مساحتي للفضفضة... ممكن؟؟؟

[يابختي]

بالاذن من مشرفة المنتدى

انا حابة اكون لي موضوع يكون كانه مساحتي لافضفض عن نفسي.. صج ماني خبيرة ولا كاتبة بس حابة اطلع اللي بقلبي .. وخصوصا انا مو النوع اللي اتكلم... يمكن بالكلام المكتوب اعبر...

الرد مو مشروط... والاطلاع مسموع.. والنقد غير موجود

 

[يابختي]

غريبة..بوسط هالناس...
تركني اجمل احساس
وبسبته حزنت وحزني طال
اجامل وانا مجروحة..
واكابر واقول نسيت الجرح وماهمني...
ولكن

همني وهمني وهمني

 

[طوق البنفسج]

متابعه فضفضتج .. بعد اذنج ..

عندي اقتراح و لج الحق بقبوله و رفضه ..

ليش ماتقبلين النقد الاحسن .. كل انسان يحتاج لنقد ابدايته .. عشان يتطور

 

[يابختي]

متابعه فضفضتج .. بعد اذنج ..

عندي اقتراح و لج الحق بقبوله و رفضه ..

ليش ماتقبلين النقد الاحسن .. كل انسان يحتاج لنقد ابدايته .. عشان يتطور

شاكرة مرورج وفرحانه فيه وايد،، وحياج الله من غير استئذان..
اما النقد فهو مقبول وفوق راسي بعد بس اصلا انا ماعندي موهبة الكتابة،، عليمية يعني،، انا حابة اكتب الكلام اللي صعب اقوله بلساني لاي احد ،،
وصعب الواحد يتطور وهو ماعنده اساسيات،، لا لغة لا تعبير ولا قواعد،،،:eh_s(4):...
بس مثل ما قلت فضفضة..

 

[يابختي]

شعوري،، غربة
احساسي ،،،وحدة
لو تسألني تعرف وتحس،،،
بس اسألني...

وجودك مهم؟؟؟

نعم مهم،،
وجودك.... يكملني
غيابك .....يجرحني

بس ابيك تحس

 

[bent_36a]

بانتظار فضفضتك

ممتع ما كتبتي

 

[يابختي]

bent_36a: شكرا لمرورج ومتابعتج

 

[ام الفهد712]

انا راح اتابع فضفضتج
وكلامج وااايد حلووو

 

[يابختي]

عرفت غلطتي...
عرفت الوهم اللي كنت فيه....
وندمانة

احس الدنيا اللي كنت فيها غير... دنيا منت فيها
دنيا مثالية... بس وهمية...
ياليتني ما عرفت هالدنيا..
ياليتني مثل البشر...شرية
..
شنو مشكلتي... عقلي الكبير
لازم اكون تافهة وشرية...
قراري اليديد

 

[يابختي]

انا راح اتابع فضفضتج
وكلامج وااايد حلووو

مشكوووورة حياتي...
ومشكورات كل وجدة مرت وشجعت او قرات

 

[يابختي]

ادري ... غبية.... بس احبك
للحين احبك... ليش؟؟؟
اسأل قلبي ليش...
بس تدري.. ماتستاهلني

 

[طوق البنفسج]

كل هذا و تقولين مبتداه KeeP GooinG

 

[Om_RayooMa]

متابعه

 

[يابختي]

كل هذا و تقولين مبتداه KeeP GooinG

مشكووورة وااااااايد:hjy5jewf:
كلامج رفعني لفوووووووووووق... بس شوي شوي علي اخاف اطيح،، وينكسر راسي

 

[يابختي]

:nbvppw::nbvppw:Om_RayooMa


على راسي متابعتج لي...شكرا

 

[يابختي]

كنت بين ايديك..طفله اتعلم الكلام،،
اتعلم منك الحب والمشاعر ،،،
قلبي فاضي... الا منك ومن حبك،،،

كنت وردة...بيضا ...ذبلتها بايدك...سحقتها،،، ودفنتها

بس الامل بالله كبير،،
وهالوردة راح ترجع تعيش ،،،،،،،، مثل الاول...بيضا ندية

وانا عايشة على هالامل...راح ارجع واعيش،،، بس قلبي... مجروح...الله يعينه..

 

[يابختي]

تعبت من قلبي
تعبت من نفسي
تعبت من دموعي
تعبت منك

وانت..... وينك؟؟؟

قاسي؟؟؟ مو قادرة اصدقها
غدار؟ جذاب؟؟ مايطاوعني قلبي اقولها
انت شنو من البشر؟؟

انت بقلبي تجرح وتطعن وببعدك تذبح وتقتل

ودموعي ترد عليك...
ما الومك...مافهمتني..
انا ما فهمت نفسي..ليش احبك؟؟؟

 

[يابختي]

كنت تسأل...تحبيني؟؟؟
وتنطر جواب مني..... من لساني..

لكن ما شفت عيوني...تلمع بحبك...تدمع بقربك..تستحي ترفع نظرها وتشوفك...عشان تنطق بكلمة ..ايه احبك
ما حسيت بقلبي...بكل لحظة معاك..يتحكم فيني..يقول ايه احبك..

كنت تبي كلمة ..والكلام صعب اقوله
عندي احساس بقلبي...صعب اشرحه..والاصعب منه..... انطقه...
ليتك دخلت قلبي..
ليتك فهمتني...
ليت قلبي بيدي ..ليت احساسي بيدي.. عشان اقدر انساك وارجع لحياتي ودنيتي

 

[يابختي]

اهديني وردة... اهديك قلبي
اهديني حبك...اهديك نفسي وروحي وعقلي
كم انا سخية...وكم انت بخيل

 

[يابختي]

ما غبت عن بالي..:33_1185028183:

لما قلت لي "مشتاق"
قلت لك "ما غبت عن بالي"
*********************

تدري انك ما غبت عن بالي...
في سكوني وفي كلامي...
اما اتذكرك اما اكلمك بداخلي...
ما ادري يوصلك كلامي؟؟؟
يوصلك حبي واشتياقي؟؟؟


ما غبت عن بالي....
أكلم الناس وبالي فيك ساهي....
واتذكرك في صباحي وبمنامي
وادعي لك بدعائي وبصلاتي...

هذي حالة؟؟؟ هذا جزاتي؟؟؟

بس من قلبي وروحي..... وبلساني...ودي اصرخ ..ودي تسمع ويسمع اللي في بالي.....
ترى انت ما غبت عن بالي