أحسن شركة dsl

[Heaven Light]

بنات عفية قولوا لي من تجاربكم ..
شنو احسن شركة dsl
وجم تكلف الاجهزة + الاشتراك ؟
ورقم الشركة أن امكن..
ومشكوورين مقدما ..

​

 

[Un!QuE G!RL]

انا استخدم هذي kems انترنت سريع
​

 

[( المـلاك )]

كواليتي نت

والاسعار تختلف على حسب السرعة اللي تختارينها والجهاز وغيره

 

[Q8stylle]

up up

 

[Heaven Light]

مشكووورين بنات ..

وياليت اللي تعرف غيرهم تفيدنا ..

 

[Heaven Light]

اب اب

 

[jod.q8]

الشركات كلهم نفس الشي ‪,‬ بس الـ dsl
يعتمد على خط البيت و على المنطقه .

اذا خط بيتكم فايبر .. السرعه بتكون حلوه و حطي الي تبين .
اذا خط بيتكم عادي مو فايبر ‪,‬ اسأليهم جم يشيل الخط عشان
ما تحطين سرعه عاليه و زيادة فلوس و اهو بالاساس خطكم ما يشيل

و اذا منطقتكم او بيتكم التغطيه زينه فيهم .. مراح تشوفين مشاكل .

احنا عندنا كواليتي نت و فاست تلكو ‪,‬ طبعا السرعه عاديه
لانه الاستخدام لـ اقل من 5 اشخاص بس

كواليتي نت وايد تفصل و بطيئه حيل ‪,‬ و الـ ip يتغير و من ناحية الحجب .. ما ادري

و فاست تلكو .. عاديه و تفصل مرات و مرات لازم تفصلين الـ dsl شوي
عقب يشتغل معاج النت بس الـ ip واحد و ما يتغير و دايم تسوي حجب للمواقع .

و اذا خايفه تاخذين و تتوهقين .. جربي اي شركه 3 شهور و اذا عجبج كملي معاهم
و الاشتراك على حسب السرعه و الجهاز على حسب الشركه جم عندهم .

 

[RάSpBεRrY]

عن تجربة كيمز جدا ممتاز

انا حاليا استخدم سرعة 2mbps وممتاز للتصفح والداون لود خصوصا اني انزل افلام من النت بس اذا احتياجج كتصفح بس انصحج بسرعه اقل من جذي

وبالنسبة حق خطوط الفايبر هذي تجيكين فيها مع السنترال التابع لمنطقتكم اذا مفعله الخدمة او لا لان يكون مركب من وزارة المواصلات بس كخدمة مو مفعل

وهذا سايت الشركة فيه تفصيل باسعار الاشتراكات بحسب السرعه المطلوبة

http://www.kems.net/price_list_new_ar.aspx?id=1

 

[ღ ƒḋảіŧňėỷ ღ]

بعد تطبيق سياسه التنزيل العادل كوالتي نت وفاست تلكو صاروا زفت

انا مشتركه بكوالتي نت وخالي بفاست تلكو وبنت خالتي كيمز اسرع شي كيمز لأن ليلحين ما يبين عندهم سياسه التنزيل العادل اللي طبقوها الشركات والحركه غبيه بشهر 7 ان شاء الله بيخلص اشتراكنا وابي احول على كيمز

 

[aloooya]

اب اب

 

[Lourdez]

كان اشتراكي كيمز عجييييب و تحسفت لما حولته على فاستلكووو

 

[قطوووة]

كيمز لنا فترة عليه يمكن سنه

يهبل وحلو

 

[luluq8]

اختي وخري عن كوالتي نت شبكتهم تغث

انصحج بكيمز او جلف نت انا مشتركه بقلف نت واحد ميجا ممتاز

ابالنسبه للاسعار تقريبا كل الشركات نفس الشي وتقدرين تتاكدين من الاسعار من مواقعهم

بس اختيارج لسرعه الانترنت يعتمد على استخدامج اذا اكثر من خمس اجهزه اخذي من تو ميج وصاعد لان راح تتاذون بسالفه الاستخدام العادل (يحطون حد معين للتحميل في اليوم اذا تعديته يصير جنج شابكه دايل اب ويرجع اليوم الثاني)

سالي قبل لا تشتركين جم حدود الداونلود حق كل سرعه علشان تكونين بالصوره وجم السرعه اللي يتحملها خط بيتكم


اذا بتشتركين سنه اغلب االشركات تعطيج الراوتر فري بس سعره برى من 20 وصاعد حسب الماركه ومدى الواير لس

بالتوفيق

 

[{ مــســك]

صباح الخير ..
صراحه كل سنه نتعامل مع شركة kems

السنه هذي غيرنااا و اشتركنا بكوالتي نت ..
صراحه تحسسسفنا .. كيمز ما شاء الله سنه كامله الاشتراك سريع ما يتغير ..
كوالتي نت .. يحرووون ..

صاير بس يشبك بالصاله بس عند المودم و اذا غيرت و رحت غرفتي تقل السرعه و يفصل كل شوي مع انه بنفس الدور .. دقيت عليهم قالوا لازم تشترين مقوي بـ 30 اذا تبين نطرش لج المندووب .؟

3 سنين مع كيمز و الله عجييبه .. استخيري و الله يكتب لج اللي فيه الخير .​

 

[ƒédaîtn¥ ZoO'3a]

احنا الحين مشتركين بفاست تلكو خدمتهم زففففت بمعنى الكلمة
يتلهم فترة الوايرلس مو الي يفصل الا مايشبك موليه دقينا عليهم وطبعاً سنه على مايردون جان يقولونلنا كيبل,
ومرة النت كان بطييئ بطييئ بشكل يغث معه السرعة الي احنا مشتركين فيها فوق الـ 500 كيلو بايت مادري ميغا بايت لوول ترى ماعرف افررق بين السرعات دقينا عليهم قلنالهم المشكله قالوا باجر اييلكم الفني البيت الساعه 3 ويصير ثاني يوم صارت الساعه 3 الحبيب ليلحين مايه اندق عليهم يقولون 3:30 اييلكم الفني هم قلنا ميخالف الحق الجذاب لي بيت اهله يوم صارت وهم الحبيب ماشررف جان يدق ابوي عليهم شخلهم شخله محترمه زين يسوي بررد جبودنا قالوله الحين نخلي الفني يدق عليكم دق علينا خذا العنوان قال 10 دقايق انا عندكم وماطول سيده يالنا وجيك على المودم وراح فوق السطح بدل واير مادري شماله وقال الخط مالكم ما يتحمل سرعة عاليه وعقب دق على الشركة قال زيدولهم السرعة ياسلام يعني الحين احنا دافعين مبلغ حق سرعة معينه ومهم موحاطينها لنا حاطيننلنا سرعة اقل

الشركات كلهم نفس الشي ‪,‬ بس الـ dsl
يعتمد على خط البيت و على المنطقه .

اذا خط بيتكم فايبر .. السرعه بتكون حلوه و حطي الي تبين .
اذا خط بيتكم عادي مو فايبر ‪,‬ اسأليهم جم يشيل الخط عشان
ما تحطين سرعه عاليه و زيادة فلوس و اهو بالاساس خطكم ما يشيل

و اذا منطقتكم او بيتكم التغطيه زينه فيهم .. مراح تشوفين مشاكل .


.

والله شكله خط بيتنا عادي علشان جذي قال الفني ان مايستحمل بس الشي الي يبط الجبد ان فاست تلكو ماسألونا شنو نوع خطنا بس يبون يلطون فلوس:eh_s(14): :eh_s(4): واحنا غشمه مو عارفين شالطبخه وااي شي يحرر :eh_s(16):

 

[bambena]

حطي راوتر زين يهبل احسنلج

 

[Heaven Light]

مشكوريين بنات وايد وايد ما شاء الله كفيتو ووفيتوا