رد: بتسافرين أمريكا2011؟! حياج هالمرة سفرتنا غير!!
هلآ هلآ هلآ
مبرووك افتاح التجمع و افتتاحيه مبااااركه يَ رب
انا انشاءالله داخله معاكم بالتجمع و اعرض لكم التفاصييل قريب ~
يا هلا والله .. شحالج؟
الله يبارك فيج وحياج الله ناطرين سوالفج عن الرحلة .. :eh_s(15):
يه يه يه روونه وام البنين بيروحون امريكا معاااي هالسنه
روونه لج وحشه يالقاطعه
حجزنا قبل شهر التذاكر غاليه نار التذكره الوحده ب 852 دينار على اليونايتد
من تاريخ 29/6 لي 30/7
رحلتنا بتكون الكويت الى اوريجن بنقعد 17 يوم بنحوس و بنروح سياتل بالسياره
بعدين نطير لي اورلاندو نقعد اسبوعين
فنادق و سياره ليلحين ما حجزنه والله يسهل
هلا والله ديجتال ..
شسوي والله قطعت غصب مو طيب مني .. وبعدين انفتح موضوع للتجمع فقلت خلاص البنات ماراح يقصرون وماله داعي تجمع يديد بس ياختي الامريكيات اللي بيسافرون ما اعتقوني مليوم مره افضي صندوق رسايلي قلت خل ابطل الموضوع علشان الكل يستفيد وللحين الرسايل ما وقفت هههه يلا يستاهلون ..
انتوا شخباركم؟؟ الله لج وحشه
روونه
عطيني الموقع اللى حجزتي منه سياره
حجزت من ناشونال كار
www.nationalcar.com بس تأكدي تحطين الكويت في خانة دولتج علشان يطلع لج السعر بالدينار ويكون ارخص ..
إي والله آيااام
ويييييين روونه ما ياتنا من قبل >> آكبر تحية لهآآ و للبنات بعد <<
صج ولهت عليكم و ان شاءالله هالتمجمع يجمعنا مره ثآآنيه
حبيبتي تسلمين .. انا استانست وايد بصراحة كنت خايفة ومترددة ابطل الموضوع خصوصاً ان في موضوع مثبت عن أمريكا بس شاسوي ماقدرت ارد البنات وتفاعلكم ونسني والله ..
بنات للاسف تكنسلت رحلتنا لامريكا لظروف خاصه بس شفت الموضوع قلت لازم افيدكم باللي اقدر عليه
اللي سالت عن فنادق ميامي ارشح لج فندق لويس وااااايد حلوووووو ومكانه حلو على البيتش ومقابل منظقه الاسواق والتمشي...لما عيالي وزوجي يسبحون بالبحر والبركه انا اتسوق واتمشى في الجهه المقابله ولين خلصو رجعت الهوتيل وبدلنا ورحنا لنا مجمع والفندق ترى مبنيين واحد جديد وواحد قديم بس ال2 حلويين
يلا ان شاءالله في المرات الياية وانا معاج فندق لويس وايد حلو وموقعه ممتاز بعد ..
السلام عليكم انا رحلتي انشالله 13-6 والردة 9-7 على الهولندية احنا 2كبار و3 صغار 1400 دينار فلوريدا ارولاندو انشالله واحتمال نمر ميامي الفندق اهو comfort suties طلع 2104 دولار والسيارة دوج كرفان ميني فان طلعت علينا 1392 دولار مع التامين الشامل من happy tours وسلامتكم
يا هلا فيج كويتيه .. وان شاءالله تروحون وتردون بالسلامة .. اذا عندج اي استفسارات او مخططات عن رحلتج حطيها وان شاءالله الكل يستفيد ..
بعد قلبي و أنا بعد ولهت عليج يا قلبي و على كل بنات التجمعات اللي فاتت
بالنسبة للماريوت ماركيز وااااايد حلو نظيف و غرفته كبيره ( اهوه نظام غرف مو شقق ) و موقعه استراتيجي
بنص التايمز سكوير بالضبط بس تطلعين من الفندق انتي بنص اللويه .... أنا ساكنه فيه من قبل بال 2008 و بصراحة وايد عجبني أخذنا الليلة ب 329 دولار بدون التاكس بس الريزيدانس ان ما عندي فكره عنه وين يصير بس شفت وحده تمدحه بمنتدى ثاني و تقول انه موقعه وايد حلو
السموكي ماونتنز للأسف كثر ما دورت عن معلومات عنها ما لقيت وايد اشياء بس اللي عرفته انها تبعد 7 ساعات بالسياره عن أورلاندو اهيه تصير بين نورث كارولاينا و تنيسي و اللي عرفته انه أحسن مكانين للسكن اهمه pegionforge أو gatlinburg و أكثر فندق مادحينه اهوه holiday inn club vacations -gatlinburg و في فندق مادحته وحده اهنيه بالمنتدى اسمه riverstone resort و آنا حيل عجبوني هالفندقين و إن شاء الله أسكن بواحد منهم و بالنسبة للنشاطات بالمنطقة فيها تلفريك يوديج للجبال و فيها تمشي بالغابة و فيها ركوب خيل و رافتنق و فيها أماكن للتسوق مثل محلات صغيره و فيها أوت لت اسمه tanger outlet هذا كل اللي عرفته عنهاو فيه ناس تقول سكنو بالأكواخ أونس بس أنا ما أحب لأني أخاف و لأنه ما فيها هاوس كيبنق
و سلامتج :eh_s(7):
ام بنوته امس بليل جيكت على فندق ماريوت ماركيز ولقيت حجز قلت خلاص باجر باحجز على اساس اليوم ومن الصبح أحاول احجز مافي حجز للفترة اللي راح أكون فيها اهناك وضاق خلقي
ماراح أيأس وكل يوم باجيك وان شاءالله الاقي حجز بس ترى الريزيدانس ان مو بعيد عن الماركيز قريب منه .. بس عجبني موقع الماركيز صاير بالنص وكل شي يمج .. اذا الله كتب لي نصيب فيه ان شاءالله احصل حجز ..
سموكي ماونتن ودي اروح لها بس فيها لوية وايد وانا مو مخططه لها فيمكن أخليها للمرات الياية ..
لا والله مو انا اللي رايحه هالمنطقه اول مره اسمع بها...وماعرف الفندق اللي بتسكنونه بميامي بس عموما روونا كتبت الريتز الريتز جنب فندق لويس بس شوي جدام مش مقابل المنطقه الحيويه انا احس موقع لويس احن موقع بالنسبه لباقي الفنادق
صح لويس موقعه افضل بس هم الريتز حلو ..
انا رحلتي 28-6 الى 29-7 عالقطريه 773 دينار انا وزوجي والطيران الداخلي رحلتين وحده عالجيت بلو والثانيه فيرجن ب 290 دينار وبنقعد
بنيويورك ليلتين بالسوفوتيل
ولوس انجلوس بيفيرلي هيلز بفندق لوكس 7 ليالي
ولاس فيجاس بلازيو 4 ليالي
وكوستاميسا بالهيلتون اورانج 6 ليالي
وسان دييغو بدبل تري 3 ليالي
وسان فرانسيسكو فيلا فلورنس 4 ليالي
نيويورك ماريوت ماركوس ليلتين
بعدها نرجع الكويت
وحجزنا السياره من موقع دولار بس مادري بجم ريلي حجزها
شراااااااااااااايج؟؟
حلوه رحلتكم بس ماشاءالله مافيها راحه لوول انا ما اتحمل اللوية جذي ومع يهال بعد؟ يتراوالي ازهق السفره .. ان شاءالله تروحون وتستانسون يارب ولا تطوفكم عروض لاس فيغاس وايد حبيتها .. راح احط التفاصيل عن قريب بإذن الله ..
بنات ممنوع اودي مواد غذائية؟!
الأفضل لا تيبين معاج شي انا راح اخذ بس حق جنطة الطياره خرابيط لليهال لأن بنتي تأزمت من أكل الطياره وصار فيها هبوط العام زين ما راحت منا فقلت هالسنه باحط لها شغلات تاكلها اذا ياعت ..
عن نفسي آخذ معاي بس قهوة تركية لأن زوجي ما يستغني عنها .. وكل شي متوفر اهناك وموجود ..
روان الله يعافيج يمعتينا مره ثانيه كنت معاكم بتجمع 2009 ولهت عليكم سماسم وام البنين. أنا وجهتنا كاليفورنيا 2كبار3صغار على klm 1700 دينار ترانزيت هولندا ساعتين ونص بالروحه و اربع ساعات بالرجعة المده 26يوم خمس ايام انهايم يومين سان ديغو بعدين سانتا مونيكا ونلف فيها لين. أشطب عالسوق وبنمر مالييو وسانتا بربرا بس مانبات فيها يوم كامل من الصبح لي الليل. ويخلو يوم لليونفرسال. حق اليهال واسواق هوليود وبيفرلي وحددوا اربع ايام فيغاس ودنا نجرب بلاجيو بس ماحجزنا للحين لان مادري باي تاريخ نكون هناك وراح تكون رحلتنا ان شاء الله يوم 27/6 وللحين وحجزت فنادق ولا سياره *
هلا والله أم صالح شلونج؟
نورتي التجمع .. وان شاءالله تروحين وتردين بالسلامة يارب ..
فنادق لاس فيغاس بالصيف يسوون عليها عروض .. وان شاءالله تحصلين شي مناسب واللي بخاطرج ..
صبااااح الخير
شلوونكم صباياا
واااي لاعت جبدنا من الدوامات متى انعطل بس
اي والله .. اي والله .. انا خلاص ودي اخذ جنطتي واروح المطار بس مليت :eh_s(2):
rawona
ليش تطشرتو؟؟؟؟ دودهتونا خلكم مع الموضوع المثبت أحسن .......الحين خلاص قربت السفره
13/06 LA
تروحين وتردين بالسلامة .. انتي قبلي بيوم .. وان شاءالله تستانسين بكاليفورنيا ..
