أمريكا2011؟! هالمرة سفرتي غير!!

[^noonaa^]

قووه بنات شلووونكم

انا الحمدالله وصلت سان فرانسيسكوو والجوو حلوو بريداات 

 

[Simply_The_Best]

سمبوله شلونج حياتي وشلون اليهال من زمان عنج

هلا والله الحمدالله كلنا بخير

إنتي شخبارج ؟ و شخبار اليهال ؟ خبري فيج ذيك المرة ...... الحين جم عمر الصغير أو صغيرة

 

[Simply_The_Best]

السلااااام


شلونكم بنات وشخباركم؟ ادري غطيت عنكم بس شوي لهيت بالمشاوير والطلعات .. ان شاءالله باجر انزلكم صور new وحصرية :rerrerek:


البنات اللي سافرو توصلون بالسلامة يارب وسفره سعيده ... :eh_s(17):



Simply


ام بنينو ذابحتني وتس اب لايعة جبدها من جو اورلاندو ومتأففه :eh_s(22): خلاااص بنات بليز لا احد يروح اورلاندو الجو فيها حر وخيسه وما ينبغى خلوها حقي ولا احد يدعي علي

ماشاءالله هالاسبوع كله مطر .. صج مبرد علينا بس خرب علينا طلعات الحدايق وانحكرنا بالسوق وبنفلس عن قريب :eh_s(4):



سماسم مشكوره على التنبيه وعادي هالأمور تحصل بكل مكان انا شخصياً انبقت باول يوم لي في نيويورك :eh_s(22): الحذر واجب صج امان بس هم لازم الواحد يدير باله والله يهداها اختج ليش ماخذه الجوازات وهالمبلغ معاها وهادتهم بالسياره؟ يلا الحمدلله على كل حال اهم شي سلامتهم ...


باجر السبت ما احب اطلع بالويك اند زحمه بكل مكان مفكره نقعد بالريزورت وامر سوق القاهره نشتري شوية شغلات واطبخ مجبوس دياي اليهال ولهوا على العيش لووول باخليهم يطبون بحمام السباحه ويلعبون بالريزورت ويأجرون قواري على ما اطبخ لهم يمي يمي :eh_s(9):


يلا اخليكم الحين والقاكم على خير :eh_s(17):

ههههههه أدري مشتغله عليج بالوتس آب ...... أنا مواعدتها السنة اليايه أخذها فريقي و راح تطلع من فريقج لوووول

 

[طوق الياسمين]

وحشتوني بنااااات ووحشتني امريكا بس مالنا حظ السنه...زوجي امس يقول لي لو ماشريتي علي اغير الوظيفه جان احنا الحين بامريكا ...قلت له معليه نعوضها المرات الجايه ان شاء الله بس ص ج قلبي متقطع خاطري اروح...
اللي انسرقو الله يعوضكم بس الحرص واجب في كل مكان

 

[blues]

رووون فندقكم فييه تأجير قواري حق الكباار لوووووول ودنا نلعب

و وين في فندقكم وشسمه ؟!

و روون شنو تنصحيين من محلات حق هدووم حق العييد ؟!

ومن وين احصل تذاكر حق ديزني لاند ؟!

و مشكووووره روون عالمعلومات و يعطيج العااافيه ؛***

 

[ام _خلودي]

هلا سمبوله الحمدالله الصغير الله يسلمج صار عمره شهرين واهو الاقعدني بالحر والخيسه الله يحفظه وان شاء الله الصيف الياي كالي ابونا من الحين يخطط شفقان علي امريكا اكثر مني مو سمعت نصيحتكم ومخليته يروح مع اهله

 

[لولوة الكويتية]

اشلوووونكم بنات

 

[لولوة الكويتية]

المسافرين وينكم شخباركم يلاا ننطركم

 

[rawona]

قووه بنات شلووونكم

انا الحمدالله وصلت سان فرانسيسكوو والجوو حلوو بريداات 

الحمدلله على سلامتكم

ههههههه أدري مشتغله عليج بالوتس آب ...... أنا مواعدتها السنة اليايه أخذها فريقي و راح تطلع من فريقج لوووول

عليكم بالعافية .. أنا شكلي بأدورلي ديره يديده ههه قاعده اقول حق ابونا شرايك نروح كالي ومنها نقز نروح تاهيتي "جزيرة بورا بورا" والا هاواي بس شرط ما ناخذ اليهال معانا قالي "خير ان شاءالله" :eh_s(22):

وحشتوني بنااااات ووحشتني امريكا بس مالنا حظ السنه...زوجي امس يقول لي لو ماشريتي علي اغير الوظيفه جان احنا الحين بامريكا ...قلت له معليه نعوضها المرات الجايه ان شاء الله بس ص ج قلبي متقطع خاطري اروح...
اللي انسرقو الله يعوضكم بس الحرص واجب في كل مكان

ان شاءالله تنكتب لكم السنة الياية بإذن الله ..

رووون فندقكم فييه تأجير قواري حق الكباار لوووووول ودنا نلعب

و وين في فندقكم وشسمه ؟!

و روون شنو تنصحيين من محلات حق هدووم حق العييد ؟!

ومن وين احصل تذاكر حق ديزني لاند ؟!

و مشكووووره روون عالمعلومات و يعطيج العااافيه ؛***

هلا حبوبه

اي الفندق فيه تأجير قواري للعايله تعرفين نفس اللي بالخيران على 4 تواير؟ وفيه تأجير مراكب بعد صغيره بالبحيرة وفيه مدينة مائية .. راح احط شوية صور له بعد شوي .. وهذا اسمه

Marriott Cypress Harbour

موجود في اورلاندو قريب من السي وورلد ومن الاوت لت ومن كل شي تقريباً ابعد مشوار داخل اورلاندو ياخذ 25 دقيقة تقريباً .. كل شي قريب منا وقريب ..


بالنسبة لتذاكر ديزني .. في موقع تحجزين منه وتروحين تستلمين التذاكر منهم او يوصلونها لج للفندق او تروحين لهم بنفسج تحجزين وتاخذين التذاكر واهو ارخص من موقع ديزني نفسه ..

http://www.orlandofuntickets.com

هذا موقعهم وجيكي بعد هالمواقع وقارني بين الاسعار ..

http://www.floridaorlandotickets.net/


وموفقه..

المسافرين وينكم شخباركم يلاا ننطركم

هلا والله ... يخير عساج بخير .. الحين احط لكم جم صوره exclusive :eh_s(15):

 

[rawona]

مستعدين للصور؟

هذي بعض صور نيويورك .. وان شاءالله تعجبكم :rerrerek:




























يتبع ..​

 

[rawona]

يتبع ..

​

 

[rawona]

يتبع..
​

 

[rawona]

شرايكم ؟؟ ان شاءالله باحاول انزل صور الفندق من موبايلي واحطها لكم :eh_s(7):​

 

[UniquẼ ♥ ώomaN]

رووونه شنو هذا اللي في صناديق وفي صورة ثنتين ؟
ويعطيج العافيه عالصور انا الحين بفرنسا و حدي متشوووقه على امريكا واجوائها الحلوه ولاازم علي طول اجيك عالموضوع
يستااهل التثبيت

 

[عروس الدنيا]

خوش صور راونا عليكم بالعافيه و ياحلاة يوم الراحه بالفندق من عقب اللويه

 

[ورد وكادي]

قوه بنات شلونكم أنا طيارتي إن شاءالله 7/9 منو معاي على الإماراتيه وبغيت أسأل اللي جربوا الطيران الداخلي على الجت بلو شلون نظام الجناط عندهم أفيدونا الله يجزاكم ألف خير يارب

 

[^noonaa^]

روونا

الله يسلمج حبيبتي
والصوووور وااااو رووووعه

عليكم بالعافيه

 

[أم صالح]

بنات اشلونكم. غطيت شوي عن المنتدى ماكو غير المهايل بالسوق ارد منهد حيلي امس وصلنا لأس فيغاس. بنقعد اليوم وباجر. وبنروح سانتا مونيكا. قبلها كنا يومين بسان دييغو ر حنا zoo ورحت الفاشن مول فالي حلو. قربت افلس.

 

[rawona]

رووونه شنو هذا اللي في صناديق وفي صورة ثنتين ؟
ويعطيج العافيه عالصور انا الحين بفرنسا و حدي متشوووقه على امريكا واجوائها الحلوه ولاازم علي طول اجيك عالموضوع
يستااهل التثبيت

هلا والله ..

الصناديق الله يسلمج موجوده بمتحف صغير على جزيرة ايليس اللي يم تمثال الحرية .. وعارضين صور بعض المهاجرين الى امريكا وقشهم وشغلهم ويعطونكم سماعات باللغة اللي تبينها علشان تستمعين للشرح عن الهجرة ..

وتتهنين يارب بالسفرة .. اجازة سعيدة

بالنسبة لموضوع التثبيت اتخذنا قرار انا وزميلتي ام العيال ان ما يتم تثبيت مواضيع التجمعات في الوقت الحالي لكثرتها .. ويلا ناطرين تقريرج عن فرنسا علشان نثبته :eh_s(17):

خوش صور راونا عليكم بالعافيه و ياحلاة يوم الراحه بالفندق من عقب اللويه

هلا والله عروس .. اي والله القعدة بالريزورت راحة .. وخصوصاً ان احنا مو مستعيلين على شي والمكان مو يديد علينا وللحين عندنا وقت قبل الردة فحلو الواحد يريح شوي ويستمتع بالاكتفيتيز اللي يسوونها الريزورت واليهال وايد استانسوا ..

شلون استعداداتج؟ ماباجي شي على سفرتج؟ :rerrerek:

قوه بنات شلونكم أنا طيارتي إن شاءالله 7/9 منو معاي على الإماراتيه وبغيت أسأل اللي جربوا الطيران الداخلي على الجت بلو شلون نظام الجناط عندهم أفيدونا الله يجزاكم ألف خير يارب

بالنسبة للجت بلو اول جنطة ابلاش والجنطة الثانية تدفعين عليها بس مو مبلغ كبير .. للأسف نسيت الاسعار بس اكثر شي اذكره انهم يدفعون وايد على الوزن الزايد اما على القطع الاضافية فالاسعار ما بين 25$ - 50$ للجنطة .. اول ما توصلين كاونترهم حاطين قائمة بالاسعار جيكي معاهم او دخلي على موقعهم الالكتروني وجيكي على اسعار الجناط .. وتروحين وترجعين بالسلامة :eh_s(17):

روونا

الله يسلمج حبيبتي
والصوووور وااااو رووووعه

عليكم بالعافيه

الله يعافيج يارب .. ها ما قلتيلنا شرايج بامريكا؟ واجواء كالي؟ ناطرين صورج وفيد باك منج عن قريب :eh_s(15):

 

[rawona]

بنات اشلونكم. غطيت شوي عن المنتدى ماكو غير المهايل بالسوق ارد منهد حيلي امس وصلنا لأس فيغاس. بنقعد اليوم وباجر. وبنروح سانتا مونيكا. قبلها كنا يومين بسان دييغو ر حنا zoo ورحت الفاشن مول فالي حلو. قربت افلس.

الحمدلله على سلامتكم ام صالح وعليكم بالعافية ..

وعلى السوق .. عندنا وعندج خير :eh_s(22): انا فلست الا :eh_s(1): خاشة لي مبلغ علشان ناوية آخذ جنطة ماركة قبل لا ارد ومحتارة بين شانيل وال في ( مشكلتي وايد عندي جناط ال في بس اموت على هالماركة كل ما ابي اغير عنها ارد آخذها بس موديل ثاني ) :eh_s(16): خوفي تروح الفلوس وماشريت الجنطة اللي ابيها .. الله يستر :eh_s(2):