طليقه زوجي ومسجاتها واتصالاتها

[dantella]

السلام عليكم ورحمه الله وبركاته
شلونكم بنات
بنات حابه اسئلكم اذا الموضوع عادي ولا لاء
طليقه زوجي تدقدق علي وتطرشله مسجات على بو انها تكلمه عن عياله ماقلنا شي
بس ساعات احسها انها تزودها
يعني تدق تسئل عن شغلات غريبه وحدها بسيطه وتقدر بروحها تتصرف فيها وتحلها
بنات هالشي عادي؟
يعني مو المفروض ان اذا بغت شي تكلم ابوها او واحد من خوانها ؟
انتو شرايكم؟

 

[توتو_الحلوة]

عادي حبيبتي طنشي كبري مخك لو بيحبها ما طلقها


بس انتي بينيلوا انك بتغاري عليه بس بطريقة حلوة

 

[coca^cola]

انا اشوف انها لازم تفهم انه طليقها تزوج و عنده مرة
تدق للضرورة
بس اذا على قولتج امور بسيطة لا المفروض اهلها ولا ابوها
انا لو بحط نفسي بمكانج اكيد بغار و بتضايق

 

[dantella]

عادي حبيبتي طنشي كبري مخك لو بيحبها ما طلقها


بس انتي بينيلوا انك بتغاري عليه بس بطريقة حلوة

والله ان احاول اطنش واكبر راسي بس من داخلي ايني احساس ان هالتصرفات مو عدله وموحلوه
والمشكله ان لي الحين بينهم قضايا ويشوفون بعض بالجلسات
انا ابي اعرف بس شنو التصرف الصح

 

[dantella]

انا اشوف انها لازم تفهم انه طليقها تزوج و عنده مرة
تدق للضرورة
بس اذا على قولتج امور بسيطة لا المفروض اهلها ولا ابوها
انا لو بحط نفسي بمكانج اكيد بغار و بتضايق

اهو زوجي يكلمها بكل احترام ماشوفه يزودها معاها بس انا شايفه ان اهي الي تحاول تتواصل
ساعات اقول حرام عشان عياله بس ساعات في امور يعني ماله داعي
والله احترت

 

[kuwaitya_zoGaa]

حبيبتى فهمي زوجج اذا تبي اى شى تكلمج انتى او تخلى واحد من اهلها يكلمه
خلاص اهيا طلعت من ذمته

 

[dantella]

حبيبتى فهمي زوجج اذا تبي اى شى تكلمج انتى او تخلى واحد من اهلها يكلمه
خلاص اهيا طلعت من ذمته

انا قلت له هالشي والله بس اشوفه مومتحمس يقول لها

 

[coca^cola]

والله مادري شقولج .. الله يهديه لج انشالله و يسخركم حق بعض
تفاهمي وياه بالهداوة .. ترى الكلمة الحلوة تكسب .. بينيلله ان هالشي يضايقج
و انه في طرق ثانيه يتواصل فيها ولة عياله غير عن طريق امهم
اذا تقبل هالشي زين على زين
اذا ماتقبل مالج الا الصبر

 

[dectora 7elwa]

طري خلج ساكته ولا تبينين له شي
مدامه ماغلط
الغلط انه يحس انج بتحاسبينه على غلطها او بيفهم انج ما تبينه يهتم بعياله
اذا بعياله واحد كبير شوي يعني بال 12 او 13 سنه
خل عياله يكلمونه مو هي

 

[dantella]

طري خلج ساكته ولا تبينين له شي
مدامه ماغلط
الغلط انه يحس انج بتحاسبينه على غلطها او بيفهم انج ما تبينه يهتم بعياله
اذا بعياله واحد كبير شوي يعني بال 12 او 13 سنه
خل عياله يكلمونه مو هي

الكبير عمره 5 سنين وانا والله العظيم ماعندي مانع يهتم بعياله لان مالهم ذنب والي صار معاهم ممكن هم يصير مع عيالي لا سمح الله
انا بس اتضايق من اتصالاتها ومسجاتها الي مالها داعي يعني موكلها

 

[raneen]

اي حبيبتي ... هذا الي ايسوونه اغلب .... اغــــــــلب .. المطلقات مو الكل ...مادري ليش يحلى ابعينها الريال بعد ما طلقها ...
زين يوم كان عندج ليش كنتي اتسوين الي اتسوينه الحين؟؟؟
دشيت عرض صح هههههههههههه
شوفي ياقلبي انا ادري انه هالتصرف يضايقج واهي اتعمد اتسوي جذي عشان اتسبب مشاكل فانتي شنو اتسوين ....؟؟؟
احقريها ...وطنشي ادري انها صعبه شوي بس ماعليه تحملي اشوي لانه ريلج قاعد ينتقل من مرحله ليه مرحله ثانيه ... وبيهد عياله الي كانو عايشين معاه ورح يصير يشوفهم بالاسبوع مره وحده ... فهذا لان الموضوع بالبدايه فطبيعي هالسوالف ...وتره بس تستقر الامور رح ايتغير كل شي... بس انتي لاتضغطين على ريلج دامه مو غلطان ابشي عرفتي...
واذا ما اقتنعتي بالكلام الي قالوا البنات والي كتبته لج ...خلص في حل ثاني ... خلي اطرش مسجات بالي تبيه مو الا ادق ...قوليله خلها اطرش الي تبي اتقوله لك ابمسجات ...وبس ينتهي الموضوع بس من رايي كبري عقلج اشوي وحكميه ...
وخلج طبيعيه لاتبينين انج مضايقه لان ممكن يفهم انتي مضايقه من عياله ...لان طليقته داقه على اساس اتكلم عنهم ..
والله يبعد عنكم اي احد يبي يفرقكم....

 

[om MaRyooM]

اكيد انها غيرانة شي طبيعي



بس ديري بالج لايفهم زوجج انج مظايقة او مقهورة ترا الريال بسرعة يحط في باله



اما عن الحل !! مادري والله ليما الله يهديها ويفجها عن زوجج

 

[نفهمها صح]

المفروض تنتهي علاقتها فيه
خلاص هوومو حلال لها
حنا خلاص من يتم طلاق اخوانها هم الي يتفهموون معه
واذا عيالها اكبار الي يبونه يطلبونه منه
مدري الوحده خلاص لا طلقت مالها خلق حتي تسمع صووته
الله يعينك طنشي مداه يكلمها بحترام​

 

[dantella]

مشكورين كل الي ردو علي وحبو يفيدوني
اليوم كلمها ريلي وقالها ان اذا بغيتي شي دقي على زوجتي جان تعصب وتصرخ عليه وتقوله ان موميته عليه ومن هالكلام
بالذمه شالدبره .... شلون نتعامل معاها

 

[صلوا على النبي]

اللي صار من صالحج وخيرة لج عشان يكشف نيتها وترى الرجال ذكي يلقطها وهي طايرة يعرف سوالف الغيرة والنية اللي مو صافية .. ومن رايي تقعدين انتي وياااه قعدة مصارحة في الوقت المناسب يعني ما عليه ضغوط أو تطلبين منه تمشون على البحر مهيأ روحه وتشوفينه مسترخي تصارحينه باللي بقلبج كلام مصفصف ومجهزته من قبل عشان تعرفين شنو تقولين له بكل حكمة ودبلماسية وانتي صاجة ماجذبتي قوليله في بداية الكلام انه عيالك على العين والراس ودام انهم عيالك فأنا امهم الثانية واخوان عيالي يعني بحسبة اعيالي وانهم مالهم ذنب باللي يصير وانج مقدرة هالشي عشان يعرف نيتج تجاه عياله وقوليله بعد عندي كلام بخاطري بقوله لك بفضفضلك احس بضيقة احس ان فيه حركات مو لله وترى المرة احساسها قوي ما أدري انت شرايك وان اللي قاعد تسويه غلط وما يجوز عند الله وعبيده على اتفه الاشياء تدق هي وتكلمك وين اخوانها وليش انا مو مرة ما احبك ما أغير عليك بس انا بالعة حركاتها عشان العيال مالهم ذنب وعشانك لان لك شي كبير بخاطري ومن هالكلام ...
وصدقيني المصارحة ثم المصارحة ثم المصارحة هي البلسم بعد الله للمشاكل الزوجية خاااصة اذا مطالبج كلها شرعية ومن حقج والله يوفقج يا أختي وييسر أمرج

 

[دلــــــــــع!]

اللي صار من صالحج وخيرة لج عشان يكشف نيتها وترى الرجال ذكي يلقطها وهي طايرة يعرف سوالف الغيرة والنية اللي مو صافية .. ومن رايي تقعدين انتي وياااه قعدة مصارحة في الوقت المناسب يعني ما عليه ضغوط أو تطلبين منه تمشون على البحر مهيأ روحه وتشوفينه مسترخي تصارحينه باللي بقلبج كلام مصفصف ومجهزته من قبل عشان تعرفين شنو تقولين له بكل حكمة ودبلماسية وانتي صاجة ماجذبتي قوليله في بداية الكلام انه عيالك على العين والراس ودام انهم عيالك فأنا امهم الثانية واخوان عيالي يعني بحسبة اعيالي وانهم مالهم ذنب باللي يصير وانج مقدرة هالشي عشان يعرف نيتج تجاه عياله وقوليله بعد عندي كلام بخاطري بقوله لك بفضفضلك احس بضيقة احس ان فيه حركات مو لله وترى المرة احساسها قوي ما أدري انت شرايك وان اللي قاعد تسويه غلط وما يجوز عند الله وعبيده على اتفه الاشياء تدق هي وتكلمك وين اخوانها وليش انا مو مرة ما احبك ما أغير عليك بس انا بالعة حركاتها عشان العيال مالهم ذنب وعشانك لان لك شي كبير بخاطري ومن هالكلام ...
وصدقيني المصارحة ثم المصارحة ثم المصارحة هي البلسم بعد الله للمشاكل الزوجية خاااصة اذا مطالبج كلها شرعية ومن حقج والله يوفقج يا أختي وييسر أمرج

هــذا الكلام الصح،،عشان ترتاحين
والصراحه مو من حقها تدق لانها مو علي ذمته

الله يوفقج انشالله ويريحج

 

[انجبر قلبي]

بصراحـه واضح انهـا تحبـه و محتره لأن تزوج و طلقهـا احس انها تتخيل طليقها معاج وتحتر و تدور لها شي او اي موضوع عشـان تناقشه فيـه و تلهيـه عنج شوي
شوفي اهي اذا غيرانه ما تنلام بس مو معاها حق انها تكلمه وتتواصل معاه حتى لو عن العيال تقدر تدق على أمه او اخته اذا تبي شي لأن الشيطـان شاطر صراحـه اذا بيتواصلون على اشياء تافهه و صغيـره خوفج ينفتح لهم مجال ثاني لا سمح الله ..!
يعني نبهي ريلج على هالشغله

 

[ورده عنابيه]

صراحة شي يقهر

 

[" ام حمود "]

شوفي هذا شيء من حقج ، يعني شكوو تتصل علييه خلاص طلقهاا واهوه ع ذمه وحده ثانيه ليش ماتفهم .. اوك تتصل عشان عيالهاا مو مشكله يعني شي ضروريء
بس تتصل ع شي تافه مو ضروريه لاوالله ماارضى وخلي ريلج يقولهاا عندج شي مو مهم خلي زوجتي تتفاهم ويااج احسسن لج ..

 

[dantella]

فديتكم حبيباتي
يعني انتو موافقيني ان هالتصرف غلط
والصراحه كان موقفها غريب لمن كلمها ريلي وعصبت قالتله خلاص مابي اكلمك ولا اكلمها
الله يهدي الجميع