حركة الجنين قلت :( طــــمـــــــــنـــــــــــــونــــــــــــــــي

[нάγoηά cнεмίsтяγ]

بنـات طمنوني
:eh_s(2):

آنا دخلت الشهر السادس اول يومين ثلاث ماشاءالله حركة نشيطة و طول اليوم الحمدالله

لكن صارلي 3 ايام ماحس بحركة الجنين الا مرة مرتين باليوم

حيل خايفه اخاف الجنين تعبان او فيه شي

لأني صارلي يومين أشتغل بشقتي و اتحرك وانظف
مادري اخاف اثر عالجنين:eh_s(11):

وايد خايفه قولولي لازم اراجع انا توني مراجعه بدايه هالاسبوع

بس مراجعتي كانت قبل لا اشتغل بالشقه شغل التنظيف

و دكتورتي سافرت والمشكله دكتورتي الثانيه اللي بولد عندها هم مسافرة

قولولي شسوي او علاقل اللي مرت بحالتي تطمني :eh_s(2):​

 

[ام قدووور]

هلا حبيبتي اكلي ككاو او شربي عصير فيه شكر

ومفروض ما اتعبين نفسج وايد ديربالج

واذا حسيتي ان الحركه قليله

روحي الطبيب واتطمني

انشاء الله ماكو الا العافيه

 

[قمرالبيت]

عادي حبيبتي من التعب
بس انتي ماتجهدين نفسج لان مو زين
وعشان تتطمنين روحي سوي سونار عادي عشان ترتاحين
والله يطمن قلبج

 

[нάγoηά cнεмίsтяγ]

مشكورين ما قصرتوا ​

والله من اليوم واكل ككاو ​

يمكن بس طقتين طول اليوم​

و قبلها طول اليوم بين فترة والثانيه احس بحركة الجنين​

يا رب ماكو الا العافيه​

 

[نور الدنيا 88]

عادي حبيبتي انا اييلي طول اليوم يرفس و مرات صخة
على حسب نومتج و قعدتج و اكلج و اذا حسيتي بتعب و جهدتي روحج راح يطخ

 

[شقرا كويتيه]

اذا خايفه لهدرجه روحي تطمني احسن واكلي ككاو ولاتعبين نفسج موزين عليج وان شاءالله مافيج الا العافيه

 

[تبطي عظم!]

انا ماحس بحركته قليل قليل ومن يومين صار نشيط ورد خفيف

وكل ماسويت سونار مافيه الا العافيه ~

 

[noo7a]

حبيبتي البيبي تييله ايام يرتاح و ينام مثل ما احنا بعد نرتاح و ننام
و اذا خايفه حيل روحي الطبيب سوي سونار بس مو شرط تروحين عند دكتورتج

 

[المكسيكيه]

حبيبتي عادي انا جذي يصير معاي البيبي ياخذ راحه بالعكس احسن له

 

[souhaila]

حبيبتي عادي التعب و قلة الاكل اي نقص السكر في الدم يتعب البيبي و ما يخليه يتحرك وايد
انا كنت بالسادس مثلك و كنت برمضان الي طاف البيبي من اول يوم رمضان لغاية اسبوع ما تحرك ولا حركة
حتى اني قلت الجنين مات في بطني
بعدها اتصلت بامي و قالتلي اكلي كاكاو و اشربي كوكا راح يتحرك
و صج اكلت كاكاو و شربت كوكا و ما شاء الله رجع لحيويتو
ابعدي عن الاجهاد و اعرفي ان البيبي يتاثر مثلك بالضبط
اذا جوعانة بيجوع و اذا تعبانة بيتعب و حتى اذا زعلانة بيزعل
الله يحفضو لك و تشوفيه بسلامة

 

[كلاسيكال]

نفس كلام الحلوااااااااات اللي فوووقي ،، عادي لاتحاتين نفس الشي معانا

 

[الأميرة جوري]

عاااااااااادي انا مرات اخااااف واشك بس لمن اريح وانام علي ظهري واراقب احس يتحرك...جربي ريحى وراقبي

 

[нάγoηά cнεмίsтяγ]

الله يطمن قلوبكم والله ريحتوني ما قصرتوا

امس من الخوف ما نمت بالليل قاعد ابجي

لان كلام في النت خرعني ان قله الحركة انذار
الله يسامحهم هالمواقع له تخريع

بس الحمدلله اليوم تحرك شوي مع ان لا زال الحركات اقل بوايد

بس الحمدلله على كل حال الله يحفظ كل جنين في بطن امه يا رب​

 

[reem83]

اذا خايفة حيل روحي تاكدي بس انتي ريحي روحج

 

[pinkigigi]

لان قبل كنتي مريحه و ما تتحركين

تقدرين تحسين فيه


لكن مدام انتي تتحركين في حركات ما تحسين فيها الا اذا انتي ساكنه و ما تتحركين

و على حسب نوع البيبي

الولد حركته سريعه و خفيفه
البنت تتحرك بطيء وثقسله تحسين فيها تصعد و تنزل


و الله يتمم على خير و لا تحاتين

و ديري بالج و اهم شي الراحه

 

[AVE.NJ]

ترا هذا الوسواس مال الحمال عادي
ياما بتوسوسين

 

[عيون السعودية]

أنا عن تجربتي صراااحه كنت حامل في الشهر الثامن والبيبي كان أموره تمام وكانت حركته جدا قويه والله العظيـــــــــــــــــــــــــم والله على ماأقووول شهيد في خلال يوم واحد فقط ماتحرك وكنت حيييييييل خايفه لما رحت الدكتور قال لي الجنين ميت وما فيه سبب طبي لكن أنا تسببت على نفسي لأني ((ماعملت ولا تحليل من بداية الحمل بس كنت اكشف سونار فقط لاكن تحاليل ماكنت اسوي ابدا ابدا ))مابي اخوفك بس الحقي نفسك واكشفي وادعي لي ان ربي يعوضني

 

[нάγoηά cнεмίsтяγ]

جزاكم الله خيـر على هالردود الطيبـه اللي تريح البااال

الحمدالله تطمنت أمس وايد تحركت طول اليوم كل شوي ترفس

حبيبتي الله يحفظها و يحفظ أجنتكم كلكم يا رب

 

[нάγoηά cнεмίsтяγ]

أنا عن تجربتي صراااحه كنت حامل في الشهر الثامن والبيبي كان أموره تمام وكانت حركته جدا قويه والله العظيـــــــــــــــــــــــــم والله على ماأقووول شهيد في خلال يوم واحد فقط ماتحرك وكنت حيييييييل خايفه لما رحت الدكتور قال لي الجنين ميت وما فيه سبب طبي لكن أنا تسببت على نفسي لأني ((ماعملت ولا تحليل من بداية الحمل بس كنت اكشف سونار فقط لاكن تحاليل ماكنت اسوي ابدا ابدا ))مابي اخوفك بس الحقي نفسك واكشفي وادعي لي ان ربي يعوضني

أخيـه والله عوار قـلب عسى الله يعوضج ويكون في عونج

نفس تجربـه مرت حماي مسكينـه قبل ولادتها بـ أيام فقدت حركة البيبي فجأة

يوم راحـت والا الجنين ميّت وكان باقي ع ولادته 3 ايام بس

والحمدالله عوضها ربي عسى الله يعوضج بالأحسن انشالله

بس يعني انتي ما كنتي تراجعيـن طبيبة معينه بس تسوين سونار وبس؟
​

 

[نبض السعاده]

اب اب