لا نــــــريد الــزواج !!!

[lamar90]

الزواج سنه الحياة في بنات يعارضون فكرة الزواج
بس لمه يتقدم العمر فيهم راح يندمون انه ضيعوا فرص الزواج من ايدهم
و راح يحسون بالوحده لان المراة بطبيعتها محتاجه حق ريال يكون معاها
محتاجه حق الحب والحنان مهما كان الزواج مو حلو اكيد فيها لحظات حلوة
والمراة ما تقدر تستغني عن غريزة الامومه والامومه ما تيي الا بالزواج
ماكو بنت ماتتمنى تتزوج وتكون اسرة ويكون لها شريك في الحياة​

و اذا كان الرجال ( خصوصا هالايام ) يحب ياخذ و لا يعطي .... لا حب و لا حنان و لا حتى مصرف ... كله مصلحه x مصلحه ...
الله يرحم رجال زمان .. كان فيهم الزين و الشين لكن الشينين ينعدون على الاصابع ... بس هالزمن الزينين هم اللي ينعدون عل الاصابع .... و البنت تخاف تاخذ واحد يمرمطها و يبهدلها ... و يرفع ضغط اهلها ... و تخاف من كلمة الطلاق ... لان المطلقه مو مقبوله بمجتمعاتنا

 

[lamar90]

هل تتوقعين الحياة لاتكتمل الا بالزواج ؟؟؟؟؟

اعتقــــد ان الزواج ليس بواااااااجــب ... انما سنه ... بعدين ...
اللي ما تزوجوا مااااااااتو ؟؟؟!!!!!

 

[lamar90]

انا بالعشرينات
ماوصلت للثلاثين اللحين بس عندي مبدأ
يا اتزوج زواجه سعيدة او مايحتاج
يا اتزوج شخص احبه و يحبني و انبسط معاه او مايحتاج
اللحين الزواج مو شي مهم زي قبل و الدنيا ماتوقف عنده
البنت تدرس و تشتغل و تطلع و تسافر
اذا ربي كتب لها نصيب بتاخذه و اذا نصيبها تأخر عادي وين المشكله
أهم شي السعاااااااااادة وتكون هي باغية هالشي مو عشان العالم و المجتمع

للأســـــــــــف مافيه حب مــــافيه حــــــــــب ... ليش البنـــات مو راضيين يستوعــــبون هالشي
الرجـــــــال بهالزمن يدورون مصلحتهـــم و بس

 

[lamar90]

عايشه بحلامي : ( مافي احلى من الزواج برجل صالح والبنت مالها الا زوجها لو شنو مااوصلتي بكره الحياة بتمر وبتحسين بقيمه كلامي )

اسمحي لي اختي اقول لك انه االبنت مالها الا اهلها ... لان مافيه زوج يستحق اني اضحي علشانه ... دامه راح يبيعني بالرخيص ... و ياما حريم اخلصوا و حبوا ازواجهم و ضحوا علشانهم و كان جزاتهم ... اما الطلاق او الخيانه او الزواج بوحده صغيره بحجة يجدد شبابه الاخ
و البنات اللي مصروعين على الزواج راح يتذكرون هالكلام بيوم من الايام ... خصوصا ان هالوقت البنات كثروا .. و الرجال يقول بدالها عشره ...

 

[عسل:$]

أنا من وجهة نظري أشوف الأسباب اللي تدفع مو بعض البنات، لا تقدرين تقولين قليل من البنات،قلت قليل لأن الفطرة هي اللي تحتم على الزواج والنصيب طبعاً/ الأسباب اللي يخلي قليل من البنات يرفضون الزواج هي:
1)ممكن تبي واحد تحبه في بالها وتنطره يطق الباب!
2)ممكن تبي مواصفات مو معقولة!مثل تبي:الوسامة مع الغنى والشهادة والنسب والدين والأخلاق>كلها تجتمع برجال واحد؟!!ممكن متأثرة البنت بالأفلام والمسلسات!:|
3)ممكن تعاني من اضطرابات نفسية مثل العزلة وانعدام الثقة بالنفس والإكتئاب وغيره!
4)ممكن فيها مرض يمنعها من الزواج أو بمعنى أصح يعيق الزواج!
أتوقع وحدة من هالأسباب او غيرها!
بس جذي ترفض الزواج بدون سبب معقول هذي وحدة مو طبيعية!
أما اللي تقول من كثر ما شافت من الرياجيل؟وما ألومها؟ومتعقدة من بلاوي الرياجيل؟!
هذا مو عذر ولا سبب منطقي!رجال عن رجال يختلف من حيث(بلاويّه وأفعاله)واللي كاتبه الله بيصير بس هذا مو معناته إنها تقبل الزواج من أي رجال!لا أكيد قرار يدرس والاختيار هو اللي يحدد مصير البنت يا سعادتها>عسى الله يرزقكم فيها،وإما شقاها>وعسى الله يبعده عنكم أجمعين

وبالنهاية الرزق عند الله،والإيمان بالقضاء والقدر موجوب

تقبلوا وجهة نظري المتواضعة:أبلة عسل!

 

[lamar90]

لان اغلب الرياييل مو قد المسؤوليه وما يقدرون المراه
والحين اكثريتهم اول ما يي يخطب يتشرط اهو وويهه ))) وشرووط تعجيزيه بعد
ويقولون البنات شروطهم صعبه
والبعض يتزوج البنت علشان معاشها عساس يضمن انه ما يصرف عليها واذا تحجت وتبي لو شي بسيط كلاها وقالها عندج معاش
وازيدج بعد يبيها معاها سيارتها علشان يرتاح تسوي شغلها بروحها ، واذا صار فيها شي مسكينه ومرضت طلبت منه شويه بس ما يساهم معاها ويساعدها في دفع العمليه على الاقل او علاجها حتى من الناحيه المعنويه والنفسيه ما يساعدون
المشكله هم يدرون ان ديننا الحنيف يقدر المراه ولها حقوق على الريال منها نفقه الزوجه واغلبيه الرياييل ما يعترفون بهالشي
واللي يقهرج بعد اذا كانت البنت خوووش وحده واهو كل علل الدنيا فيه ويي يتشرط ويقمتها
الله يعين بس

مو انا قاااااااااااايله ... رجال هالايام مصلحه ... ما يبغى زوجه و مصاريف و وجع راس ... يبغاها جاهزه بملابسها و وشهادتها و وظيفتها و سيارتها .... و يتمنى كمان انها تكون بدون مهر .. عشان ياخذها سييييييييييييده لبيته .... حشى ما يبغى يتعب ... بس يبغى مكينة تفريغ و السلام .. و عاد من زينه يوم يتشرط ... تلاقين فيه عيوب مالها اول من آخـــر
اتفوووه على رجال بهالشكل ( ولو انهم كووولهم كذا بس ... اااه )

 

[أنثى اليمامة]

بالنسبة لي اريد رجل شهم مثقف ، انا رافضه الزواج حالياً للحين صغيره توني 23 ، تو النااس .. وبعدين رجال هالوقت يخوفون مافيهم شهامه . . !

 

[lamar90]

ماعتقد فيه بنت ماتبي تتزوج

ممكن واهي توها صغيرة مأجله مشروع الزواج وركزي على مأجله وأعتقد بنات هالوقت من تكون بالثانوية تحلم منو بتتزوج وشلون شكله وشنو بتسوي بس ممكن البعض مأجل الفكرة .. اتوقع ليما أخر العشرينات وبس مافيه بنت ماتفكر يعني لي متى وهي جذي
كل وحده من رفيجاتها وخواتها ومحيطها متزوجه وعندها عيال وهي حياتها ينقصها شي

بس مو كل اللي ماتزوجوا انه رافضين فكرة الزواج .. اهو الزواج بالأخير نصيب والبنت مو بيدها انه تخطب أو تتزوج يعني لو اللي يخطبونها كلهم ما يصلحون اكيد بترفض .. تقعد عند أهلها أحسن من أنها تاخذ واحد فيه عيب بعد من حقها تختار

انا ماصدق انه فيه بنت بالثلاثينات رافضه فكرة الزواج .. مهما يكون أهلها مو دايمين لها

لا .. بعضهم مو مأجلين .. بل رافضين الفكره نهااااااااائيا
و بعدين ليش يكون ناقصها شي ... بالعكس ممكن تكون عايشه احلى عيشه بدون زوج ... بس للأسف اللي حولها هم اللي ينظرون لها بنظرة تقص و عطف ... كأنها راح تموت عالرجال بسم الله
و ليش يا اختي تستغربين من البنات اللي بالثلاثينات و ما تزوجوا ؟؟ ... فيه فيه كثيـــــر ... و عايشين ملكات و لا هم حاطين فكرة الزواج براسهم ...بس المجتمع ااااااااااه من المجتمع اللي مو راضي ينصف المرأه

 

[مكسورة الخاطر]

باختصار ...
ماكو رياييل وزلم
ليتني عايشة بزمان اوول , صج مايبينون الحب , بس كافي الاحترام والمودة والمسؤولية اللي يشيلها الريال

اما الحين ..
احبج اموت فيج ويسمعونج كل انواع الغزل , واول مايتوجون مايظلون اكثر من سنة الا ومتطلقين @@ !!

خليها على الله بس ,,
اقعد ابيتنا اجابل امي وابوي واهتم فيهم لي شابوا وايد ابرك

 

[lamar90]

كل بنت محتاجة في فترة او مرحلة من حياتها حق ريال يحبها يحترمها يحتويها
لا تقولون سفر و دراسة و وناسة و حرية و احلام
الكل يقدر يسوي هالاشياء قبل الزواج و بعده
الاهم انج ترتبطين و تحسين بالنضج و تيبين عيال الي يحلون الدنيا بعيونج
الحمدلله احنا بديرة خير و ماكو ريال فقير ما يقدر يسفر مرته او معقد لدرجه يمنعها من دراستها او شغلها
كلشي بالتفاهم
لوو بنمشي على مبدأ ماكو ريال زين بهالوقت جان كل العالم ما تزوجوا


مشكورة عالموضوع حبوبة

ممكن الرجال ما يكون فقير ماديا .... لكن فقير عاطفيا ... ما عنده حب و حنان و موده و رحمه و احترام .... ما يقبلك بزينك و شينك ... حتى ولو كنتي ملااااك ... برضوا ما راح يكون راضي عليكي

 

[lamar90]

بصراحة أنا واحدة ما أبي أتزوج بسبب المشاكل اللي قاعدة تصير ومشكلتي بسرعة أتنرفز ... الحمد الله أخواني متحمليني
لأنه صج اللحين وين تحصلين ريال سنع وأخلاق هالأيام الأغلبية يكلمون وعندهم سوالف للأسف ...
وكرهت الرياييل أكثر من دشيت الكلية ... والله انهم لوعو جبدي بس ايون يغازلون فمن جذيه كرهتهم

وقبل الوحدة كانت تزوج عشان ريلها يسرف عليها ويهتم فيها ....
أما اللحين الحمد الله كل وحدة معاشها بإيدها وسيارتها عندها وكل شي عندها ....
وبعد في أسباب ثانية أهم الأهل ... الأهل للاسف بهالوقت أهم اللي يسوون المشاكل ... من جذيه كرهت الزواج من المشاكل اللي أشوفها ..
وفي بعد أسباب بس مو ذاكرتهم

ومشكورة أختي عالموضوع

لا حبيبتي.. اذكري كووووووول الاسباب و خذي راحتك ... انا ما فتحت هالموضوع الا عشان الكل يفضفض و يطلع اللي بقلبه
و على قولتك رجال هالايام خليهم بس للمغازله و اللعب بعرض و شرف البنات ..... و لااااااا ... اسمعي اللي يضحكك ... اذا يبغى يتزوج .. يدور على وحده شريفه على قولته ... و تكون كامله بجهازها و عفشها علشان ما يتعب حاله الاخ بمصاريف الزواج .... و كلها شهرين ثلاثه ... و حليمه ترجع لعادتها القديمه ... و تطيح عليه زوجته اما متعرف على بنات كثر شعر راسها ... و اما متزوج بالسر .... و تجي الزوجه المسكينه تحط موضوع عندنا بقسم الحياة الزوجيه ... الحقوني زوجي فيه .. و زوجي فعل ...... آآآآآآآآآآآآه بس :eh_s(16)::eh_s(16):

 

[دانه الشطوره]

كلنا نعرف ان الزواج سنه الحياه
ومافي وحده الا ومصيرها بتتزوج
و الرسول صل الله عليه وآله و سلم قال : تزوجوا الودود الولود فإني مكاثر بكم الأمم يوم القيامه .
و الزواج ستر للبنيه
وبعدين اذا ما تزوجتي لي كبرتي منو بيشيلج و يهتم فيج خواتج ؟؟؟ ولا اخوانج ؟؟؟
مافي حد راح يفيدج واذا بعد عمر طويل امج وابوج ماتوو و خلوج بتعيشين عند منو والله ان اخوانج بيذلونج ما راح يفيدونج كلش
انا اعرف وحده الحين بالثلاثينات صج انها صغيره وليل حين العمر جدامها بس كلش مافي احد يخطبها يوم انها كانت بالعشرينات يووها ناااس وخطاطيب شكثر بس الله يهداها كل شوي تطلع عيب في الريال والحين كل اللي بعمرها متزوجين واهيا متحسره على نفسها

 

[الحلللوه]

الله المستعاان تدرون انا زيكم ومراات اقول لا بتزوج واجيب عيال ولاكيف عاشو ابائنا وامهاتنا مع بعض وتاقلمو ترى حتى زمان يعانون بس مافي احد يسمعلهم ~~~~انا شايفه ان اول واغلب الاسباب هو ---دلال الاهل --بتقولون ليش @اقولكم انو الرنت تقول يوه انا اقوم واصحى على كيفي باجر بقوم بوقت محدد ولا وسالفه الطبااخ شئ ثاني تقول انا وش لي بوجع الراس يوووه مااحلى ايااام العزوووبيه ياللا مو صح كلامي صبايا

 

[3oosh <3 MJ]

الوحدة ماتبي من الزواج الا ضنى يقوم بها باجر لين صارت عيوز
ولا رياييل هالزمن يلوعون الجبد ( الاغلبيه )
والبنت الحين مب محتاجة ريل
البنت تشتغل وتسوق وتدرس وتروح وتيي بدون ماتكون في حاجة حق ريال
مشكورة حبيبتي

 

[coralia]

اب اب

 

[lamar90]

باختصار ...
ماكو رياييل وزلم
ليتني عايشة بزمان اوول , صج مايبينون الحب , بس كافي الاحترام والمودة والمسؤولية اللي يشيلها الريال

اما الحين ..
احبج اموت فيج ويسمعونج كل انواع الغزل , واول مايتوجون مايظلون اكثر من سنة الا ومتطلقين @@ !!

خليها على الله بس ,,
اقعد ابيتنا اجابل امي وابوي واهتم فيهم لي شابوا وايد ابرك

على قولتك اختي ... بدل ما احرق روحي و ارفع ضغطي و اشغل تفكيري ليل نهار على واحد ما يسوى ظفر رجلي الصغير .... خليني اخدم والدي و اكسب رضاه اللي راح ينفعني بالآخره

 

[lamar90]

الوحدة ماتبي من الزواج الا ضنى يقوم بها باجر لين صارت عيوز
ولا رياييل هالزمن يلوعون الجبد ( الاغلبيه )
والبنت الحين مب محتاجة ريل
البنت تشتغل وتسوق وتدرس وتروح وتيي بدون ماتكون في حاجة حق ريال
مشكورة حبيبتي

والله مو محتاجين لهم ... من زينهم عاد .... يرفعون الضغط .. وجعععععععععععع

 

[lamar90]

كلنا نعرف ان الزواج سنه الحياه
ومافي وحده الا ومصيرها بتتزوج
و الرسول صل الله عليه وآله و سلم قال : تزوجوا الودود الولود فإني مكاثر بكم الأمم يوم القيامه .
و الزواج ستر للبنيه
وبعدين اذا ما تزوجتي لي كبرتي منو بيشيلج و يهتم فيج خواتج ؟؟؟ ولا اخوانج ؟؟؟
مافي حد راح يفيدج واذا بعد عمر طويل امج وابوج ماتوو و خلوج بتعيشين عند منو والله ان اخوانج بيذلونج ما راح يفيدونج كلش
انا اعرف وحده الحين بالثلاثينات صج انها صغيره وليل حين العمر جدامها بس كلش مافي احد يخطبها يوم انها كانت بالعشرينات يووها ناااس وخطاطيب شكثر بس الله يهداها كل شوي تطلع عيب في الريال والحين كل اللي بعمرها متزوجين واهيا متحسره على نفسها

حبيبتي ... انذل من اخواني احسن من اني انذل من واحد غريب لا راح و لا جا .. و بعدين اذا كبرت ... راح اكون تحت رحمة رب العالمين ... افضل من اني اضل تحت رحمة هالزوج ...

 

[lamar90]

بالنسبة لي اريد رجل شهم مثقف ، انا رافضه الزواج حالياً للحين صغيره توني 23 ، تو النااس .. وبعدين رجال هالوقت يخوفون مافيهم شهامه . . !


اذا هذي مواصفاتك في زوج المستقـــبل ... اغسلي ايــــــدكـ :krkrkr::krkrkr:

 

[lamar90]

الله المستعاان تدرون انا زيكم ومراات اقول لا بتزوج واجيب عيال ولاكيف عاشو ابائنا وامهاتنا مع بعض وتاقلمو ترى حتى زمان يعانون بس مافي احد يسمعلهم ~~~~انا شايفه ان اول واغلب الاسباب هو ---دلال الاهل --بتقولون ليش @اقولكم انو الرنت تقول يوه انا اقوم واصحى على كيفي باجر بقوم بوقت محدد ولا وسالفه الطبااخ شئ ثاني تقول انا وش لي بوجع الراس يوووه مااحلى ايااام العزوووبيه ياللا مو صح كلامي صبايا

لا لا لا و انتي الصادقه ... البلا كله من شباب هالايام اللي شايفين ان البنات كثروا .... و صاروا يلعبون بشرفهم و عرضهم ... حتى بعد الزواج ... ما يتوبوا ... و يحبون الحرااااااااااااام