استفسار عن قرحة عنق الرحم ؟ الله يخليكم جاوبوني حدي خايفه !

[بنت النــوور]

السلام عليكم
شلونكم بنات شخباركم
واللي يعافيكم حبيت استفسر عن هالمرض
كل مايمارس معاي زوجي يطلع معاي دم
مع العلم ان عرسي كان بتاريخ 14 - 4 - 2011​

عاد تخيلو انتو ويهي !
لما ايي يجامعني وينزل دم
رحت معاه عند دكتوره وفحصتني قالت انتي معاج قرحة في عنق الرحم
وكل مايلمس هالمنطقه بالجماع ينزل معاج دم وايد ووصفت في على علاجين
Doxycycline 100mg + suprazole 200mg
عباره عن مضاد حيوي وقالت احتمال انسوي لها كي ؟!​

فـ أنا خايفه حيل شتنصحوني فيه
وشكرا ناطرتكم على احر من الجمر

:eh_s(2):​

 

[ربي حسيبي]

عادي حبيبتي بعضها مع العلاج يروح واذا ما راحت تكويها بس ما راح تحسين بشي

 

[بنت النــوور]

انزين مع العلاج هذا يروح ؟؟
وهالمرض خطير حيل ولا عادي
والكي بمستشفى الخاص بجم يسوونه
الله يجزاج خير جاوبيني

 

[بنت اكابر]

لا تخاافين انا توني مسويتها قبل جم شهر اهيا بسيطه ولا تحسين بولا شي كي بارد وتحط لج تخدير موضعي وعندها بالعياده ونفس سرير الفحص ومدتها بالضبط ٣ دقايق وبس واهي تسولف معاج وسعرها ٥٠ بدار الشفا عند د نجوي مصريه
وتطلعين من لحظتها بس تقومين عادي ما جنه سويتي شي كلش بس انه اسبوع ينزل منج مااي وصخ لازم تحطين كتكس وانا منعتني عن الجماع الين الدوره الثانيه يعني تقريبا شهر لان اهيا تسويها لج اخر يوم دوره اذا غسلتي وبعدين تخليج ممنوعه الين الدوره الجايه وبعدها عادي بالعكس اختصري وسوي الكي لان العلاج بالغالب مامنه فايده حتي الكي اسرع واحسن ااي نسيت بعد تعطيج بعد الكي تحاميل لمدة يومين وعلي فكرة القرحه عبارة عن التهابات اهملتيها الين تقرج الرحم حافظي علي نفسج المرات اليايه وتري تمنع الحمل من تسوينها شهرين باذن الله تحملين

 

[@najla@]

انا كنت اعاني من تقرحات بالرحم وتاخر الحمل عندي ونصحتني الدكتوره اسوي الكي والحمدالله بعد العلمليه بشهرين حملت على طول

ولاتخافيين العمليه سهله وماتشوفين شر ان شالله

 

[بنت اكابر]

رداً علي سؤالج القرحه مو مرض خطير ولا شي عادي تصيب اغلب الحريم شي عادي نوع من انواع الالتهابات

 

[بنت النــوور]

لا تخاافين انا توني مسويتها قبل جم شهر اهيا بسيطه ولا تحسين بولا شي كي بارد وتحط لج تخدير موضعي وعندها بالعياده ونفس سرير الفحص ومدتها بالضبط ٣ دقايق وبس واهي تسولف معاج وسعرها ٥٠ بدار الشفا عند د نجوي مصريه
وتطلعين من لحظتها بس تقومين عادي ما جنه سويتي شي كلش بس انه اسبوع ينزل منج مااي وصخ لازم تحطين كتكس وانا منعتني عن الجماع الين الدوره الثانيه يعني تقريبا شهر لان اهيا تسويها لج اخر يوم دوره اذا غسلتي وبعدين تخليج ممنوعه الين الدوره الجايه وبعدها عادي بالعكس اختصري وسوي الكي لان العلاج بالغالب مامنه فايده حتي الكي اسرع واحسن ااي نسيت بعد تعطيج بعد الكي تحاميل لمدة يومين وعلي فكرة القرحه عبارة عن التهابات اهملتيها الين تقرج الرحم حافظي علي نفسج المرات اليايه وتري تمنع الحمل من تسوينها شهرين باذن الله تحملين

يآآآبعد عمري والله
الله يريح قلبج والله دنيا وآخره مثل ماريحتيني
حتى سعرها حلو توقعت ان سعر العمليه اكثر
مشكورة يالغاليه وتسلمين :eh_s(17):

 

[بنت النــوور]

انا كنت اعاني من تقرحات بالرحم وتاخر الحمل عندي ونصحتني الدكتوره اسوي الكي والحمدالله بعد العلمليه بشهرين حملت على طول

ولاتخافيين العمليه سهله وماتشوفين شر ان شالله

تسلمين يالغاليه والله ماقصرتي
الله يريح بالج دنيآ وآخره :eh_s(7):

 

[بنت النــوور]

رداً علي سؤالج القرحه مو مرض خطير ولا شي عادي تصيب اغلب الحريم شي عادي نوع من انواع الالتهابات

امبيه ما تتخيلين شكثر فرحت من شفت ردج
انا ماعمري رحت لعيادات مثل هذي
ويوم رحت انصدمت من هالمرض
والحمدلله مثل ماقلتي طلع شي عادي
الله يريح قلبج ان شالله مثل ماريحتيني :eh_s(17):