اخوج يي ويقولج انا .....؟؟؟؟ الجزء الثاني

[ســتارز]

الله يوفقها مع اخوج ويغسل قلب حماج عنها ويكرهها ويحقق اماني حمواتج

ويعطي ابوه الصحة والعافية

اللي يتزوج يتزوج عائلة كاملة مو بس البنت فقط

واذا الام مو موافقة او الاب او الخوات عمره مارح يتهنى بحياته بتصبر بقلبه غصة وين مايروح وياه

والمشكلة العيال بيصيرون عين اهني وعين هناك تشرذم طويل المدى بين الصح والغلط

اما اللي بيطيعون راي اهلهم وبيصرفون نظر .. كلها جم يوم ضيقة خلق

وحالة نفسية متردية لكن بعدها السعادة بكبرها بانتظاره لان رضا الله سبحانه من رضا الوالدين

ودمتم بخير

 

[حورية الكويت]

نصيحتي لج

1- ابتعدي عن التدخل بمشاكل الحمولة , لو دروا البنات ( خواته) انج مساندته بتصير مشاكل بينج و بينهم انتي بغنى عنها .. بعدين موضوع خاص و حساس مثل هذا شلون يقول حق مرت اخوه و ما يقدر يقول حق خواته ولا امه .. يعني بتقنعيني ان الجنة لها كلمتها !! باختصار طلعي نفسج قبل لا تندمين.

2- زواج المذاهب المختلفة فاشل الا ما رحم ربي ... اختلاف للعقيدة للدين ... اذا الرجل او المراة حريصة على دينها و دين عيالها فاكيد ما ترضى تاخذ واحد مختلف عن مذهبها .. فمابالج بوحدة تبي تغير مذهبها عشان عبد من عباد الله ... هذي كلش بعيدة عن الدين و اشكره مو مقتنعة بمذهبها ... لكن اذا كانت تبي تغير مذهبها الى المذهب الاخر عن قناعة فالله يهديها الى المذهب الاصح.

3- لا للاستهانة بالمذهب ... حق كل وحدة تقول ان كلنا كويتيين ((( اي نعم كلنا كويتين و نحب الكويت و نحب بعض و كلنا ربع و اخوان ))) لكن من ناحية النسب لا طبعا ... تشتت العايلة و اختلاف الاعتقادات و التفكير و اداء الصلوت و الصيام و العمرة و الحج و العيد و غير المعتقدات و الطقوس المختلفة في احدى المذاهب تشكل سبب رئيسي اذا حضر الروتين الحياتي و ذهب الحب و انخرط الابوين بماكل الحياة و تربية الابناء ... و كما ترون بعض الاخوات و عن تجربة تنصح بعدم زواج اختلاف المذاهب .

4- البنات الي تكلموا ان مافي فرق بين المذاهب و عادي , انا اعرف ناس من هالنوع مو متعصبين لمذهبهم اصلا و قريبين من المذهب الاخر .. في هذه الحالة تكون المشاكل قليلة لكن ما بالك بالمتعصبين لمذهبهم ؟؟!! لا اظن ستكون الحياة سلسة خصوصا لو كان احدى الابوين متدين لا اعتقد انه سيرضى بابنائه ان يكونون على مذهب مختلف ( يؤدي صلاة مختلفة , يفطر بعده او قبله , يحلل او يحرم زواج المتعه , يسب الصحابة ,,,, غيره الكثير ,,, و انا اكاد اجزم ان حماج هذا الجزء غير مهم عنده (( و هو الاهم )) !!

5- رضى الله من رضى الوالدين ... و صفات البنت انها سنعه و ربة بيت وايد بالكويت بنات حمايل و جميلات و شهادات و اخلاق و غيرها الكثير ... و اهو من البداية غلطان ان استمر بطريج يدري ان احتمال لو 1 % يكون مسكر ...الله يكتب اللي فيه الخير و الصالح

وجهة نظر لا تفسد للود قضية

 

[حورية الكويت]

الله يوفقها مع اخوج ويغسل قلب حماج عنها ويكرهها ويحقق اماني حمواتج

ويعطي ابوه الصحة والعافية

اللي يتزوج يتزوج عائلة كاملة مو بس البنت فقط

واذا الام مو موافقة او الاب او الخوات عمره مارح يتهنى بحياته بتصبر بقلبه غصة وين مايروح وياه

والمشكلة العيال بيصيرون عين اهني وعين هناك تشرذم طويل المدى بين الصح والغلط

اما اللي بيطيعون راي اهلهم وبيصرفون نظر .. كلها جم يوم ضيقة خلق

وحالة نفسية متردية لكن بعدها السعادة بكبرها بانتظاره لان رضا الله سبحانه من رضا الوالدين

ودمتم بخير

تعجبيني !!

 

[عاشقه رويشد]

انا ما ااييد اخذ واحد غير عن مذهبي لانه باجر عيالي بيضيعووون وطلعي من السالفه وايد احسن عشان تفتكين من الحجي اللي راح اييلج ودام يدري صعبه ليش استمر وعلق الابنيه حرام محد بيتعب غيرها والله يوفقه

 

[دلوعة حمني]

السلام عليكم حبيبتي ...

اول شيء هو ريال ما هو بنت علشان الاهل يتحكمون اختياره ... الحين حتى البنات يختارون ريك حياتهم و يقولون ايه و لأ.

ثاني شيء تغيير المذهب شوي صعبة و ما تصير و ماهي حلوة ان يقولها هالشيء حطي نفسج في مكانها هل راح تغيرين مذهبج علشان الزواج؟؟

الشغلة الثالثة ... الاخت هاي كلاس قالت شغلة وايد حلوة الأم ... متىما الام اقتنعت راح تقنع الابو ... فخلي حماج يكلم امه و يشرح لها و انت و زوجج اوقفوا معاه و بالأول و الاخير هو اللي راح يتزوج هو اللي راح يشوف خيرها و ينضر من شرها لا سمح الله...

و اخيرا ... اليهال يتبعون ابوهم في كل شيء سواء الاسم او الاصل او المذهب... و سامحيني على الاطالة

 

[(جووونم)]

امبيه في ردود اسمحولي

هابطه !!!

صدمتوني صراحه وايد ندمت اني عرضت الموضوع اتمنى يتسكر
والحمدلله لبنيه مسلمه بس اللي استغرب منه لما

يي واحد من اهلكم حاط له فلبينيه تحت اباطه تسوون له عرس !!

لاتعليق

اتمنى يتسكر الموضوع

 

[ميرآل]

صراحه وجهه نظري حلات الثوب رقعته منه وفيه
بكره راح تصير مشاكل وخاصه الاهل مو متقبلين هالشي وبالذات الخوات
الناس الي ماخذين من نفس المذهب بس القبايل تختلف
تصير بينهم مشاكل وبلاوي
كيف اذا كان المذهب يختلف والاهل مو متقبلين

 

[حورية الكويت]

اغلب الردود معقولة و تتكلم بالمنطق

وااللي ياخذ فلبينية يتحمل نتيجة اللي ياخذها ... اما ان يسوون له عرس هذا اهله راضين عن الكتابية فشي اكيد بيرضون بالمذهب الاخر يعني ما راح تكون في معوقات

بالنهاية هذا ريال و اذا يبيها بياخذها اذا ما كان يهمه رضى والديه

اعرف بنت رفعت قضية على اهلها عشان تاخذ واحد من مذهب ثاني ... ألحب اعمى !!!!!!!!!!!!!! بس مصيرها بتفتح و اييها طراق عدل يصحصحها

الله يهدي الجميع

 

[chee$e cake]

خليقعد مع امه و ابوه اجتماع مغلق

و ياخذهم بالحجي و المقدمات الحلوه

عاد انا عندي قوة اقناع يقولون لوول و خليه يصب الحجي اللي بقوله بأذانيهم

يعني انا حماج اوك لول

يما و يبا حبيت ابشركم ببشاره سنعه و انتوا تتمنونها من زمان

امم الناس سواسيه و ما في طبقه اعلى من الثانيه في حال كانوا نفس الاخلاق و العادات و التقاليد

كل شاب او ريال بعمري وده ببيت و عيال و حرمه تقوم فيه

الصراحه انا حاب ابشركم ان بتزوج بس انا بختار العرووس

البنت مو من جماعتنا بس من جماعه طيبه و لها مكانتها و مهما كانوا فؤهما ناس حالهم حالنا

جمال و اخلاق و عادات و التزامات و تربيه و مبادئ و ما عليها قاصر ماشاء الله

و اذا رديتوا تقولون لي مو من مقدارنا فالقران يحكم ان الناس ما بينهم اختلاف !؟

الصراحه انا خاطري الله يجمعني فيها و خصوصا انها نادره بهالزمن و لا تعطوني خبر الحين ردوا علي بعدين

و لا تنسون باجر انا بكبر و بشيب و محتاج الزوجه الصالحه مو ناقص عوار راس و رح تكون حياتي مستقله عنكم خصوصا اني

ولد يعني بيت بروحي مصرف بروحي مسوؤؤلياتي فمحتاج اللي تعيني مثل هالبنت و بس

لوووول حسيت نفسي صبي و انا اكتب عاد خلي اهوا يزيد بهارات من عنده

 

[سكوتي بذوقي]

إذا أهله مو راضيين

راح تصير مشاكل والزواج مايستمر

خل ياخذ من مذهبه أحسن

 

[Kint a3rfik!!]

احس لو المذهب غير بالديانه ماااااا ينففففع !!!


بس لو بدوية و حضريي او العكس كلهم وااااحد و اشوف ان عادي

 

[ρeαrℓ]

شوفي اختي

انا مع معارضة خواته له لكن مو باسلوب الصراخ و الهواش

حلات الثوب رقعته منه و فيه و خاصة في مسألة العقيدة

صح كلنا مسلمين وربنا واحد ورسولنا واحد لكن لو تشوفين العقائد تختلف اختلاف السما عن الارض والعقيدة اهي الاساس في كل شي

لدرجة انج تعرفين الواحد ومذهبه من طريقة كلامه و سوالفه هذي كلها تأثر على العيال

انا عندي مسالة الاصل و الفصل و البدو و الحضر كلها تهون الا مسألة العقائد احسها صعبه

الا اذا الام شالت ايدها من تربية عيالها على مذهبها و احترمت مذهب زوجها و ما تتعدى عليه اهني اوكي ممكن يصير توافق

والله يهديه يا رب و يسمع شور خواته وهذيج الله يرزقها باللي يستر عليها و يصونها من مذهبها

معاها :rerrerek:

 

[دلع العتبان]

الله يعين بس

 

[ام حموديNEW]

الله يكتتتب اللي فييه الخيير

خلي يفااتح اهله واذا اهو شاري البنت بيتحممل ردااة الفعل ويحاااول يقنع لأخر نفس فييه

 

[حليبه]

اذا ياخذها ياخذها ماله شغل بمذهب و الدين

 

[كتكوته نورة]

ممم ..قولي له اللي ريحه و يبيه خل يسويه .. الناس وبنات المنتدى اللي يردون ما راح يعيشون معاه ..هو ريال واهم شي ان خواته يعترضون !!! يبدون رايهم اي بس ما يهاجمون .. كيفه .. والله يكتب اللي فيه الخير ..انا استغرب من اللي يقولون زواج فاشل بين المذاهب و اذا خذاها واهله مو راضين بصير فيهم كذا وكذا ..هذا شي ربنا كاتبه وبالعكس انا وايد مروا علي تجارب ناجحه بدوي اخذ حضريه وسني خذا شيعيه والعكس ...ولو يصير الطلاق بصير لاسباب ثانيه مو سبب مذهب او حضر و بدو ..

 

[Hi--class]

َََ

امبي بنات مو من صجكم !
الحين سالفة المذاهب وايد مهمه بيومنا؟!
انا بعرف لو خذيت سني اهوا شكو بمعتقدي؟
مو نصوم مو نصلي مو نزكي ؟! ماعتقد في مذهب يكفر مذاهب الاسلاميه استغفر الله ياربي مادري شلون تتكلمون
يعني ليش كل شي ما نستخدم فيه عقلنا شوي ..لو اييلج واحد خلق و دين بترفضينه عشان مذهبه والمصيبه ان مسلم !
الله اكبر انا مادري ليش هالحقد
واذا عالصلاة ..باجر اذا ربنا بيقابلنا ويحاسبنا شلون نصلي باي طريقه؟ولا بالخشوع والتقوى
شاللي نختلف فيه غير مسئلة الامامه وهالاشياء وبعدين هالاشياء فرعيه ..
يعني مثلا عند الشيعه الحجاب مو فرق وعند السنه فرض؟
ولا الصيام عند السنه مستحب والشيعه فرض؟
كبروا عقولكم شوي

لو قايله ماخذ مسيحيه جان ما قلتوا هالكلام ..


َََ

 

[* بنت المطر *]

والله شي يبط الجبد هالتفرقه لي متى ؟؟ كلنا عيال حوا وادم المصيبه مايتزوجون غير مذهبهم ولاغير

اصلهم ولاغير فخذهم واخرتها يتزوجون مصريات وعراقيات وسوريات وفلبن وبناتنا قاعدين وربي كله من

العادات والتقاليد البنت الحين بهالوقت عشان تاخذ رجال كويتي ويه بتنطر لان البنات طوابير خخ ف بالج لمن

تكون الفرصه قليله محصوره على عيال القبيله بس فقط لاغير !

لا وفيه ناس عندهم بنتهم تعنس وتموت عانس ولاتاخذ واحد من غير فخذها والا من غير مذهبها والمصيبه

تلقين هالبنت امها غير كويتيه ههههههه والله طرطره انا اقول الله يعينه بس ياكثر ضحايا هالمواضيع

 

[G!RLooNa]

سالفه نفس القبيله و الفخذ و العظم و مادري شنو هالخرابيط انا ضدها و اصلا مو هذا الموضوع اشوفه يختلف تماما يعني زواج حضر و بدو متوافق اكثر من زواج شيعه و سنه

و اللي قالت الله ماراح يحاسبنا شلون نصلي و يحاسبنا عالخشوع بس لا غلط الله راح يحاسبنا شلون نصلي !!

و عشان الاختلافات باشياء اساسيه مثل العباده الصلاه و الصيام و ما نختلف فيها اختلاف بسيط اشوف الاختلاف كبير هذا غير الشغلات الثانيه و كلنا عارفينها و هم ما اشوفها اشياء بسيطه كلش كلها تدخل بالعقيده و العباده و صحابه الرسول و زوجاته و ماراح ارضى ان عيالي يسوون هالشغلات على طريقه مذهب غير مذهبي عشان جذي ف بساطه ماراح ارضى اخذ من غير مذهبي لان لازم بيتأثرون بابوهم و اهل ابوهم

 

[كويتاوية 15]

مادري انا اشوف انه عادي ياخذ وحده مو من نفس مذهبه
وخلي يقنع اهله ويفهمهم انه يحبها وخلي متمسك برايه ومايتردد والله يوفقهم يارب وياخذها حراام كسر خاطري