بليز ساعدوني بتحديد مصيري

[وصوف]

السلام عليكم
شخباركم
بنيات حريم ... الخ الخ
انا بعترف لكم
اني ماسجلت بالمنتدى الا عشان شيييييييييييييييييييييييي واحد
واتمنى تساعدوني
بقولكم قصتي مع الي حبيته
لاني ماعاد قمت اعرف الصح من الغلط
ومشاعري كلها تخربط
وكل يوم لي راي
انا تعرفت وعليه وكل شي
واتفقنا نتزوج
بس قال صبري على ديوني
بس بيني وبينكم انا ماعاد اقدر
وخصوصا صديقاتي قالو يالخبله الرجال خاطب
ومايبي يقول :eh_s(2):​

المهم وانا ادق عليه وقلت اخلص ياولد الناس انا تعبت
وما اقدر حنا قبايل وبدوو حيل
والله نروح فيها
ولا تدق علي الا وانت تبيني غير كذا مافيه
مابيك رح بطريقك
تبون الصج عاد وانا اقول هالكلام احس روحي بتطلع بس وش اسوي ابيه يعزم
طول ماانا معه مو متحرك
ويدق علي بعد يومين وقت مع صديقاتي وحلفو اني ماردقالو خليه يصير جاد شوي
وذا هو يبيك بيدق للصبح
وخليته ولقيت يقول ردي السالفه تخصنا
ورديت عليه
ويسولف عطانيياها بالوجه
قالي تجين الثانيه وربي يابنات
كان الكحل في يدي وكسرته من الي فيني
بغيت انهبل
قلت وشوووووووووووووووو
يعني شلون
انا مابيك وخر عني
خلاص رح
شلون
قالي بقولك
قلت لهلي وقالت امي
خذ بنت خالك
وبعدها تاخذ الي تبي
عشان بنت خاله كبيره بالعمر
وهو انجن يقول ماعمرها طرتها علي
والله انه قاعد بالبر بالحاله يصيح
يقول احس روحي بتطلع
احس الرياض ضايقه فيني
تكفين خذيني وبصير خدام عندك
كلم امه اكثر من مره
وقلت له انا بطلع من حياتك واسمع كلام اهلك ابيه يرتاح
قال لاتخليني اذا مو محبه رحمه فيني
وقال لابوه واخوانه يقولون وش عليك
خذ هذي وخذ الي تحبها
ويقولون له حتى عرسك الاولي حنا بنقوم فيه
وكل الي حولي يقولون خليه يولي
اذا تزوج بينساك
وحتى لو خطبك شلون ترضين تاخذيم متزوج
بس والله مهوب على كيفه
شورو علي
تكفووووووووووووووووووووووووووووووووووووووووووووون:eh_s(2)::eh_s(2)::eh_s(2)::eh_s(2):​

 

[Dancing^Queen]

اولا سمحلي اختي نقلت الموضوع من قسم الحياه الزوجيه للمشاكل الاجتماعيه واهو المكان الصحيح للموضوع

ثانيا
اختي انتي صغيره وببدايه حياتج
ومن حقج تستقرين مع شخص يحبج وتحبينه ويكون ملكج لج بروحج
ليش ترضين بنص حياه؟
تقوليلي احبه وماقدر اعيش بدونه؟
اقولج ماتحبين نفسج ؟ ليش ترضين لها بنص حياه

الشريجه تحرررررررر ومافي حياه كامله وبتاخذين نص ريال

ليييييييييش
تستاهلين اكثر حبييتي
تركيه والله يعوضج الاخير منه وصدقيني بتحبيييييييييييين مره ثانيه وتنسين هالحب وبتعيشين مع زوجج وكل هالمشكله بتصير سالفه تذكرينها

 

[صمت الرمال]

حلو انك فكرتي وقلتي له هذا الكلام

وصدقيني نصاب لو مو نصاب خطبك من قبل والدليل الديون ثم رفض اهله

لا تردين عليه وخلاص اذا يبيك يجي يخطب وبس الله يفرج همك

 

[D.manoor]

كل زواج كان بدايته مكالمات فااااااااااااااشل
ادري هالكلام تكرر عليج او يمكن سمعتيه اكثر من مره
بس حبيبتي الكتاب مبين من عنوانه لوصج يبيج ماتعذر باعذار شكلها ما لها نهايه
شرايج لو انج تقطعين العلاقه دامج على البر احسن مايصير شيء وتندمين عليه ادري بتقولين احبه واموت فيه بس اخذي الكلام مني انا مالي مصلحه بالكلام اللي اقوله بس والله من مصلحتج
قفلي على قلبج وفكري بعقلج مو بقلبج لوفرضا تزوجتيه واهله يدرون اصلا انه يحبج ويمكن يدرون انه يكلمج اسالي نفسج شنو راح تكون نظرتهم لج
انزين اهم قالوا له تزوج بنت خالتك بعدين اخذ اللي تبيها تبين الصراحه اهله طلعوا اذكى منه لانهم يسايرونه ويبونه ياخذ اللي يبونها بعدين بيمنعونه من ان يتزوج عليها لانها من قرايبهم و صدقيني بعد ماياخذها يمكن ينساج ويحبها
طيب لو فرضنا انه كل شيء مشى تمام
وتزوج وبعدين يا واخطبج من اهلج

انا اتوقع لاننا بدو ونفهم بعضنا اهلج راح يرفضون لانج توج بنت وصغيره وفوق هذا راح يشكون بالريال توه متزوج وبعد فتره يخطب اكيد فيه شيء
وبعدين عاد لما يرفضون اهلج تحلى له السالفه وراح يثبت لج انه كان يبيج بس اهلج مارضوا
وطبيعي راح يستمر يكلمج بحجة انه يحبج وما يقدر على فراقج الى ان ياخذ اللي يبيه منج >>>سوري لاتزعلين بس كل الشباب جذي
عندهم قاعده اللي اكلمها مسحيييييييييييييييل تصير زوجتي وام عيالي ومستحييييييييييييل اخليها تحمل اسمي والله هذا كلامهم مايبته من فراغ ولا الفت
وحتى بعض البنات اتوقع في نظرهم الشاب اللي يكلم وحده اكيد انه يكلم الف غيري خلينا واقعين ولا تقولين اني اتفلسف لانه هذا الصج
انتي سالي اي شاب البنت اللي تكلمها راح تتزوجها واذا تزوجتها راح يستمر زواجكم وهل في ثقه ما بينكم

انزين لو اهلج وافقوا طبعا الاخ بسوي روحه مستانس وبالاخير راح تطلعين من هالزواج مطلقه بعد جم يوم
صدقيني فكري بدل الالف مليون
انا ما ابي اقولج اقطعي هالعلاقه من غير لا ابين لج نتايج استمرارها
واذا خاطرج شيء قولي احنا بنات ونفهم بعضنا
في سؤال ببالي انتي شدراج انه صج هو بالبر بروحه
وابي اقولج حبيبتي انه العلاقه اللي ما بينكم حرام انا مابي افتي بس هذا الصج
ما بني على حرام فنهايته معروفه
والله يوفقج ويحفظج
واذا في شيء تبين تقولينه انا بسمعج وراح اتابع مشكلتج

 

[رهــKSAــــف]

اول شئ باين عليه كذااااااااااااب
ثاني شئ انتبهي على نفسكـ لو يبيكـ كان خطبكـ من الاول
وانهي العلاقه لانها حررررررررررررررررررررررررام
والله يهديكـ

 

[مطيرية متواضعة]

اذا تشوفينة محترم عطية عنوان بيتكم

وقولي متة مابغيتني هذا اسمي فقط فلانة وعنوانا

وخلاص اتركية ويجي يخطبج سواء تزوج قبلج وحدة اولا

ووقت الخطبة فكري بالموضوع بجدية

وصرااااااااااااحة لو انخطبتي من احد ديري بالجج تنتظرينة

اذا احد اخطبج الحين لو قبل خطبتة لج بيوم وكان انسان زين

وافقي ولاتنتظرينة وتسوين مثل خبااااال بنات كثيير

ظاعت حياتهم لانها تنتظر حبيب القلب الي احقر من الذبابة يعطي وعود ولايافي بوعدة




.
​

 

[منبع عبط^_^]

ماقصروو اللي فوقي قالو كل الحجي اللي لازم ينقال
وانتي فكري دام بيتزوج ع بنت خالته واهله راضين اي شحقه من الاصل يظلمون البنيه معاه واذا اهوا يحبج صج صج خل يتحداهم عشانج وهم عشان المسكينه بنت خالته لاتنظلم واهيا ماله ذنب.. موفقه خير

 

[tbola]

البنات كفو ووفوو

 

[احبك ليش؟]

تقدرين تعيشين مع واحد مو لج بروحج ما تغارين عليه و بعدين انتي كنتي تحبينه من قبل فا مستحيل تقدرين تعيشين معاه و اهو مو لج

 

[وهج السعودية]

^^
^^
نفس رأي البنات

 

[شذى2007]

واناااا بعد اقولج خليه يووولي والله نصيحه بتندمين ماتدرين عنه وشلوون بتصيرين الزوجه الثانيه ارفضي واذا يحبج بيقنع اهله ولا مع السلامه

 

[أم توتو]

مثل ماقالو البنات

 

[D.manoor]

وينج مارديتي علينا
شصار معاج
ترى والله احاتيج

 

[زهراء 24]

انا بعد من راي البنات ابتعدي عنه
شكله نصاب دايما الشباب جذي
يدورون حجج اذا يبتيلهم سيرة الزواج
والله يوفقج مع اللي احسن منه​

 

[دلوعة عرعر]

مثل ماقالو البنات جزاهم الله الف خير
لذالك حبيبتي قفلي على قلبك وادعي ربك انه ينسيك حبه وان الله يرزقك واحد احسن منة لان لاتفكري ان علاقة بدت على حرام راح تستمر حتى لو تزوجك راح يشك فيك

 

[روانتي 12]

اقوول خليه ولا تأخذين عادي ازمه و بتمر على خير ان شاء الله

و اذا تحبينه و عادي عندج تكوونين ثانيه ..اخذيه شكر الله شتسووين بعد

بس من كلمه بااين انه جذاب و اعذااره مو عذر صج ...استغفرالله ما ابي احط بذمتي

بس لو صج يبيج والله مايأخذ راي احد ويجيج مثل المينوون و يتزوجج اماا انه يأخذ راي اهله

وبعدين اهله اشلوون يزوجوونه وحده كبيره بالعمر عشااان خااطرهاا ويييييي باين جذبه مايبيلهاا تفكير

و انتي صلي صلاة الاستخااره و ادعي اخر ليل ..و قولي بدعااءج ...|اذا كان خير لج يكتبلج له بالخير و انا كان شر لج يبعدج عنه

ماني عاارفه دعاء صح لوول بس اتوقع انه كيت

وعسسسى الله يوفقج و يحقق الي ببالج و يرزقج بزوج صالح الي يخااف عليج وذريه صالحه

 

[(ناعم العود)]

هذا انسان مو جاد

وينه من قبل !!

فجأة طلعت بنت الخاله

ورجال هو مايقدر يقول لا

يلعب عليك ديري بالك على عمرك حبيبتي

ادري الحب صعب بس الكرامه اهممممم

دوسي على قلبج وانسيه
وخلي بنت خالته تفيده

 

[Tom ♥ Jerry]

،


حياتج مآ توقف على شخص يا قلبي !
و هاذا وآحد مآله شخصيبه عذريني على كلآمي ,،
لو ريال يحبج صج و شاريج يوقف بوي آمه و آبوه وخالته
و يقول اناا ابي اتزوج البنت الي احبها .،
و مآني مجبور اتزوج وحده ثانيه

على فكره يمكن و مآ آحط بذمتي يجذب عليج
يقول انا مجبور اتزوج بنت خالتي !
و تلقينه لا مجبور و لا شي :/ شبابنا الحين محد ينجبر على شي !

خليه و آنسيه و الله يستر عليه و عليج !

 

[ســتارز]

الله اعلم يمكن بنت خالهم غنية ومايبونها تضيع من ايدهم بدليل يقولون اخذها واخذ حبيبتك بعد ..ولو انهم صج يبونها جان ما يرضون

يتزوج عليها ويعور قلبها وهي توها عروس ...عائلة نصابين

 

[bitter-sweetness]

،


حياتج مآ توقف على شخص يا قلبي !
و هاذا وآحد مآله شخصيبه عذريني على كلآمي ,،
لو ريال يحبج صج و شاريج يوقف بوي آمه و آبوه وخالته
و يقول اناا ابي اتزوج البنت الي احبها .،
و مآني مجبور اتزوج وحده ثانيه

على فكره يمكن و مآ آحط بذمتي يجذب عليج
يقول انا مجبور اتزوج بنت خالتي !
و تلقينه لا مجبور و لا شي :/ شبابنا الحين محد ينجبر على شي !

خليه و آنسيه و الله يستر عليه و عليج !

:rerrerek: :rerrerek: :rerrerek: :rerrerek: :rerrerek: