Yes We Can Do It " Lets Go Girls ( part 2)

[BiiShOoO]

سلااام يا حلوييين

قبل شوي رديت من النادي

لعبت 36 دقيقه على جهاز المشي
20 دقيقه على القاري
20 دقيقه على الي تحركين ريولج فيه ماعرف اسمه هههههه
10 دقايق على الخضاضه

يعني المجموع جم يا حلوين
86 دقيقة
الحمدالله

 

[Zain_ALZain]

حياتي ضيون ولولو وبزبز تسلمووون عالدعوه الحلوه

بنات ابي اسألكم سؤال شنو احسن نوع فيتامين حق البشره والشعر :/ لانه صارلي كارثه

ويهي ناشف وشعري قام يطيح وايد انا سويت سيرج بقعمي قوقل ولقيت انه حبوب centurm فيها مشتقات خنزير صج ؟؟؟

فيدوني بلييييييييز

 

[BiiShOoO]

الله يييسررر امووورج زيييون و يوفقج يارب و يعطيج على قد نيتج

ما توقع زيون و لا جان ما دش الكويت

اي صح شربت جم يقمة عصير ليمون عن خاطري من الحر


عوافي كوكو

عليكم بالعافيه بنات

بزبز انا الحمدالله و عسى دوم يا رب

و الله يوفقكم كلكم يا رب

 

[om l3yal]

بقول يومياتي الحين
شربت بطلين ماي علا الريج رحت حق رفيجاتي الدوام باخذ منهم شغلة الا حاطين ريوقهم وقالوا حياج شابورة وشغلات بذرة الكتان وهالسوالف قلت لهم للاسف ما اكل اكلكم انا دشتي مسكينة وحدة قامت وقصصت لي جبن تشدر وحبتين جبن مثلث بس انا اكلت تقريبا خمس قطع التشدر حجمهم نص الاصبع
تالي شربت الاعشاب السحرية
وشربت بطلين ماي طبعا انا من شعر مو شايفة صديقاتي وااااايد فرقوني حدي استانست الحمد لله
الغدا صينية البيديان والدياي طريقة اكسجينية ربي يعطيها الف عافية
الحين راح اشرب نسكافيه والعشا مشتهية بيض مع طماط وراح اخلط معاه جبنة فيتا بالخلطة
والحمد لله الذي اطعمنا وسقانا وجعلنا مسلمين

 

[om l3yal]

زيون شلونج شوفي انا اعاني نفس مشكلتج البشرة نااااشفة جنها ليفة وماينفع لا مرطب ولا كريم ولا شي
وبالنسبة للسنتريم انا قطعته لاني اكتشفت انه يثبت ابوزن واشوة انج قلتيلي عنه

 

[om l3yal]

كتووووون يلا نزلي الاوزان حدي متشوقة اعرف

 

[LadY BuG 80]

صبااح النووووووووووووووووووووووووووووور

وحشتونيييييييييييي كل ابوكم

امس ما خذت راحتي على المنتدا انشغلت افففف حسيت شي ناقص في يومي

و اتكاسلت انزل يومياتي امس الحين بسدحهم
​

زيون ربي يفتحها بويهج ويوفقج وتييبين النسبة اللي في بالج ان شاالله
ضيون امين ان شاالله ويبلغين باليوم اللي تحاتين في وليدج ويثبت حملج ويتمم عليج بهون وسلامة وتمام خلقة ان شاالله


بنات تم ارسال الوزن
الجو موووووت من الحر تونا بعدنا بالربيع ودرجة الحرارة واصلة خمسين الله يعينا ان شاالله

افففف 50 ؟؟؟؟؟؟؟؟؟؟؟ لمن تصير هنا 28نموووت حر مستحيل 50

لو تحطون غداكم برا بينطبخ بروحه ؟؟

الله يعينكم :eh_s(2):

​

السلاااام عليكم شللووونكم شخبااااركم


عوافي ما كليتوا

اي و الله التجمع صاير هادي

تريقت خسةمع جبن سلاس و نسكافيه

تغديت خسة مع جبن سلايس و سفن دايت الصغير

و شوي و بروح النادي

ولله استانس لمن اشوف يومك خفيف انشا الله دووم حبيبتي :eh_s(7):

​

سلااام يا حلوييين

قبل شوي رديت من النادي

لعبت 36 دقيقه على جهاز المشي
20 دقيقه على القاري
20 دقيقه على الي تحركين ريولج فيه ماعرف اسمه هههههه
10 دقايق على الخضاضه

يعني المجموع جم يا حلوين
86 دقيقة
الحمدالله

مشا الله استمري تعجبيني :eh_s(15):​

 

[om l3yal]

كوكو حبيبتي ماعليها شر بنيتج
عندكم حر بس تعتقدين نفس اللي عندنا حرااااالم عليج

 

[BiiShOoO]

اييي ان شاء الله

 

[Zain_ALZain]

فديتج بشبوشه مشكوره ياقلبي الله يرزقج بالذريه الصالحه الي تفرحج

هلا وغلا لولو انا تمام الحمدلله , معاناتج نفسي بالضبط وزيدي عليه قام يطلع بويهي الاكزيما فوق عيني

بس مو وايد الحمدلله وعالحبوب ودي اخذ فيتامينات بس اخاف تمتني :/ ومادري شنو الزين وشنو الشين

 

[أم عامر]

السلام عليكم

عافيه ماكليتو ياحلوين


اما يومياتي انا

صارلي جم يوم مااشتهي الاكل من بدت الدوره اكرمكم الله

واليوم تغصبت على الاكل لأن وانا امشي افترت فيني الدنيا دووووووووخه بغيت اطيح


تريقت على اذان الظهر

كوب حليب خالي الدسم + تمره بالاعشاب ( حبه البركه -رشاد -حبه حلوه) علشان المحروصه

على ال3 تغديت

حطيت جرجير وجزر شرائح وحبتين برجر مشوي قصصتهم وخلطتهم >>خبصه لبصه

نمت على ال4 كنت دايخه

من شوي شربت شاي + نص خبزه مع خلطه الجبن (جبن مالح -طماط -جزر مبشور -رشه زعتر -زيت زيتون)

والماي قيل اشرب ما احب اشرب الماي دافي لازم مثلج والحين ما اقدر اشرب بارد


وبس وان جعت راح اكل تمر وحليب

 

[BiiShOoO]

انزين بسال سؤال

اذا انا ملتزمة بالريجيم و كل شي اوكي بس وزني زايد من شنوو يعني

لانه توني وزنت لقيت زايد

معنه الصبح كان غير

 

[Zain_ALZain]

كتون احنا 38 عندنا رحمه

 

[BiiShOoO]

اميين يا رب زيووون

 

[BiiShOoO]

عوافي ام عامر حبيبتي

 

[Zain_ALZain]

كتون حمسة الحلوم تبعج مع شويه اضافات مني عجبت اهلي

ثلاث مرات اسويها وكل مره اسويها ما يظل منها ولاااا شي وناسه

ومفيده حق دشتي

 

[LadY BuG 80]

يوم امس الثلاثاء 31 - 5 - 2011


2 كوب ماء على اريق



فطرت حمست سبانخ مع شويه لحم مفروم خالي من الشحم

و بشرت نتفه جبنه ماربل لايت

( اخيرا خلصت حمست السبانخ)

و بنتي طلبت احط رسمتها باكغراونك

غداي بيف اند فجي و شربه ببسي دايت

تعشيت ملوخيه بدجاج و عصرت ليمونه

رحت الجم مشيت مشي سريع 20 منت

دراجه 15 منت

تمارين ذراعين و صدر و ظهر و بطن 40 منت

و كنت لابسه ساونا بانتز من تحت اصدر الي بطة الساق و هاذي اكثر مكان مربب فيني

المهم رجعت البيت خذت شاور و نمت :eh_s(7):

​

 

[om l3yal]

بيشو اكيد راح يزيد بنص اليوم من الاكل والشرب ياحلوة
الوزن لازم يكون الصبح علا الريج وبعد التفريغ وبدون ولا فتفوتة ملابس

 

[om l3yal]

ام عمووور ماعليج شر بس مو زين عليج اكليلج شي يرم عظمج علا قولتهم

 

[om l3yal]

زيووون حمسة الحلوم مالت كتون مو عجيبة الاصارت اصلا ادمان
جربي شيلي شوي منها وخلطي بيضتين وصبيهم عليها ولي اسوا البيض رشي جبن مازارولا ابي تهببببببل