضحك وسوالف معاه
منيره : جـ** ولا كلمه .. قبل لاتتكلم عن الناس شوف أمك << جاسم قال لها السالفه >>
محمد : أقول أحترمي نفسج .. ولاتييبين سيرة أمي على لسانج الوصـ**
جاسم عصب : بس ولا كلمه أنتي وياه << ويطالع نوف >> وأنتي شمطلعج معاه ورايحتلي مطعم بعد
نوف : يبا معاي بالجامعه و<< سكتت
جاسم عطاها طراق : والله يانوف أن شفتج مره ثانيه طالعه مع واحد ماتلومين الا نفسج والحين يالله طسي لغرفتج وماكو طلعه من اليوم ورايح
نوف تبجي وراحت .. منيره لحقتها

...

بالليل الساعه 12
محمد يكلم ساره
محمد : ساره بهديج أهداء زين
ساره : أمم أوكي


كل عام وإنتي أجمل الناس كل عام
كل عام وإنتي بألف خير وسلامه
يا ساره يا تاج الليالي والأيام
ياصاحبة أحلى وأرق إبتسامه
..
تتجمل الدنيا وترفل بالأحلام
والبدر يزداد بحضورك وسامه
وفي عيد ميلادك مثل كل الأعوام
الورد يوقف لك ويبدأ احترامه
..
مهما شعوري صاغ لك شعر وأنغام
قاصر شعوري لكن آخر كلامه
كل يوم وإنتي بخير مو بس كل عام
كل يوم وإنتي بألف صحه وسلامه
كل يوم وإنتي .. بألف صحه وسلامه
..
كل عام وإنتي .. أجمل الناس .. كل عام
ياساره .. ياساره ياتاج الليالي والأيام
ياصاحبة أحلى وأرق ابتسامه
..

محمد : كل عام وأنتي بخير
ساره بابتسامه : وأنت بخير بصحه وسلامه .. مع أني ما أسمع أغاني بس يالله مقبوله منك
محمد : وليش بالله ماتسمعين أغاني
ساره : امم ما أبي أجذب عليك وأقولك ما أسمع أغاني بالمره .. بس هالأيام أحاول أني ما أسمع .. أحس براحه
محمد : غريبه والله .. العاده البنات اذا متضايقين والا فرحانين على طول أغاني
ساره : آنا كنت جذي بس الحمدالله الله هداني
محمد : كلش يعني ماتسمعين .. حتى اذا تضايقتي .. صج ساعات الواحد وده يسمع أغاني هاديه على شان يرتاح
ساره : امم .. أسمع نوع ثاني يريحني .. ماتتصور شكثر أرتاح
محمد : القرآن
ساره : الحمدالله القرآن أكيد أسمعه وأقراه .. وأعتقد كلنا نسمعه .. لكن بعد في شي
محمد باستغراب : سمعيني عيل
ساره : أوكي .. هذي أحسن شي .. أهم كلهم حلوين بس هذي أحبها وايد
محمد : أوكي

...



انت الحبيب المصطفي...انت الأمين
يا خير خلق الله خير المرسلين
يا من إله الكون قد اوحي له
بالنور والإسلام و الحق المبين

يا سيد الاخلاق يا نور الزمان
يا من نري في هديه بر الأمان
انت النبي الهاشمي محمداً
أنشاك ربي رحمةً للعالمين

علمتنا حسن الفضائل والقيم
ميزتنا بالدين من بين الأمم
لما حباك الله خير رسالةٍ
فيها قطعت الشك بالامر اليقين

http://www.4shared.com/audio/mkPcDCwf/__-___.htm


سكوت بينهم
محمد : خوش شي والله
ساره : مو أحسن من الاغاني
محمد : اي أكيد

...

ياسمين كانت تدق على محمد وكلا يطلع لها أنتظار
ياسمين : ياربي هذا شفيه

...


أنتهى البارت آرائكم وأنتقاداتكم .. كل الي قروا القصه يردون :eh_s(7):​

 

[ρeαrℓ]

صفحات البارتات 1- 4 - 6 - 8 - 13 - 15

​

 

[جفاكـ ضيع غلآكـ]

،


ثاانكسس ع الباارت عجييييب و ناطريين التكمله ^_^

 

[DA3LOoOLA]

ويه فديت عميمه مريم الله طيبه وحنونه حبيبتي حمودي يستاهل بس شووي مليق ومزودها حبتين مع الكل والله يستر شنووو بسوي مع ساره ؟!

 

[Føzöø]

يسلمووو ع البارت ابحلو الي نفس صاحبتااا
يحليلها ساره بتصير دينه شكلها 
حياتي والله فهووودي احسه خوش واحد فديته 
و محمد كسر خاطري و بنفس الوقت غثني 
شكو يعني يلعب بمشاعر البنيه و عليااااا
و ياسمين حبيبتي يا غافلين لكم الله
و بسسس.
ناطرينج يا عمري لا تتأخرين 

 

[Føzöø]

*** مو ابحلوو الحلوو 

 

[άGώâ ми àώàŁ]

ياسمين شكلها حبوبه
بس محمد بيخسرها اذا انت تحب واهيا تحبك ليش تلعب على ساره!!
والله حرام واخر شي احس بيحب ساره لانها بنت تنحب!
ويعطيج العافيه

 

[kokiies]

ثينكس حبيبتي عالرواية الحلوووه
أنا كنت من متابعينج بصمت
ويسلموووووووووووووو
ناطريينج حبيبتي

 

[فتاة الكئابه]

تسلمين على البارت حبيبتي ناطرينج

 

[كلي أحزان وهموم]

مشكووورة على البارت حبوبة...محمد أحسه حقير شوي شكو يلعب على سارة مسكيينة:eh_s(2):
أتوقع محمد راح يحب سارة ويتعلق فيها وبسسس
كمممملي ناطرينج:ggdw:

 

[Tom ♥ Jerry]

.


7asa ena m7amad ra7 y7eb sara
w ra7 takser 5a6raa

waiting 7yaty :******

 

[^R8oOoSh^]

مشكوره حبيبتي عالبارت
والله يستر من محمد مادري شراح يسوي !!!
ننطرج حبوبه اخذي راحتج​

 

[a77sas '3alee]

يعطيج العافيه حبيبتي
لايوووقف كل بارت الروايه تصير احلى واحلى :rerrerek:

 

[Føzöø]

بإنتظارج قلبي 

 

[دبة زمانها]

مشكوووووووورة حبيبتي ع البارت ...:/
و حبيت اقول شغله .. و لا تزعلوووون ..،
تره نطفت الحرام تظل لي احفاد الأحفاد و يمكن اكثر ..> شي ديني من مني بس مو متذكرة الحديث ..:/
ف صراحةً انا ما استغرب من اي تصرف او تهور يبدر منه ..، مو قصدي ان محمد بيسوي شي او يكون مثل ابوه لا بس نطفت الحرام فيه و الشيطان ما مات !!
و اذا ع ساره مبين ان محمد بدا يغير رأيه يمكن من اول مكالمه معاهم !؟ صراحة ما توقعت سارة جذي ؟؟!
بس ياسمين حرام خوش وحده ..،
شكله بياخذ الثنتين عاد الاولى ٤ الاف و الثانيه ٦ الاف .. الله اهو ربحان خخخخخخخخ
نااااااطرينج ..، و سوري ع المحاظره الدينيه
لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف لا يوقف ..~

 

[ح رؤف آلـ غ ـلأ]

ماشاء الله عليج

رهيييييييييييبة الرواية

وأكيد محمد بحب سارة

ومحمد دعله يبط الجبد

ومريم ياحلوهاااا

جاسم ومرته لا تعلييييييييق

ولا ولا نوف ترقع معاي بالجامعه هع
​

 

[om sa3ad]

امبيه محمد حرام عليه ليش جذي قطع صار مليق ليش يسوي بسارة سارة خوش وحده حبيتها الصراحة ان شاءالله الله يهديه ويطيح بحب سارة ويعقل وياسمين هم حرام وقواج الله وناطرينج