اوافق و له ارفض ؟ صج محتاره .....

[strong faith]

شهل خرابيط ! انا طبيبه ! نعم يكشف على بنت ١٤ ! ترى نقس على القرآن و نعرف شغلنا و اذا بتقولين مشغول عادي ترى انا مره بعد و الحمد الله مجابله شغلي عدل ترى الخفاره مره كل اسبوعين ! و الدوام حاله حال اي دوام ! حريتيني يوم قلتي يكشف على بنت ام ١٤ ! اذا انتي تفكيرج جذي فاسمحيلي انتي ما تستحقين تاخذين واحد مهنته من اشرف المهن و ترى دراسه الطب اهو اعظم علم بعد الدين

الله يسامحج , مشكوره على حكمج المسبق

انا اقول اهو يبي وحده سمره و انا بيضه عرفتي :eh_s(4):

و إهو طبيب عام , يعني بعد 10 او 5 سنوات يمكن يرد و يقول انا قلت ابي وحده سمره >> هذا اللي وصلني من كلام نسوان انه يبي وحده سمره

و هو طبيب عام يشوف و يقارن ( عنده عيون ) !! و هو رجل مو حرمه , و لو عنده مافي فرق بين انه يكشف على مره وله رجل فهو فيه شي مو طبيعي

و ماله داعي تحترين :eh_s(7):....

 

[كادى الحب]

وافقى واللة يكتب لج الخيرة

 

[atoooty]

اول شي برد على ماكو شغل

حبيبتي اي في دكاتره مغازلجين ووايد بعد بس طبعا مو الكل

وحبيبتي صاحبة الموضوع ترآآآ دايما الي تسألين عنه ويمدحون فيه يطلع العكس والي يسبون فيه يطلع ماكو احسن منه

يعني ماتحكمين على شخص من حجي الناس وانتي ماتعرفينه يعني حجي الناس مو 100% صح

لما يجون يخطبون شوفيه

واهم شي الأستخاره

 

[maku-sh'3l]

انتي استخيري محد يعرف مصلحتج غير ربج سامحيني على الاسلوب أسفه طلعت حره أحد ثاني فيج اعتذر

 

[مولاي الفرج]

بس انا عندي سؤال اختي

تقولين الناس تقول اهويبي سمرة وانج بيضه

شنو انتي ماقابلتيه ولا تكلمتو؟؟

مصختها بالردود بس مادري بساعدج

 

[strong faith]

انتي استخيري محد يعرف مصلحتج غير ربج سامحيني على الاسلوب أسفه طلعت حره أحد ثاني فيج اعتذر

حبيبتي معذوره , ولا يهمج :eh_s(7):

مسامحتج

انزين انتي طبيبه صح , شلون توفقين بين بيتج و بين الشغل ؟!! شغلج ما ياخذ كل وقتج

وشلون تقولي لي ما يشوف ؟! طيب اذا مريض عنده الدوده الزايده :eh_s(10): يشوف

و تواصله مع الناس معدومه ( ما يعرف احد و لا احد يعرفه ) ! , هل هذا الشي طبيعي ؟!

 

[A.E]

اختي الله يوفقك وان شاءالله اذا كاان هو الانسان الخير لك والي ما يخلي الدمعه تنزل من عينك اسأل الله عزوجل انه هو الي يكوون من نصيبك

الله يسعدك ويوفقك واختي ترى والله كل انسان يغااار واذا غرتي على زوجك من حقك ترى ولله انا اعرف وحده عجووز كبيره بالعمر بس مسكينه تغاار على زوجها هههههه وهذا وانتي في عز شبابك اكييد تغاري

 

[مناير ...!]

الله يكتب لج الي فيه الخير

 

[strong faith]

atoooty ثانكش على المرور , عندنا ممنوع المقابله , ممنوع ما يصير احد يناقش بخصوص المقابله عرفتي

بس انا عندي سؤال اختي

تقولين الناس تقول اهويبي سمرة وانج بيضه

شنو انتي ماقابلتيه ولا تكلمتو؟؟

مصختها بالردود بس مادري بساعدج

انا اقولج بس حلفي ما يطلع ؟

امه كلمت (حرمه تصيرلنا من بعيد )و قالت انا شفت بنت فلان بالعرس , بس الولد بيشوفها من بعيد لبعيد وين تداوم ؟

اهو يبي سمره ما يبي بيضه عاد الحرمه تعرفني عدل , قالت البنت بيضه مو سمره

قالت : البنت تداوم بالمكان الفلاني

راح و شافني و انا طالعه من الشغل الي السياره << هذا اللي فهمته , و الله العظيم انا ما شفت

لول شكو احلف اخاف تعرفيني سبحان الله

ما عرفنا انا و اهلى اله بعد الخطبه ...<< عرفنا بالقصه

 

[A.E]

اختي استخيري وان شاءالله يكوون خير لك

وماشاءالله الوظيفه حلوووه طبيب ماشاءالله تبارك الله ان شاءالله يكوون من نصيبك....

بس اختي عندي سؤال هو يبي سمرا طيب وانتي بيضاء صح طيب هو اسمر

 

[strong faith]

اختي استخيري وان شاءالله يكوون خير لك

وماشاءالله الوظيفه حلوووه طبيب ماشاءالله تبارك الله ان شاءالله يكوون من نصيبك....

بس اختي عندي سؤال هو يبي سمرا طيب وانتي بيضاء صح طيب هو اسمر

تسلمين

انا صح , بس اهو ما شفته , ما اعرف , ليش تسألين ؟ :eh_s(4):


:bbbiu:شفتوا شلون أغير


















اتغشمر والله , يقول وسط

 

[maku-sh'3l]

لووللللل حلاتج ! بس تغارين عليه خلاص اخذيه و توكلي على الله

 

[A.E]

على العموم الله يوفقك وان شاءالله يكوون من نصيبك

عاااااد مو بعد كم شهر تنزلي موووضوع زوجي ذبحني بس يقرا كتب عن الطب ههههههههههههههههههههههههه
هههههههههههههه
ترى احساسي انه راح يكوون زوجك.........

الله يوفقكم جميع

 

[danaa]

اول شى الف مبروووك ليش محتاره تاخذين طبيب انا ريلى طبيب شنو معقد اكيد ان كل دكتور له عالمه وكتبه وبحوثه وبعدين تغارين لما يكشف عالمرضى بالعكس ترى شخصيه الدكتور مو مثل اى موظف عادى تاكدى ان اى دكتور قاسم قسم ان يادى شغله بكل امانه ماعتقد منصبه وحتى تفكيره مو مغازل وهالسوالف لا لا توكلى على الله وبعدين يكفى برستيجه جدام النا س وان كل الناس ىتحترمه وبس انا اقولج انج لازم تضحييين باشياء وايد يعنى انا تقريبا يومه كلا بالمستشفى وبعدين العيادة وغير الاجتماعات ويعنى انا لازم اوفرله جو الراحه فلازم اتقاضا عن واايد اشياء بس حرااام بالاجازات والعطل مايقصرررر واى استفسار حاضريييين

 

[A.E]

سبحان الله وبحمده سبحان الله العظيم

 

[A.E]

danaaالاخت

الله يوفقك ويخلي لك زوجك

 

[maku-sh'3l]

سوري ما شفت ردج انا اقولج ! انا اصلا خذيته صغيره و انا ادرس بعد و كنت ادرس طب برى الكويت و اجابله و اجابل البيت بعد خبرج مناك ماكو خدم لما رديت الكويت نقس الشي بالعكس اريح لآن مناك جمعتهم من الساعه 9 الصبح لما 6 المغرب ماكو بريك الا ساعه وقت الغده من 1 لما 2 ! المهم بالكويت كنت اشتغل دوامي يخلص على ال 2 كلش كلش 3 ! ارد اكون مزهبه غداي من بليل و بس اسخنه و انا الحين توني حامل و ياينه بيبي بالطريج عادي و الله الخفاره ماكو الا مره كل جم سبوع يعني سهالات و ريلي متقبل بالعكس عشان تشتافين حق ريلج يا حلوه و عادي الحياه حلوه و من ناحيه ما نطالع انتي بيوم تميريضي و روحي الطبيب حتى لو اهي مره ترى ما تشوف مثلا السماعه لا بغينه نسمع نطالع السقف او الارض اللهم نشوف بس وقت اللي بنثبتها بالمكان المناسب و بس .. بعدين لما بيفحص يشوفها كمريضه و بيساعده بس ! اصلا يكون لاهي بيعرف المريضه شفيها مو فاضي عشان يخزها و ما ادري شنو عندنا الف حاله من بعدهم ما فاضين نخز بعدين قبل كل شي تذكري انه قسم ... و صدقيني اللي بيخز بيخز دكتور و لا ضابط ما تفرق معاه و ممدامه دكتور اخذيها مني بيكون خوش واحد و مسكين و بيطير فيج خنت حيلي ترى و الله انسان مكروف يبي حنان طوول عمرنا بس ناكل الكتب اهو وين و سوالف المغازل و الخرابيط وين صدقيني بيكون محترم و هم استخيري

 

[pearls_q8]

استخيري ربج

 

[قــل مـا تـشـاء]

يعني انتي وين احسن لج واحد كله دواوين وربع وروحات وجيات مع ربعه والا واحد مع كتبه !
واذا هو يخاف ربه صايم مصلي ماعنده في هالسوالف اكيد بيخاف الله فيج ومو مأذيج
بس ممكن ضروف شغله تحتم انج تتحملين جزء كبير من المسؤولية ,,
أما من ناحية البنات وانه بيحط عينه على فلانه وفلانه ترا البنات موجودين بكل مكان سواء كان طبيب والا حتى فراش !
واذا ضروفكم تسمح انج تجلسين معه قبل الملكة وتتعرفون على بعضكم معلومات سطحية وشلون نظرته للحياة احسن لج ترا ,,
و لاتنسين الاستخارة
الله يوفقج

 

[danaa]

A.eمرسى حياتى ماقصرتى على الدعوة الحلوة >>>>>>>>>>>>>