نبي عيالنا معانا ياوزير التربية ويا اصحاب القرار

[ام الدرر]

حبيبتي ستارز مافيها عدالة لما نساوي اللي يثابر ويدرس ويحرم نفسه من الترفيه مع اللي مستسهل الوضع وعايش ليومه ووناسته وما يدرس الا ليلة الامتحات
والنسب ما انرفعت الاعقب تراكمات منها
1-قبول الكثير وعدم استمرار نسبة كبيرة او استمرارهم بالجامعة سنوات طويله يعني التخصص اللي يخلص ب4 سنوات يخلصونه ب6 يعني ياخذ وقته ووقت غيره من اللي بيدشون وراه
2- ازدياد عدد خريجي الثانوية مع قلة او عدم زيادة مباني الجامعة مما يؤدي الى قلة الطاقة الاستيعابية
بالعربي اذا قلللو النسبة زاد العدد من وين مباني ودكاترة ومقررات
3- قلة مستوى الخريجين في السابق يعني اللي نسبته 60 ولا 65 ودخل الجامعه تهقين بيصير متفوق اكيد بيكمل مشواره بالدز مثل الثانوية هذا اذا كمل
اغلب شباب وبنات هالوقت اتكاليين ومثل ما قالت وحده من الاخوات شزود الوافدين عن عيالنا اييبون بال 99.9 وهم بغربة
واحنا عيالنا مرفهين ومدلعين ومو ناقصهم شي ونستانس اذا ياب 70 ولا 80
المفروض احنا اولياء الامور نشد على عيالنا ونبث فيهم روح المثابرة والمذاكرة ونعزز فيهم قيم تفيدهم مو العكس نيبب مذكرات ومدرسين خصوصيين
ولكل مجتهد نصيب ​

 

[ســتارز]

Hello_kitty

مافيها شي اذا دولة غنية بنت لعيالها جم جامعة والسبعين ناجح كل دول العالم تقبله الا ديرته !!!


ياقلبي يام الدرر ياحلو كلامج

برايي ماهي استهبال بقدر ماهي غلطة من بعض الامهات

عودوا عيالهم على الاتكالية وعدم الاعتماد على التفس من خلال تدريسهم وتحفيظهم لهم يوم بيومه

لان المشكلة لو تركناهم مارح يدرسون لابد من الدز

 

[عيون منوعه]

آهلييين

خل نتكلم بالوآآقع ,,

ماكو شي اسمه حلم بالدراسه
في شي اسمه طموووووووح و يتحقق الطموح بالاراده و العزيمه طبعاً
اذا طمووحه يدخل الجامعه شي طبيعي لازم يشد حيله عشان يدخلهآآ
مستحيل ما يدرس و يدخل الكلية الي يبيهآآ !!
و ما اشوف النسب اووفر يعني مقدووور عليهآآ
و اذا ما يبتي النسبه المطلوبه و ما ودج تسآفرين برآآ في جامعات بالكويت
يعني بالاحرى في بعثات دآخليه =)

و انا طمووحي آكمل دراستي ببريطانيا ولآ امريكا
و هذي طموحي و محد له دخل يغير طموحي حآبه اكتسب لغه و استطلع على المجتمعات و اتثف ~

و آخيرا لج كل التوفيق

​

 

[بنوتة كول]

طيب ليش نسبنا غير عن الشباب ؟؟؟ ليش ما يساوونا معاهم؟؟؟
والله ظلم البنت تدرس وتتعب والولد ياخذ نسبة بدون دراسة وهو يدخل هندسة والا طب والبنت تحتر وتموت قهر

 

[ام الدرر]

طيب ليش نسبنا غير عن الشباب ؟؟؟ ليش ما يساوونا معاهم؟؟؟
والله ظلم البنت تدرس وتتعب والولد ياخذ نسبة بدون دراسة وهو يدخل هندسة والا طب والبنت تحتر وتموت قهر

حبوبة لان عدد خريجين الثانويه من البنات اكثر من الشباب​

 

[كويتية و لكن]

والله انا اقول كل واحد يخلص الثانوية يدخل الجامعة بدون نسب ولا شي وهو وشطارته بدال البهدلة بالغربة والتعب

 

[Q8yatمحدمثلنا]

الكويت الأولى عربياً في المساواة بين الجنسين في التعليم...



وصف وزير التربية وزير التعليم العالي أحمد المليفي احتلال الكويت للمرتبة الـ4 عربيا، والمركز 47 على المستوى العالمي في تقليل الفوارق بين الجنسين الرجل والمرأة، بأنه وضع مميز، لافتا إلى أن الكويت احتلت المرتبة الأولى عربيا في المساواة في التعليم بين الجنسين بنسبة بلغت %94.5، وكذلك المشاركة السياسية للمرأة في المناصب القيادية.


وطالب المليفي منظمات المجتمع الدولي وحكومات الدول النامية بضرورة اتخاذ خطوات جدية للتقليل من الفروق التي تعاني منها المرأة، من خلال تعديل القوانين لتمكينها من النهوض والتقدم والمساهمة في الحركة العالمية لأخلاقيات العلوم والتكنولوجيا، وكذلك الاهتمام بالبرامج الثقافية والإعلامية التي من شأنها توجيه المجتمع نحو تغيير الصورة النمطية عن النساء ووضعها في الفضاء العلمي البحثي.


المصدر
http://www.alqabas.com.kw/Article.aspx?id=707961&date=31052011

 

[ســتارز]

آهلييين ​

خل نتكلم بالوآآقع ,,​

ماكو شي اسمه حلم بالدراسه
في شي اسمه طموووووووح و يتحقق الطموح بالاراده و العزيمه طبعاً
اذا طمووحه يدخل الجامعه شي طبيعي لازم يشد حيله عشان يدخلهآآ
مستحيل ما يدرس و يدخل الكلية الي يبيهآآ !!
و ما اشوف النسب اووفر يعني مقدووور عليهآآ
و اذا ما يبتي النسبه المطلوبه و ما ودج تسآفرين برآآ في جامعات بالكويت
يعني بالاحرى في بعثات دآخليه =) ​

و انا طمووحي آكمل دراستي ببريطانيا ولآ امريكا
و هذي طموحي و محد له دخل يغير طموحي حآبه اكتسب لغه و استطلع على المجتمعات و اتثف ~​

و آخيرا لج كل التوفيق​

هلااا فيج

ربي يوفقج حبيبتي وتحققين طموحج

اشلون مافي حلم بالدراسة واهي على راس اي حلم لطالب ناجح بمستقبله

والجامعة اهي تذكرة الدخول لعالم الاحلام

بتصيرين مهندسة دكتورة محامية لابد من الدراسة لتحقيق حلمج

 

[Omniya]

نسبنا كلللللللش مو زينه !!
وااايد مرتفعه شدعوه عليهم صراحه فيها ظلم !
وفرق بينا وبين الصبيان , يعني فوق ماان الثنويه تراكمي
يعني بالله حاشتني سنه فيها ظروف وماقدرت ادرس!
وغير جذي المعدل المكافئ فيه ظللم قووووي علينا يقولون يرفع النسب
إلا ينزلها تححححت حق الطالب المتوسط والضعيف حرااام !
والله قمت اجك ان مايبون احد يدش الجاامعه !

اما عن سالفت السفر انا احبها صراحه صج الغربه مو شي
بس إن الواحد يعتمد على نفسه ويعرف شلون يعيش عدل بدون مايحتاج غيره ..
الرياييل الحين مايتحملون المسؤوليه لأن معتمدين على غيرهم بس الريال اللي دارس بره
تلقين قلبه قوي .. انا اتمنى ادرس بررررره حدي بس امي تخاف علي

سوري قرقت , يعطيج العافيه

 

[ســتارز]

طيب ليش نسبنا غير عن الشباب ؟؟؟ ليش ما يساوونا معاهم؟؟؟
والله ظلم البنت تدرس وتتعب والولد ياخذ نسبة بدون دراسة وهو يدخل هندسة والا طب والبنت تحتر وتموت قهر

والله انا اقول كل واحد يخلص الثانوية يدخل الجامعة بدون نسب ولا شي وهو وشطارته بدال البهدلة بالغربة والتعب

نأمل صوتنا يوصل وتتحدد النسبة سواء للبنات او الشباب 70 وبس

 

[ســتارز]

Q8yatمحدمثلنا

نسبنا كلللللللش مو زينه !!
وااايد مرتفعه شدعوه عليهم صراحه فيها ظلم !
وفرق بينا وبين الصبيان , يعني فوق ماان الثنويه تراكمي
يعني بالله حاشتني سنه فيها ظروف وماقدرت ادرس!
وغير جذي المعدل المكافئ فيه ظللم قووووي علينا يقولون يرفع النسب
إلا ينزلها تححححت حق الطالب المتوسط والضعيف حرااام !
والله قمت اجك ان مايبون احد يدش الجاامعه !

اما عن سالفت السفر انا احبها صراحه صج الغربه مو شي
بس إن الواحد يعتمد على نفسه ويعرف شلون يعيش عدل بدون مايحتاج غيره ..
الرياييل الحين مايتحملون المسؤوليه لأن معتمدين على غيرهم بس الريال اللي دارس بره
تلقين قلبه قوي .. انا اتمنى ادرس بررررره حدي بس امي تخاف علي

سوري قرقت , يعطيج العافيه

نأمل خير بوزيرنا المليفي وتفتح جامعة الكويت قلبها لعيالها وبناتها الخريجين الناجحين

 

[noorq8]

لابالله الا ابو الظلم النسب وايد عاليه والمكافئ يخسبق المعدل والقدرات يخفس فيه أكثر وأكثر والسالفه كلها تجاره بتجاره حسبوا كم طالب وطالبه يتقدم للقدرات وكم مره بيسقطونه ويعيد ولوأخذ دوره فراح ياخذها بمعاهدهم (كلهم أساتذه وافدين) ولو رسب وماقدر فالجامعات الخاصه ملوت عيااااالنا ولازم ننفعهم فطلعوا لنا فنتق البعثه الداخليه ..................بالاختصار التعليم كشة ضااااايعه

 

[G!RLooNa]

والله انا اقول كل واحد يخلص الثانوية يدخل الجامعة بدون نسب ولا شي وهو وشطارته بدال البهدلة بالغربة والتعب

:dddds:

حلوه هذي بروي مو جامعه

ليش في ثنوي عيل محد بيدرس اذا كل واحد خلص الثنويه بدش الجامعه بدون نسب

 

[راعية الطويلة]

جزاج الله خير ستارزو
فعلا الجامعة أول كانت تقبل الكويتيين
بنسب أقل من جذي
و ما في مقارنة بيننا و بين الجامعات العالمية
هم أعلى مستوى أكاديمي و عملي
و مع ذلك يقبلون عيالنا و يبدعون عندهم
اشمعنى بالكويت يغرز
لا يكون إحنا مستوانا ما يفهمه إلا القادم من كوكب أورانوس


الله يحسن الحال


شكرا ستارزو بارك الله فيج

 

[ScarletteO'Hara]

لا طبعا لا تقصون على انفسكم و تقولون ان نسب قبول الجامعة معقولة
شكو بالكلية الوحدة نسبة قبول خريج الادبي اكبر من خريج العلمي؟
و نسب قبول البنات اكبر من الشباب؟
شنو ذنب البنت الي درست ادبي و نسبتها اعلى من نسبة الولد ان الولد يدخل الجامعة و اهي تتبهدل؟
ما صارت هذي الا بالكويت لا جامعات الخليج و لا الوطن العربي جذي حتى الدول الجنبية
لا تقولون ان نسب خريجين البنات اكثر من الشباب عشان جذي نسبة تخريجهم من الثانوية اكثر
هذي يعتبر سوء تخطيط وايد بنات كلوها بسبة سوء تخطيطهم
و لا ترفعون وايد بالي دخلوا الجامعة لان عمرها الثانوية ما كانت مقياس لدرجة نجاح الطالب المستقبلية
شنو نسبة الي يدخلون الجامعة؟
و شنو نسبة المتخرجيم من الجامعة؟
انزين جم واحد انفصل؟
جم واحد عشش بالجامعة بالست و السبع و ثمان سنين و لا زال مصيره مجهول هل راح يتخرج و لا لأ؟
الحين هذيل يستاهلون نخسر كرسي بالجامعة عليهم؟
شوفوا انا اعتبر نفسي ذكية و مخي نظيف بس كنت اعاني من اهمال بالدراسة ايام الثانوية
مو مزاجي
بس حسافة ما حسيت على عمري الا يمكن على اخر سنتين بالثانوية
و عارفين المعدل التراكمي بالبداية يرتفع بسرعة و بنزل بطيء بس بالنهاية يصدع بطيء و ينزل بسرعة
عموما تخرجت بنسبة 74% بتخصص ادبي
جامعة الكويت ما قبلتني طبعا و هذا بسنة 2001
و المصيبة انهم قبلوا شباب خريجين علمي نسبهم اقل من نسبتي!
فأبوي الله يخليه لي و لا يحرمني منه دزني على حسابة اكمل دراستي برا
و الحمدلله تخرجت من الجامعة بثلاث سنين و نص
لما ييت اتوظف تفاجأت ان نسبة تخرجي من الجامعة و انا كان معدل الثانوي تبعي اقل منهم
كوننا كلنا خريجات حقوق و احنا عالافين نسب الحقوق الي تصك فوق الثمانين
كنت اعلى معدل فيهم
و اسرع وحدة فيهم تخرجت من الجامعة
انا الحمدلله الله سخر لي ابوي
غيري ممكن ما تحصل له الفرصة الي انا حصلتها
القصد انه مو شرط الثانوية تكون مقياس
اذا سالفة غربتي كانت غلطتي و كنت اتمنى اني ادرس بالكويت
بس الي صار صار و الحمدلله على كل حال كاني الحين افكر اكمل ماستر
المناسب و الي يرضي كل الاطراف و هذا الماشي بأغلب دول العالم
المفروض ان نسب قبول الدنيا للكليات العلمية 80% و فوق
و الكليات الادبية 70% و فوق
و بس :rerrerek:

 

[~ miss NERD ~]

انا وايد اتحلطم و يوميا بعد عن هالموضوع بس شكله ماكو فايده!
اخر شي شكلي بدش كورس ثاني عشان انقبل باللي ابيه

 

[aṕriliå]

والله النسب معقووولة

كلن يجيب النسبة على قد تعبه , والحمد لله جبنا ودشيناا

لكن صج آحنا محتاجين جامعات

جامعة الشدادية متى بتخلص ؟؟!! 3000 م

ناس بخمس سنين تعمر مدن جامعية واحنا جامعة صارلهم عشرين سنة يعابلون فيهااا

لو مجمع جان بيومين مخلصينه

 

[! تئبر تسبدي !]

آنآ آشوف آن آلنسب معقوولة
و صحيح كلن يدش عََ قد آلتععب آللي تعبه

 

[الإسراء]

ما أشوف انه نسب الجامعه فيها شي بالعكس جدا ً مناسبه ..
طبيعي اللي يبي يروح الجامعه يدرس عدل ويتعب وييب نسبه ..
مو معقوله الطالب اللي نسبته 95 نفس 90 ولا نفس 85 ..
والحمدالله كافي ان تعليمنا مجانا فعلى الأقل نتعب عشان نحصلها مو زاهب مزهب

 

[ســتارز]

جزاج الله خير ستارزو
فعلا الجامعة أول كانت تقبل الكويتيين
بنسب أقل من جذي
و ما في مقارنة بيننا و بين الجامعات العالمية
هم أعلى مستوى أكاديمي و عملي
و مع ذلك يقبلون عيالنا و يبدعون عندهم
اشمعنى بالكويت يغرز
لا يكون إحنا مستوانا ما يفهمه إلا القادم من كوكب أورانوس


الله يحسن الحال


شكرا ستارزو بارك الله فيج

هلا وغلا براعيوووه نورتي الموضوع ياقلبي

ما ادري ليش مشكلتهم قلة المقاعد ويزيدون النسب والجامعات الاهلية تفتح ابوابها على مصراعيه

هل هي سياسة نفعني وانفعك

تسلمين حبيبتي

بس ياحلو صور شهادة تخرج الام والاب من جامعة ديرتهم يزيدهم فخر