pure skin group .... beauty begins here&&e&&

[ميمو السعودية]

تقول رفيجتي ماركته سعوديه ومكتوب عليه للبشره



انا امي اللي تشتريه ماي الورد العادي ماركته الايراني

استعمله ولالا ،،، خااايفه والله

مادري والله يمكن قصوا عليها مافية موية ورد سعودية وخصوصا االلي يقولون لك للبشرة وزين ويمدحون فية
مش مضمون والله :eh_s(10):

انا اللي اعرفه واستخدمه هذا ولا نشترية من البحرين وفية محلات هنا بالدمام يبيعونة : اشترية وافضية بعلبة بخاخ كذا اضمن

العلبة اللي جهة يسار ( سوري على الصورة )
​

 

[ميمو السعودية]

انا الان حاطة عسل على شفايفي وبجهز لي خلطة الركب والاكواع بالزنجبيل وبعجن الحنة من اليوم علشان يتخمر زين وبكرة بحطها بشعري } وان شاء الله بصور لكم الخلطتين

انتظروني ~ :blueSmCLR:
​

 

[قلبهـ 86]

اي انا نفس علبه ماي الورد هذااا


يعني ماااايضر ،،،،

 

[ميمو السعودية]

اي انا نفس علبه ماي الورد هذااا


يعني ماااايضر ،،،،

لا ان شاء الله مايضر :eh_s(17):
​

 

[لهفة عشق]

مراحب بنات

اليوم حطيت لي قناع الروب البارد

يغذي ويرطب البشرة الجافة و ينظف

الطريقة ملعقه روب تدهنين فيها وجهج لمدة ربع ساعه وبس

و سلامتكم

 

[ميمو السعودية]

بااااك

هذا الحنة طريقتة ( تاخذين قشور برتقال وتغلينة بالموية لحد مايفور بعدها نشيلة مع على النار ونحط فوقة ملعقة ونص بابونج ) ونتركة كم سااعه
بعدها نصفية ونعجن فية ( 6 ملاعق حنة ) كمية الحنة على كثر شعرك + ملعقة ليمون + ملعقة ونص خل ابيض وم كركم ) نعجنهم بموية البرتقال والبابونج ونخمرها 4 ساعات
ويوضع على الشعر ساعتين الى 4 ساعاات ويغسل بالماء فقط علشان يثبت اللون
هذي الطريقة تخلي اللون بني ( وانا اول مرة اجربها )

اما الصحن الثاني هذا خلطة الزنجبيل للركب والاكواع كتبت طريقتة قبل

ان شاء الله تستفيدون ~
​

 

[ميمو السعودية]

هذا كل اللي عندي لليوم
ان شاء الله اقول لكم وش يصير معي بالحنة
سي يوو ""

 

[جوهرة البحرين]

اي هذي علبت الماي ورد واااايد عجيبة حطيهة في غرشة ترشينها ع ويهج يعني نفس البخاخ يخليج جي فرش مفيد
بنات من جربت طريقت الطماط بالملح للبشرة ؟؟

بالنسبة لي اليوم حطيت كريم مرطب للبشرة
وكريم تحت العين ووووبس
بنات والله كل مرة اقول بنزل لكم الصور بس تصير عندي اشياء ضرورية
ثامحوووني
حتا الصور جاهزين بس اتملل اوديهم واحملهم سالفة طويلة ههههه

 

[جوهرة البحرين]

هلاااااااااا والله بالصبايا اللي يهتمون بنفسهم اموت عليكم انا

لازم لازم بشاركم لو كان اخر دقيقه عندي لاني ماافضى من هالولد الصياح اللي جبته

قبل ماااجيب عيال كنت مايبقى خلطة مااسويها لمن استقريت على خلطات او بالاحرى <<احلى يالاحرى الماسكات اللي استقريت عليها

ووالله قطعتها ( هالعيال خذوا وقتي و نسوني نفسي وحياتي) بس حماسكم اهوه اللي خلاني احس اني ودي ارجع اهتم لنفسي

آآه يا ذيك الايام

المهم بعد مافضفضت لكم شوي ابقولكم على الاقنعه عاد مكوناتهم موجودة في كل بيت ووالله لو استمريتو عليها يا بنات على الاقل يوم وترك بتشوفين شلون وجهج يورد ويلمع والبشرة تنشد جنج اوروبيه

1-اذا عيونج من النوع اللي تتنفخ من النوم من اول ماتصحين حطي لج ملعقتين داخل الفريزر و بعدين وانتو بكرامة دخلي الحمام واذا طلعتي يكون امداهم يبردون فحطيهم على عيونج دقيقة تقريبا وراح تحسين ان الانتفاخ يروووح بسررررعه

2- قناع الطين البحري
الطين الطين العادي اللي يبيعونه بالاسواق الشعبيه عندنا هنا بالدمام اما عندكم اتوقع تلاقونه عند الحواويج
الطريقة: تاخذين لج قطعه طين تقريبا عرض مفصلين وتنقينعها بماي لمدة نص ساعه مع نقطتين زيت زيتون او زيت اللوز وراح تلاحظين ان الطين يفخر فاذا حسيتي انه محتاج ماي زيديه بحيث يكون عجينه لينه وتدهنين فيه وجهج وتبعدينه طبعا عن عيونج وتتركنة لمدة 20 دقيقة و بعدها اخذي اسفنجه خاصه بالوجه ونظفي وجهج وشوفي وجهج شلون يلع وادعي لي بعدها الله يعقل ولدي ههه صج والله ماامزح

ثلاثه- صنفرة طبيعه تشدة الوجه مااتضرة ولا بواحد بالميه اللي اهيه :

تاخذين ليمونه تقصينها بالنص تعصرينها بس لا تطلعين روحها يعني خلي فيها شوي واخذي شويه سكر وحطيه بوسطها و صنفري وجهج بالراحة مو تشققين وجهج خليها تصير جنج قاعدة تسوين تدليك لوجهج مع ضغط خفيف اوك .. لمن تحسين ان السكر ذاب .. خلاص .. تغسلين وجهج بماي بارد او معتدل .. وهم شوفي بشرتج شلون بتصير ..

الوصفة الرابعه والاخيرة والمهمة.. ماء ورد مثلج...
اعلمج طريقة حلوة .. اخذي القوالب حق الثلج المكعبات وصبي فيه ماي الورد وثلجية وبعدين اخذي مكعبة ومرريها على وجهج كله لمن يصر وجهج لونه وردي
راح يشد بشرتج ويبيضها وبتشوفين شلون خدودج تصير حمرة كانج حاطة بلاشر .. وبتقولين joji قالت .

هم بعد مرة جربت مغلي البقدونس لتصفيه الوجه حماي مدليتني عليه بس ماحسيت اني استفدت عليه كثير لاني طلع لي كلف بعد الحمل..

اما تجاربي مع الشعر لي رجعه بعدين ابخر لكم كل اللي عندي هههههههه لاني الحين تعبت وانا اكتب تدرون مو متعودة والله كله اقرا ومااشارك بس انتو شجعتوني

وسلامتكم وسامحوني طولت عليكم

هلابج حبيبتي الله يعينج يارب ويتربون بعزج ان شاء الله
وبالنسبة للاشيا اللي انتي كاتبتهم معضمهم جربتهم وووايد روعة بس الانتفاخ انا اسوي بطريقة القفش بس مايروح بسرعة
يعطيج الف عافية

 

[#تولين#]

ماشاء الله

 

[ميمو السعودية]

مساء الخير

اليوم حطيت حنا بشعري

وسنفرة جسمي كااامل بسنفرة انل والبابايا ورطبتة

وبس ~
​

 

[جوهرة البحرين]

up up
وينكم بنات شسالفة

 

[ميمو السعودية]

صباحوو بناااات وينكم وش ذا النووم والكسل

ع العموم حبيت اسأل عن احسن مشد للبطن ؟؟ ابغى صور لة

وش رايكم بالمشد الاندونيسي ناس تمدح وناس تذم ولاندري مين الصادق ..؟؟

 

[ميمو السعودية]

جدولي ليوم الجمعه :

بزيت شعري لانة اليوم ماقدرت وبسوي له حمام زيت بعد وبسنفر جسمي بسنفرة انل والبابايا
وعلى فكرة انا خلصت علبة من سنفرة انل وبديت بالثاانية وناوية اسويها من جديد لانها وحدت لون جسمي بشكل ملحوظ والكل يسألني عن السر ~
​

 

[Q 8 Y A t]

بنات انا حطيت بجدولي اليوم بريجيمي
المااااااااااااااااااااااااي


حاولووووووووا بقدر الامكان باليوووووووووووووم


6

او

8


اكواب من الممممممممممممممممااااااااااي


اتفقنا ؟

والله بنات انا تلوع جبدي

بسسسسسسسسسسسسسس

مجبوووووووووووووووورةةةةةةة




طبعا ريجيمي عن ريجيم سنتر

ادري راح تسبونه

لكن صراحة اهو اهون من غيره

ولما تكون عندج ارادة

والله تنزلين


انا يبي لي عشر كيلووووو بس


لكن بحاول خلال هالثلاثة اشهر قبل المدرسة انزل وزن كبير

بعد الزواج كييييييييييييييفه


الاهم يوم عرسي يكون النفنوف الابيض تووووووب



..

شهري تعبت منه

خلاص ماراح اتعرضه

كيفه المعرس صج بياكلها وبتلوع جبده


بس شسوي

كل ما سويت شي انقلب ضدي


الحين بس بهتم في شكله انه يلمع وبس

وبعد العرس بقصه

هذا اذا مو ثاني يوم قصيته



عاد الله يعينه

 

[Q 8 Y A t]

امدحوا لي من عطارة الطايف خلطه الهردة بالكركم

بشتريها وبعدين اقول لكم النتيجة

 

[المتلثمه بعلم الكويت]

ميمو قلبي وش هي سنفره انل ؟؟

وعن المشدالاندونوسي اختي مجربته ورووووووووعه لصق بطنها بظهرها وانا ناويه عليه

بس بغيت انبهكم قريت مره انو وقت الدوره الشهريه ماينفع نضغط على البطن حتى باللبس !

 

[المتلثمه بعلم الكويت]

اب
اب

 

[جوهرة البحرين]

اي بنات بسألكم شسالفت سنفرت انل؟؟ شتسوي ؟؟ وشنهي مكوناتها؟؟

 

[ميمو السعودية]

بنات انا حطيت بجدولي اليوم بريجيمي
المااااااااااااااااااااااااي


حاولووووووووا بقدر الامكان باليوووووووووووووم


6

او

8


اكواب من الممممممممممممممممااااااااااي


اتفقنا ؟

والله بنات انا تلوع جبدي

بسسسسسسسسسسسسسس

مجبوووووووووووووووورةةةةةةة




طبعا ريجيمي عن ريجيم سنتر

ادري راح تسبونه

لكن صراحة اهو اهون من غيره

ولما تكون عندج ارادة

والله تنزلين


انا يبي لي عشر كيلووووو بس


لكن بحاول خلال هالثلاثة اشهر قبل المدرسة انزل وزن كبير

بعد الزواج كييييييييييييييفه


الاهم يوم عرسي يكون النفنوف الابيض تووووووب



..

شهري تعبت منه

خلاص ماراح اتعرضه

كيفه المعرس صج بياكلها وبتلوع جبده


بس شسوي

كل ما سويت شي انقلب ضدي


الحين بس بهتم في شكله انه يلمع وبس

وبعد العرس بقصه

هذا اذا مو ثاني يوم قصيته



عاد الله يعينه

ماشاء الله عليك
بجد الموية ضرورية وخصوصا الا بهالحر
والله يتمم لك على خير ان شاء الله ~
بس لاتيأسين من شعرك والله فية ناس يمكن ازيد منك واستمروا على حاجة وضبط معهم واذا تبين نساعدك بس اكتبي وش مشكلتك والبنات مايقصرون
​