[ عِفُـتّ طَـآريه ] روآيـه كويتيه وآقعيـة < عجييبـه !

[fo0oshey2]

بيت بوفهد
على طاولة العشا ، حسين وحور ومنيره وام فهد وفهد " بدون بوفهد "
حور : تسلم ايدج ايينن الاكل .
فهد : امي طول عمرها اكلها اينن ، بس انتوا يا اكل من برى ولا طالعين .
حسين : حرام عليك ، والله ناكل كل الي تطبخه امي تطبخه ..
منيره ( متضايقه ، وقاامت بسرعه للحمام ) :.......
حور : فهوود شفيها منيره ؟
ام فهد ( طايره من الفرح ) : خبر حلو خبر حلو انشالله .
فهد : يما قومي شوفيها تكفين ، صارلها يومين على هالحاله ؟
ام فهد ( قامت تبي تروحلها) : الله يهديك يومين وماتقولي ؟
حسين : فهوود عطني من السلطه .
فهد : اخذ تفضل ، بس للاتحن تكفى ..
بالحمام .
منيره ( ترجع كل الي ببطنها ) :........
ام فهد : رجعي يما لين ترتاحين انا يمج ..
منيره ( بعد ماخلصت ) : اسفه ضايقتج .
ام فهد : لا يما ، اخذي رااحتج ، انشالله ارتحتي .
منيره : ايي حمدالله .
ام فهد : مبرووك مبروك ..
منيره ( تدري بس تسوي روحها مو فاهمه ) : الله يبارك فيج ، بس على شنو ..
ام فهد : كلولولولولوش ..
الكل ( قام من السفره ويو الحمام ) : شفييكم .
ام فهد : مبرووك يايمه ..
فهد : الله يبارك فيج ، بس ليش ..
حسين : مايبيلها ذكاء ، اكييد منيره حامل .
حور : ويعه من وين تعلمت هالحجي ..
فهد ( ويها قلب احمر ) : صص صج يما ؟
حسين : كاااك فهوود اهيا حامل وانت تستحي ؟
منيره ( مستحيه ) : .......
حور : مبروووكيين انشالله ، وايينا بدر صغيروون ..
حسين : لا تكفين خل تيي بنت مانبي صبي ، بكرى يطلع على فهد هذا لا وهذا ايي وكل حياته دوام .
ام فهد : استحوا على ويهكم انت ويااه ..
فهد : يما ماجاوبتيني ، حامل .
ام فهد : ايي حامل انشالله ..
فهد ( طاااير من الفرحه ) : مبرووك منووره ..
حور ( تساسار حسين ) : المسكينه حتى بليلة عرسها ماقالها " منوره " الحين يقولها .
حسين ( يضحك ) : سكتي لا يعطيج بوكس من الفرحه ..

.....................
حور بغرفتها
حور ( تكلم جاسم ) : ايي جسووم ، بيينا ولد بعد 9 شهور انشالله .
جاسم : على البركه ، الفال لنا .
حور ( استحت ) : عييب ، مو وقته .
جاسم : لا وقته ونص ..
حور : جسووم ، بعد اسبوعين رمضان ، الله يالدنيا بسرعه ياا ؟
جسوم : ايي الايام تركض وبعدها ، الدوامات كل يوم بشوفج .
حور : ايي بعدها كل بخلقتك راح تزهق مني ؟
جسوم : ماراح ازهق منج ، كل اييج بسرعه ابوسج وانحااش ..
حور ( بدون قصد ) : تصدق نااصر ، مشتاقه للكليه ؟
جاسم : ناصر منو ؟
حور ( توهقت ) : هاا ، ماادري

تم البارت الــ 13 ​

 

[بركان الغلا]

وااااااااااااااااااااااااااااو

القصه روووووووعه

 

[مفرفشه عالاخر]

احمد صج سخييييييييييف وحقير

وحوووووور غبيه زلة لسانها دليل انها للحين تفكر بناصر

الللللله يستر من الاحداث القادمة

 

[fo0oshey2]

احمد صج سخييييييييييف وحقير

وحوووووور غبيه زلة لسانها دليل انها للحين تفكر بناصر

الللللله يستر من الاحداث القادمة

الاحداث اليايه بتكشف حقيقه واايد من ابطال القصه ، حقائق ماحد " اتوقع " فكر فيها

ومشكورين ع المتابعه​

 

[άGώâ ми àώàŁ]

:|Na9er ya3ne ahya ll7en t7ba!!!!!!!!!!
ambeh jassem 7aram
a7mad 7aaqeeeer!!!!!!

 

[مفرفشه عالاخر]

الاحداث اليايه بتكشف حقيقه واايد من ابطال القصه ، حقائق ماحد " اتوقع " فكر فيها ​

ومشكورين ع المتابعه​

متشوووووووقين للبارتات ونبي احداث اعمممممق واكثر :d

 

[احلى قدساوية]

نآطرينج يآ قلبي$​

 

[مزيونة القبيله]

بلييييييييييييييييز كملــــــــي .. القصــــه روووووووووعـــــــــــه ..<<

 

[احلى قدساوية]

اب اب اب ​

 

[انثى بس احلى]

اب اب اب
الله يهديج يا حور كل ساعة تطلعين بسالفة
مره ما تتكشخين و احين تنادي جاسم باسم حبيبها القبلي
و احمد حده حقير

 

[لمسة ايد]

رووووووووعه الروايه

ياكرهييييييييييييييي لاحمد
وياحبيييييييييي لجسوووووم

اممممممم مو وقت غلطتج ياحوور

متابعتج

 

[Strawberry sweet]

لوووووول انا مايضحكني غير حور وحسين حدهم فاصلين

وجاسم حبيت شخصيته

واحمد ويييييع باط جبدي اكرهه جذي صدقات وحده مليق

وناصر باط جبدي وايد مال كف

وخالد مسكين "(

يالله حبيبتي لاطولين علينا بالبارت الياي

ترا حدي متشوقه والله

 

[شبيهة اليسا]

تسلم اناااملج
ضيفيني حبيبتي من متابعينج
وثانكس​

 

[^Tataly^]

ماشالله عليج مبدعه

الله يهداج ياحور هذه وقته اتقولن اسمه انشالله يطوفها

وهذه ناصر يعني صدقني
يعني انا اللي اثقيل

واحمد بعرف شنو جنسه بالضبط؟؟
بعرف ليش يسوي جذيه؟؟

حبيبتي نزلي البارت بسرعه لاني متشوقه​

 

[άGώâ ми àώàŁ]

Waiting

 

[الم الفراق]

keep it up(Y).... 2bdaa3 mashalla

 

[fo0oshey2]

البارت الــ 14

هيا تتمشى بالافنيو مع حبيبها " على قولها " .
عبدالله : يالله حياتي تعالي ؟
هيا : نو ماحب هالاماكن ، انسا انا ما اروح لها ؟
عبدالله : ليش حووبي ، عادي ترى مو بس شباب اكو بنات بعد ..
هيا : امي مرة كبيره وماقدر اهدها لي نص الليل بروحها .
عبدالله : الخدامه موجوده واختج الصغيره موجوده يالله عااد ، لاتصيرين دعله .
هيا : ماادري افكر .
عبدالله ( يبتسم ) : فكري على اقل من مهلج ، صدقيني بتستانسين ..
هيا ( بقلبها ) : الله يستر منك ، شكلك ناوي على مصيبه .
عبدالله : هيووونه ، شرايج نروح البحر الحين ؟
هيا : لا مابي ، حر مووت ..
عبدالله : يالله عاد كل شي لا لا .
هيا : خلاص ممكن امشي ، امي بروحها ؟
عبدالله ( عصب ) : كييفج كييفج ..
هيا : حبي لا تزعل ، اكلمك بالليل اوكي .
عبدالله ( بدون نفس ) : اوكي .
هيا ( خلته وراحت ، واهوا راح قعد بستار بكس شوي )

حور بالبلكونه
حور ( قامت ترقع ) : والله ما افكر فييه شفيك جااسم .
جاسم ( معصب ) : ماتفكرين فيه وتييبيين اسمه ، شلون هاذي بالله فهميني ؟
حور : زلة لسان ، افهم عااد ..
جاسم : وزلة الالسان ماتصير الا لأنج تفكرين فيه .
حور : تكفى ليش مو راضي ، تفهمني .
جاسم : انا فاهمج ، يالله سكري الخط بااي ( وسكره بويها ) .
حور ( قامت تعاتب روحها ، انا شلون يبت طاري هالزفت .. اسغفر الله ، شلون اخليه يرضى هذا الحين ؟ )
بعد عشر دقايق ....
جاسم ( دق على حور ) : طلعي برى ؟
حور ( مو مستوعبه ) : شنوو ، انتا صاااحي ..
جاسم : كلمه ورد غطاها ، بطلعين ولا لأ ؟
حور : جسوم < اول مره ادلعه .. تدري الساعه جم ؟
جاسم : 2 وربع بالليل ، شنو يعني انتي بعطله وموماخذه صيفي ، يالله طلعي .
حور ( خايفه ) : وين اطلع ؟
جاسم : انا دخلت حديقة بيتكم ، من حديقتنا ، تعالي بسرعه ماكو احد .
حور : انشالله ..
( بسرعه خذت شال عندها ، ونزلت بهدووء البيت كان ظلمه ، راحت بخطوات متسارعه للحديقة ، لقت جاسم واقف عند الشجره ولابس " شورت رمادي وبلوزه بيضه ويدخن " )
حور ( خاايفه ) : كاني ييتك ، بسرعه ترى ميته من الخوف شتبي ؟
جاسم (يدخن ) : كنت بشووفج ..
حور : كاا شفتني ، امشي الحين ..
جاسم : ايي خلاص روحي .
حور : صج تاافه ، يالله باي ..
جاسم ( داس على السيجاره ) : حور ؟
حور : التفتت عليه
جاسم ( بسرعه البرق عطاها طرااق من قوته ويه حور صار احمر ) : انا احبج فهمي خلااااص فهمي ، كل دقيقة يايبه طااري الزفت هذا بس عااد ، مو ياهل عندج انا ، ماتبيني قوولي بس مو تعذبيني معااج ..
حور ( وقفت مكانها من الصدمه ) : ..........
جاسم ( خلها وراح ) :............
( ظلت حور بمكانها تبجي وتفكر بكل كلمه قالها جاسم لها ، تفكر بناصر بعد موقادرة تتخذ قرار ، ظلت تبجي نص ساعه وبعدها صعدت لغرفة ، جان تصادف ابوها يتكلم بالتليفون بصوت وااطي )
بوفهد : حبيبتي ، فهمي ماقدر اييج باجر بكون عندج العصر خلاص سكريه الحين .
-:...............
بوفهد : أي احبج واموت فيج ، بس خلاص .
-:...............
بوفهد : لا يامعوده شتغارين منها عيوز كبر يدتي ..
حور ( بجديه ) : كبر يدتك يابا هااا ؟
بوفهد ( التفت على حور ، وخاايف ) : هه هلا يبا شفيج .
حور ( ادمع ) : تخوون امي ، امي يابا ؟
بوفهد : لا يبا فاهمه غلط ، امج عندي بالدنيا .
حور : لا يبا انا مو يهال ، ماعدت حور الصغيره الي كنت تشيلها وتلعبها انا كبرت وفهمت ، مو حرام عليك الي تسويه .
بوفهد : قصري صووتج ، مابي امج تسمع .
حور: ليش تخاف يبا ن تخاف من شنو ، بالنهايه خنتها يابا ، تخاف من اخوك " عمي سالم ، ولا من موقف فهد وحسين وامي ولا من ربعك ولا من منو ؟
بوفهد : يبا حور ..
حور ( ترفع ايدها ) : مابي اسمع كلمه بس كافي الي سمعته اليوم ( تقصدت من جاسم وابوها )
بوفهد : اذا قلتي شي انا وامج بنفترق .
حور : جان حسبت حسابها من البداية .
بوفهد : قلتلج خلاص مابي اسمع كلمه منج .
حور ( تتركه وتروح ) : اذا انا ماتحجيت الزمن بيتحجى .
( بوفهد توهق وحس ان ريوله ماتشيله من الخوف ، لان اذا احد شم خبر حياته كلها بتخترب )
اليوم الثاني على الغدا

الكل متيمعين علــى الغدا الا حسين لان ابوه مايكلمه من دخل " المعهد العالي للفنون "
بوفهد ( سرحان ) :.......
ام فهد : بوفهد اللو وين رحت ؟
بوفهد : هلا هلا ، شفيج ..
ام فهد : شفيك احاجيك ماترد ، تبي احطلك ديااي ..
سمعوا كل واحد شو كان يقول بقلبه على الغدا ..
حور ( بقلبها ) : الطراق الي خذيته منك ياجاسم ، برده لك الصاع صاعين .. وطرااق ابوي بيرجع له باأسرع وقت .
منيره ( بقلبها ) : الله يستر شنو بقول حق خالتي وفهد ، اقولهم بو فهد متزوج .. تعبت ماقدر اكتم السر اكثر ..
فهد ( بقلبه ) : بنت ولا ولد ، يااريت يطلع ولد ، ابيه مثلي " كامل الاوصاف " وريال يعتمد عليه ، لا لا الولد اذا تزوج بيصير خروف عند مرته وبينساني ،، احسن شي اتييني بنوته ، تهتم بأبوها وهم ابيها دكتوره كبيره تعاالجني اذا كبرت ..
ام فهد ( بقلبها ) : شسوي اذا عرفوا ، مابي انحرم من شي ..
استغفر الله .. ماقدر اعلمهم ..
حسين ( يدخل ) : السلام عليكم .
الكل ( عدا بوفهد ) : وعليكم السلام .
حسين ( يقرب يبي يبوس راس ابوه ) : ...
بوفهد ( يوخر عنه ) : لا تبوس راسي ولا تقرب مني ..
حسين ( تضايق يبي يروح ) : ...
حور ( بصوت عالي ) : يبا ماله دااعي كل هذا الولد اختار الي يبيه ، مثل ما انت اخترت الي تبيه ، بس كافي .
الكل ( مستغرب من تصرف حور )
بوفهد ( مايبي يجادلها عشان لاتكبر المشكله ) : يبا تعال بوس راسي وسامحتك هالمره ، عشان حور .
حور ( بقلبها ) : هه هين عشاني .
حسين ( يطالع حور مستانس ، ورجع بااس راس ابووه ، وقعد على السفره )
ام فهد : الله يخليك لنا يابوو فهد ، ولا يحرمنا منك ..
بوفهد : ولا منج يالغاليه ..
حور ( بقلبها ) : ايي غاليه ، هه الغاليه الي امس بليل قلت عنها " كبر يدتكــ "
منيره ( بقلبها ) : وعليه ياخالتي ، صج الريايل مالهم امان ، ( تلتفت على فهد ) وي وي وي لايكون فهيد يتزوج علي ، عشان اذبحه واخلص عليه ، قلبي مايتحمل اشوفه مع وحده ثانيه .
.................................
احمد ببيت رفيجه

احمد ( يكلم رفيجه ) : شووف انا سجلت ثلاث ارباع مكالماتي مع القلب حسوون ، ابيك تفبرك الصوت بالطريقه الي اقولك عليها عشان ادزه له ..
سعود : تامر امر ، دام بتدفع اسويلك الي تبيه ، بس ليش كل هذا ؟
احمد : ابي حسين لي بروحي مابي احد معاه ، واول شي لازم اسويه اني اتخلص من خالد .
سعود : الله يستر منكــ .
احمد ( يقعد على الكرسي ) : اسمع ابيك تسوي الي بقولك عليه بالحرف الواحد .
سعود : قول لكل اذان صاغيه .
( وقعد احمد يشرح لسعود الخطوه الي بتنهي العلاقه بين حسين وخالد .. )

.................​

 

[fo0oshey2]

ناصر بشركة ابوه
ناصر ( ماسك الملف ويكلم المدير ) : وين مدير الحسابات ابي اراجع معاه .
المدير : حيووصل ان شالله ، خلال دقايق .
عبدالمحسن ( يدخل المكتب ) : مشالله خوش مكتب هاا ؟
ناصر : انت شاييبك هني ؟
عبدالمحسن : حلال مرتي ولازم ادير بالي عليه ، ولا انا غلطان .
ناصر : مدير الشركه موجود ، وانا اراجع وراه .. يعني وجودك ماله دااعي .
عبدالمحسن ( يقعد على الكرسي ) مشالله ، خوش شركه ..
ناصر ( متنرفز منه ) : عبدالمحسن ، انا مو فاضي الحين تقدر تروح البيت الحين .
عبدالمحسن : انا بروح بس قبل لا امشي باخذ لي فره بالشركه .
( وطلع وخلى ناصر بروحه ، مع المدير العام ومدير المحاسبه )

..............

بيت بوجاسم
جاسم ( يدخل على غرفة هند " بنت اخته " ) : هاا هنووده شتسوين ؟
هند ( بسرعه خشت كتب وراها ) : هاا ولا شي ، قاعده .
جاسم : امم ، باجر رمضان " مبارك عليج الشهر "
هند : علينا وعليك خالي .
جاسم : امج وينها ؟
هند : يمكن عند يدتي بغرفتها .
جاسم : انزين يبا الناس عطله تروح وتيي وتطلع وانتي كلى بغرفتج بروحج ، ليش ؟
هند : لا ماحب اطلع واايد .. ، واقعد بغرفتي ارسم او اقرى قصص .
جاسم : طلعي الي خشيتيه ورى ظهرج ؟
هند ( متوهقه ) : ماخشيت شي خالي ؟
جاسم : لاتخيلني انترفز واطلعها غصب ، طلعييه .
هند ( طلعت من وراها كتاب ) : كا تفضل .
جاسم ( مستغرب ) : كتاب " فيزيا صف 12 " ، شتسوين فيه هذا الحين بالصيف ؟
هند : اراجع خالي حق 12 .
جاسم : مابدت السنه اعترفي ؟
هند : لاني ضعيفه شوي ، قلت ادرس من الحين عشان اذا دخلت 12 اكون مستعده .
جاسم : يا يبا روحي وطلعي واستانسي ، بدال الدراسه بالصيف ، وانتي مشالله من المتفوقات ، بعد شحقه تدرسين .
هند : لا خالي ، انا نسبتي 72 مو متفوقه ..
جاسم : تخشيين علي عشان العين .؟
هند : صج والله ، ما اخش شي ..
جاسم ( وقف ) : الي يريحج انا بروح تبين شي ؟
هند : لا خالي ، سلامتكــ .
( وطلع وخلها بروحها بالغرفه ، صعد لغرفة وانسدح على السرير )
جاسم : حورو مادقت من يوم الحديقه ، لايكون زعلت ..
عزيز ( يدق على جاسم ) : هلا بالحب هلا وغلا وينك ؟
جاسم : هلا عزوز ، بالبيت والله .
عزيز : يالله قوم بدل خل نروح قهوه ، او شرايك نروح النادي صارلنا يومين مارحنا ..
جاسم : أي والله عضالتي فشت ، يالله ببدل وايييك .
عزوز : يالله ناطرك ..

تم البارت الــ14​

 

[fo0oshey2]

اسسفه على التأخيير ، صارت ظروف ماقدرت انزل ..

وحيالله المتابعات اليديد
ومشكوورين وااايد على التشجيع :**​

 

[Strawberry sweet]

الله يستر من هل ينوسه ناصر مادري شنو وراه
مسكينه حور وايد منصدمه بس منها الغلط المفروض ماتقول اسمه عقب الي صار

يالله حبيبتي ناطرين البارت الي ياي
لاطولين علينا