؟؟ شنو اللى قاعده تقدمه قناة الوطن؟؟

[M!s$ GoOnA]

ههههههههههههه
بدّع خالد العبدالجليل

و" تذكر خافقي رمحك "

شنو سلوى المطيري !!
ترى اهيا موصاحيه حمدالله والشكر
عيل هههه ذيج المره تبي تسوي شي مقارب للخمر حمدالله والشكر
ترى صج متنا من الضحك
ولا ذيج المره مع سالفة خالد بن الوليد وما تتزوج الا من الاسره الحاكمه
لا صج سوري بس اهيا مادري شلون استغفرالله

اهوا صح خالد العبدالجليل شوي يتطنز بس الضيوف اهما مادري شلون

المهم يعطييج الف عافيه على الموضوع

 

[دانه الشطوره]

انا معاكم ان مو حلوو يقعدون يتطنزون ع العالم
بس بصراحه انا انطر حلقه عبد الجليل نطره
و اسهر عليها و ما انام
احب اشوفها و اشوف القضايا اللي بمجتمعنا


يسلموو حبوبه ع الموضوع الحلوو

 

[الغنج والدلع]

قناه فاشله بامتياز سويلها دليت وفكي نفسج

 

[فرزاشيهـ]

عدل كلامج برنامج توالليل كان قوي على ايام المصور و ناديه بس الحين غادة احسها سخيفه بس تضحك و تقطع حجي الناس لمن يتكلمون :/! اما مع المطربين و هالاشكال تستانس و تعطيهم ويه اكثر من االباجي و خالد العبدالجليل هذا برووحه استغفر الله بس فالح ايمع الناس و يستهزء فيهم مثل بوحمد و يتمصخر عليهم بطريقة مستفزه الصراااحهـ ،.!~ راحت ايام الوطن خلاص

 

[FOZQ8]

شخباري تو الليل انا اصلا قاطعته من صار يقدمه اللي جنه شام باتكس العيسى وغاده رزوقي الكريكره ورقله
وذاك اليوم حلقه كامله عشان ميس حمدان كل ما اقلب الاقيها قلت من صجهم الحلقه كلها عشانها !!
سخافه وماكو سالفه اصلا
بس بعض البرامج احسها قويه .. مثل اليوم السابع وبرنامج سياسي ثاني يلخص اللي صار بالاسبوع كله نسيت اسمه

 

[Miss Cherry]

شخباري تو الليل انا اصلا قاطعته من صار يقدمه اللي جنه شام باتكس العيسى وغاده رزوقي الكريكره ورقله
وذاك اليوم حلقه كامله عشان ميس حمدان كل ما اقلب الاقيها قلت من صجهم الحلقه كلها عشانها !!
سخافه وماكو سالفه اصلا
بس بعض البرامج احسها قويه .. مثل اليوم السابع وبرنامج سياسي ثاني يلخص اللي صار بالاسبوع كله نسيت اسمه

:krkrkr: :krkrkr: :krkrkr:


صاجه والله

فرق شاسع بين غادة ونادية الصقر .. والعيسى مايعرف يتكلم نفسه خايسه جنه داش يتهاوش حدهم يغثوني


اصلا قناة الحرامية هذي بكبرها ما واطنها بس اتابع المشهد السياسي :eh_s(7): حيل يعجبني المذيع اعلامي ناجح ومحايد

 

[لولوه الحربي]

صراحه خالد عبد الجليل شخصيته روعه وايام يعرض اشياء مو طبيعيه فعلا يمسك الوتر الحساس انا من اشد المعجبين له ومتابعين برامجه بس حطمني لمن حط الخطاب ابو حمد يبي يقلل العنوسه ولا شسالفه وكل كوم واللقطات الي ورا الكواليس حدث ولا حرج والله حتى اني نقدت على نفسي لأني قام اشوفه ولا الفصله ام علي لا اله الا الله هذا حاطها حق الشماته ولا سلوى المطيري حتى الاجانب تمصخرو عليها ياحرام ايام استغرب من برنامجه احس ماله هدف او مو لاقي شي عيل محامي شكو بالخطابه الله يستر علينا
اما بخصوص الوطن ياحلات برنامج الشيخ نبيل العوضي ولا نضره شرعيه ولا وجهة نضر ايام اطلع اشياء جريئه محد يلتفتلها تجذب المشاهدين ياحلاتها

 

[النجلاءءءء]

بصراحه قناة الوطن وكل القنوات الخاصة والحكوميه ايضا تصور المجتمع الكويتى انه متكبر ويحب يتمصخر على الاوادم ومجتمع منفوخ على الفاضى

 

[ScarletteO'Hara]

على موضوع سلوى المطيري و شلون وصلت قناة فوكس
ترى خالد عبدالجليل ماله شغل
ممكن انه فتح عين الناس عليها لما طلعها ببرنامه اول مرة من جم سنة
بس اهي الحين عندها قناة على اليوتوب قاعدة تنشر افكارها فيه
من هني فوكس عرفوها
و عموما حتى لو انها تعتبر انسانة مريضة نفسيا وين اهلها عنها مخلينها تطلع بالتلفزيون و النت جذي من غير رقيب؟
آمنا بالله اخوانها الله يرحمهم بس ما عندها اهل غيرهم يمسكونها؟
انزين بوحمد بعد مو صاحي؟
اهو مرتز و ملوع جبدنا كل اسبوع عشان يروج حق تجارته و اسميها تجارة على الدعاية الي حصلها من ورا تو الليل
و لا من قبل منو يعرفه؟
عادي عنده حتى لو يتمسخر المهم اييب زباين
انتوا حطوا فبالكم ان تو الليل برنامج يعتبر فرفوشي
مو عاجبكم القناة متروسة برامج جادة و هادفة مثل المشهد السياسي و اليوم السابع و وجهة نظر و نظرة شرعية و زوايا
و اذا هم مو عاجبكم
غيروا القناة بكبرها مو مجبورين تطالعونها

 

[أم لطووف]

صج والله قناة الوطن مرات تحط شغلات تافهة ومثل ماقلتي عن حلقة تو الليل يوم حطوا اللقاء مع الخطاب أبو حمد بصراحة اللقطات اللي حطوها تفشل وجنهم قاعدين يتطنزون عليه وبعد لما حطوا سلوى المطيري ويتمسخرون عليها بأسئلتهم ويضحكون عليها وخلو الناس تضحك عليها

بس كلمة حق لازم أقولها إنه في برنامج تو الليل وبالتحديد في حلقات المحامي خالد عبد الجليل في بعض الأحيان تنعرض شغلات ومواضيع وايد مهمة وهالبرنامج يسلط الضوء عليها

وعلى فكرة فيه برامج وايد حلوة عالوطن ومفيدة مثل برنامج الشيخ نبيل العوضي وبرنامج صباح الوطن وفي ضيافتهم وبرنامج الجاسم يعني شوفي اللي يناسبج وتابعيه

تحياتي

كلامج صحيح وأنا معاج:eh_s(15):

 

[وطـن الاحـرآر]

اصلا قناة الوطن تحللت خلاااااااص صايرة مليقه و تعتمد ع المصخرة و خاصة فئة معينه
\\ يعني بتجذب المشاهدين
الله يهديهم

 

[alo2 cute]

بالعكس وايد احب برنامج تو الليل واحلى قناة الوطن من ناحية تجميع كل اخبار الكويت

 

[sarah_]

لولا اختلاف الاذواق لبارت السلع

 

[زهرة الجهرة]

انا كرهت البرنامج لاني ما اطيق لاغادة ولا عبدالوهاب ثقيلين طينه

 

[*الماضي على ويش نعيدهــ*]

برنامج تو الليل حلو
في مواضيع حلوه
بس فقرة عبدالجليل مالها داعي ... سوالف سطحيه وتفشل

اما البرنامج بشكل عام حلو

 

[دخون ازرق]

وااي اما بوحمد هدا نكته مابقى مكان ماطلعوه مسيكين منه ---- ههههههههههههههههههههههههاي

 

[Un!QuE G!RL]

انا اللي اشوفه قناة الوطن صايره ساعات تطلع ناس حدث ولا حرج من طقة سلوى المطيري
والخطاب بو حمد اول ما حطو قلنا زين بعدين يوم حطو لقطات يسوي دعاية حق روحه انصدمت شنو هذا المستوى فطفوطه وما ادري شقوول ويحرك حاجبه هذي دعاية بله
صج ساعات قناة الوطن تمصخها :/​

 

[M!s$ GoOnA]

على موضوع سلوى المطيري و شلون وصلت قناة فوكس
ترى خالد عبدالجليل ماله شغل
ممكن انه فتح عين الناس عليها لما طلعها ببرنامه اول مرة من جم سنة
بس اهي الحين عندها قناة على اليوتوب قاعدة تنشر افكارها فيه
من هني فوكس عرفوها
و عموما حتى لو انها تعتبر انسانة مريضة نفسيا وين اهلها عنها مخلينها تطلع بالتلفزيون و النت جذي من غير رقيب؟
آمنا بالله اخوانها الله يرحمهم بس ما عندها اهل غيرهم يمسكونها؟
انزين بوحمد بعد مو صاحي؟
اهو مرتز و ملوع جبدنا كل اسبوع عشان يروج حق تجارته و اسميها تجارة على الدعاية الي حصلها من ورا تو الليل
و لا من قبل منو يعرفه؟
عادي عنده حتى لو يتمسخر المهم اييب زباين
انتوا حطوا فبالكم ان تو الليل برنامج يعتبر فرفوشي
مو عاجبكم القناة متروسة برامج جادة و هادفة مثل المشهد السياسي و اليوم السابع و وجهة نظر و نظرة شرعية و زوايا
و اذا هم مو عاجبكم
غيروا القناة بكبرها مو مجبورين تطالعونها

كلااامج عين العقل
انقهرت لما شفت اللي تقول قنوات الكويت كلها مو شي وتخرب سمعة الكويتين :eh_s(14):
يعني شنو ..
شنو تبون تشوفون مثلاً !
كل واحد براحته بس الكويت واهلها وقنواتها وحكومتها وكل شي اهيا أولاً واخيرا

>> سوري انفعلت حييل

 

[هواجيس الفجر]

القناة يكفي انها كويتيه و طاقم كويتي بغض النظر عن بو احمد هذا حاله خاصه لووووول

 

[++The DuchesS++]

شكراااا