سنة 1985...
أبو محمد [ جـاسم ] : ها شرايج بالشقة ..؟
حصة بكل براءة : حلوة .. كل شي منك حلو
جاسم : تعالي شوفي الأثاث على شان اذا تبين نغير شي قبل لا نتزوج
حصة بتردد : جاسم كلمت أهلك ..؟
جاسم متوهق : ها .. أي أي كلمتهم .. لا واليوم أمي بتدق على أمج << ويبتسم بخبث
حصة مستانسة : ما أصدق أن بنتزوج
جاسم يطالعها بنظرات غريبة : وأنا ليش اليوم يايبج على شان تشوفين الشقة .. أبي أخذ رايج بالأثاث
حصة تبتسم له : الشقة وايد حلوة .. يالله نرد للبيت لاني تأخرت
جاسم بخبث : زين تعالي غرفة النوم
حصة تفاجئت : شنو
جاسم : أبي آخذ رايج بالغرفة يالله
حصة : قلت لك أي شي منك حلو
جاسم : مو واثقة فيني
حصة تبي تطلع .. جان يمسكها من ايدها
جاسم : أفهم من هذا انج مو واثقة فيني
حصة : جاسم لاتحرجني أكثر من جذي
جاسم : تعالي << ومسك يدها
...
جاسم بابتسامة : شرايج << يطالعها
حصة : حلوة
جاسم يلمها : خايفة مني
حصة استسلمت له : لا
جاسم بدى يتمادى ... شوي شوي وللاسف حصة مستسلمة لين صار اللي صار وفقدت أغلى ماعندها
...
حصة تبجي : جاسم أوعدني أنك بتتزوجني
جاسم بخبث : أكيد بتزوجج .. يالله أمشي أوديج بيتكم قبل لا أمج تحس بشي .. واليوم أو باجر تلاقين أمي داقة على أمج
حصة ارتاحت من كلامه : ان شاء الله
...
طبعا ولا شي من كلام جاسم صار .. لا امة دقت ولا تزوجها مثل ماوعدها .. مر أسبوع وحصة تدق على جاسم وأهو مايرد عليها .. والاسبوع صار شهر .. حصة بدت تحس بتعب ولوعة
...
stop
خلونا نتعرف على حصة
حصة عايشة عند أمها .. أمها كانت مو كويتية .. ومالها اهل بالكويت .. لكن هالشي مايمنع ان ام حصة ربتها أحسن تربية .. حصة كانت فاقدةة حنان الابو على شان جذي حبت أول شخص دخل بحياتها .. أبوها ميت وأهله مقاطعينه لمن تزوج امها .. كان وقتها عمرها 19 .. ~
...
راحت حصة للطبيب من غير علم أمها والشي الي كانت خايفة منه صار ... للأسف
الدكتورة : مبروك يامدام أنتي حامل
كان هالخبر مثل الصاعقة على حصة .. شلون ياربي أكون حامل .. دموعها نزلت لا اراديا .. لكن قررت انها تواجه جاسم .. راحت لبيتهم تنطرة لانه جاسم ماكان يرد عليها فكان هالحل اهو الوحيد
...
فجأه شافته طالع من بيتهم .. ركب سيارته
حصة لسايق التاكسي : ألحق السيارة
...
وصل للبنك مكان شغلة
حصة نزلت من التاكسي : جاسم
جاسم عصب : أنتي شيايبج هنيه
حصة تبجي : ليش تجذب علي ياجاسم ليش
جاسم يسوي نفسه زعلان : أنا أجذب على حبيبتي .. ليش تقولين هالكلام بس انشغلت
حصة عصبت : ليش أمك مادقت على أمي
جاسم : أمي مريضة .. اليوم تدق على أمج
حصة تدمع عينها : جاسم آنا حامل
جاسم بصدمة
حصة : جاسم اخطبني بسرعة .. لانه اذا امي درت بتموت
جاسم : ليش على بالج آنا مغفل .. تقطين بلاويج علي
حصة بصدمة : شقصدك
جاسم : قصدي .. ان الي ببطنج آنا شدراني أن مني
حصه : جاسم أنت تشك فيني
جاسم : أنا الحين مشغول .. وبعدين مصدقة اني أتزوج وحدة قـ*** مثلج
حصة : احترم نفسك .. أنا أشرف منك
جاسم : هه مبين والحين يالله أقلبي ويهج
...
طول الطريج وحصة تلوم نفسها .. وانها اهي السبب بالي صار فيها .. فكرت وفكرت بحل يطلعها من مصيبتها
...
دلال رفيجتها : أنتي الغلطانة .. الحين أكليها
حصة تبجي : دلال أبيج عون تصيرين لي فرعون .. الله يخليج لاقي لي حل
دلال : أنتي تتوقعين أن بياخذج .. مافي ريال ياخذ وحده ..<< كانت بتكمل
حصة تقاطعها : دلال كافي .. الي فيني مكفيني .. اذا أمي درت مو بعيدة تييها سكته قلبية
دلال : ماكو الا تشتكين علية ويجبرونه يتزوجج هذا الحل الوحيد
حصة تمسح دموعها : أنتي ينيتي .. تبين أمي تموت تبيني أنفضح
دلال : الحين شبتسوين
حصة تزيد بجي : مادري .. مادري
دلال تعاطفت مع رفيجتها : ان شاء الله بتنحل .. هونيها وتهون
حصة : أني من صجج .. شنو هونيها وتهون .. هذي فضيحة
دلال تفكر : اممم .. قلتي لي ولد منو
حصة : الـ *****
دلال : صجج
حصة : اي .. بعد هالامور يبي لها جذب
دلال : عيل سمعي
حصة : شنو
دلال : روحي لأهلة وقولي لهم السالفة
حصة منصدمة : أنتي من صجج
دلال : اهله ناس طيبين وأكيد بيساعدونج
حصة : شيقولون عني
دلال : سمعيني أول بعدين سوي الي تبين .. آنا متأكدة أهله خوش ناس قولي لأمه والا لأبوه .. واذا مافاد قولي انج بتشتكين عليهم
حصة : واذا قالوا لي روحي أشتكي
دلال : مرح يقولون .. أكو أحد ييب المشاكل لعمرة .. وبعدين اكيد أهم مايبون الفضيحة
حصة : أي فضيحة الله يهداج
دلال : زين انتي ليش ماتجربين .. والا بتنطرين ليما يكبر بطنج وتنفضحين صج
حصة تبجي : صعبة يادلال صعبة
دلال : آنا بساعدج
حصة تلمها : مادري لولاج جان شسويت
...
اليوم الثاني الساعة 11 الظهر
دلال : يالله نزلي قبل لا ايي جاسم ويخرب خطتنا
حصة : خايفة
دلال : لاتخافين حبيبتي وان شاء الله مرح يصير الا كل خير
...
حصة نزلت .. وكانت خطواتها ثقال حيل .. عمرها ماتخيلت تنحط بموقف مثل هذا .. تفشل نفسها وأهلها
حصة : بابا .. ماما اهنيه
الخدامة : بابا موجود .. بس ماما روح
حصة : زين قولي لبابا في وحده يبي
الخدامة : زين
بدقيقة كانت حصة بتتراجع .. وماتواجه ابوه .. وتواجه مشكلتها بروحها اهي وبس لكن نظرا لبعد السيارة وخروج أبو جاسم بسرعة .. فصار التراجع امر صعب
أبو جاسم : السلام عليكم ورحمة الله وبركاته
حصة منزله راسها ماكان لها ويه تطالعه : وعليكم السلام
أبو جاسم : حياج .. تفضلي
حصة دخلت وتمنت ان جاسم مايي ويخرب كل شي
أبو جاسم : حياج يابنيتي .. الخدامة تقول انج تبيني عسى ماشر
حصة رفعت راسها .. ماتدري شلون ارتاحت لهريال .. يمكن صج على قولت دلال انهم ناس طيبين
حصة عيونها غورقت دموع : أنا بمشكلة ومافي أحد يقدر يساعدني منها الا أنت
أبو جاسم يعطيها ماي : هدي نفسج يابنتي وقولي لي شفيج
حصة ماسكه القلاص وتبجي : جاسم
أبو جاسم بصدمة : جاسم شفية
حصة : مادري شقول لك ياعمي آنا مستحية من نفسي
أبو جاسم : قولي لي شصاير
حصة : أنا وجاسم نعرف بعض من سنة وكان واعدني بالزواج و ... سكتت << تبجي
أبو جاسم عصب : شصار
حصة كرهت نفسها بهاللحظه .. حست انها رخيصة .. ماتخيلت نفسها بهالموقف ابدا ابدا
حصة : أنا حامل من جاسم << قالت هالجملة وانهارت بالبجي
أبو جاسم بصدمة : حامل
حصة : أمي اذا درت بتموت .. الله يخليك عمي ساعدني .. جاسم يقولي مايبيني
أبو جاسم حط ايدها على راسها : ماعليه يابنتي .. اذا طلع كلامج صج .. راح يتزوجج غصبن عليه .. بنات الناس مو لعبة
حصة تمسح دموعها : والله ياعمي اني اقولك الصج .. مافيه بنت تجذب نفس هالجذبه .. وانا بنت شريفة مو راعية سوالف وخرابيط .. بس الشيطان شاطر .. آنا وثقت بجاسم .. لكن مادريت انه يجذب
أبو جاسم ومبين عليه ان متضايق : خلاص يابنتي .. أنتي روحي الحين وأنا اكلم جاسم .. ومرح يصير الا الخير
حصة تبوس راسة : مشكور عمي ماقصرت
...
بالسيارة
دلال : ها .. بشري شصار
حصة : دلال مادري شقولج .. بس مشكورة .. فعلا ابوه طلع خوش ريال وطمني
دلال تلمها : حياتي .. ان شاء الله يتزوجج
حصة : زين روحي للبيت لاني تعبانه حيل
...
بيت بو جاسم
جاسم توه يدخل البيت : السلام عليكم
أبو جاسم معصب : وعليكم السلام .. تو الناس جان نمت
جاسم باستغراب : عسى ماشر
أبو جاسم : تعال ابيك بموضوع
جاسم قعد : آمر يبا
أبو جاسم : أختك
جاسم : شفيها
أبو جاسم : واحد قص عليها .. والحين حامل وموراضي يتزوجها
جاسم عصب : وينه هالحيـ**** خلوني أتصرف معاه .. بنات الناس مولعبة
أبو جاسم : هدي .. هدي .. ليش منفعل
جاسم معصب : شنو أهدي
أبو جاسم : أصلن أختك أكبر من أنها تسوي هالشغلات
جاسم منصدم : شقصدك
أبو جاسم : قصدي أنت الحين عصبت .. ومافكرت ببنات الناس شنو بيكون ردت فعل اهلهم .. شفت شلون هالشي يقهر
جاسم : يبا شقصدك ترة موفاهم
أبو جاسم وقف واهو معصب : حصة
جاسم انصدم
أبو جاسم : البنت صج انها مالها عضيد .. لكنها طلبت مني أساعدها .. أنا أول ماسمعت سالفتها .. تخيلت بنتي بهالموقف .. انت ماتستحي على ويهك
جاسم واهو معصب : تصدقها وتجذبني
أبو جاسم : يالله قول .. تكلم فهمني
جاسم : كل شي صار برضاها .. يرضيك أتزوج وحد قـ*****
أبو جاسم : أحترم نفسك .. ولاتقول هالالفاظ الخايسة .. وبعدين صار برضاها ولا بدون رضاها أنت ترضى هالشي لأختك .. ماترضى .. شلون ترضاها لبنات الناس
جاسم : وآنا شدراني ان الي بطنها مني
أبو جاسم عصب : أعتقد أنت أكثر واحد تعرف هالشي .. باجر بنروح نخطب البنت هذا آخر كلام لي
جاسم عصب : آنا مابيها
أبو جاسم : اذا تبي رضاي سو الي قلته .. والا بيتي يتعذرك .. وآنا زعلان منك لي يوم الدين
جاسم : يبا انت عارف الكلام الي تقولة
أبو جاسم : للحين ماخرفت .. البنت طلبت مساعدتي .. وراح تتزوجها
جاسم : أنت بهالحركة قاعد تهدم حياتي
أبو جاسم : آنا قلت الي عندي .. شقلت
طلع جاسم من البيت معصب
...
أم حصة بتعب : آنا خشيت عنج مرضي ماكنت أبي أضايقج
حصة تبجي : قومي أوديج الطبيب
أم حصة : المرض أنتشر بجسمي .. الحين كل الي يهمني اني اتطمن عليج قبل لا أموت
حصة : اسم الله عليج يمه .. لاتقولين هالكلام
...
الصبح الساعة 9 ونص [ بيت أبو جاسم ]
جاسم : يبا آنا فكرت بالكلام الي قلته .. وآنا مستعد أني أصلح غلطتي .. بس عندي شرط
أبو جاسم : شنو شرطك
جاسم : أتزوجها واذا ولدت أطلقها
أبو جاسم : وترضى ولدك أو بنتك الي ببطنها يعيش بعيد عنك
جاسم : أصلن آنا ما أعتبر الي ببطنها ولدي
أبو جاسم : لاحول ولا قوة الا بالله
جاسم : شقلت
أبو جاسم : شقول بعد شي أحسن من ولا شي
جاسم : خوش عيل
...
أم حصة : هاذي الساعة المباركة حياكم الله
أم جاسم : الله يحييج
حصة : شنو يمه
أم حصة ترفع ايدها : الحمدالله لك يارب انك طمنتني على بنتي قبل لا أموت
حصة بخوف : شسالفة
أم حصة : مبروك يابنتي
...
وتمت الخطبة على خير .. وطبعا موضوع الحمال مايدري فيه الا الابو بس .. ما حب أن أهل جاسم ياخذون فكرة مو زينة عن حصة .. نادرين الي مثلك يابو جاسم الي يفكرون بعقل وطبعا رغبة من أم حصة على شان تتطمن على بنتها قبل لا تموت .. وأبو جاسم على شان موضوع الحمل .. حددوا موعد الملجة والعرس بعد أسبوعين .. طبعا أم حصة مستانسة وكل يوم موديها بنتها السوق وتجهز لها .. مسكينه ماتدري شنو ورى هالزواج
...
ناطرة آرائكم وانتقاداتكم .. :eh_s(7):
