أمريكا2011؟! هالمرة سفرتي غير!!

[new woman]

خلصت الأجازة الدولية ابو العيال طلعله وطلعلي

في بحولي الشركة الأهلية سعر الدفتر 8 دنانير

يبون بس صورتين وصورة عن الأجازة وجواز السفر

 

[زوووووغه]

الله روووونه ونستيني يعني جو نيويورك حلو خل نتبرد قبل لا نخيس باورلاندو
لوووووووووول

 

[زوووووغه]

الله روووونه ونستيني يعني جو نيويورك حلو خل نتبرد قبل لا نخيس باورلاندو
لوووووووووول

 

[أم بنوته]

مرحبا يا كويتيات ..

اليوم رحنا نكمل التور وودانا صوب السنترال بارك بس احنا نزلنا عند المتحف american musuame of natural history شي جذي اسمه ووايد استانسنا قصينا التذاكر حق 2 كبار و2 صغار ب76 دولار شامله دخله لقسم الداينوصورات ( اهم يخيرونكم تبون ديناصورات والا الضفادع والا غيرهم ) اليهال بغوا الديناصورات ووايد استانسوا عطوهم نظاره واداة حفر وخلوهم يحفرون بحوض رمل عن اثار الديناصورات غير الاقسام الثانية اللي فيه عن افريقيا واسيا والمكسيك وامريكا الجنوبية والشمالية والهنود الحمر وفيها سينما اي ماكس بس ما رحنالها

اليوم مطر وشوي ماقدرنا نطول بالطلعه وتونا راجعين بغينا نتمشى بالسنترال بارك بس الجو ما يساعد والمطر ماشاءالله ما وقف

اييي بنات بغيت اقولكم في شركة للتور احسن من تللي حجزنا منها باصهم احمر واعتقد اسمها غاري لين شي جذي .. باصاتهم اكثر واحسها احسن من شركتنا فحبيت بس اقولكم

اليوم حجزنا حق يوم الاحد عرض زاركانا ( سيرك دي سوليي ) طلعت التذاكر حقنا كلنا ب 599 دولار يعني 600 تقريباً ومكانا حلو بالنص

وحجزنا حق باجر باص يودينا الوودبيري اوت لت ب 40 دولار للشخص روحه ورده ولنا 6 ساعات داخل السوق .. وبس

*

هلا روونا
عليكم بالعافيه .... إن شاء الله دوم مستانسين....
يا حلوج شوقتينا على أمريكا .... و زين قلتيلي عن المتحف لأني حاطته في بالي بس قلت يمكن ما يسوى
ناطرينج :eh_s(7):​

 

[ناسي626]

امبيه اذا الجو براد وفي مناطق برررررررد شحقه الاغلبيه ملخذين قمصان قطن خفيفه!!!!!:bbbiu:

 

[new woman]

أهم المناطق السياحية في فلوريدا

http://www.floridavacationshop.com/discoverflorida.php

 

[أم بنوته]

مرينا يم محل هيرشي بس ليش اني ما احب كاكاوهم وايد ما دخلته لووول

شفت تي شيرتات اي لوف نيويورك وبغيت اخذ منهم بس ماخذيت يمكن باجر والا اللي عقبه ، عجبتني جنطه سحب للبنات تنفع للسفر حق الطياره وشكلها دائري على الاميرات وفي على مني وتناجرنا انا وزيلي اقوله ابي اخذها لهم مارضى قال ناخذها من ديزني فلوريدا قلت له اخاف ما احصلها اهناك قالي اطلبها من الانترنت ! قلت له يمكن مافي منها الا في نيويورك قال لا تحاتين بنحصلها باورلاندو عاد انا نفست وقلت له واذا مالقيناها حيل دشت خاطري وشكلها ذرب وسعرها شي وثلاثين دولار يعني وايد زين قالي اذا ما حصلناها اعطيج 100 دينار لوووووول !!


التور ما نزلونا يم برجين التجاره لأنهم قاعدين يبنون مكانه بس ورونا اياه ومانزلنا علشان جذي ماشفت محل سنتري21
اقولج ماعجبتنا شركه التور اللي باصهم ازرق اشوف ان اللي باصهم احمر وليد احسن وباصاتهم اكثر واحسهم انشط بعد يلا ماعليه المهم استانسنا وغيرنا بالنسبه لي شفت وايد اماكن كنت زايرتها بال97 في شغلات وايد تغيرت وشغلات لا مثل ما اهي اليهال وايد استانسوا لأنهم اول مره ايون ووايد حبوا المتحف حسوا انهم يسون الشغلات اللي بالافلام لووول

شركة التور grayline اهيه اشهر شركة عندهم اللي باصاتها حمر بس عيبهم حيل زحمه
بس يمدحون شركة city tour يقولون نفس المستوى بس ما فيها زحمه
روونا رياييلنا الود ودهم ما نشتري شي هههه بس أنا من ألحين أهدد زوجي و أقوله ترى بشتري كل شي يعجبني مو تقولي شي ترى بزعل و أمد البوز هههههههه *​

 

[أم بنوته]

رووووووووووووووووووووننننااااااااااااااااااااا
رحتي centry21 ????


بنات هذا مثل ديبارتمن ستور صاير بالضبط عند برج التجارع العالمي الي فجروه
روحوه في وايد اشيا ماركات و باسعار حلوه ... روحيله رونا فيه شيلات ماركات و سوالف حلوه

اتصدقين عروس لما رحت نيويورك المره اللي فاتت رحنا مكان الأبراج و بعدين شفت هالمحل و دخلته بس ما طولت فيه ... ما حبيته لأنه ديكوره قديم و كان وايد زحمه ... حسافه إذا قدرت هالمره بروحله إن شاء الله​

 

[ناسي626]

رووونا ليش التور لازم يومين انا كل مدتي بنيويورك 3 ليالي اول يوم رايح والثاني ابي تور سياحي والثالث بروح وود بيري في شركات التور السياحي بس يوم واحد؟؟:eh_s(17):

 

[أم بنوته]

السلام ... شلونكم بنات....
نونا ... انتي نفس موعد سفرنا يوم 1-7 احنا عالكويتيه .... انتي على أي طيران؟
بنات بروح ألحين اشتري جناط و ميزان حق الجناط ... لما أرد أقولكم شنو سويت :hjy5jewf:​

 

[أم بنوته]

رووونا ليش التور لازم يومين انا كل مدتي بنيويورك 3 ليالي اول يوم رايح والثاني ابي تور سياحي والثالث بروح وود بيري في شركات التور السياحي بس يوم واحد؟؟:eh_s(17):

بتليقف و أرد بدل روونا
لا مو لازم تحجزين يومين عادي يوم واحد و كل شركات التور عندها حجز يوم أو أكثر و انتي كيفج تختارين اللي يناسبج ​

 

[new woman]

روحي كاااااااااااارفور أسعار جناطهم عجيييبة وفي ماركة

دوسلس وامريكان

 

[new woman]

بتليقف و أرد بدل روونا ​

لا مو لازم تحجزين يومين عادي يوم واحد و كل شركات التور عندها حجز يوم أو أكثر و انتي كيفج تختارين اللي يناسبج ​

حتا أنا بقعد يومين بس في نيويورك والثالث بروح أورلاندو

حدي متشوقة اسافر الحين قبل موعد رحلتي 30 - 6 بس حسافة محد معاي علا الكويتية

 

[ناسي626]

اي انا لقيت مع الجريده جريدة كارفور مسوين عروض حلوه عالجناط شكلي بروح اخذ الجنطه القديمه مالت قبل اللي كلها سحابات تصير هاند باق واذا فتحتي السحابات تنمقط تصير طويله تشيل 40 كيلو:eh_s(9):

 

[q8tiaa81]

قوة بنات شلونكم شخباركم؟

 

[q8tiaa81]

اناخذت خط من تي موبايل ب٥٠ دولار شهر مكالمات مجانية ومسجات وانترنت غير محدود بدون مكالمات دولية فيكتوريا سيكرت مسوي تنزيلات ٧٥ بالمية

 

[q8tiaa81]

اناخذت خط من تي موبايل ب50 دولار شهر مكالمات مجانية ومسجات وانترنت غير محدود بدون مكالمات دولية فيكتوريا سيكرت مسوي تنزيلات 75 بالمية

 

[rawona]

هلا والله روووووووووووونا

عليكم بالعافية

بقيت اسأل لما نروح تمثال الحرية ينزلونا عنده ؟؟؟ وايد بنات يقولون زحمة وطوابير علا التمثال صج

لا والله .. شوفي التور السياحي اللي حجزناه له خطين واحد صوب الشرقي للمدينه عند سنترال بارك والمناطق اللي حوليه والجزء الثاني من الرحله اللي يودي صوب تمثال الحريه فانتي اذا بتروحين على يوم واحد تأكدي تاخذين الرحله اللي تودي صوب تمثال الحريه الباص ينزلج يم حديقه فيها مينا تاخذين منه عباره ويوديج للجزيره اللي عليها تمثال الحريه احنا حجزنا التذاكر مع التور فما وقفنا بالطابور علشان نقص تذكره بس وقفنا بطابور شطوله علشان نركب العباره ، بس تنزلين الجزيره اللي فيها التمثال تقدرين تتمشين وتصورين وتقدرين اذا تحبين تصعدين فوق بس انا ما عبرت اصعد مو علشان زحمه علشان مالي خلق لووول وهم فيه محل لبيع التذكارات وكافتيريا الجو كان حلو فقعدنا بره وطلبنالنا خفايف وقعدنا شوي وتالي رحنا ركبنا العباره وودتنا صوب جزيره ايليس نزلنا فيها شوي بس ما طولنا وردينا نيويورك وركبنا الباص ولف فينا شوي وتالي وصلنا مكان ما نزلنا سهالات لا تحاتون واذا ماعرفتوا شي سألوا عادي يجاوبونكم ويدلونكم

خلصت الأجازة الدولية ابو العيال طلعله وطلعلي

في بحولي الشركة الأهلية سعر الدفتر 8 دنانير

يبون بس صورتين وصورة عن الأجازة وجواز السفر

عادي ترى تسوقون بالليسن الكويتي مدام الاسم مكتوب بالانجليزي

الله روووونه ونستيني يعني جو نيويورك حلو خل نتبرد قبل لا نخيس باورلاندو
لوووووووووول[/QUO

اي والله الله يعينا على الخيسه اهناك

هلا روونا
عليكم بالعافيه .... إن شاء الله دوم مستانسين....
يا حلوج شوقتينا على أمريكا .... و زين قلتيلي عن المتحف لأني حاطته في بالي بس قلت يمكن ما يسوى
ناطرينج :eh_s(7):​

[/QUOT

تذكرتنا مالت التور كانت شامله دخله لمتحف في السنترال بارك بس ما مدانا نروح له لأن المطر ماخلانا بس هالمتحف وايد حلو احنا استانسنا عليه فيه كل شي ومتكون من 4 طوابق عيالج بيستانسون فيه ان شاءالله خصوصاً ان ماعندنا جذي بالكويت فكانت تجربه حلوه

امبيه اذا الجو براد وفي مناطق برررررررد شحقه الاغلبيه ملخذين قمصان قطن خفيفه!!!!!:bbbiu:

لا الجو حلو بس مو مال تلبسون شتوي اذا طلعت الشمس يصير الجو حار شوي بس الشمس ماتطول منخشه على طول ورا الغيم لول

شركة التور grayline اهيه اشهر شركة عندهم اللي باصاتها حمر بس عيبهم حيل زحمه
بس يمدحون شركة city tour يقولون نفس المستوى بس ما فيها زحمه
روونا رياييلنا الود ودهم ما نشتري شي هههه بس أنا من ألحين أهدد زوجي و أقوله ترى بشتري كل شي يعجبني مو تقولي شي ترى بزعل و أمد البوز هههههههه *​

اييي صح الباصات الحمرا وايد عليها زحمه وشركتنا وايد زينه وحتى المرشدين حبوبين بس انا قلت اقولكم عن الاحسن واللي اشوف انه افضل واكثر انتشار .. على التشري بعد شوي بنروح الاوت لت وقلت حق ريلي بارد اخذ الجنطه حق اليهال عن الحسافه جان يقولي عيالج اصحاب الشأن ما حنوا مثلج لوووول

رووونا ليش التور لازم يومين انا كل مدتي بنيويورك 3 ليالي اول يوم رايح والثاني ابي تور سياحي والثالث بروح وود بيري في شركات التور السياحي بس يوم واحد؟؟:eh_s(17):

اييي تقدرين تاخذين تور ليوم واحد حبوبه عادي

 

[ناسي626]

رونا قوليلنا رايج بالوودبيري انا خوفي اشتري وايد ويطلع اغلا من لوس انجلوس
مع انه وايد يمدحونه
وشرايج بالشركه اللي اخذتي منها الباص؟ والمده كافيه؟
اذا اوكي بحجز منها

 

[لولوة الكويتية]

اشلوونكم بنات