منو سوت snap on smile او GlamSmile

[ماريمار الكويت]

السلام عليكم


شلووونكم بنات منو سوت وحده من هالطريقتين

انا رحت عيادة الميدان قالو لي انها عندهم بس تكلفتها
800 دينار بس استغليتها

منو سوتها واي عياده وبجم كلفتج​

والي ماتعرفها هذي نبذه عنها :

طبعا القشره هذه مو ثابته يعني تحطينها وتشلينها متى مابغيتي مثل اللي بالصوره بالضبط
ولا دائمه وتعتبر غالبا مؤقته اتم عندج فوق ال 10 سنوات مهما استغنيتي عنهم اسنانج بتم مثل ماهي دون مايكونون محفورين او اي شي بس انت اذا حابه تكشخين فيها اذا طلعتي
لكن ماهي ماتعتبر دائمه وهي جديده طبعا

والطريقه ياخذون لك مقاس لاسنانك بالعجين اذا تعرفينه وبعدها يرسلونه لامريكا وتصنع وترجع لان مايصنعونها بالكويت
اسم الشركه الاول هذي الي قالولي عنها عيادة الميدان
snap on smile

اما الثانيه اصلا باستراليا ولاعندي خلفيه اذا عندنا عيادة تسويها ولا ولا واسمها
GlamSmile

كلهم نفس الفكره

​

 

[دلوعة المنتدى]

اب
اب
اب

 

[منار البربرية]

شحلا موضوعج بس الحمدالله مو محتاجه انشاءالله البنات يفيدونج
وااوو صج الابتسامه الحلوه ترد الرووح وصج نادر ما اشوف بنت
اسنانها شرحه وبيضه يهتمون باللبس اكثر من نظافه اسنانهم

فديييييييييييييييييييييييييتج

 

[نورالدنيا***]

لا امبيه اخاف لمن تسولفين يطيحون ديري بالج

افضل قشره الفنير اللي بدون كشط الاسنان

 

[aloooya]

ان شاء الله البنات يفيدونج

 

[ماريمار الكويت]

تسلمون عالمرور حبايبي
دلوعة المنتدى تسلمين حبيبتي عالرفع
منار الاحلى مرورج
نور الدنيا حبيبتي هذا مسوين عليه دراسه ثابت مايطيح كلش
aloooya منوره ياقلبي

 

[ماريمار الكويت]

اب اب

 

[شندوخه]

السناب والله مبين شكلها مو طبيعي شهالضروس اللي جنهم قالب كيك صفه وحده حتى مافي فراغ الاسنان الطبيعيه
ماقتنعت فيها

 

[Q8yatمحدمثلنا]

مافهمت..يعني احطها اذا عندي مناسبه مثلا" واذا رديت البيت اقدر اشيلهم؟؟مثل طقم الاسنان يعني!!

في وحده من العضوات حاطه تجربتها بس والله نسيت اسمها..ملبسه اسنانها بدون مايبردونهم او يحكونهم..صراحه حيل حلوه الله يهنيها...

بس غاليه...مسويتهم ب عيادة ليبرتي بدبي عن دكتور اسمه مجد...حطي بقوقل اكيد يطلعلج.

 

[الفدنه]

ماعندي فكره

 

[ماريمار الكويت]

تسلمووون بنات عالردود
شندوخه حبيبتي ترى مايبين كلش الدكتور راواني صور بس لحد الحين ماشفت احد مجربهم بالكويت

محد مثلنا اي حبوبه اهما تحطينهم اليوم كله قبل لاتنامين تشيلينهم او تلبسينهم وقت المناسبات براحتج
عيادة ليبرتي ودكتور مجد شاطر ماشاءالله دايما اتابعه بس ابي شي بروفيشنال بالكويت

 

[قطوة@@]

اول مرة اسمع فيه

ان مسويه فينير .. تقريبااا نفس شكلهم بس يكونون لازقين عالضرس .. و مو مقتنعه فيهم لو ضاله على اسناني الطبيعه اخلى تحسين فيه شي على الضرس مو مريحج مع اني غيرت 3 مراات @@

 

[ماريمار الكويت]

تسلمين حبيبتي قطوه بس ليش الفينر مو مريح والبنات يمدحونه

 

[LuLiTa]

حبوبة و لا يسووون نص دينار ,,, قطي فلوسج بالشمس و قعدي بالظلال ,, يعني يا اتسوين تلبيس صجي و سنع مثل الفينيرز و اللومنيرز او ظلي على اسنانج الطبيعية ابرك لج ,,, عندج العيادات الزينة الميدان و بيان و الحكمة ,,,

السناب والله مبين شكلها مو طبيعي شهالضروس اللي جنهم قالب كيك صفه وحده حتى مافي فراغ الاسنان الطبيعيه
ماقتنعت فيها

صاجه شكلهم مبين اشكره fake ,,,, يذكروني بأسنان خدع اللي كنا نشرتيهم من البقالات و احنا صغار و انحطهم يعني فامباير :krkrkr:,,,

 

[ماريمار الكويت]

حبوبة و لا يسووون نص دينار ,,, قطي فلوسج بالشمس و قعدي بالظلال ,, يعني يا اتسوين تلبيس صجي و سنع مثل الفينيرز و اللومنيرز او ظلي على اسنانج الطبيعية ابرك لج ,,, عندج العيادات الزينة الميدان و بيان و الحكمة ,,,

حبوبه وين مسويه اللومنيرز وجم كلفج ؟؟؟
عيادة تيجان قالو لي 400 دينار الضرس الواحد

 

[$نرجس$]

انا الي سمعته من مقابلة الدكتور الاماراتي قال ثابته ما اطيح لان اهو يسويها بعدين اتغيرينها بعد 10 سنوات اذا مؤقته شبي فيها ابيها دائمه

 

[كـــــآترينـــآ]

حبيبتي تقنيه القلام سسمآآيل مآيسوونهآ الا 3 دكآترهـ بالعآلم ووآحد من هالدكآتره آهو دكتور مجد نآجي
اللي بالامارات ومآخذ شهآدة من برآآآ يعني فنآآن وششآطر
وحسسب علمي آن القلام سسمآيل ثآبت ودآئم مآتشيلينه آنتي ومن مميزآته آنه بدون برد الاسنآن وبدون بنج بعد
بسس آلميدآن ششلون تسويه لج مؤقت ؟؟ > يعني غصب يبوون يطلعوون بهالتقنيه

شآلله حآدج تقطين 800 دينآآر على شي مؤقت جمعي لج 800 ثآنيه وروحي لدكتور مجد نآجي
ولايقصصصوون علييج هالميدآآآن ،،

نصصصييييحه لاتقطين فلوسج على شي مو مضموون دآمج شفتي شغل مجد نآجي روحيله


=)


​

 

[هتانة الغيمة]

حبيبتي تقنيه القلام سسمآآيل مآيسوونهآ الا 3 دكآترهـ بالعآلم ووآحد من هالدكآتره آهو دكتور مجد نآجي
اللي بالامارات ومآخذ شهآدة من برآآآ يعني فنآآن وششآطر
وحسسب علمي آن القلام سسمآيل ثآبت ودآئم مآتشيلينه آنتي ومن مميزآته آنه بدون برد الاسنآن وبدون بنج بعد
بسس آلميدآن ششلون تسويه لج مؤقت ؟؟ > يعني غصب يبوون يطلعوون بهالتقنيه

شآلله حآدج تقطين 800 دينآآر على شي مؤقت جمعي لج 800 ثآنيه وروحي لدكتور مجد نآجي
ولايقصصصوون علييج هالميدآآآن ،،

نصصصييييحه لاتقطين فلوسج على شي مو مضموون دآمج شفتي شغل مجد نآجي روحيله


=)





​

اخت كاترينا مو صحيح ان هالتقنيه ما يسويها الا 3 اطباء بالعالم فقط من بينهم مجد ناجي


لاني قريت مقاله لدكتور باحدى المواقع شرشح فيها الدكتور مجد ناجي وبين انه كذاب ويروج لنفسه

بهالمعلومه الي مو صحيحه وان كثير يسوونها وحتى ذكر اساميهم واسامي عيادات الي يسوونها بالرياض

 

[ماريمار الكويت]

نرجس / وكاترينا شوفو حبايبي في اثنين يمكن الثابت الي هو الجلام سمايل والي تشيلينه وتركبينه السناب الدكتور عطاني بروشور مال العياده الي بامريكا والي مركبين​

اي والله صاااجه مجد ناجي خبره والله امس كنت اقول حق ريلي يبيلي اروح الامارات اراجع عند هالدكتور​

هتانه الي ذم هالدكتور اهوا الفاااااشل .. وشلون يروج لنسفه وهو مسوي للمذيعه لجين وسوى بالقناة وحطو التصوير شوفي اليوتيوب​

 

[هتانة الغيمة]

نرجس / وكاترينا شوفو حبايبي في اثنين يمكن الثابت الي هو الجلام سمايل والي تشيلينه وتركبينه السناب الدكتور عطاني بروشور مال العياده الي بامريكا والي مركبين​

اي والله صاااجه مجد ناجي خبره والله امس كنت اقول حق ريلي يبيلي اروح الامارات اراجع عند هالدكتور​

هتانه الي ذم هالدكتور اهوا الفاااااشل .. وشلون يروج لنسفه وهو مسوي للمذيعه لجين وسوى بالقناة وحطو التصوير شوفي اليوتيوب​

اوكي انا بانقل لك كلامه وانتي احكمي وهو قال انه يكذب انه ما يسوي الا 3 بس اطباء بالعالم يسوون GlamSmile
وانو فيه دكاتره كثير يسوونها

وهذي هي المقاله

قبل ان اكتب ردي احببت التعليق على كلام الاخت جوجو الخاطئ جملة وتفصيلا ً
ولا الومها ولكن الوم الاعلام المضلل

اولاً : مسألة ان لا يقوم باستخدام تقنية الجلام الا سمايل الا 3 اطباء بالعالم كذبه كبيره يروجها
دكتور سوري اسمه مجد ناجي

ومع احترامي الشديد لشخصه ولكن الحق يقال ويلزم التوضيح

1- مجد ناجي ممارس عام ومتخرج من جامعه سوريه متواضعه
2- مجد ناجي لم يكمل دراساته العليا ومسماه الوظيفي طبيب اسنان عام
3- لا يجرؤ الدكتور مجد على ذكر اسم مسماه الوظيفي كطبيب عام
انما يلجأ للمراوغه بذكر انه عضو بالاكاديمية الامريكيه لطب الاسنان
وللعلم ان العضويه بالاكاديميه الامريكيه لطب الاسنان لا تعتبر مرتبة علميه وكل المطلوب
منك انك تكون طبيب اسنان ولديك هتمام بتجميل الاسنان فقط
فقاعدة بينات الاكاديمة الامريكيه لطب الاسنان التجميلي مليئة بمئات الالف من الاطباء
من شتى دول العالم ( يهتمون بطب الاسنان التجميلي ويتابعون اخباره عن طريق موقع الاكادميه)

والواقع والمنطق يقول ان اي شخص يريد تجميل اسنانه ويريد الحصول على ابتسامه جميله
يذهب الي استشاري في طب الاسنان التجميلي ويكون حاصل على تخصصه بهذا المجال
consultant in cosmetic dentistry او بالدرجه الثانيه يكون استشاري تركيبات

اما انه لا يوجد الا 3 اطباء مصرح لهم باستخدام الجلام سمايل فهذا كذب محض يروج بشبكة النت انه لا يوجد الا 3 اطباء يقومون باستخدامه ومن بينهم الدكتور مجد ناجي

وكل هذا من اجل خلق هاله اعلاميه وجذب الخليجيين الى عيادته


والصحيح انه هناك المئات من الاطباء من شتى العالم يقومون بها ومنهم 5 اطباء على الاقل بمدينة الرياض


ثانياً : هناك خلط رهيب بين هذه المسميات الفينيرز القلام سمايل اللومنيرز

وسأوضح الفرق بين هذه المسميات

1- veneers preparation : وهو عبارة عن قشره من السيراميك توضع على الواجهه الاماميه
للاسنان وتحتاج للتحضر وازاله طبقة بسيطه من الاسنان تقارب ال1 ملم من ميناء الاسنان
ومن ثم وضعها بدل الطبقه المزاله بداية هذه الفكرة كانت عام 1983 ومرت بمراحل كثيره
ولكن الفكره هي نفسها ازاله الطبقه الخارجيه بمقدار معين والصاق قشره سيراميكية بدلها
لاعطاء السن لون وشكل تجميلي مناسب ولتغطية عيوبه

2- non preparation veneers: الفينيرز الذي لا يحتاج الى تحضر مسبق ولا يحتاج الى ازالة
طبقة من السن بل يتم الصاقه على السن مباشره بدون تخدير وبدون ازالة اي جزء ولو صغير
من السن ولا المساس بطبقة الميناء وهذا عائد الى سمك هذه القشره التي تقارب 0.2 من الملم
وهي مقاربه لسمك عدسات العيون ولذالك سميت بعدسات الاسنان اللاصقه

تبنت هذه الفكره عدد من الشركات وانتجتها بمسميات مختلفه

1- شركة denmat الامريكية انتجت منتجها LUMINEERS وهي عدسات لاصقه للاسنان
لا تحتاج الى برد ولا تحضير انما تلصق مباشرة

2- شركة GLAMSMILE البلجيكية نفس الفكره ولكن بمسمى تجاري مختلف

3- شركة Ultraneer البريطانية

اذا ً فخلاصة القول ان كل هذه الاسماء عبارة عن اسماء تجارية trademarks تعتمد كلها على فكرة واحدة
وهي non preparation veneers القشره الرقيقه التي لا تحتاج الى تحضير مسبق


وبالمناسبه اعلنت شركة denmat عن منتجها الجديد LUMINEERS 2 قبل فترة

وهو يتميز عن سابقه بانه اقوى بنسبة 30%

بالنسبه ان يمكن ان نجد هذه التقنيه فهناك العديد من العيادات التي تقدمها

وسأذكر بعضها على سبيل المثال لا الحصر طبعاًً هذه العيادات بمدينة الرياض
بالنسبه للـ LUMINEERS

توجد بمستشفى دله

وبمركز الحبيب

وبعيادات الدكتور عبدالعزيز العجاجي


اما بالنسبه للـ GLAMSMILE

Al thalathen center - Dr. Samir Haddad
مركزالثلاثين الدكتورسمير الحداد

Fotton Center - Dr. Rodainh
عيادات فوتون الدكتوره رودينا
المكان السليمانيه طريق خريص مقابل مدينة ملك فهد الطبيه

Uranus Medical center - Dr. Tariq Abdul Jabber
مجمع عيادات كوكب اورانوس والدكتور طارق عبد الجبار

Image dental center - Dr. Khalil al Ali
عيادات امج الدكتور خليل العلي

Dr. Maha Al Haj clinic - Dr. Maha
عيادات الدكتوره مها الحاج
العنوان العنوان: شارع الامير سلطان بن عبدالعزيز -العليا الثلاثين
امام بنده فوق صيدلية بيت الصحة

Kadoon dental center - Dr. Majed Shehadh Or Dr. Tahani
مجمع كدون الطبي الدكتورماجد والدكتوره تهاني


طبعاً لا يوجد فرق بين الجلام سمايل واللومنيرز كلهم معتمدين على نفس الفكره
ولكن هذه شركه بلجيكية والاخرى امريكية

والسلام ختام