أمريكا2011؟! هالمرة سفرتي غير!!

[UniquẼ ♥ ώomaN]

عالبررركه رووونه

رحله سعيييده

 

[رنا 2011]

اشوا الحمدلله
وناااااسه
ربي سهلها

سمعت من وحده عن شي اسمه البلاك داي تقول هذا اليوم كل المحلات تسوي خصومات موش طبيعيه
وكل شي يصير برخيص حتى الماركات وهالشغلات
انا بصراحه متتتت ابي تفاصيل بس هذي ماعلمتها ان بسافر ولا ابيها تدري
اذا ممكن معلومات
وبعد ماقلتولي يصير ناكل هوت دوق من الكوشكات ولا مايصيير ؟؟؟؟خبرتش خاطري فيه وبرد لوبستر من الحين

 

[مهفة]

مبروووووك روونا و الله اني دعيتلج الله ايسر اموركم و تتسهل عليكم

الحمدلله ))))

 

[مهفة]

روونا بما انج ارتحت والحمدلله

بقيت أسالج اشرايج بفندق بنجامين اللي بنويورك ؟ يم التايم سكوير كانوا بوكيننغ مسوين عرض عليه ؟ وبعدين اهم كاتبين 4 أشخاص وكاتبين تحت الأطفال اللي أصغر من 12 مجانا اذا استخدموا السراير الموجودين اتهقين ما يقولون شيء حقنا احنا 4 كبار و2 صغار

نيو وومن انا مجربة بنجامين وااايد حلوووو و غرفته لابجة كلشي فيها و اتوقع اتكفيكم اهي عبارة عن غرفة نوم حجمها زين و صالة فيها صوفا و مطيبيخ صغير مجكنم تحضيري و مو بعيدة عن التايمز سكوير تبعد حروة الربع ساعة مشي مو مشكلة عااادي لأن الأماكن اللي تمرون عليها بوقت المشي و نيسة الشارع ونيس كله لوية و تمرون على سوق السوق الذهب مالهم بعد كله يهووود قطيعة
الفندق بشارع اسمه ليكينغتون هالشارع هم خلووو فيها محلات و لوية عالخفيف

اذا سعره حلووو انا اقول go 4 it

 

[UniquẼ ♥ ώomaN]

رنا .. قصدج البلاك فرايدي

اهو اخر جمعه من شهر 11
هاليوم يسووون فيه خصوومااات وتخفيض للسلع موطبييييييعيه .. وتلقييين الناس واقفه طوابير على المجمعات والمحلات اللي تسوي سيل تلقينهم متسدحين على الارض قبلها بيووم وبالذااااااات (بيست باي) وتصير خمط مخامط

يعني الوضع جذي اول مايتبطل الباب

 

[مهفة]

منو جرب القطريه انا بروح عالقطريه بس بنقعد ليله بقطر شلون كراسيها وبرامجها؟؟؟؟؟؟[/quot


هلا نانسي
انا ألحين ياية عليها لأمريكا
اللي من الكويت لي الدوحة لوعة بس اللي من الدوحة لي نيويورك وااااايد حلوة بس مثل ماقالت نيو وومن اكلهم مافيه زود بس الانترتينمت مالتها حدها عجيبة

 

[مهفة]

روووونا انا ألحين في أورلاندو يمكن اصادفج هني الله وناسة

لي متى بتقعدون فيها ان شالله؟

 

[new woman]

مهفة عليج بالعافية

الساعة جم عندكم ؟؟ وفي كويتين ولا للحين ما يو ؟؟؟

الله يكون بعونج بالغسيل والأوتي انتي السابقون ونحنو اللاحقوووووووون بالكراااف

 

[مهفة]

في بس مو وااايد
والوقت انتوا سابقينا ب 7 ساعات

الكراااااف كان امس خلصته الحمدلله بس ضاع اليوم بس اصوبن وارتب بالهدوم

بس الحمدلله عدا على خير

بانتظار اليايين ان شالله الله يسمح دروبهم

 

[new woman]

اشلون الطيران الداخلي ==== حدي اخاف منه ومعاملة المطار شنو كانت بنيويورك واورلاندو

وصج يفحصون اللابتوبات بالمطار ؟؟؟ علشان ايشوفون اذا البرامج مو اصلية يسوون مخالفة

 

[عروس الدنيا]

رونا و كويتيه صج الهولنديه تطب البحرين عشان تاخذ الاكل من هناك ؟؟؟؟؟؟

 

[أم بنوته]

مساء الخير .... شلونكم بنات .....
روونا الحمد الله انه اموركم تسهلت ... تروحون و تردون بالسلامة و إن شاء الله تستمتعون بالسفره
بس لا تقاطعين ... طلي علينا من فتره لي فتره إذا قدرتي....:eh_s(7)::eh_s(7):​

 

[رنا 2011]

اشلون الطيران الداخلي ==== حدي اخاف منه ومعاملة المطار شنو كانت بنيويورك واورلاندو

وصج يفحصون اللابتوبات بالمطار ؟؟؟ علشان ايشوفون اذا البرامج مو اصلية يسوون مخالفة

خوش اسئله مشالله عليج نيو وومن:rerrerek:
انا ميته خرعه من الطيران الداخلي

 

[رنا 2011]

مع تمنياتي لنا وللمسلمين نروح ونرجع سالمين
بس هل مسموح ناخذ معنا أدوية خافضة للحراره ومخففة للاحتقان والزكان والفلونزا والام البطن خصوصا الي تصاحب الطيران الطويل ؟؟؟؟ هل نقدر ندخل فيها بالمطار او ياخذونها مننا؟؟يعني لو علبه فقط من كل شي اقصد؟؟

 

[مجنونة حبه]

انتي جربتي؟؟
واااااي الناس كلهم مغسلين فيهم صاحين مراضا :eh_s(10):
انا شريت المنشر بو جلاليب المدور الصغير من جيان وشكلي بغسل بأيدي وبعلق بالحمام شنسوي بعد:eh_s(7):

اي اكيد جربت منهم واغلب شي اذا نزلنا لوس انجلوس
وثاني شي من ناحيه نظافه
حبوبه بقولج شغله ترا الامراض ومايكروبات الي نحاتيها اهم يحاتونها اكثر منج ويخافون بشكل غير طبيعي من اي مرض ووراح اتلاحظين عند بالجمعيات اول ماتدخلين الجمعيه حاطين معقم صابون والكنينكس

ومحلات لاندري ( الغسيل ) تهتم بنظافه مكاينها والمكان واغلب الامريكان مايشترون ولا يعلقون اهدومهم يروحون هالمحلات الغسيل ويغسلون ملابسهم بنفسهم
فلا تحاتين
انا صرت احاتي بالكويت اكثر من اهني
الكويت حتى مطاعمها مافي رقااابه كلش
اهني اهم شي عندهم نظافه اكل واي محل وسخ ومو نظيف يتسكر وينرفع عليه قضيه شذي اهم حريصين وااايد مافي شي بالواسطه ياريت بس نتعلم


واي بنات بالنسبه حق ايفون الي يبي يشتري اليوم دازين الخبر بس ماادري متى راح يبدون
ان الي يبي يشتري ايفون ان لوك يعني غير مقفول ومن غير عقد وكاش عاد يقدر يشتري من عندهم
وبالتوفيق

 

[q8tiaa81]

قوة بنات انا توني واصلة حدي تعبانة الهولندية ممتازة ومريحة وصج اطب البحرين ساعة واطير

 

[طوق الياسمين]

مع تمنياتي لنا وللمسلمين نروح ونرجع سالمين
بس هل مسموح ناخذ معنا أدوية خافضة للحراره ومخففة للاحتقان والزكان والفلونزا والام البطن خصوصا الي تصاحب الطيران الطويل ؟؟؟؟ هل نقدر ندخل فيها بالمطار او ياخذونها مننا؟؟يعني لو علبه فقط من كل شي اقصد؟؟

اي عادي حتى الماي للبيبي عادي مسموح ترى هم وايد يتساهلون مع اللي عندها اطفال
انا اودي شنطه ادويه وعادي مايقولون شي العام وديت دوا لولدي وخفت يكتونه فخذت شهاده طبيه بس والله ولاهتمو ولا سوو شي مررو الادويه بدون اي سوال

 

[^noonaa^]

صباااح الخير

شلونكم


كويتيه ٨١

الحمدالله على السلامه حبيبتي

 

[new woman]

قوة بنات انا توني واصلة حدي تعبانة الهولندية ممتازة ومريحة وصج اطب البحرين ساعة واطير

هلا كويتية

حبيبتي والله ما نسيتينا ذاكرتنا علا طول رحلتج ان شاء الله دوووووووم

الله يكون بعونج من الترانزيت احس دوخت

عليكم بالعافية

 

[ودي***أفرح]

اي اكيد جربت منهم واغلب شي اذا نزلنا لوس انجلوس
وثاني شي من ناحيه نظافه
حبوبه بقولج شغله ترا الامراض ومايكروبات الي نحاتيها اهم يحاتونها اكثر منج ويخافون بشكل غير طبيعي من اي مرض ووراح اتلاحظين عند بالجمعيات اول ماتدخلين الجمعيه حاطين معقم صابون والكنينكس

ومحلات لاندري ( الغسيل ) تهتم بنظافه مكاينها والمكان واغلب الامريكان مايشترون ولا يعلقون اهدومهم يروحون هالمحلات الغسيل ويغسلون ملابسهم بنفسهم
فلا تحاتين
انا صرت احاتي بالكويت اكثر من اهني
الكويت حتى مطاعمها مافي رقااابه كلش
اهني اهم شي عندهم نظافه اكل واي محل وسخ ومو نظيف يتسكر وينرفع عليه قضيه شذي اهم حريصين وااايد مافي شي بالواسطه ياريت بس نتعلم


واي بنات بالنسبه حق ايفون الي يبي يشتري اليوم دازين الخبر بس ماادري متى راح يبدون
ان الي يبي يشتري ايفون ان لوك يعني غير مقفول ومن غير عقد وكاش عاد يقدر يشتري من عندهم
وبالتوفيق

يا حلو كلامج يريح القلب :eh_s(7):....والله اني احاتي الغسيل وخايفه من الغسالات والمطاعم ..

حبيبتي ممكن تقولين اي شركه اللي مسويه اعلان الايفون ... ممكن توضحين اكثر لان
كل اللي سافروا امريكا يقولون لا تشترون الايفون لانه مقفول وما يشتغل...