جيل الستينيات ...وينكم؟؟؟؟

[عصير ليمون]

ألف ألف مبروووووووووك

وان شاء الله اتشوفينها متخرجة من الجامعة

انا اليوم اخذت شهادة الجعدة وشفت نتيجة بنتي الحمدلله ناجحة

بس عبووووووود مو خوش خبر دوور ثاني بالرياضيات حدي متضايقة بس شقول الله يهديه

ميخالف أم عبد الله لا يضيق خلقج ،، أكيد إنتي تدرين في مستواه
يالله دور ثاني أشوا عنده فرصه يدرس وينجح إن شاء الله
ومبروووووك نجاح بنيتج ودووووم إن شاء الله

 

[new woman]

ميخالف أم عبد الله لا يضيق خلقج ،، أكيد إنتي تدرين في مستواه
يالله دور ثاني أشوا عنده فرصه يدرس وينجح إن شاء الله
ومبروووووك نجاح بنيتج ودووووم إن شاء الله

والله حدي متضايقة اهو اول مره يصير معاه دور ثاني مو متعود

الدور الثاني شنو يصبرني لي شهر 9 احس البيت مكهرب وابوووه حده معصب ومنزل عليه حرمان من تلفون وطلعات الله يعدي هالايام علا خير

 

[عصير ليمون]

مسكين بعد شيسوي ، لازم الحرمان شوي علشان يحس
ولو إنهم الله يهداهم ما يحسسسسون كله الأهل إهما أهل الاحساس
والا الجهال ساعه ووده يطلع ،، بيتضايق شوي وبعدين يتعود
عاد ليرديتوا من السفر ،،، ما لكم الا تجيبون له مدرس
الله يعينج

 

[new woman]

شكله ابونا بينزل علي حرمااان

ماكو سفـــــــــــــــر

 

[new woman]

ام حمنو -ام احمد - فطووومة - ميثا - العيوووف

وووووووينكم

انقذوني حدي متضااااايقة

 

[new woman]

عصير ليمون الخواااات وينهم

 

[عصير ليمون]

ام حمنو -ام احمد - فطووومة - ميثا - العيوووف

وووووووينكم

انقذوني حدي متضااااايقة

اسم الله عليج ،،، يا بنت الحلال عادي
تعوذي من الشيطان والحمد لله على هالحال
يكبر ويتعلم

 

[دلع الشمال]

الحمد لله ماعندي مدارس عيالي خالصين من زمان واحقادي للحين صغار

ماحب دوخه الدراسه ماصدقت عيالي خلصو ا دراسه وكبروااااا

الله يكون بعونكم

 

[new woman]

اي والله انا ضايق خلقي وعبوووود نايم بسابع نومة ولا يدري عن هوا داري=== صج ياهل

 

[عصير ليمون]

هلا دلع الشمال
الله يهنيج بعيالج واحفادك
أي والله خلاص ما لنا خلق حق تدريس وتعليم
الحمد لله خلصت من التدريس والمجابل

 

[عصير ليمون]

وعبوووود نايم بسابع نومة

يا عمري الظاهر داخ من ضيقة الخلق :eh_s(2):اليوم كان صعب عليه:eh_s(14):

 

[الغاليه ام احمد]

السلام على الغاليات

 

[ام خالد الغلا]

السلام عليكم الغاليات اشلونكم

 

[ام خالد الغلا]

مساكم الله بالسرور والعطور والبخور

شلونكم وشلون عيالكم مع الامتحانات الله يوفقهم وينور بصيرتهم


ابشركم جعدتي انجحت ويابت امتياز والفال حق عيالكم

اليوم دخلت مبجر اخاف بعد شوي يعلق المنتدى ويطفرني مثل كل يوم

بروح اودي الجعده السوق علشان تشتري ملابس تدرون مسكينه ما عندها

الف مبروك ام حمنو وعسى الله يوفقها وتاخذ الشهاده الجامعيه وتستاهل الجعده وين شربت الفيمتو

تذكرون قبل اذا نجحنا جبنا يطل الفيمتو وحطيناه فى التب وعليه الثلج يسرسح بارد

 

[الغاليه ام احمد]

مشتااااقه لكم حيل

ام حمنو الف الف مبروك نجاح بنتج وعقبال ما نباركلج بتخرجها من الجامعه وعرسها يارب

ام عبدالله مبروك نجاح بنتج وهاردلك لولدج حبيبتي لا تضايقين نفسج ما عليه دور ثاني بالعكس حطيله مدرس

وراح يتقوى للسنه اللي وراها بعد

حبيبتي لا يضيق خلقج والله احنا مينن اذا اسقطوا نتحلطم وتضيج الدنيا فينا والله ليش جذي كل ساقط ابينجح

ليش يضيق خلقنا على الدراسه ولازم المجموع الكبير

لازم نقول الحمد لله على كل شي اهم شي عيالنا صاحين وما فيهم شي وكل شي يتعوض

وما عليه خلي ريلج يعاقبه اسبوع بعدين ينسى السالفه لا يقعد يعايره والله تضعف شخصيته

ويكره الماده ولا بقدم زين قولي لريلج هالكلام كل شي يتعوض الا عيالنا

عصير ليمون شلونج وشصار على السفره في ولا ما في

فطوووومه اشلونج وشخبار الحلوين زهبتي اغراضج ولا لسه

دلع الشمال شلونج وزين افتكيتي من الدراسه البيوت كلها مكهربه تقولين انتخابات

ام خالد وينج يالغاليه شخبارج

ميثاااا - انا شفتك - دلع الدنيا -العيوووووف -ضحااااوي ووووووووووووينكم

 

[ام خالد الغلا]

وين الغاليات دشو مبجر وانحاشو ام حمنو وعصير ليمون وام عبدالله ودلع الشمال

حياج ام احمد اقلطى ما من غريب

وين الباجى من فترة ما بينو انا شفتك اشلون جتفج الحين انشالله احسن

اين انتم مشاوى وميثا ودلع الكويت وضحاوى وناديه وتوليب من زمان ما طليتى والباجى

 

[عصير ليمون]

هلا أم أحمد شلونك وشلون العيال
هلا والله أم خالد إنتي شلونك الحين أحسن ان شاء الله وشلون ولدج نفسية إن شاء الله عقب رفيجه
وشلوووون أحفادج الحلوووين الله يحفظهم

أنا موجوده ما نحشت

 

[عصير ليمون]

إلا مشاوي شلونها ردت الكويت أو بعد
شفتك ام خالد تسالين عنها ؟؟؟؟

 

[الغاليه ام احمد]

هلا ام خالد نحن موجودين هنا

شخباركم ماشاء الله النت اليوم ممتاز بسرعه يشبك

 

[الغاليه ام احمد]

عصير ليمون مشاااااوي ردت للديره السبت اللي فات

والحمدلله اهي زينه بس عوار الظهر يبيله وقت