اول هوشه او زفه جاتك من زوجك (دعوة للفرفشه والضحك بعيداا عن النكد ) ...؟

[ثريا الكون]

عادي عندج ان البنت تكلم الولد والمصيبه اذا هي متأثره بالمسلسلات الرومانسيه تعيش قصة حب وهميه من خيالها طبعا تصبح فريسه سهله للولد ويضحك عليها بالكلام المعسول وهي المسكينه عايشه القصه من وحي خيالها وتصبح ضحيه والسبب بدايتها تلفون والشيطان شاطر

يبا البنت قالت شغله وراحت بحال سبيلها اشتبون بعدين شنو قصص وخرابيط يبا في ناس اكبر من جذيه يا بوووووووووووي شنو يفهمكم :eh_s(10):

 

[love u 4 ever]

ثريـا الكون مع احترامي توني مسجله وادش هالموضوع انصدمت فيه بهالمنتدى

مثل هالفئات الله يصلحك بس ويستر عليك وع بنات المسلمين ياليت الموضوع مايطول اكثر من كذا

 

[أم شيوووخة]

أول هوشة أيام الخطوووبة .. الله يا حلو هالايام
بالعيد الوطني قالي مو رايح مسيرة بس يمكن أطلع أتعشا مع ربعي
ويومها أهلي كانوا بيروحون مسيرة وأهو ما خلاني أروح فقعدوا على شاني
ولا تدق علي وحدة من رفيجاتي شايفته بالمسيرة
طبعا آنا استخفيت .. وعصبت ودق زفني زفة عالمسج اللي كاتبته
وتميت الليل كله أبجي .. بس حبيبي ما قصر .. تم 4 ساعات لي أذان الفجر وأهو يراضيني

 

[عنود البراري]

وجهة نظر
اي شخص يحب بقلبه بكيفه
اما اي علاقه بين بنت وولد بغير زواج شرعي مايجوز مثل طلعه او غيرها
الحلال بين والحرام بين
كلن عقله براسه ويعرف خلاصه

 

[3booorah]

اب اب اب

 

[نونو العصله]

،


اول هوشه مو هوشه هوشه لا جنها محاضره بعصبيه < هوشه ذربه هههههههههههه
رحت الصالون ثاني اسبوع عرسي وكنت قبلها شابه فحم بالغاز لما ردينا والا النار للحين شغاله نسيت اطفيها
وطبعا عطاني محاضره طويله عريضه هذا وانتي راعية البيت تبين الشقه تحترق ويقولون الناس احترقت شقة المعاريس بسبة المره ؟ عاد صج انحرجت ولي هاليوم صار فيني وسواس الف مره اجيك ع الغاز لوووووووول

عندي وعندج غير
انا ثاني اسبوع العرس يعني راععية بيت
غسلت ملابسه والا الالوان كلها صارت نفس اللون
حتى الفانيله والمكسر صار لون ثاني
وفرحانه و شارتتهم بعد
لو قاطتهم اهون
عطاني محاضره في بحترام عن اصول الغسيل والتايد المناسب

وانا ساكته من الاحراج

 

[حكستار]

موضوع حلو..
اول هوشه يمكن بعد شهرين...يبي يروح يسهر مع شلته يشوفون مباراة في الاي ار تي (ايامها )
وانا ما بيه يروح...وتهاوشنا...وحسيت اني مستحيل اكمل حياتي معاه.... بس راضاني وحليت المسأله بطريقتي ( جبت له اشتراك القنوات الرياضيه هديه)... وشاركته اهتماماته وصارت امورنا عال العال.

 

[سمراء كويتية]

أنا بعدي ما تزوجت :eh_s(4):
بس مواقفكم تحفه هههههههههههههههههه:krkrkr:

 

[هيفاء ksa]

هههههههه مواقفكم حلووه بنات
> عن نفسي لو تذكرت بكتب
ااااااااااب
لعيوونكم

 

[سديم الكون]

عن الواتس اب


ساعه احن عليه عطني سبب مقتع ههههههه يقول لا بعدين اذا احد شير رقمج ويطلع عنده ان عندج واتس اب ويغازل


واااااااااااااي شكوووو الي بغازل ابيدق نفس الواتس اب واااذا احد تحرش علطول بقولك


صج سخيف ههههههه


بس طبعا هو فاز

وانا انزفيت



!!

 

[Omniya]

كااااااااااك مبدعيين
< حزب طمآشه

يعني الحريم مايجتمعون إلا وفي هواش ؟
صلو عالنبي .. البنيه قالت الموقف وانحاشت
تبون تنصحون نصحوها برايفت مو جدام خلق الله تشرشحونها
واللي قالت عآدي .. كيفها خو مرح اتطيح الدنيا كل واحد وتفكيره !
بتناشبونها برآيها !! .. ذكرو الله

 

[ترجمة احساس]

اب اب

 

[جديده 1]

قلة الادب صايره لمن الواحد ما يعرف ان الحجي وجهات نظر والواحد لازم يكون باله طويل مو بس يفسر الامور بمزاجه وقلة الادب ان الواحد ما يحترم راي الطرف الاخر ما انصحج تكونين محاوره لان ماكو فرصه استماع لافكار الطرف الاخر

وجهات نظر !؟ حبيبتي بالدين مافي شي اسمه وجهات الحلال بين و الحرام بين يا ام وجهات !! لو كان الامر بوضوع عادي بالعكس وجهه نظرج احترمها و لكن مو مجبوره اتقيد فيها و لكن بالدين لا و الف لا .. اذا على جذي اكلوا لحم خنزير و قولوا عادي وجهه نظر .. شربوا خمر و قولوا عادي وجهات نظر .. حمد لله و الشكر .. و محد حشرج بزاويه يا حلوه .. ان كنتي " مسلمه " فإنتي مجبوره تتقيدين بتعاليم دينج و ان كنت غير " مسلمه " فهني ماتشوفين شر فدينج عادي فيه هالشي ولكن لاتقعدين تنشرين عالبنات وجهات نظرج الدايخه .. الا على طاري وجهات النظر .. اهلج يدرون انج تحاجين عادي !؟

 

[ثريا الكون]

وجهات نظر !؟ حبيبتي بالدين مافي شي اسمه وجهات الحلال بين و الحرام بين يا ام وجهات !! لو كان الامر بوضوع عادي بالعكس وجهه نظرج احترمها و لكن مو مجبوره اتقيد فيها و لكن بالدين لا و الف لا .. اذا على جذي اكلوا لحم خنزير و قولوا عادي وجهه نظر .. شربوا خمر و قولوا عادي وجهات نظر .. حمد لله و الشكر .. و محد حشرج بزاويه يا حلوه .. ان كنتي " مسلمه " فإنتي مجبوره تتقيدين بتعاليم دينج و ان كنت غير " مسلمه " فهني ماتشوفين شر فدينج عادي فيه هالشي ولكن لاتقعدين تنشرين عالبنات وجهات نظرج الدايخه .. الا على طاري وجهات النظر .. اهلج يدرون انج تحاجين عادي !؟

هذا اخر رد برد عليه لان موضوع بلش يصير سخيف والله اكلم ما اكلم مو شغلج اذا اهلي يدرون ولا لأ اوكي مو يعني مكتشفه الذره او صايدتني راجعي الموضوع من اولى وفهمي عدل السالفه مو دشين عرض وتقولين كلام بس مو عارفه ابعاده ووجهات نظري مو دايخه جان انتي ما رديتي علي وتعبتي روحج اقل شئ طنشتي وعيب عليج هل حجي محد دايخ غير الي ما يستوعب غيره واذا عالدين ارد وعيد الله بحاسب مو انتوا البشرر وبس لوعتواا جبدي بهل سالفه

 

[| حور آلمطيري |]

^
يعني كبري عقلك
وفوق هذا عارفه ان رب الكون بيحاسبك ؟
طيب .. احنا وظيفتنا اننا ننصحك مو نتشمت فيك ’
الله يستر عليك بس

 

[عميمة]

اول شئ فصلي الدين عن الموضوع هذا رجاءا مو كل شوي نسوي روحنا مشايخ وانعرف الدين وغيرنا مايعرف المهم انا مو مخوله انصحه لاني امها ولا قريبه منها وثاني شئ البنت دام تعرف ادش النت وتكتب يعني مو ياهل عندها عقل وخاصة داشه صفحة متزوجات وثالث شئ نص البشر يغلطون وبعد الغلط يعرفون وياخذون عبر جان ماقالوا الحياة دروس وعبر هذا الي عندي ما عجبج ردي مشكلتج مو مشكلتي :rerrerek:

لسالفة انا مو امها عشان انصحها

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان..

ولسالفة ان الموضوع عادي

حكم الكلام مع الرجال
السؤال:
هل الكلام مع الرجال حرام؟
الجواب:
بسم الله الرحمن الرحيم
كلام المرأة للرجل ينقسم إلى قسمين
الأول: تكليمها بما دعت إليه الحاجة أو المصلحة العامة أو الخاصة، فهذا جائز قد دل على جوازه كتاب الله وسنة رسوله، لكن يجب أن يلاحظ ما يلي: وهو أن يقتصر الكلام على قدر الحاجة أو المصلحة دون انبساط وزيادة، وألا تلين المرأة في كلامها معه لقوله تعالى: ﴿فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلاً مَعْرُوفاً﴾ (الأحزاب: 32).
الثاني: تكليمه فيما عدا الحاجة أو المصلحة أو لهما دون مراعاة ما ذكر في القسم الأول فإنه لا يجوز، ويدخل في هذا الكلام المباح وغير المباح من الغزل وشبهه.

 

[سلة ورد]

استغفر الله يا بناات شوفوا العنوان بس للضحك بعيدا عن النكد وانتوا قلبتوها هوااش .. ترا هذا اسمه جدال ومنهي عنه ..


يعني البنت الي قالت الموقف انحاشت وحبيبتي ثريا انتي قاعدة تضيعين وقتج وريما تكسبين ذنب على شي انتي ما رح ينفعج يعني بالنهاية مو تدافعين لنفسج لااا لذنوب غيرج صج خساارة ..عالعموم وجهة نظر غربية وما تعودنا عليه وما نتقبلها واتمنى ما يجي اليوم الي نتقلبها ونصير مثلهم من بوي فريند لبوي فريند ومن لعبة للعبة والزواج والاولاد مجرد محطة في حياتنا نعبرها ونجربها بعد العمر الضائع .. ما لي الا اقول الله يهديج وفي النهاية هذا رايج ما نقدر نغيره لج الا بقناعتج وانتي ابحثي في الموضوع زين من النواحي الدينية والاجتماعية وبتعرفين شنو الاصح وبتغيرين فكرتج بنفسج ..




بالنسبة لي ..

انا وزوجي تزوجنا صغااار وببداية حياتنا وايد مشاكل وهوشات وزفات وصياااح بس الحين عقلنا وهواشنا صار اقل <<< عكس الناس هههه
وزوجي لو شنو غلطان مستحيل يعتذر اصلا انا الزعلانة يقلبها علي ويصير هو المظلوم والزعلان واخر شي انا لازم اعتذر وفوقها ما يرضى الا بطلوع الروووح هههه بس احين صرت اطنش ويرجع الوضع طبيعي

 

[الملكهA]

وااااااااااااااي

خلاص ترى لاعت جبودنا

حمدلله والشكر خلوو السالفه الاساسيه وركضوا ورى المشااكل

 

[گـحِـلْ |~]

,

آللهم لآ تؤاخذنا بمآ فعل آلسسسسسسفهآآء منآ يااااارب

آآآآب آلموووضووع روووعه

آلله لآ يجيب آلهوآش عشآن مآ أفصل عليه

 

[اسراب الطيور]

ثريا الكون نصيحه من قلب
اتمنى تأخذينها
اعتقد انك فقدتي ناس عليك وقرايب اعني بالموت فراق الموت
وكلنا ماشينا في هالطريق لابد منه
اين الملوك والتيجان والكلل
هم السابقون ونحن اللاحقون
عندي طلب اتمنى تنفذينه
اول ما تسكرين غرفتك في الليل بالذات في الظلام
غمضي عينك وتخيلي ملك الموت جاك وقال يافلانه انقطع العمل وبدأ الحساب وانتي تقولين ربي ارجعون لكن هيهات
عندها راجعي نفسك قبل فوات الاوان وقبل لاينفع الندم قال تعالى"لا يغادر صغيره ولا كبيره الا احصاها"
الواحد فينا ما يدري متى يومه يمكن في شرقه ماي
اتمنى انك ما تجادلين في الدين لاتخلين الشيطان يخدعك ويخرجك من رحمه ربي مثل ماربي اخرجه بتكبره
لاتغرك الدنيا بغرورها المغرور من غرته والشقي من فتنته
ولا تدعين لفصل الدين عن الحياه هذا مختص بالعلمانيين حررررررررام انتي تجادلين في الدين
استغفر الله واساله التوبه