شدعوة مكبرة الموضوع حده بسيط

[شهودددة]

السلام بنوتاااااااااااات شلونكم مع الامتحانات
بالتوفيق انشاء الله

المهم بنات السالفه وما فيها بنت عمى معاي بالجامعه جتنى تقول رفيجتها ضايع نوتها وتبي تصور لان امتحانها الاحد فقلتلها انا مو ماخذه المادة بس رفيجتى ماخذه المادة قالت تكفين عطينى رقمها قلته اوكى هاج بس اكتبيه بتلفونك بس لا تدقين انطرى ادق عليها

المهم دقيت عليها وقلتلها في وحدة تبي تدق عليك عشان تصور بس ما طولت معاها عشان عندى امتحان

بنات بعد ما طلعت من الامتحان فتحت تلفونى والا مطرشتلى مسج تقولى

المفروووووووووووووووووض تستأذنين قبل ما تعطينها رقم

بنات انا صج خليت بنت عمي تكتب الرقم بس ما خلتها تدق ودقيت واستأذنت

المهم دقيت ع البنت وقلتلها جان تقول وهي معصبه انها حركة بايخه ومو حلوة

قلتلها خلاص اللحين ادق ع بنت عمى واقولها تقول لرفيجتها لا تدق

جان تقول ايه لان انا ما اعرفها

وخلصت السالفه

بنات شرايكم بموقفها
انا لو صار معاي جذى عاااااااااااادى وبالعكس راح اساعد البنت لان تونها ضايع

والوضع طبيعى عااااااااادى

شسالفه البنت محتاجة وعطيتها يعنى ما لا داعي تعصب شدعوة معطيته شباب استغفر الله

الصراااااااحة موقفها سخيف

ان اشوف ما فيها شيئ لو وحدة كانت محتاجة وخذت رقمى
ولا شرايكم بنات

 

[(ناعم العود)]

من وجهة نظرك عادي بس الناس اشكال

بالنسبه لي لا مابي احد ياخذ رقمي الا مستأذن مني

من حقها ترا

اول استاذني واذا وافقت عطيها الرقم

 

[الغلا كله لبوي]

انتي غلطتي يوم عطيتيها الرقم
المفروض مستأذنه منها
بالنسبه لي ما احب اعطي رقمي
حق اي بنت ما اعرفها
حبيبتي انتي عادي عندج بس غيرج لا
وربي يوفقج

 

[> Miss M6ereiah <]

لا حبيبتي منو يقول الموضوع حده بسيط !!
يعني انتي تعطين رقم حق وحدة ماتعرفين اهي شنو ؟
بعدين لا تقولين شدعوة معطيته شباب !! في بنات مرات يكونون اخس من الشباب .. يعني قدري موقفها ولا تلومينها .. وعلى قولة
البنات الناس اجناس اذا هالشي عادي عندج مو عادي عندها ..
الله يوفقج ..

 

[ام الدرر]

حبوبة
بالعكس موقفها مو سخيف واللي سوته صح
انتي تضمنين نفسج وبنت عمج يمكن
بس تعرفين اوتضمنين رفيجتها
ياقلبي هالزمن يخرع والمثل يقول
((من خاف سلم))
انا عن نفسي ما احب احد يعطي رقمي بدون اذني
ولا ارضى اعطي احد رقم بدون ما استاذن صاحبه
​

 

[أتراب]

واضح انج طيبه وعلى نياتج
وتحبين المساعده وتعتقدين ان الناس
مثلج من جديه عندج الموضوع بسيط بس انتي
غلطتي المفروض تستأدنين من البنت قبل لا تقدمين على
هالخطوه وتحصلين لج زفه منها
العيب مو في الخطأ العيب في تكراره​

 

[جـروح]

صح وانا بعد اقول يمكن انتي ع نياتج بس والله يا في بنااات الله يكفينا شرهم

 

[Queenleo]

معاها حق تعصب
انا ماأعطي رقم الين أستاذن من الشخص صاحب الرقم
او اكون وسيط بينهم
في ناس وانا وحده منهم ماحب رقمي يكون عند احد غريب

 

[أم توتو]

الناس اجناس موكل الناس تتساهل بهالمور

 

[۞ F A N T A S Y ۞]

عادي شفيها ؟؟ كله رقم يعني ،، شبيصير لو عرفته الناس ؟؟ ،، : )

 

[lamar90]

حبوبة
بالعكس موقفها مو سخيف واللي سوته صح
انتي تضمنين نفسج وبنت عمج يمكن
بس تعرفين اوتضمنين رفيجتها
ياقلبي هالزمن يخرع والمثل يقول
((من خاف سلم))
انا عن نفسي ما احب احد يعطي رقمي بدون اذني
ولا ارضى اعطي احد رقم بدون ما استاذن صاحبه
​

انا مع الاخت ام الدرر ... صادقه :rerrerek::rerrerek::rerrerek:

 

[كارلوفي فاري]

احترام خصوصيات الغير واجب
وهي مو مكبره الموضوع ولا شي هي من حقها انه رقمها مايكون بيد اي احد ماتعرفه

 

[شهودددة]

بنات انا معاكم هذى خصوصية وهي كيفها
وانا استأذنت من قال ما استاذنت دقيت عليها
وصج قلت حق بنت عمى اكتبي الرقم بس قلتلها لا تدقين خل ادق ع البنت
وبعدين هي تبي رقمها عشان عندها امتحان مو عشان تسولف او تتغشمر
وهو كل رقم شدعوة يعنى الرقم يطلع ع الشاشة وتعرفينه مو شيئ صعب
وبعدين انا واثقه ببنت عمى وبنت عمى ما ترافج اى ناس
انا دايما يصير معاي هالموقف واجد بنات يعطون رقمى وما ازعل
شسالفه الناس للناس وكان الله في عون العبد ما دام في عون اخيه

 

[اسينات]

من حق البنت تعصب لان اول شي هذي خصوصيات ويجب احترامها انا صار معاي موقف نفسه بالضبط بس بعدها صار مصيبه رفيجي عطت وحده رقمي ومتى استاذنت عقب ما عطتها وكلمتني البنت بعد ماخلضصت الامتحانات تم نفس الرقم يدق رديت عليه قلت يمكن البنت محتاجه شي ولا يطلعلي شاب مغازلجي ووقح تم يدق علي ترم كامل بس زفيت رفيجتي وعصبت عليها تعصيب العنت الساعه اللي عطت البنت الرقم ولازال يدق طفشت وسبب لي مشاكل فغيرت رقمي وارتحت
من جذي حبيبتي لاتلومينها اذا عصبت لان في هالزمن اذياب وانتي طيبه وتحبين الخير للناس وعبالج انو الناس طيبين مثلج وهذا بيكون لج درس حبيبتي لاتزعلين من كلامي لو ضايقج

 

[mf6nt el3lat]

لا قويه مهما كانت البنت أخلاق وأدب لازم تستأذنين من صاحبة التلفون فشله اهيا تعطيج الثقه وتعطيج رقمه وأنتي تعطينه أحد ثاني !

من وجهة نظري ما أرضى أحد ياخذ رقمي الا لمن يستأذن مني

أذا عندج انه الناس للناس في غيرج لا !
​

 

[بشاريه طربانه]

خصوصياتها وكيفها
وبعدين انتي تعرفين رفيجت بنت عمج واثقه فيها ؟؟؟
ما اعتقد بالهسرعه عرفتيها

 

[تبطي عظم!]

انا لو مكانها بعد ماًارضى اذا انتي واثقه فيها انا ماعرفها !!

الافضل كان تدقين عليها وتطلبين منها المذكره ان في بنت بتصورها واذا ماعندها مانع تعطينها الرقم او لا

وهي بهالحاله تتصرف

 

[شهودددة]

بنات انتو ليش مو فاهمينى انا صدج قلتلها اكتبي الرقم بس قلتلها لاتدقين خل استاذن من البنت

 

[شهرزاد الحكاية]

ترى عندها وجهة نظر ...يعتبرون ارقام التلفون شي شخصي احيانا ...ما يحبون احد يعرفه يمكن معاها حق لازم تعذرينها ...​

 

[(دنيتي)]

انا اشوف عادي واذا يعني كله رقم وبعدين انتي دقيتي يعني مو على طول دقت البنت

وخاصه الموضوع موضوع امتحانات والبنت متوهقه

البنت كبرررررررت السالفه