للعرايس اللي خلصوا من جهازهم كله ...قولولنا شنو شريتوا من عطور وميك وشوية شغلات ؟

[** ام ملك **]

ماشاء الله الموضوع جدااا مفيد ..

تسلمين ..

 

[• JoJo •]

موضوع مفيد حيل لي عودة اقراه كااامل

 

[كتكات احمر]

شريت مثل هذي عند بودي شوب احسن ريحتها مو قوية ماحسيت بشي بس هي متى يعني تطلع ريحتها بعد جم دقيقة ؟ :krkrkr:

 

[قاهره عذالي]

شوفي هو بس يغير جو البيت

يعني الحمام

المطبخ
الصاله ع الزاويه

وانتي بالمكان ما تحسين بريحه

بس لما تكونين جايه من بره وداشه المكان تحسين بريحه

 

[*باروكة شعـر*]

ياحبني لي

ياحبني لج انتي والله
فديتج ماتقصرين
يعني انطر لما ينزل السيت كامل والا اشتري العطر الحين ؟ واخاف يخلص !
لان عرسي للحين ماتحدد بس يمكن شهر ١١ / ١٢ جذي اتوقع
زين ريحته حلوه مثل مايقولون البنات ،؟ قويه ؟ لاني احب العطورات القويه الفواحه

وصح ذكرتيني بشموع باث اند بدي مرت اخوي كانت تحطها بشقتها وتوصلنا الريحه حتى كانت تتطبع بالملابس اذا دشينا وطلعنا
باخذ منهم

 

[●° يآإ حِ‘ـبنيً ليَ . . ! «]

ياحبني لي

ياحبني لج انتي والله
فديتج ماتقصرين
يعني انطر لما ينزل السيت كامل والا اشتري العطر الحين ؟ واخاف يخلص !
لان عرسي للحين ماتحدد بس يمكن شهر ١١ / ١٢ جذي اتوقع
زين ريحته حلوه مثل مايقولون البنات ،؟ قويه ؟ لاني احب العطورات القويه الفواحه

وصح ذكرتيني بشموع باث اند بدي مرت اخوي كانت تحطها بشقتها وتوصلنا الريحه حتى كانت تتطبع بالملابس اذا دشينا وطلعنا
باخذ منهم

كيفجُ انآ شريته خفت يخلص ههههههههه
بسُ انتيُ ع رآحتجُ :eh_s(22):

ريحـةةً قويـةةً وحلوهـ :rerrerek:
بسً انتيُ شميه لآنه النآسً اذوآقُ ،

شموعً بآث سمعتُ عنهمُ بسُ مدآم انتيُ شآمتهمً بروحً واشوفهمُ . .:eh_s(22):
وإي شيُ تبينهُ انآ حآضرهـً :eh_s(17):

 

[*باروكة شعـر*]

ان شاءالله باجر لازم امر اشمه
ماتقصرررررررررين حبيبتي

 

[كويتية فاهمة]

يللا يا حلوات كتبوا تجاربكم وشنو شريتوا بالتفصيل الممل

متحمسة معاكم

عرسي بعد شهرين وليمن الحين ما جهزت

الله كريم يااااااااااارب

 

[كويتية فاهمة]

بس طليت طلة على الأفنيوز
وسنتر بوينت وماكس
<<<<<<<أحــــــــــــــر نفسي
ههههههههههههههههههههههههههه

 

[كتكات احمر]

بس طليت طلة على الأفنيوز
وسنتر بوينت وماكس
<<<<<<<أحــــــــــــــر نفسي
ههههههههههههههههههههههههههه

هههههههههههههههههههههه حلوة :krkrkr:

 

[كتكات احمر]

خلصت الذهب والساعات والارواب والكفر والبجامات كلها والاكسسورات عندي
والعطور الفرنسية شريت لي جم واحد زيادة
لانكوم وشوبارد و من اجمل ولاكوست بعد يبيلي زيادة !!

بقالي البخور ماقربت منه مع انه اهم شي
البدل والدراريع والعبايات
وشكلي بخلص اغراض الجمعية واتفرغ حق البدل وماحجزت شي للحين محتارة

 

[قاهره عذالي]

الله يوفقج كتكات وخلينا نتطمن عليج

 

[كتكات احمر]

آآآآآمين يااااارب وياج قهورة

دامج موجودة بسالج انا الفواحة مالت الاعواد مانفعت معاي احس مالها صوت ههههههههههه
المهم شنو جربتي من ماركات الفواحات وتطلع ريحة حلوووووة وقووووووووية ؟؟؟؟؟ شريت مالت الاعواد وتحسفت حطيتها بداري ابي وحدة ثانية للحمام عزج الله بس مابي اشتري مثلها غالية عالفاضي تحسفت حددددددددي

 

[قاهره عذالي]

لا الاعواد تنحط بالحمام والمطبخ
في الفواحه الكهربائيه عند شركة واصل حلوه
ماي مع عطر ودهن عود حيل حلوه
وموجوده بكل مكان

 

[كتكات احمر]

انزين ابي ادل العربيد ياربي احس الفروانية تضيع مع اني ولا مرة دشيتها بس مجبرة بروح افصل لي جم دراعة لرمضان والعيد اذا بدش من صوب خيطان وين يكون المجمع؟

 

[أعراس ستايل]

موفقيييييييين

 

[كتكات احمر]

تعالوا بسالكم شنو احسن مجموعة جسم اشتريها مابي ازيد عن مجموعتين بخاطري مجموعة المسك من بودي شوب
والكاميليا من زهور الريف او نكتار؟ مادري

 

[قاهره عذالي]

انزين ابي ادل العربيد ياربي احس الفروانية تضيع مع اني ولا مرة دشيتها بس مجبرة بروح افصل لي جم دراعة لرمضان والعيد اذا بدش من صوب خيطان وين يكون المجمع؟

مجمع العربيد قبال العربيد بلازا وهو ورا جمعية الفروانيه التعاونيه

واذا تضيعين روحي مع سايق اجره احسن واستفيدي واستغلي وقت
هذا رقم ودود يدل روحي على يوم فصلي لج 6 الى 8 د راعات وافتكي
66408909

 

[قاهره عذالي]

تعالوا بسالكم شنو احسن مجموعة جسم اشتريها مابي ازيد عن مجموعتين بخاطري مجموعة المسك من بودي شوب
والكاميليا من زهور الريف او نكتار؟ مادري

مجموعة المسك من بودي شوب عرايسيه وتجنن
وعندج من زهور الريف مجموعة سويت كاميليا اشتري بس اربع شغلات ( العطر - بخاخ الجسم - اللوشن - الشاور جل )

وبالنسبه لبدي سنتر لهم محل بالعربيد بلازا ولهم محل بالصحاري مول بالجهرا ومحل بالمنار مول على الارض بالجهرا
ولهم موقع بعد
http://body-kw.com/default.aspx

تختارين ويوصلون للبيت
انتي اشتري ع الاقل عطور للشعر
لان مهمه ريحة الشعر

وبالنسبه لنكتار لا تطوفج مس نكتار او سويت نكتار يهبلون روحي لهم وشمي
بالنسبه لي سويت نكتار تجنن


ووهم عندج عطور شعر من القرشي اللي على ورد طائفي واللي عود وحلوه من عندهم

ترا ريحة الشعر مهمه يا قلبي وهي اللي صج تخليج فواحه بعد السبوح والاستشوار حطي لوشنج ورشي بخاخ الجسم على جسمج وعطري ملابسج بعطر المجموعه وشعرج عطريه بعطر الشعر وتكونين قبله مشغله بخورج وتبخرين شعرج وهو رطب تالي لما ينشف رشي العطر

نصيحتي ع الاقل 3 مجموعات

مسك من بدي شوب

سويت كاميليا ريحتها زهور وتجنن

ومس نكتار او سويت نكتار ريحتها تحسينها رقي فعلا حق عروس

وربي يوفقج

وعطور الشعر من بدي سنتر حلوه خاصه فيولت وعطر النرجس :eh_s(7):

 

[قاهره عذالي]

آآآآآمين يااااارب وياج قهورة

دامج موجودة بسالج انا الفواحة مالت الاعواد مانفعت معاي احس مالها صوت ههههههههههه
المهم شنو جربتي من ماركات الفواحات وتطلع ريحة حلوووووة وقووووووووية ؟؟؟؟؟ شريت مالت الاعواد وتحسفت حطيتها بداري ابي وحدة ثانية للحمام عزج الله بس مابي اشتري مثلها غالية عالفاضي تحسفت حددددددددي

لا تستهينين بفواحة الاعواد ترا تغير ريحة الحمام وحيل حلوه للحمام خاصه
وهم لزوايا الصااله

انتي وانتي بالمكان ما تحسين بريحه
بس سكري باب الحمام مثلا وبعد فتره دشي المكان
بتحسين بريحه بالمكان

هي تحسينها تمتص اذا في ريحه خايسه فتغير الجو

يعني اللي يدش صالتج من بره وهو جاي من بره يحس بريحه مختلفه بالمكان وحلوه

بس ان قعدتي بالمكان وقابلتي الفواحه ماراح تحسين بشي