جيل السبعينات وينكم ؟؟؟

[المستغفرة 74]

سبحان الله يقولج العدد الفردى مايمتن والزوجى يمتن ...
هذى كلها دراسات سووها الحين وكان الرسول صلى الله عليه وسلم
مخبرنا فيها من اكثر من الف سنه...

سبحان الله

 

[_ظل الياسمين _]

سراب راحت تنام

قالت بتروح تصلى...

 

[المستغفرة 74]

الله بياع بياع خام خام خام ويبيع الخامه وتخريجتها مع بعض وفي بياه خام يبيع كور اللي تجي خام صفرا ويبيع علج ههههههههههه ياحلو ذيج الاياام

كان كلشي لة طعم رمضان العيد العطلة الكشتات

رمضان تشوفين قبل الفطور بالشارع صينية رايحة وصينية رادة نقصة للجيران بشكل يومي مو الحين اللهم يا كافي تبين بس الفكة من شر الجيران والستر منهم

 

[سراب كذاب]

براد برااااااد منو يبي

 

[سراب كذاب]

بنات انا بروح انام تصبحون علي خير جميعا واشوفكم باجر باذن الله تعالي في امان الله

 

[المستغفرة 74]

براد برااااااد منو يبي

ما شاءالله
ما تشغلون دفايات او فحم
اموووووووووت بالشتا

 

[المستغفرة 74]

بنات انا بروح انام تصبحون علي خير جميعا واشوفكم باجر باذن الله تعالي في امان الله

وانتي من اهل الخير

 

[المستغفرة 74]

وانا بعد استئذنكم
تصبحون على خير جميعا
والملتقى باجر باذن الرحمن

 

[سراب كذاب]

ما شاءالله
ما تشغلون دفايات او فحم
اموووووووووت بالشتا

المستغفره احنا الحين عندنا صيف هذولاك استراليا الي عكس الناس .. نبي شمس عشان نحط حنه :eh_s(4):

 

[سراب كذاب]

مع السلامه

 

[المستغفرة 74]

المستغفره احنا الحين عندنا صيف هذولاك استراليا الي عكس الناس .. نبي شمس عشان نحط حنه :eh_s(4):

شلون صيف ومطر يعني شتلبسون لماتطلعون ملابس خفيفة او ثقيلة

 

[غير كل الناس]

لا مو قايل شي يبي بس انا ذبحني الزقاير وانا مدمنه بخور عاشان كذا تثبت اكثر

تصدقين لارحت مشوار او زايره متبخره وهو البي موديني ادش اسلم يقولون ريحتج زقاير عاد تصك فيني الدنيا >>>>ابيه شكو فيني
هههههه

 

[المستغفرة 74]

لا مو قايل شي يبي بس انا ذبحني الزقاير وانا مدمنه بخور عاشان كذا تثبت اكثر

تصدقين لارحت مشوار او زايره متبخره وهو البي موديني ادش اسلم يقولون ريحتج زقاير عاد تصك فيني الدنيا >>>>ابيه شكو فيني
هههههه

صاجة انا مثلج والحين تطور الامر شيشة بس شسوي ما اقدر اقولة شيء عشانة بيتوتي

 

[غير كل الناس]

المستغفره عاد انا احب ريحه الشيشه تذكرني بمصر

اللللللللله ودي اروح لها ٤ ايام بروحي مع زوجي فقظ

مدري شنو الاوضاع الحين

 

[غير كل الناس]

نكتفي بهذا القدر من القرقه ونلتقي الليله علي خير

 

[المستغفرة 74]

المستغفره عاد انا احب ريحه الشيشه تذكرني بمصر

اللللللللله ودي اروح لها ٤ ايام بروحي مع زوجي فقظ

مدري شنو الاوضاع الحين

الحين محد يروح لها اذا ودج تسافرين روحي لبنان او تركيا

 

[المستغفرة 74]

نكتفي بهذا القدر من القرقه ونلتقي الليله علي خير

تصبحين على خير:ch12:

 

[ṦάЯỢηά ĚŁђĻώạ]

السلام عليكم شلونكم بنات ولهاانة عليكم وااايد وااااايد امس صج قلت بنام لكني ما نمت عدل
ماادري شفيني ضروووري ابي اشتري لي حبوب منوم غير بندول ابي شي زين شنو ابي اي
حبة من اكلها تنوم وماا تاثر تخيلوا نمت 10 وقمت 12 وكنت ابي اشبك وقاعدة افكر فيكم
واحاول اشبك من التلفون ما يصيير يعلق والوايرلس اهلي مطفينه ولما بروح ابطلة ولا الباب
مقفول وما قدرت وضليت اسولف بالتلفون ليين صار الصبح وبطلوا الوايرلس
عاد اليوم لاازم لااازم اشوفكم واسولف ويااكم :eh_s(2): :eh_s(17)::eh_s(17): لانه باجر من الظهر ليي بليييل بروح المسيلة فما راح اقدر واتوقع على ما ارد واسبح واصلي الا انا اكون تعبانة وبنام ونفس الشي يوم الثلاثا بروح الاكوابارك وراح اكون اهناك من الظهر لييي بليل فماا عندي وقت
:eh_s(7)::eh_s(7)::eh_s(7):​

 

[ṦάЯỢηά ĚŁђĻώạ]

اي بنات ماابي حبه منوم البندولة معني ماا جربتها بس احس ما تنوم بسرعة انا اتذكر
قبل الطبيب عطاني منوم بس لما اكلت الحبه مااااا نمت ولا صار شي وحتى كنت ماكلة 2
وكان لونها ابيض فبليز فيدوني مالي خلق افتر بالنت واقرا ابي اقوا حبة تعرفونها تنوم :eh_s(10):

 

[ṦάЯỢηά ĚŁђĻώạ]

المستغفرة بناتج ما ايون المسيلة ؟؟ انتي ما تحبين بس يمكن اهم يحبون انا مستانسة اني باجر بطلع
وبروح بس راح امل شوي لانه بروحي فابي بنات وياي بعمري