أمريكا2011؟! هالمرة سفرتي غير!!

[new woman]

اهلين نيو ومن اتتي وايد متاخره بس والله شكله مكانه زين بس هذي الطريقه ما جربتها ان ياخذ اسمي والايميل من غير الفيزا انا اذكر حجزت فيلا بالماجلكال ميمورايز كان وايد حلو وكبير

انزين شنو أسوي اتصل عليهم

والله اذا اتعرفين جزاج الله خير دشي الموقع وشوفيلي اشلون

 

[ذرابه]

رووووون ياعمري لا ان شاءالله محد داعي عليج وكلنا ندعي لج ياقلبي

الحمدلله على سلامتج

وضيقتي خلقي شصااار معاكم ؟؟؟
*

 

[أم بنوته]

شلونكم بنات وشخباركم؟

وصلت نيويورك بالسلامه بس عقب شنو ؟


امبيه تعرضت لمواقف مو صج !!!!!



تكفون منو داعي عليّ بهالسفره؟! :/


ان شاءالله لي شبكت من الكومبيوتر اقولكم التفاصيل !

هلا روونا
الحمد الله على سلامتكم
و عالمواقف لا تضيقين خلقج عليها ...أهم شي إنكم وصلتو بالسلامه و ما فيكم شي .... و إن شاء الله تستانسون بالسفره ....:eh_s(17):
ناطرين أخبار نيويورك عشان نغش منج :eh_s(6):​

 

[أم بنوته]

السلام شلونكم بنات
نيو ومن...نونا.. و باجي البنات شلونكم .... شخبار الاستعدادات ... منو سفرتها خلال هاليومين...​

 

[رنا 2011]

شلونكم بنات وشخباركم؟

وصلت نيويورك بالسلامه بس عقب شنو ؟


امبيه تعرضت لمواقف مو صج !!!!!



تكفون منو داعي عليّ بهالسفره؟! :/


ان شاءالله لي شبكت من الكومبيوتر اقولكم التفاصيل !

:eh_s(16): ليه شفيج وش صاير
ابد ماكو الا العافيه على قولة ام بنوته دام انكم بخير وسالمين هذا اهم شي:eh_s(7):
الله ييسر لك كل درب
طمنينا باقرب وقت

 

[ودي***أفرح]

روونا طمنينا حبيبتي

وإن شاءالله الله يسر امورج

 

[عروس الدنيا]

نيو ومن ... راح يوصلج ايميل من مالك البيت جيكي بالجنك و ايميلج بتلاقينه من اسمه او من الموقع و يتراسل معاج يتفق وياج على طريقة الدفع

 

[الجوري74]

روونه
اولا الحمدلله علي سلامة الوصول
ثانيا خطاج السو
عسي ماشر شصار قاعد نحاتيج طمنينا عليج

 

[الجوري74]

عروس شلونج شخبارج
ماصادفتج ولا مره

 

[عروس الدنيا]

هلا الجوري ... مالي وايد مشاركات و الله
لاهيه مع الحجيه الصغيرونه

 

[rawona]

السلام ..


شلونكم؟


بنات قبل كل شي انصح كل وحده رايحه نيويورك انها اول ما توصل المطار تروح على اقرب انفورميشن ديسك او الاستعلامات وتسألهم عن شركة تكاسي معتمده وموثوقه

او تتأكد انها تاخذ تاكسي المطار الاصفر ويكون عليه علامه ومكتوب عليه الاسم من بره ومن داخل في لوحه عليها بيانات السايق ورقم السياره ضروووووري ولا تركبون تكاسي سودا نصيحه ..


احنا انصب علينا وطحنا بيدين اثنين واحد هندي وواحد امريكي اسمر تلقونا اول ما طلعنا من البوابه ومن التعب ابونا راح معاهم بس سمع كلمة تاكسي واحنا وراه ..

اول صدمه :

يابولنا جمس اسود ماعليه اي علامه تدل على انه تاكسي .. كانت سياره عاديه ، انا اهني قلبي نقزني وقلت حق ريلي قاله ريلي بجم تودونا حق مانهاتن؟ قالوله فيه عداد داخل السياره فقال لي ريلي خلاص لا تحاتين !

انا ما تطمنت ومسكت اليهال قلت لهم ما يركبون السياره لان الهندي كان بالسياره اهو اللي بيسوق والاسمر قاعد يساعد ريلي ويحط الجناط بالدبه ولما خلصوا قلت حق ريلي يركب لأني خفت يمشي فينا وريلس ما ركب !!!



الصدمة الثانية :


الهندي سألنا عن العنوان قمت عطيته الورقه والا الاسمر فتح الدبه فجأة وقال انه بيعدل الجناط لأنهم طاحوا ! مع ان الجناط كانوا بمكانهم ما تحركوا ويوم شافنا التفتنا نطالعه جان يسكر الدبه ويروح صوب الباب اللي يم السايق ويبطله والهندي قاله تعال دخل لي العنوان بالجي بي اس جان يركب الاسمر يمه ويسكر الباب وهذاك يحرك فينا !

اهني انا وريلي قمنا نطالع بعض ! شكو اثنينهم يوصلونا؟! وتالي انتبهت ان السياره مافيها عداد جان اصرخ بالسايق واقوله لوسمحت وقف السياره نبي ننزل! جان يقولي ليش شنو المشكله؟ قلت له بس نزلنا انا ماني مرتاحه ومافي شي يدل على اني راكبه تاكسي رسمي!

جان يقول الاسمر احنا بعدنا الحين وطلعنا من المطار وانتول عندكم يهال وجناط شلون راح تمشون ؟ خلاص احنا بنردكم المطار .. قلت له اوكي!



الصدمه الثالثة:


الهندي عصب وقال مدام انا سايق تاكسي متخصصص وانا عندي ليسن وهويه ويطلع لي هويته من الدرج وقالي شوفي انا عندي رخصه سايق تاكسي في مطار جي اف كي وكلاني بالكلام ! قلت له انا فاهمه بس ابي انزل ! جان يقول احنا بمنطقه كوينز وعلامات التاكسي اهني غير عن اللي في منهاتن ومادري شنو قعد يخربط علي وكمل طريجه ما ردنا المطار !!



بصراحه اهني خفت وقمت اطالع ريلي اللي عداده وصل الف بس سكتنا خفنا يسوون فينا شي وطول الطريج ادعي واستغفر عاد الهندي قام يسولف شوي مع ريلي يعني يبي. يلطف الجو وريلي ما عطاه ويه كان يجاول يثبت الطريج ويراقب تحركاتهم !

الصدمة الرابعة:

وصلونا الفندق بس ما وقفوا عند الباب نزلونا بالزاويه بعيد شوي واستغربت من هالشي بس ما اهتميت لأنس كنت ابي الفكه يوم وقفت السياره الاسمر قال للهندي يقعد بالسياره ونزل ينزل الجناط ..

انا كنت ماسكه اليهال وريلي يبي يحاسب الهندي والاسمر ينزل الجناط وايبهم صووبي وشفته نزل جنطتنا الصغيره وجنطه اليهال وكنت محتاسه مادري امسك الجناط والا اليهال وابونا ناداني سألني اذا عندي خرده علشان يعطيهم بقشيش فرحت عطيته ورديت لليهال وكان الاسمر يسحب الجناط بروحه ويوديهم صوب بوابه الفندق بس اللي استغربت منه انه قطهم عند الباب ومشى بسرعه


الصدمه الخامسه:


ييانا ريلي معصب يقولي تدرين جم خذوا مني؟ قلت له جم قالي 300 دولار!! قلت له ليش؟ لو ماخذين لوموزين جان اطلعت علينا ارخص ! دخلنا الفندق وسألهم رياي جم ياخذ التاكسي من اهني لي مطار جي اف كي ؟ قالت له الموظفه بالكثير 50 دولار ! قالها ريلي سالفتنا مع التاكسي طقت على راسها وقالت نصبوا عليكم !



لحد الحين سلامات !

صعدنا الغرفه وحتى ما بدلنا حطينا الجناط وطلعنا علشان نوكل اليهال كانوا يواعه ويوم ردينا بليل وييت ابي ابدل هدوم اليهال انصدمت ما لقيت لا جنطتهم ولا الجنطه الصغيره!!!

سألت ريلي قالي صج واهو يصعد الجناط ما شافهم !! ومن التعب ما فقدناهم !!


نزل ريلي يسأل عن الجناط بالريسبشن تحت قالوله انه في واحد ياهم وقط الجناط ومشى وحتى ما شافوه ولا شافوا ملامح ويهه واهم ما يدرون منو جنطته بطلوا الجنطه لأنهم خافوا يكون فيها شي وكانوا يبون يبلغون الشرطه عنها! ولما ريلي سألهم عن الهاند باغ قالوله ما يابلهم الا هالجنطه ! والمدير كلم ريلي قاله هذيل حراميه وكانوا ناوين لنا على شر وقاله انت محظوظ انه ما سوولكم شي وانه عنده اخلاق هالحرامي لأنه رجع الجنطه !

جان يقول له ريلي اي اخلاق؟! اهو رجعها لأن فيها بس ملابس اليهال اما الجنطه الثانيه ليش فيها عطورات واجهزه وتلفون وفلوس خذوها !!!


انا قلت حق ريلي الحمدلله ان الله سلمنا منهم وفكنا من شرهم وتوبه نركب مع احد ما نعرفه ولازم نتأكد ان السياره تاكسي رسمي مره ثانية ! وزوجي لأنه حاس بالذنب ويقول ان الغلطه غلطته شلون غامر وراح معاهم بس كان تعبان المسكين ويبي يوصل وبس ومافكر علشان جذي ما بلغ وقال انا باستانس ومالي خلق شرطه وعوار راس !




شرايكم بس باللي صار؟ الحمدلله اليوم عوضناه ورحنا تور وتمثال الحريه وفندقنا قريب من التايم سكوير فكله نتمشى فيه واستانسنا وايد وباجر بنكمل التور ونتسوق في ماديسون افنيو والفيفث افنيو ان شاءالله ...



البنات اللي سألوا عنر اكشاك الهوت دوغ اعتقد ان اللي مدحهم مجرب الاكشاك اللي مكتوب عليها حلال ويبيعون فيها مصريين وموجوده هالاكشاك اكثر شي في منطقة سوهو وبعد قريب منهم مطعم الحمص

وفي تلجاده الاولى فيرسن افنيو فيها مطعم تركي حلال ..


وسلامتكم *

 

[مهفة]

روووونة سالفتج موووووو صج

خطاكم السو

الله عداكم الشر

الله حفطكم ... دافعين بلا

احنا ركبنا مرة مع الجيب الاسود بس كان الفندق يايبه لنا فكلش ما شكينا فيه و الحمدلله كان الوضع كوول لأن الظاهر من الفندق!!!

و جم راح منكم بيزات لا يكون وايد!
مو شي اول السفرة الواحد يتنكد و تضيع فلوسه ...

يلاااا الخسارة بالعمر مو بالأغراض! معوضين ان شالله

اففف احتريت

 

[^noonaa^]

واااااي رووونااا سالفتكم صارت فلم اكشن على رعب

وااااي يمه انا اخترعت قطيييييعه شنووو هذيل

واشوه يامعوده مااصار فيكم شي الحمدالله وخطاااكم السوو

يلا الحين انسووا وعيشوو حياتكم واستانسو

والحمدالله على سلامتكم

 

[^noonaa^]

واااااي رووونااا سالفتكم صارت فلم اكشن على رعب

وااااي يمه انا اخترعت قطيييييعه شنووو هذيل

واشوه يامعوده مااصار فيكم شي الحمدالله وخطاااكم السوو

يلا الحين انسووا وعيشوو حياتكم واستانسو

والحمدالله على سلامتكم

 

[أم أحلى جود]

السلام ..


شلونكم؟


بنات قبل كل شي انصح كل وحده رايحه نيويورك انها اول ما توصل المطار تروح على اقرب انفورميشن ديسك او الاستعلامات وتسألهم عن شركة تكاسي معتمده وموثوقه

او تتأكد انها تاخذ تاكسي المطار الاصفر ويكون عليه علامه ومكتوب عليه الاسم من بره ومن داخل في لوحه عليها بيانات السايق ورقم السياره ضروووووري ولا تركبون تكاسي سودا نصيحه ..


احنا انصب علينا وطحنا بيدين اثنين واحد هندي وواحد امريكي اسمر تلقونا اول ما طلعنا من البوابه ومن التعب ابونا راح معاهم بس سمع كلمة تاكسي واحنا وراه ..

اول صدمه :

يابولنا جمس اسود ماعليه اي علامه تدل على انه تاكسي .. كانت سياره عاديه ، انا اهني قلبي نقزني وقلت حق ريلي قاله ريلي بجم تودونا حق مانهاتن؟ قالوله فيه عداد داخل السياره فقال لي ريلي خلاص لا تحاتين !

انا ما تطمنت ومسكت اليهال قلت لهم ما يركبون السياره لان الهندي كان بالسياره اهو اللي بيسوق والاسمر قاعد يساعد ريلي ويحط الجناط بالدبه ولما خلصوا قلت حق ريلي يركب لأني خفت يمشي فينا وريلس ما ركب !!!



الصدمة الثانية :


الهندي سألنا عن العنوان قمت عطيته الورقه والا الاسمر فتح الدبه فجأة وقال انه بيعدل الجناط لأنهم طاحوا ! مع ان الجناط كانوا بمكانهم ما تحركوا ويوم شافنا التفتنا نطالعه جان يسكر الدبه ويروح صوب الباب اللي يم السايق ويبطله والهندي قاله تعال دخل لي العنوان بالجي بي اس جان يركب الاسمر يمه ويسكر الباب وهذاك يحرك فينا !

اهني انا وريلي قمنا نطالع بعض ! شكو اثنينهم يوصلونا؟! وتالي انتبهت ان السياره مافيها عداد جان اصرخ بالسايق واقوله لوسمحت وقف السياره نبي ننزل! جان يقولي ليش شنو المشكله؟ قلت له بس نزلنا انا ماني مرتاحه ومافي شي يدل على اني راكبه تاكسي رسمي!

جان يقول الاسمر احنا بعدنا الحين وطلعنا من المطار وانتول عندكم يهال وجناط شلون راح تمشون ؟ خلاص احنا بنردكم المطار .. قلت له اوكي!



الصدمه الثالثة:


الهندي عصب وقال مدام انا سايق تاكسي متخصصص وانا عندي ليسن وهويه ويطلع لي هويته من الدرج وقالي شوفي انا عندي رخصه سايق تاكسي في مطار جي اف كي وكلاني بالكلام ! قلت له انا فاهمه بس ابي انزل ! جان يقول احنا بمنطقه كوينز وعلامات التاكسي اهني غير عن اللي في منهاتن ومادري شنو قعد يخربط علي وكمل طريجه ما ردنا المطار !!



بصراحه اهني خفت وقمت اطالع ريلي اللي عداده وصل الف بس سكتنا خفنا يسوون فينا شي وطول الطريج ادعي واستغفر عاد الهندي قام يسولف شوي مع ريلي يعني يبي. يلطف الجو وريلي ما عطاه ويه كان يجاول يثبت الطريج ويراقب تحركاتهم !

الصدمة الرابعة:

وصلونا الفندق بس ما وقفوا عند الباب نزلونا بالزاويه بعيد شوي واستغربت من هالشي بس ما اهتميت لأنس كنت ابي الفكه يوم وقفت السياره الاسمر قال للهندي يقعد بالسياره ونزل ينزل الجناط ..

انا كنت ماسكه اليهال وريلي يبي يحاسب الهندي والاسمر ينزل الجناط وايبهم صووبي وشفته نزل جنطتنا الصغيره وجنطه اليهال وكنت محتاسه مادري امسك الجناط والا اليهال وابونا ناداني سألني اذا عندي خرده علشان يعطيهم بقشيش فرحت عطيته ورديت لليهال وكان الاسمر يسحب الجناط بروحه ويوديهم صوب بوابه الفندق بس اللي استغربت منه انه قطهم عند الباب ومشى بسرعه


الصدمه الخامسه:


ييانا ريلي معصب يقولي تدرين جم خذوا مني؟ قلت له جم قالي 300 دولار!! قلت له ليش؟ لو ماخذين لوموزين جان اطلعت علينا ارخص ! دخلنا الفندق وسألهم رياي جم ياخذ التاكسي من اهني لي مطار جي اف كي ؟ قالت له الموظفه بالكثير 50 دولار ! قالها ريلي سالفتنا مع التاكسي طقت على راسها وقالت نصبوا عليكم !



لحد الحين سلامات !

صعدنا الغرفه وحتى ما بدلنا حطينا الجناط وطلعنا علشان نوكل اليهال كانوا يواعه ويوم ردينا بليل وييت ابي ابدل هدوم اليهال انصدمت ما لقيت لا جنطتهم ولا الجنطه الصغيره!!!

سألت ريلي قالي صج واهو يصعد الجناط ما شافهم !! ومن التعب ما فقدناهم !!


نزل ريلي يسأل عن الجناط بالريسبشن تحت قالوله انه في واحد ياهم وقط الجناط ومشى وحتى ما شافوه ولا شافوا ملامح ويهه واهم ما يدرون منو جنطته بطلوا الجنطه لأنهم خافوا يكون فيها شي وكانوا يبون يبلغون الشرطه عنها! ولما ريلي سألهم عن الهاند باغ قالوله ما يابلهم الا هالجنطه ! والمدير كلم ريلي قاله هذيل حراميه وكانوا ناوين لنا على شر وقاله انت محظوظ انه ما سوولكم شي وانه عنده اخلاق هالحرامي لأنه رجع الجنطه !

جان يقول له ريلي اي اخلاق؟! اهو رجعها لأن فيها بس ملابس اليهال اما الجنطه الثانيه ليش فيها عطورات واجهزه وتلفون وفلوس خذوها !!!


انا قلت حق ريلي الحمدلله ان الله سلمنا منهم وفكنا من شرهم وتوبه نركب مع احد ما نعرفه ولازم نتأكد ان السياره تاكسي رسمي مره ثانية ! وزوجي لأنه حاس بالذنب ويقول ان الغلطه غلطته شلون غامر وراح معاهم بس كان تعبان المسكين ويبي يوصل وبس ومافكر علشان جذي ما بلغ وقال انا باستانس ومالي خلق شرطه وعوار راس !




شرايكم بس باللي صار؟ الحمدلله اليوم عوضناه ورحنا تور وتمثال الحريه وفندقنا قريب من التايم سكوير فكله نتمشى فيه واستانسنا وايد وباجر بنكمل التور ونتسوق في ماديسون افنيو والفيفث افنيو ان شاءالله ...



البنات اللي سألوا عنر اكشاك الهوت دوغ اعتقد ان اللي مدحهم مجرب الاكشاك اللي مكتوب عليها حلال ويبيعون فيها مصريين وموجوده هالاكشاك اكثر شي في منطقة سوهو وبعد قريب منهم مطعم الحمص

وفي تلجاده الاولى فيرسن افنيو فيها مطعم تركي حلال ..


وسلامتكم *

سلااااااااااااامتج رونه خطاج السو طقاق الفلوووووس اهم شي انتو وعيالج ماصار فيكم شي والله وايد اخترعت ابيي مابي اروح نيويورك حيل خفت بروحي خوااااااااااااااااااافه:rgewrg:

 

[new woman]

رونا ومهفة ونوونااشلونكم ما أجذب عليكم وانا اقرأ كلام رووونا قمت ابجي الحمد لله ان الله سلمكم من شرهاشدعوه اثنين يركبون التاكسي حماية شخصيات وامانة روونا اذا ناقصكم أي شيء لا يردج ألا لسانج ترا احنا خوااات دنياوسلامات مره ثانية وديروا بالكم علا عمركم الله الحافظ

 

[^noonaa^]

نيوو ومن

هلا حبيبتي شلوونج
اي والله مسكينه روونا ماتستاهل اللي صار لها بس الحمدالله يت على جذي والله يحفظهم

انتي اشصار عليج ومتى سفرتكم ؟*

 

[^noonaa^]

نيوو ومن

هلا حبيبتي شلوونج
اي والله مسكينه روونا ماتستاهل اللي صار لها بس الحمدالله يت على جذي والله يحفظهم

انتي اشصار عليج ومتى سفرتكم ؟*

 

[ودي***أفرح]

يا حياتي روونا الحمدلله على سلامتكم وغدا الشر إن شاءالله

والله قلبي عورني عليكم شهالموقف اللي يعور القلب

الحمدلله انها عدت على خير روحوا واستانسوا ...بس لا تنسين الدعاء والاستغفار

الله يحفظكم ويرجعكم سالمين إن شاءالله

 

[أم بنوته]

واااي روونا خطاكم السو .... و الله عورني قلبي عليكم ....
الحمد الله انها يت على جذي أهم شي انه انتو بخير ...​