ابها البهيه 

[وجودي من وجوده]

السلام عليكم ياحلوات


بنات انا بسافر ابها ويا زوجي

واخوه ومرته


شرايكم بابها ؟

وين بضبط اروح الاماكن والمطاعم الحلوه ؟



بنات انا اول مره اسافر شنو اخذ معاي ؟

 

[وجودي من وجوده]

١٠ مشاهدات ولا وحده ردت 


عالاقل ارفعوا الموضوع


اتمنى تردون لان يوم السبت بسافر 

 

[بنوتة كول]

مبرووووووك عليكم السفرة مقدما
وبالنسبة للاغراض انا اخذ كل شي ضروري ويمكن مو ضروري بعد خخخخخ
وابها تهبببببببببببببببببل روعة روعة روعة وكل شي فيها حلو
بالنسبة للمجمعات والمطاعم ما اعرف لان احنا رحنا ابها وما طولنا قعدنا فيها جم يوم...
بس في منطقة اسمها السودة مو سوداء كأنج تقولين اللون الاسود لأ اسمها سودة مثل ما تقولين سوسو شفتي شلون نطق سو ... اي نفس النطق <<< بسج قرقرة صرتي ابلة عربي
المهم هذي المنطقة جبلية تهبل ومطر وخضرة وهوا نظييييف
واعتقد عندهم حديقة ما ادري منتزه اسمه حديقة السد حديقة عادية يعني قعدات
واهم شي تسكنون في منطقة جبلية
وعلى فكرة في بعض الفنادق ما يحطون مكيفات او مراوح لان الجو هناك روعة وبرد واحيانا يشتون في شهر 7 من البرد
واذا تقدرون روحوا الطايف قبلها لان الطايف قبل ابها ب 5 ساعات
الطايف تهبببببببببببل كل شي فيها
اذا تبين مجمعات اسواق شعبية منتزهات كل شي فيها ومتطورة اكثر من ابها<<< على فكرة انا رحت لابها قبل 7 سنين وفي اشياء ما اتذكرها لاني كنت صغيرة ام 10 سنين و ما ادري اذا تطورت ولالا

وفي هناك منتزهات واااااااااااجد.. مليانه مثل حديقة الملك فهد - حديقة الملك فيصل - الجبل الاخضر - منتزهات السواط ومنتزه بعيجان (مو متأكدة من اسمه) وتقريبا كلهم بسطرة وحدة الا حديقة لملك فيصل والسواط
وفي مجمعات توها مفتوحة بس نسيت اسمها واذا تبون تروحون جبال روحوا للشفا وللهدى
وبالهدى في قرود عاد اشتروا موزكم قبل ما تروحون للقرود وراح تلقون ناس كاشته
هناك الناس يكشتون بالجبال والجو برااااااااااد روعة وامطار وفي ناس يتسلقون جبال << حلوة يتسلقون

المهم ابها والطايف يهبلوووووووووووون بس الطايف احلى بعد
واهم شي تسكنون بمنطقة جبلية
واذا بتروحون الطايف سكنوا بالهدى لانها باردة وحلوة
نصيحتي روحوا الطايف لانها احلى من ابها وراح تستانسون اكثر
اعتقد اني كفيت ووفيت
واذا تقدرين تاخذيني معاكم علشان ادلكم للاماكن ما عندي مانع <<< لزقة غصب اسافر
وبسسسسسسسسسسسسسس تروحون وتردون بالسلامة

 

[وجودي من وجوده]

يافديتج يا بنوته

هذي الردود السنعه وتبرد الخاطر

حياج ويانا 

اذا ماشالتج السياره تشيلج عيوني 

الله يجزاج خير ويحقق لج كل اللي في بالج

 

[وجودي من وجوده]

اووووووووف رايحه قبل



٧ سنين ابي وحده توها رايحه 

 

[قصَيميه دلوعهـ!]

عندك مناطق كثير السوده الحبله ابها الجديده وفيه غابات
بس اذا اول مره بتروحين ماراح تدلين الاماكن زين
يعني يمكن تروحين لاماكن موذاك الزود
المجمعات الي با ابها عاديه لانه مكان سياحي
والجو براد ومطر
انا رحت ابها مره وحده وما ادل بس اختي كانت رايحه
بنفس الفتره وكانت رايحه اماكن تجنن لان كثير تروح ابها

واذا انتي مسافره بسياره الافضل تجبين كل القش معك
دافور غاز سكر كاسات فناجيل دلال الكراسي حقات البر والمنتزهات
فرش للارض سجادة صلاه جاركان ماء
كل شي لان هناك بتطلعون من بعد صلاة الفجر لين المغرب
وغير كذا الاغراض مثل السجاد والفرش الخ بتكون غاليه اذا اشتريتي
من هناك :eh_s(2):

 

[قصَيميه دلوعهـ!]

أجمل الأمكان بأبها
جبال السوده وجبل الضباب أو السحاب

جبل السحاب

 

[همسات صاخبة]

شوفي اختي انا اتكلم الان من ابها خيال الجو جميل جدا رحنا اليوم السودة كان في مطر وهتان من الصباح الى العصر بعدين نزل الضباب وشوينا هناك بعدين رحنا مهرجان ابها للتسوق كان في اشياء حلوة روحي كمان الحبلة ونسيت اقول لك ركبنا في السودة التلفريك الصراحة اجمل مافيها الجو البارد والمطر والخضرة التسوق مو قد كذا

 

[بنت النوخذا]

شوفي اختي انا اتكلم الان من ابها خيال الجو جميل جدا رحنا اليوم السودة كان في مطر وهتان من الصباح الى العصر بعدين نزل الضباب وشوينا هناك بعدين رحنا مهرجان ابها للتسوق كان في اشياء حلوة روحي كمان الحبلة ونسيت اقول لك ركبنا في السودة التلفريك الصراحة اجمل مافيها الجو البارد والمطر والخضرة التسوق مو قد كذا

همسات الله يهنيكم يا رب :eh_s(7):

تقولين مطررررر :eh_s(16): وبرااااد :eh_s(16):

ان شاء الله بحيييل الله بنروح ابها
بس الله يخليج فيدينا في جميع الفنادق و الشقق الفندقيه و المطاعم
و اماكن التنزهه هههههههه يعني تقرير كامل مفصل و ياليت صور بعد :eh_s(9):
حتي الكل يستفيد بارك الله فيج يا الغاليه :eh_s(7):
و الاسواق اكيد بتكون عـــاديه لانها منطقه ريفيه
كفايه الجو .................:eh_s(15)::eh_s(15):

سؤال متي ياذن المغرب عندكم ؟
وهل التكسي متــوفر او باصات للتنقل ؟
اسعار الفنادق غاليه او معتدله ؟


تسلمييييييييييييييين عزيزتي :eh_s(7):

 

[اوبرا7]

حياك الله حبيبتي في ابها انا من ابها بس توني ساكنه جديد فيها واهلي في الدمام وترى الاجواء براد ورووووعه بمعنى الكلمه السكن والفنادق تختلف حسب المستوى والخدمات عندك ابها الجديده فيها فندق روعه خمس نجوم ومكانه حلو وفيه فلل حلوه للايجار وحولها مدينة ملاهي يصير فيها فعاليات وعروض الضوء والصوت والالعاب الناريه تشوفينها بوضوح من جنب بحيرة السد وفيه السوده غابات وخضره وامطار بس انتبهوا من الضباب وفيه الحبله والمسقي وحديقة ابوخيال والجبل الاخضر ترى بعض الخدمات تحسينها ناقصه او مو مثل اللي متعوده عليها بس الاجواء والبراد يكفي يعني اي مكان يعجبكم ومعكم اغراضكم افرشوا وتبردوا فيه وخلوا الامور سعة صدر وترى فيه احياء على طريق السوده فيها فلل وبيوت يسمونها حي الكويتيين لان الكويتيين لهم بيوت فيها ويجون لها كل صيف واحلى شيء الفواكه الطازجة من عنب وتين ورمان والبرشومي التين الشوكي والخوخ والمشمش وكلها بلديه محليه من المزارع وتنباع بكثره على كل الطرقات المؤدية للمتنزهات وبعد بتلقين الاطفال والسيدات يبعيون الاكلات الشعبيه والخبز التنور اللي يسمى خبز الميفا وفيه ناس كثير يستاجرون بيت بوسط مزرعه بس اتوقع يبيله ميزانيه اكثر من الشقق او الفنادق وفيه مجمعات عسير مول والخميس افنيو واصداف مول وابها بلازا وابها مول وفيه اسواق كثير ومراكز في خميس مشيط الشبلي والمحلات الكبرى واسواق القبه في ابها تعتبر ارخص من المجمعات ومهرجان ابهاللتسوق على طريق المطار تلقين فيه اشياء حلوه بهارات يمنييه وبن وزبيب يمني وجلابيات وفيه ملابس اطفال اللي تقليد ماركات وباسعار حلوه ولو كنتم بتستاجرون شقه بابها حي المنسك حلو وهادي ومنخفض مو مرتفعات وجبال مثل وسط ابها وفيه فلل العتيق قبل ماتروحين ابها الجديده يسار حلوه وموقعها حلو وبالنسبة للمطاعم فيه مطاعم شعبيه مثل قرية بن حمسان في خميس مشيط اجواء تراثيه واكل قمه في الروعة جربوه بالعافيه ومارح تندمين واطلبي منهم اكله شعبيه اسمها مشغوثه طعم يهبل سمن وعسل مع طحين مطبوخ ومعصود مع لبن او حليب صدقيني تهبل مع القهوة يمكن ما تعجبك من الوصف والاسم بس لما تجربينها ان شاء الله تعجبك وتدعين لي وفيه مطعم سمك السناره موجود بالخميس وابها ومطعم كركند وتندوري في خميس مشيط وحراء والمطعم الشرقي ومكبوس في ابها والمطعم الدوار في فندق قصر السلام في ابها وفيه برجر كنج وكودو وهرفي وماكدونالدز داخل عسير مول فقط واحلى شيء لو معاكم اغراض الطبخ اشتروا لحم طازج ولحم التيوس الصغيره مرغوب بكثره واطبخوا انتم على راحتكم انظف واوفر وفيه مطاعم كثير صراحه ولوسكنتوا بابها فيه اسواق الغنيم سوبرماركت حلو وبتلقون عنده زحمة كثير لان المخبز حقهم ممتاز وعندهم الخبز اللبناني المفرود والصامولي يهبل والجاتوهات وحلويات القهوه عندهم حلوه وشغلهم نظيف والفواكه والخضره حلوه بعد يعني لو بتقضون لشقتكم تموين الغنيم حلو وبنده موجوده بمجمع عسير مول وفيه باتشي اهم شيء مع القهوه لكن اهم شيء انتبهوا من التحويلات واشغال الطرق اللي مقابل عسير مول وعند الغروي بخميس مشيط الله يسامحهم ما تجيهم السناعة والشغل الا وقت الصيفيه ومرحبا الف ترى بتسمعون هالكلمه كثير وترى اهل المنطقه حبيبين ويحبون الكويتيين واهل كرم وفزعة وان شاء الله تستانسون وتوصلون بالسلامه واهم شيء جهزوا معاكم ملابس شتويه جاكيتات وابوات والصغار لو عندهم مظلات خل يجيبونها معاهم رح يستعملونها ويستانسون فيها ان شاء الله وترى فيه اشياء كثيره بس هالاشياء اللي ببالي الحين ولو بغيتي اي شيء انا في الخدمه ولا تحاولين تقارنين الخدمات لان فيه اشياء اكيد ناقصه مو مثل الرياض او الدمام او الكويت بس الجو والبراد يكفي ويغنيكم عن بعض الامور وترى الشخص لما يكون ايجابي وسعيد من الداخل رح يكون كل شيء حلو بعيونه والله يحييكم من جديد في ديرتكم وان شاء الله اكون افدتك

 

[شك وتطريز]

ياحلاتها ماشاالله مافكرت اقضي العطله بالسعوديه بس هالسنه يمكن افكر اروحلها

شحلات السعوديه واهلها وه فديتهم

 

[بنت النوخذا]

حياك الله حبيبتي في ابها انا من ابها
بس توني ساكنه جديد فيها واهلي في الدمام
وترى الاجواء براد ورووووعه بمعنى الكلمه
السكن والفنادق
تختلف حسب المستوى والخدمات عندك
ابها الجديده
فيها فندق روعه خمس نجوم ومكانه حلو وفيه فلل حلوه للايجار وحولها مدينة ملاهي يصير فيها فعاليات
وعروض الضوء والصوت والالعاب الناريه تشوفينها بوضوح من جنب بحيرة السد
وفيه السوده
غابات وخضره وامطار بس انتبهوا من الضباب وفيه الحبله والمسقي وحديقة ابوخيال والجبل الاخضر
ترى بعض الخدمات تحسينها ناقصه او مو مثل اللي متعوده عليها بس الاجواء والبراد يكفي
يعني اي مكان يعجبكم ومعكم اغراضكم افرشوا وتبردوا فيه وخلوا الامور سعة صدر
وترى فيه احياء على طريق السوده

فيها فلل وبيوت يسمونها حي الكويتيين لان الكويتيين لهم بيوت فيها ويجون لها كل صيف
واحلى شيء الفواكه الطازجة من عنب وتين ورمان والبرشومي التين الشوكي والخوخ والمشمش
وكلها بلديه محليه من المزارع وتنباع بكثره على كل الطرقات المؤدية للمتنزهات
وبعد بتلقين الاطفال والسيدات يبعيون الاكلات الشعبيه والخبز التنور اللي يسمى خبز الميفا
وفيه ناس كثير يستاجرون بيت بوسط مزرعه بس اتوقع يبيله ميزانيه اكثر من الشقق او الفنادق

وفيه مجمعات التسويق
عسير مول والخميس افنيو واصداف مول وابها بلازا وابها مول وفيه اسواق كثير ومراكز
في خميس مشيط الشبلي والمحلات الكبرى واسواق القبه في ابها تعتبر ارخص من المجمعات
ومهرجان ابها للتسوق على طريق المطار تلقين فيه اشياء حلوه
بهارات يمنييه وبن وزبيب يمني وجلابيات وفيه ملابس اطفال اللي تقليد ماركات وباسعار حلوه
ولو كنتم بتستاجرون شقه

بابها حي المنسك
حلو وهادي ومنخفض مو مرتفعات وجبال مثل وسط ابها وفيه
فلل العتيق قبل ماتروحين ابها الجديده يسار حلوه وموقعها حلو

وبالنسبة للمطاعم
فيه مطاعم شعبيه مثل قرية بن حمسان في خميس مشيط اجواء تراثيه واكل قمه في الروعة
جربوه بالعافيه ومارح تندمين واطلبي منهم اكله شعبيه اسمها مشغوثه طعم يهبل سمن وعسل مع طحين
مطبوخ ومعصود مع لبن او حليب صدقيني تهبل مع القهوة يمكن ما تعجبك من الوصف والاسم بس لما تجربينها
ان شاء الله تعجبك وتدعين لي
وفيه مطعم سمك السناره موجود بالخميس وابها ومطعم كركند وتندوري في خميس مشيط وحراء
والمطعم الشرقي ومكبوس في ابها والمطعم الدوار

في فندق قصر السلام
في ابها وفيه برجر كنج وكودو وهرفي وماكدونالدز داخل عسير مول فقط واحلى شيء
لو معاكم اغراض الطبخ اشتروا لحم طازج ولحم التيوس الصغيره مرغوب بكثره
واطبخوا انتم على راحتكم انظف واوفر وفيه مطاعم كثير صراحه

ولوسكنتوا بابها
فيه اسواق الغنيم سوبرماركت حلو وبتلقون عنده زحمة كثير لان المخبز حقهم ممتاز
وعندهم الخبز اللبناني المفرود والصامولي يهبل والجاتوهات وحلويات القهوه
عندهم حلوه وشغلهم نظيف والفواكه والخضره حلوه بعد يعني لو بتقضون لشقتكم
تموين الغنيم حلو وبنده موجوده بمجمع عسير مول
وفيه باتشي اهم شيء مع القهوه

لكن اهم شيء انتبهوا !!!!

من التحويلات واشغال الطرق اللي مقابل عسير مول وعند الغروي بخميس
مشيط الله يسامحهم ما تجيهم السناعة والشغل الا وقت الصيفيه

ومرحبا الف
ترى بتسمعون هالكلمه كثير وترى اهل المنطقه حبيبين ويحبون الكويتيين واهل كرم وفزعة
وان شاء الله تستانسون وتوصلون بالسلامه
واهم شيء
جهزوا معاكم ملابس شتويه جاكيتات وابوات والصغار لو عندهم مظلات خل يجيبونها
معاهم رح يستعملونها ويستانسون فيها ان شاء الله وترى فيه اشياء كثيره بس هالاشياء اللي ببالي الحين

ولو بغيتي اي شيء انا في الخدمه ولا تحاولين تقارنين الخدمات لان فيه اشياء اكيد ناقصه
مو مثل الرياض او الدمام او الكويت بس الجو والبراد يكفي ويغنيكم عن بعض الامور
وترى الشخص لما يكون ايجابي وسعيد من الداخل رح يكون كل شيء حلو بعيونه

والله يحييكم من جديد في ديرتكم وان شاء الله اكون افدتك

مشكوووووره اختي الكريمه
اوبــــــرا 7:eh_s(17)::eh_s(17):​

علي الشرح اللي و الله يهبل و مفصل ودقيق حيييل
لكن كلامك مسرود سرد يصعب للقرائه
و الله قريته قلت حرام تضيع هالمشاركه الحلوه
واسمحلي اسمحيلي اسمحيلي اني عدلتها حتي يستفاد منها
لانها وايييييد حلوه و مفصله بشكل دقيق جدا
و جعلت علامات بالون الوردي للاشياء المفصله لشرحك الرائع​

وشــــجعتينا للسفر لابها
و تحسفنا انا ما رحنا لها هالسنه :eh_s(11):

وعجبتي جداا هالجمله الراقيه و الحلوه
​

وترى الشخص لما يكون ايجابي وسعيد من الداخل رح يكون كل شيء حلو بعيونه

:eh_s(15)::eh_s(15):​

و مشكوووره اختنا
منوه الروووح:eh_s(17)::eh_s(17):
علي الصور اللتي اعطت للموضوع تشوق اكثر​

 

[هزة غضا]

حياك أختي..

أبها زرتها مره وحده في حياتي قبل 3 سنوات تقريبا..ولمدة اسبوع..في وقت قبل بداية الأجازة الرسمية وكانت مو زحمة..
ولازلت تفاصيل الرحلة الجميلة عالقة في ذهني..وكان الأنطباع عنها جميل وبصراحه حبيتها..
فإن كنت من النوع اللذي يبحث عن الجو البارد اللطيف والغيوم والمطر والفاكهة الذيذه فأبها تنتشى بذلك كل صيف!
لكن كمجمعات أو أسواق ومطاعم ومنتزهات مميزة..فلن تجدي حاجتك منها هناك..!
عموما أبها تكمن متعتها في التجمع والعائلات الكبيرة .....ولا أفضلها لشخصين أو عائلة صغيرة ..
يعني حطي في بالك أن أبها ماهي مكان للتنزة بالأسواق أو الكافيهات أو المطاعم أبدا..وحطي في بالك بعد أنها قد تكون مزحووومة على الآخر..لان الوقت قصير وهي مقصد ووجهة للجميع..
وأذا قدرت تنزلين في فلل سكنية موجوده في السودة فالمتعة هنا أكبر..

أتمنى لك سفرا سعيدا..

 

[اوبرا7]

الله يعطيك العافية حبيبتي بنت ا لنوخذاوما قصرتي الموضوع صار اروع بلمساتك وانا تحمست البارح قلت لانها وجودي من وجوده مستعجله وبتسافر السبت وحطيت كل اللي حسيته مهم وسردته سرد بدون تلوين وتقسيم وانتي والله لو ماكنتي راقيه ونفسك حلوه كان مااعجبتك الجمله وعقبال ماتزورينا ان شاء الله في ابها وعقبال ما ازوركم بالكويت جيتها وانا صغيره مع اهلي واتمنى ازورها ان شاء الله مع زوجي
ابوي الله يطول بعمره دايم يزور الكويت وفيه عوائل من جماعتنا مستقرين في الكويت من زمان الى الان
وبا لنسبه لسوبرماركت الغنيم اللي تكلمت عنه من قبل نسيت اوضح انه فيه ملاهي للاطفال بالدور الثاني مو كبيرة مره وفيه بودي شوب ونعومي ومكياجي وعبدالصمد القرشي وهرفي وكودو ومحل عطور ومحل للزهور والشتلات
وفيه اهم سوق شعبي في ابها وهو سوق الثلاثاء تلقين فيه اشياء تراثيه واليوم مرينا عليه في وقت العصر وش كثر السيارات الكويتيه فيه يعني يوسع الصدر وتلقين بياعين العسل والسمن بس الواحد لازم يتاكد اصلي او مغشوش
وحياكم الله كلكم في ديرتكم

 

[همسات صاخبة]

همسات الله يهنيكم يا رب :eh_s(7):

تقولين مطررررر :eh_s(16): وبرااااد :eh_s(16):

ان شاء الله بحيييل الله بنروح ابها
بس الله يخليج فيدينا في جميع الفنادق و الشقق الفندقيه و المطاعم
و اماكن التنزهه هههههههه يعني تقرير كامل مفصل و ياليت صور بعد :eh_s(9):
حتي الكل يستفيد بارك الله فيج يا الغاليه :eh_s(7):
و الاسواق اكيد بتكون عـــاديه لانها منطقه ريفيه
كفايه الجو .................:eh_s(15)::eh_s(15):

سؤال متي ياذن المغرب عندكم ؟
وهل التكسي متــوفر او باصات للتنقل ؟
اسعار الفنادق غاليه او معتدله ؟


تسلمييييييييييييييين عزيزتي :eh_s(7):

معليش اختي تقرير حاليا لااستطيع لكن اماكن النتزه السودة وهي عبارة عن غابه وينزل المطر فيها يوميا تقريبا ايضا الحبلة وفيها تلفريك يربط بين المنطقة وبين قرية في اسفل الجبل كان سكان القرية يصعدون الى الجبل بواسطة الحبال قد لايكون في الحبلة مايشد الانتباه لكن يكفيك ان تشاهدي مايتميز به البدوي من القوة ايضا منتزه ابو خيال جميل والتنقل موجود عن طريق التكاسي ويؤذن المغرب الساعة 6:50والفنادق هناك فندق الانتر كونتننتال وفندق ابها وقصر السلام وهي مرتفعة في الاسعار هناك شقق فندقية تتراوح اسعارها بين 250 ريال الى 600انا بصراحة استمتعت بالاجواء والمطر ولاحقين على التسوق واتمنى انك تنبسط مثل ما انا مبسوطةزوجي يقول بننزل وانا مو راضية اقول الجو مابنمل منه شوفي الان المطر نازل وانا اكتب

 

[الناصرة]

اه ياابها البهية ياجنة في الارض ياديرة الحبايب الله يرحمهم
مشكورة عالطرح

 

[هجووورة]

ياحلات ابها وعسى الله ييسر اموركم

 

[ميرنان]

عموما أبها تكمن متعتها في التجمع والعائلات الكبيرة .....ولا أفضلها لشخصين أو عائلة صغيرة ..

نفس كلام الاخت

والله يسرلكم رحلتكم وترجعو بالسلامه

 

[صدر العتيم]

فديت ابها