©«-.¸¸.-»© ¶ *رابطة المتكممات* ¶© «-.¸¸.-»© الجزء الثاني

[اوووفه]

اميره صدقيني انا ملتزمه وحارمه روحي من الاكل للحين سوايل واليوم الي اكل فيه لو عيش مشخول اعاقب نفسي واخلي باقي اليوم سوايل وثاني يوم بعد سوايل وانا مسافره مع ولدي علاج تخيل اروح معاه واتحرك مع الدكاتره اشيل واحطه وارجع الشقه انظف واطبخ واغسل مواعين ما اقعد تعب واروح الجمعيه مشي وكل اليوم حركه ما اقعد راحه لجذي ضايق خلقي اني ابذل مجهود وما انزل

 

[اوووفه]

ام منار دكتوره سماح بهلث كير كلينك بالشعب والاسعار ما ادري عنها بس انا ما احبها صارلي موقف معاها بصراحه ماتحترم المراجعين احنا كنا ننطرها انا وثنتين معاي وراحت خذت جنطتها وطلعت ونا احترمتنا ولا اعتذرت

 

[اميره بكلمتي]

مساء الخير

 

[اميره بكلمتي]

السلام عليكم بنات استفسار لو سمحتموا ولكم الاجر
دكتورة التغذية سماح شنو اسعارها ؟ وين مكانها ؟

أم منار الدكتوره بهيلث كير كلينك بمنطقة بنيد القار كل مراجعة بـ 7 دنانير وتسويلج كل شهر فحص الدهون بـ 12 دينار انا اراجع عندها

 

[اميره بكلمتي]

بنات ابي دكتورة تغذية زينة انا سويت لاالعملية وعند الشرهان وما شفت عندة دكتورة تغذية
انتو منو نصحكم فيها وشلون عرفتوها ؟؟؟؟؟؟؟؟؟؟؟

انا اراجع عند الدكتوره سماح بهيلث كير عند دكتوري خالد العنزي لان من سويت العمليه حولوني دايركت عليها لانهم بنفس العياده

وماشاء الله عليها ممتازه

 

[اميره بكلمتي]

صباحكم فل
ابشركم اليوم قست ولا نازله بعد 3 كيلو
صار المجموع 23 كيلو هيه

اخت سلفانا انا سويت تحاليلي والسونار بالسلام
السونار 25
المنضار 100
والتحاليل 20
مالي خلق لوية الحكومه والمواعيد

وبالنسبه للاكل انا ماروح دكتورة تغذيه
بس اقولج الصج اول الايام عوار بمعدتي ومو اي شي يوافقني
بس من كملت شهرين جان عاد الف الاولي والتلي مو تقولين عمليه
بس الكميات صغيره حيل
تالي قلت حق نفسي ليش انا مسويه عمليه عيل
جان ارد التزم باكل محدد
يعني الاطبق اللي بالكريمه وهالسوالف ماكلها
ككاوات وبطاط حق الشهوه بس
الخبز مقداري الخبز الصغتر مال المطاحن
جذي يعني
احلى شي السلطات اهي اكبر كميه اقدر اكلها وماتقثني
مقدار صحن اكل اقدر اكل
اما باجي الاكل مقداري صحن الاستكانه
وموفقين يارب

عسى الله يتمم عليج عافيتج يارب
انا مسويلي مع العمليه بنفس اليوم
يغث الحكومه مواعيدهم تبط الجبد اخر شي رحت مستشفى طيبه كلينك سويت عندهم سونار البطن اما التحاليل سويتها بالمستوصف

 

[اميره بكلمتي]

صباح الخير بنات ..شلونكم ؟؟؟ ​

بنات انا موعدي عن الدكتور خالد العنزي
بس بسألكم عن التحاليل والسونار وين سويتوووهم ؟؟
والمنظار وين سويتوه ؟؟​

ودكتوره التغذيه تراجعون عندها بس لما تكونون بمرحله السوائل والاكل المهروس ؟؟
يعني 3 شهور تقريبا والا لين توصلون الوزن المثالي؟؟​

شوفي في بعض الدكاتره يسوون المنظار بنفس يوم العمليه
اما التحاليل الدم سويها بالمستوصف والسونار سويه بخاص افضلج
ومراجعه التغذيه راجعي معاها لين توصلين للوزن المثالي

 

[بـخور الدواسـر]

قوه بنات اول شي حبيت اقول لكل وحده سوت العمليه اجر وعافيه والله يديم عليها الصحه والرشاقه يارب قولو آمين
حبيت اسئلكم قبل فتره شفت وحده منكم بس ناسيه اسمها تقول سوتها او بتسويها بالحكومه
ممكن اعرف شلون وهل لها وزن معين عشان يسوونها بالحكومه ولا عادي ووين اروح عشان اقول لهم نبي نسوي هالعمليه
والدكتور من يختاره المريض او المستشفى نفسه ؟
الله يعافيكم لاتنسون تردون على الاسئله تكفون ضروري

 

[love^angel]

بناااات انا موعدي بعد اسبوع وعلى ما تخلص التحاليل راح يكون نص ٧ واكيد بتكون العمليه قبل رمضان بجم يوم اذا ما كانت برمضان ففكرت ليش ما اروح موعدي واخلص تحاليلي و اخلي العمليه عقب رمضان مو احسن؟ صراحه اخاف قلبي يعورني برمضان ويزيد الاكتئاب و هم مابي اتعب و افطر وعندي مشكله الحين اني ساعات لما اكون قاعدع او منسدحه و اقوم احس بدوخه اتوقع فيني فقر دم.. مادري شرايكم اخليها عقب رمضان؟؟

 

[اوووفه]

لوف انجل بصراحه زين ما تسوين افضل استمتعي بالاكل هذا اخر رمضان لج وانت متينه وبعدها سوي العمليه لان ارمضان يبي حيل وانت اذا سويتيها تكونين دايخه ولازم بعد العمليه تشربين سوايل علي طول عشان مايجف ريجك ويصير فيج جفاف واستخيري

 

[love^angel]

اي انا فكرت جذي اخاف ما اصوم الشهر كله و هم ماراح يكون فيني حيل شلون بطبخ حق زوجي برمضان و هم استمتع باخر رمضان وانا متينه

 

[اميره بكلمتي]

قوه بنات اول شي حبيت اقول لكل وحده سوت العمليه اجر وعافيه والله يديم عليها الصحه والرشاقه يارب قولو آمين
حبيت اسئلكم قبل فتره شفت وحده منكم بس ناسيه اسمها تقول سوتها او بتسويها بالحكومه
ممكن اعرف شلون وهل لها وزن معين عشان يسوونها بالحكومه ولا عادي ووين اروح عشان اقول لهم نبي نسوي هالعمليه
والدكتور من يختاره المريض او المستشفى نفسه ؟
الله يعافيكم لاتنسون تردون على الاسئله تكفون ضروري

الله يعافيج يارب
شوفي الخاص والحكومه لهم معينه على مااعتقد
اذا تبين الحكومه لازم تاخذين تحويل من مستوصف منطقتكم وتروحين المستشفى الحكومه هاذي الطريقه المعروفه
اما الخاص تروحيله العياده اذا كان فاتحله عيادة أو المستشفى الخاص
والمريض اهو اللي يختار الدكتور بس اذا ماكان عنده زحمه
واي سؤال احنا حاضرين

 

[اميره بكلمتي]

اي انا فكرت جذي اخاف ما اصوم الشهر كله و هم ماراح يكون فيني حيل شلون بطبخ حق زوجي برمضان و هم استمتع باخر رمضان وانا متينه

نصيحه مني سويها بعد رمضان لانه انا سويتها قبل رمضان بيوم وحسيت بتعب وخمول ودوخه وغير اني فطرت اول 10 ايام

 

[kat.kot]

انا بسويها قبل رمضان بشهر تتوقعون اقدر اصوم

 

[مشاعر]

مسااااء الخير بنات

اخباركم واعلومكم ان شاء الله بخير

 

[مشاعر]

أميره وعذبه

انا الحين بالمرحله الرابعه

ممكن تقولون لي شكنتو تاكلون وشلون كان برنامجكم؟؟

الاخصائيه قالت لي اكل كل شي بس بمقدار معين

انا حابه اسوي لي برنامج رجيم + اني اتبع نصايحها بس ماني عارفه شلون

 

[مذهلة 78]

السلام شلونكم شخباركم حبيت اطمنكم واقولكم اني طلعت من المستشفى يوم الاربعا
اللي طاف وسبب الحراره اهو كان المفروض يصير فيني احتقان بس ما التهبوا بلاعيمي وصارت على صخونه وخذيت مضاد حيوي بالوريد والحمدلله صحتي صارت اوكي

انا الحين بالمرحله الثانيه وانشالله بخلص منها بتاريخ 11\7 وقولوا ماشاءالله من سويت العمليه للحين نازله 13 كيلوا وانشالله بوصل للوزن المثالي

وفي شي ثاني انشالله احنا بنسافر على نص 7 وراح اكون باديه بالمرحله الثالثه
عاد هني شنو الاكل هم مهروس وجذي ولا اكل عادي

 

[أم مـنـ*ـار]

السلام شلونكم شخباركم حبيت اطمنكم واقولكم اني طلعت من المستشفى يوم الاربعا
اللي طاف وسبب الحراره اهو كان المفروض يصير فيني احتقان بس ما التهبوا بلاعيمي وصارت على صخونه وخذيت مضاد حيوي بالوريد والحمدلله صحتي صارت اوكي

انا الحين بالمرحله الثانيه وانشالله بخلص منها بتاريخ 11\7 وقولوا ماشاءالله من سويت العمليه للحين نازله 13 كيلوا وانشالله بوصل للوزن المثالي

وفي شي ثاني انشالله احنا بنسافر على نص 7 وراح اكون باديه بالمرحله الثالثه
عاد هني شنو الاكل هم مهروس وجذي ولا اكل عادي

السلام عليكم لاباس طهور ان شاء والله فرحت بطلعتك الحمد لله علي السلامه
انا توني راده من عيادة الاخصائية سماح باقي اسبوع علي نهاية المرحلة الاولي وعطتني نظام غذائي للمهروس لمدة اسبوعين
انا انصحتني اميره بكلمتي اراجعها وانا انصحك تابعي عندها الله لا يضيع لك تعب
اللحين هذي المرحلة اللي بعد العملية مهمه حرام نضيعها لازم التزام حرام عملية وتعب ومخاسير ونقطها بسهوله
المرحلة تبي صبر وتحمل وارادة انصح نفسي وانصحكم استعينوا بالله واطلبوا العون منه ما لنا الا هو سبحانه تفضل علينا كثير نعمه تستاهل الحمد والله لا يغير ما في قوم حتي يغيروا مابانفسهم

 

[اوووفه]

مرحبا اشلونكم اخباركم

مشاعر اشلون النزول معاج انا كلش مو راضي ينزل وزني طفرني


ام منار عفيه كتبيلي شنو النظام الي حطته لج سماح

مذهله حمدالله علي سلامتك والله فرحت لما شفت مشاركتك وما شاءالله نزولج حلو الله يتمم علج

 

[مذهلة 78]

بعد عمري ام منار مشكوره ما قصرتي والله حبيبتي انا اللي استانست لما شفتج

تسألين عني وتحاتيني بعد عمري والله وبالنسبه للدكتوره سماح امس رحت لها

وعطتني موعد 11\7 عشان ابدي المرحله الثالثه