انا ضعيفه قلقه متوتره : اكره نفسسي :)

[برنسس ميمي]

سلام عليكم
بنات انا شخصيه ضعيفه دائما متوتره وخايفه
لما اشوف ناس احس انهم يطالعوني
واذا صادقت اي حد احس الي تعرفت عليهم يكرهوني
ويصغروني ويقولون سخيفه
ماعندي جرءه امشي مع الناس الي اعلى مني
احس نفسي ولا شي مع اني افضل منهم باشياء اكثر
ليش ياربي ولو بتعرف ماقدر اقول سوالفي تافه وراح يقولون سخيفه
تخيلو اشوف اي حد ياخذ حقي اسكت حتو لو اعرف ان هالشي لي وابيه
واذا حد قالي ابي شي مااقدر اقول لا كلش واذا طلبت اي شي منهم يطنشون او مايعطوني اهتمام:eh_s(2)::eh_s(2): والله صرت ماحب اتعرف ولا اطلع ولاشي اكره نفسي حيييييل وباجر جاينا ربع اختي وجايبينا ختهم يعرفونها علي وماعرف شسوي شقول احس تستخف فيني دائما جي وتهربون منى لاني تافه ومايعرفوني الا اذا يبون شي ولا يمشوني زينه مصلحه صرت دائما اتهرب ومابي حد يشوف شخصيتي اللي كل يوم شكل خاطري افرض نفسي
مع اني احب الناس ونيتي صافيه والله شسوي ؟؟؟؟

 

[Bamya]

te7tajain t8awwen sha59etech

egry kotob ta6weer el-thaat

mafech ella el3afya

 

[صآعده تحت}..]

@@

حبيبتي انتي حيل حيل سلبيه

لازم تغيرين شخصيتج فوق تحت

بالاول بسالج عندكم مشاكل اسريه لاسمح الله

عندج خوات ولا لا ؟!

 

[Tom ♥ Jerry]

،


يبيلج تقرين كتب حق الدكاتره النفسيين
طآرق الحبيب .، محمد الثويني و غيرهم عشان تطورين شخصيتج
و غير هاذا اشتركي بـ دورات تطوير الشخصيه (=

حآولي تتوآصلين مع الدكتور محمد الثويني أو طآرق الحبيب
ترا وآيد يحلون مشاكل البنات الي نفس شخصيتج
> لهم برنآمج اسبوعي في قناه الرساله
تقدرين تدقين عليهم و تتواصلين معاهم و تعرضين مشكلتج ؛*
بحل بسيط (= .،

 

[حلاوه ودلع]

السلام عليكم

جوفي يـااقلبي .. باجر فرصتج لـ كسر القاعده .. اعتبري بـااجر يوم اسمه : كسر للحـااجز

شلووون ؟!

اولا قبل لا ايون رفيجاتكم .. اتزهبي وتكشخـي واتعطري وانتظري .. واهم شي تكونين واثقه مليون بالميه من شكلـج الخارجي ومرتـاحه منه .. لما تكونين مرتاحه من شكلج الخارجي هالشـي يساعدج في رفع الثقه في النفـس

و حطي فكره ببـالج

انج اجتمـاعيه وعندج سوالف هااالكثر وكلها ممتعه و اتوونس حدهاا
وطول اليوم تمي قولي لـ نفسج جذي .. ابد لا اتدخلين اي فكـره سلبيه في رآآسـج

وارتاحي نفسيا وتصـالحي مع نفسج .. اكبر اهاانه للنفس لما اتقولين لـ نفسج ما احب شخصيتي .. لازم تحبينها وتعشقينها بعد عشاان الكل يحبهـاا .. قدري نفسـج وذاتج وشخصيتـج .. و حبيهـا وطوريها

اكو وايد مواضيع جذي في كل المنتديات عن تطوير الشخصيه وكفيله انها تغيرج تغيير جذري

باجر سوي هالخطوات .. و من بعدها ابدي تغيير شامل لـ شخصيتج .. منها زياده الثقه في النفـس .. و تقدير الذات .. و اقري عن الشخصيـه الكاريزميه (( اللي اهـي الشخصيه الجذابه حيييل )) واستفيدي منهاا

الله يوفقج ياعمـري ويسعدج وطمنينا قوليلنا شصاار وكيف كان التعاارف مع رفيجتج اليديده ^__^

 

[ليش تطردوني :(]

سلام عليكم
بنات انا شخصيه ضعيفه دائما متوتره وخايفه
لما اشوف ناس احس انهم يطالعوني
واذا صادقت اي حد احس الي تعرفت عليهم يكرهوني
ويصغروني ويقولون سخيفه
ماعندي جرءه امشي مع الناس الي اعلى مني
احس نفسي ولا شي مع اني افضل منهم باشياء اكثر
ليش ياربي ولو بتعرف ماقدر اقول سوالفي تافه وراح يقولون سخيفه
تخيلو اشوف اي حد ياخذ حقي اسكت حتو لو اعرف ان هالشي لي وابيه
واذا حد قالي ابي شي مااقدر اقول لا كلش واذا طلبت اي شي منهم يطنشون او مايعطوني اهتمام:eh_s(2)::eh_s(2): والله صرت ماحب اتعرف ولا اطلع ولاشي اكره نفسي حيييييل وباجر جاينا ربع اختي وجايبينا ختهم يعرفونها علي وماعرف شسوي شقول احس تستخف فيني دائما جي وتهربون منى لاني تافه ومايعرفوني الا اذا يبون شي ولا يمشوني زينه مصلحه صرت دائما اتهرب ومابي حد يشوف شخصيتي اللي كل يوم شكل خاطري افرض نفسي
مع اني احب الناس ونيتي صافيه والله شسوي ؟؟؟؟

واللـــــــــــــــــه انتي نفسي انتي نفسي :eh_s(16)::eh_s(16):
مو عارفة شنو علاجي
الكل يهيني وحقي يضيع
ماعرف شلون ارد حقي :eh_s(16)::eh_s(16):
ولا اعرف طقاقي من كل صوب :eh_s(11)::eh_s(11):
شنو العلاج ابي الكل يهابني وتكون شخصيتي قوية
والله العظيم بنات الحق معاي
بس كللله اسكت ماعرف شلون اخذ حقي :eh_s(11)::eh_s(11):
من جذي طلعت انا الغلطانة وهم الصح :eh_s(11)::eh_s(11)::eh_s(16):​

 

[ليش تطردوني :(]

،


يبيلج تقرين كتب حق الدكاتره النفسيين
طآرق الحبيب .، محمد الثويني و غيرهم عشان تطورين شخصيتج
و غير هاذا اشتركي بـ دورات تطوير الشخصيه (=

حآولي تتوآصلين مع الدكتور محمد الثويني أو طآرق الحبيب
ترا وآيد يحلون مشاكل البنات الي نفس شخصيتج
> لهم برنآمج اسبوعي في قناه الرساله
تقدرين تدقين عليهم و تتواصلين معاهم و تعرضين مشكلتج ؛*
بحل بسيط (= .،

جم رقمه حبوبة ؟؟؟ محمد الثويني جم رقمه ووين مكتبه ؟؟؟​

 

[ليش تطردوني :(]

السلام عليكم

جوفي يـااقلبي .. باجر فرصتج لـ كسر القاعده .. اعتبري بـااجر يوم اسمه : كسر للحـااجز

شلووون ؟!

اولا قبل لا ايون رفيجاتكم .. اتزهبي وتكشخـي واتعطري وانتظري .. واهم شي تكونين واثقه مليون بالميه من شكلـج الخارجي ومرتـاحه منه .. لما تكونين مرتاحه من شكلج الخارجي هالشـي يساعدج في رفع الثقه في النفـس

و حطي فكره ببـالج

انج اجتمـاعيه وعندج سوالف هااالكثر وكلها ممتعه و اتوونس حدهاا
وطول اليوم تمي قولي لـ نفسج جذي .. ابد لا اتدخلين اي فكـره سلبيه في رآآسـج

وارتاحي نفسيا وتصـالحي مع نفسج .. اكبر اهاانه للنفس لما اتقولين لـ نفسج ما احب شخصيتي .. لازم تحبينها وتعشقينها بعد عشاان الكل يحبهـاا .. قدري نفسـج وذاتج وشخصيتـج .. و حبيهـا وطوريها

اكو وايد مواضيع جذي في كل المنتديات عن تطوير الشخصيه وكفيله انها تغيرج تغيير جذري

باجر سوي هالخطوات .. و من بعدها ابدي تغيير شامل لـ شخصيتج .. منها زياده الثقه في النفـس .. و تقدير الذات .. و اقري عن الشخصيـه الكاريزميه (( اللي اهـي الشخصيه الجذابه حيييل )) واستفيدي منهاا

الله يوفقج ياعمـري ويسعدج وطمنينا قوليلنا شصاار وكيف كان التعاارف مع رفيجتج اليديده ^__^

حبيبتي شلون احب نفسي وانا كل يوووم انهااان بالدوام اللي تزفني واللي تهيني واللي تتحرش واللي تغلط علي واللي تمد ايدها علي :eh_s(11)::eh_s(11)::eh_s(11): وانا ساااااااكته لاني ماعرف ارد مااااااعرف ارد وان رديييت كللله تأتأأأأه وبدليااات يضحونهم علي:eh_s(16)::eh_s(16):صرت اكره الدوام وصارت نفسيتي تعباانة :eh_s(16):كلله اخاف اداوم لاني حااسة ان في وحده من هالبنات راح تمسخرني ومستغلين عدم ردي لاني خواااااااااافة والكل يهيني وماعندي الساان ارد :eh_s(16)::eh_s(16)::eh_s(16):ابي اقوى عليهم ابي اسكتهم واخليهم كل ماشافوني يخافون بس شلوون هذا من سابع المستحيلااا :eh_s(16)::eh_s(16)::eh_s(16):

بنــت الادارية << سابقا ​

 

[hot~chocolate]

انتي عشان مو حابه شخصيتج
وقاعده تكسرين نفسج بنفسج
وتحسين انج تافهه
تشوفين ان الناس يستصغرونج ويكرهونج
لازم تقوين من شخصيتج وحبي نفسج عشان الناس يحبونج

حاولي تكتبين الاشياء الايجابيه اللي فيج وتقارنينها بالسلبيه
انا متأكده ان راح تلقين ايجابيات واجد بشخصيتج
وكافي قلتي ان نيتج صافيه وهذا شي نادره هالايام

اتمنى البنات يفيدونج اكثر​

 

[ṦάЯỢηά ĚŁђĻώạ]

@@
مثلييييييييييي

 

[ليش تطردوني :(]

اب
اب

 

[رواضي قطر]

حبيتي انتي لازم تشووفين نفسك الاحسن لازم تغيرررين نفسك من دااخل
والبنااات مااقصرو

 

[ام زهقانه]

ما فيك ثقه بالنفسك تصوري انك احسن وحده بالعالم بنظر نفسك ما شغل بالناس

 

[(كويتيه عسل)]

حبيبتي انتي جم عمرج؟ اذا عمرج قريب من عمري برافجج وبساعدج تتغيرين شرايج

 

[فديت حلاتي]

تقريبا مثلي

اللي يغلطون علي مااعرف ارد عليهم ومع ان الحق معاي

بس تعودت اني ماارد ومااغلط على احد وماقدر اخذ حقي بيدي

 

[اصيله بنت البدو]

شوفي الرسا له الي اعطيتيها لنفسج (بنات انا شخصيه ضعيفه دائما متوتره وخايفه)
ركزي انا شخصيه حلج مره سهل ومو صعب الرسائل السلبيه اللي تبرمجت في عقللج اللاوعي
واثرات على تصرفاتج بدليه ولاتعطين فرصه بالتفكير فيه يعني تقولين لنفسج توقفين قدام المريه انا قويه الشخصيه
انا قويه انا اقدر ارد عليهم بصوت عالي ابدي كل ماتطلعين نفسج قولي هالكلمات اللي تعزز من ثقتج من نفسج تتبرمج بعقللك
وتبدا توضح بتصرفاتك وبالنسبه للاحداث اللي توجهك وماتقدرين تاخذين حقك سوي استرخاء تنفس مع كلمة
انا قويه وراح ارد عليه وعطيهم الكلمات اللي تاخذ حقج اما نفس اذا استغلوج اعطي نفسك هالكلمات
وماتتكلمين خذيها قاعده مااحد احسن من احد كلن ميزه ربي ميزه مو موجوده بالبشر وانتي وشطارتك دوري
على هالميز بالاضافه تدخلين دورات تطويريه هذي تساعدج ونفس الشي القراء اقري كثير هذي تكسبين صفة القدره عالكلام والرد والطلاقه اللغويه واخير ادعي ربج فهو المسهل والميسر اللهم اشرحلي صدري ويسري لي امري واحلل عقدة لساني يفقهو قولي والله يسعدج وييسرلج

 

[ليش تطردوني :(]

حبيبتي انتي جم عمرج؟ اذا عمرج قريب من عمري برافجج وبساعدج تتغيرين شرايج

21:eh_s(22):

 

[(ناعم العود)]

خلي عندج ثقه بالله اولا

ثم بنفسج

هذا الشيطان يوسوس لج

تعوذي من ابليس و عززي ثقتج بنفسك

الله يوفقج يارب

 

[عالمي انا غير]

سلام عليكم
بنات انا شخصيه ضعيفه دائما متوتره وخايفه
لما اشوف ناس احس انهم يطالعوني
واذا صادقت اي حد احس الي تعرفت عليهم يكرهوني
ويصغروني ويقولون سخيفه
ماعندي جرءه امشي مع الناس الي اعلى مني
احس نفسي ولا شي مع اني افضل منهم باشياء اكثر
ليش ياربي ولو بتعرف ماقدر اقول سوالفي تافه وراح يقولون سخيفه
تخيلو اشوف اي حد ياخذ حقي اسكت حتو لو اعرف ان هالشي لي وابيه
واذا حد قالي ابي شي مااقدر اقول لا كلش واذا طلبت اي شي منهم يطنشون او مايعطوني اهتمام:eh_s(2)::eh_s(2): والله صرت ماحب اتعرف ولا اطلع ولاشي اكره نفسي حيييييل وباجر جاينا ربع اختي وجايبينا ختهم يعرفونها علي وماعرف شسوي شقول احس تستخف فيني دائما جي وتهربون منى لاني تافه ومايعرفوني الا اذا يبون شي ولا يمشوني زينه مصلحه صرت دائما اتهرب ومابي حد يشوف شخصيتي اللي كل يوم شكل خاطري افرض نفسي
مع اني احب الناس ونيتي صافيه والله شسوي ؟؟؟؟

يمكن لان توجدج صغيرة انا قبل كنت احس هشئ بس اللحين خلاص لما خالطت الناس صرت اعرف نفسي وواثقة من نفسي اكثر هشئ نتيجة لقلة تجاربج مع ناس لانج ماتخالطين احد نصيحتي لج طوري علاقاتج مع البنات يعني تكلموا قعدوا تغدوا مع بعض بس نصيحة لا تثقين فيهن :eh_s(7):

 

[عالمي انا غير]

ونصيحتي لج اذا قعدتي مع بنات شنو ماكان بخاطرج قوليه لا تستحين عبري عن نفسج لا تستحين من كلامج انتي قدها شيلي انا ضعيفة مااقدر اكره نفسي بعطيج مثال عني انا لما امشي بل الكعب العالي اقول بقلبي راح اتفشل واطيح والكل بيضحون عليه بعدين عقلي يكلمني يقول لا انا غير راح امشي زين ومراح اطيح انا قوية انا واثقة بالنفسي هذول الناس مايهموني اهم شئ ارضي ذاتي والله من تجاربي الكثيرة صرت شئ ثاني قبل لما كنت بالمدرسة مااحب ارافق بنات كثير بعدين حسيت نفسي ولا شئ وقررت اغير بطبعي دشيت الجامعة وصرت تلقائيا اتصرف ع طبيعتي والله نص بنات الجامعة يحبوني لاني عفوية وصريحة صرت انا اللي ابلش بكلام اتكلم عن نفسي عن الجامعه عن شنو اللي يضايق وشنو وشنو ؟ حبييبتي كل شئ لازم انت ترسمينه اذا تبين تنجحين بعلاقاتج