عرايس ما بعد الولاده ، تعالي وشدي الهمه معانا

[dandooosh]

بنات اذا انتوا بعدكم بالأربعين لا تستعجلون ع الليزر
نطروا بعدها كم شهر أحسن
أنا عن نفسي سويت بعيادة بالديرة الصراحة النتيجة كانت حلوة مع الاستمرار يعني تقريباً كل شهرين جلسة
بس الحين خلصت 8 جلسات وقالت لي خلاص ما تحتاجين بعد والحين صار لي 3 شهور ورد طلع
يعني يبي له استمرار

 

[خشف العذارى]

اب اب اب اب اب اب اب اب اب اب اب اب اب اب اب اب اب

 

[toofaa79]

الليزر حلو وكافي ان المكان نظيف طول الشهر وثقة حتى لو يبي استمرار انا سويتة العام جلستين وماكملت حملت بس حسيت بالفرق خصوصا لمنطقة الاندر رام كافي الحفر الي لابستة طول الوقت
انا ناوية اروح اسوي الي ليزر على يوم 35 ان شاء الله لان لازم اقعد 3 ايام بدون ديودرنت واحط كريم مضاد
بنات امس رحت للفروانية لمترو تحت في جم بدي وموديلاتهم والوانهم روعه وحركات فيهم اكسسوارات بس بصراحه حلوين واغراء
وخذيت بعد منهم ديباج للطلعت الاربعين وقميص النوم خذيتة نفس لون الديباج عشان اصير طقم معاه هههههه
بس موديله حلو فيه شغل وقصير من جدام وورا طويل امبين حق مناسبات يبيله مكياج وتسريحه
وفي محل بالعربيد بلازا تحت عطور اسمة ميسون دي سنترز كشك بالنص بس انصحكم فيه بنات فرنسي وعندهم عرض الحين تاخذين اثنين ووالثالث مجانا
وعندهم شمعه اربع استخدامات معطرة وتصير زيت مساج ولوشن بنفس الوقت
وهم شو بوكس عندهم خصومات خذيت نعال تكرمون
وبس هذي اخر اخباري

 

[.:lady bug :.]

خشف العذارى الله يرفع مقدارج

وتفاحه
ياارب تطلعين احلا عروس ياارب

والليزر ماعرفله ويببله بس مو الحين
ووين سويتوا ليزر
وبجم الجلسه

 

[toofaa79]

انا سويت الليزر بمركز ابولو زين بس عيبهم المواعيد مو ملتزمين يعني تجين بالموعد الي المفروض تدشين بس هم تنطرين وساعات اكثر من ساعه شملي بغير وبدور مكان قريب

 

[bubble.gum]

بنات شلونكم ..
توه واصلي مسج انور مسوين تنزيلات يبيلة اروح البيرق ..

ليدي بق. انا ولا مرة صبغت شعري فعشان جذي محتارة

 

[dandooosh]

تفاحة
صح كلامج الليزر حلو وانا النتيجة بينت معاي من أول أو ثاني جلسة تقريباً
المنطقة صارت أنعم وأفتح وصار يطول ما يطلع أرتحت وايد نسيت شي اسمه شيرة :rerrerek:
ليدي : الله يسلمج هذه عيادة اسمها الديرة كلينك عند دوار المسجد بالمرقاب
كانوا مسويين عرض سنة 2009 في الصيف الجسم كامل ب100 وانا بديت معاهم 3 جلسات سويت جسمي كله
بعدين وقفوا العرض ف سويت بس الاندر ارم والبكيني طلع علي ب 80 وكملت معاهم الى فبراير اللي طاف وقفت لاني شفت النتيجة عجبتني وقالت لي خلاص
الصراحة استفدت وارتحت من الشيرة ولعوزتها حتى ال3 جلسات اللي حق جسمي خففت شعر الرجل والايد

 

[dandooosh]

الليزر حلو وكافي ان المكان نظيف طول الشهر وثقة حتى لو يبي استمرار انا سويتة العام جلستين وماكملت حملت بس حسيت بالفرق خصوصا لمنطقة الاندر رام كافي الحفر الي لابستة طول الوقت
انا ناوية اروح اسوي الي ليزر على يوم 35 ان شاء الله لان لازم اقعد 3 ايام بدون ديودرنت واحط كريم مضاد
بنات امس رحت للفروانية لمترو تحت في جم بدي وموديلاتهم والوانهم روعه وحركات فيهم اكسسوارات بس بصراحه حلوين واغراء
وخذيت بعد منهم ديباج للطلعت الاربعين وقميص النوم خذيتة نفس لون الديباج عشان اصير طقم معاه هههههه
بس موديله حلو فيه شغل وقصير من جدام وورا طويل امبين حق مناسبات يبيله مكياج وتسريحه
وفي محل بالعربيد بلازا تحت عطور اسمة ميسون دي سنترز كشك بالنص بس انصحكم فيه بنات فرنسي وعندهم عرض الحين تاخذين اثنين ووالثالث مجانا
وعندهم شمعه اربع استخدامات معطرة وتصير زيت مساج ولوشن بنفس الوقت
وهم شو بوكس عندهم خصومات خذيت نعال تكرمون
وبس هذي اخر اخباري

اي صج صج
انا الحين صرت ألبس الحفر بثقة
خلاص لما اروح السوق واشتري ما صرت احاتي نفس قبل وفي البيت كل شورتات طول الشهر :eh_s(15):

 

[dandooosh]

انا سويت الليزر بمركز ابولو زين بس عيبهم المواعيد مو ملتزمين يعني تجين بالموعد الي المفروض تدشين بس هم تنطرين وساعات اكثر من ساعه شملي بغير وبدور مكان قريب

اي انا جربته مرة وحدة حق الاندر ارم لما الديرة كلينك رفعوا اسعارهم مرة ثانية
بس حرقني جهازهم حار وصارت المنطقة حمرة ف رجعت حق عيادة الديرة مرة ثانية غير ان مواقفهم قليلة ومكانهم زحمة وكل (هنوووود) :rgewrg:

 

[toofaa79]

دندوش وين صايرة عيادة الديرة كلينك
وشلون اشعارهم والزحمة ولازم موعد

 

[.:lady bug :.]

مادري والله يخوف

ودايمن انور ايسوي تنزيلات ولا مرة ييته
ودي اطلع غلقه النفاس اعوذ بالله

وودي اييب ردادة بس محتارة منو اييب

 

[bubble.gum]

بنات يبتلكم اسعار عيادة ابولو .. بس امانة منقول

ولسته الاسعار :
الريول كلها 70 دينار
الايدين كلها 45
الويه بروحه 35 مع الرقبه45
الابطين 30
بكيني 28*
الصدر والبطن 35
الظهر 45
المؤخره (لووول) ماعرفت شكتب 30

وبعد 3 جلسات يقل السعر من(10-5) دنانير على حسب مكان اللي سويتيه

 

[toofaa79]

بنات وينكم ماطلعتو مارحتو السوق نبي نقول شنو شرينا وشنو باقي بعد
انا باقيلي الجنطة وابي شي حلو حق مسيار و باقيلي جم دراعه عند الخياط
وشكلي بجرب النكهات الستيكر عند محلات الانجري
وباقيلي سوالف الصالون الصبغه والقص والحمام المغربي ونقش الحنا والليزر وتنظيف الاسنان وهذا ان شاء الله راح ابدية من يوم الاحد
باجر جمعت اهلي عندي والسبت بروح اشتري بجايم لعيالي وجم نفنوف لبناتي بعد لازم نكشخ هههههه
ابي عاد تقولون شنو سويتو اخاف اكون ناسية شي

 

[.:lady bug :.]

مشكووورة ببل

وتفاحه هم انا ناقصني النيولوك اختصار لشغل الصالون ههع
وجم دراعه
بدق ع ام علي هاليومين
وابي عبايه حلوة للمسايير طبعا بسويها باذن
الله بالدبوس
وبشتري عدسات بيلا مالت حصه اللوغاني

وبنات شفتوا خياط جمال الي بالفحيحيل مال العروس
الي وايد شاطر
تر ايفصل دراريع
انتي يبيله خامه كشخه وقوليله ابي موديل
ويفصلج وهم يفصل بدل
بس تر الخام منج

امبييه نسيت مكانه
جنه بالدبوس صوب الخياييط
وع فكرة واايد معروف سالي اي احد يدليج مكانه


اقول لريلي زهقت بتمشى يقولي لا
تو الناس خياطج طري
اقوله لا خياطي زين
يقولي لااا انتي بتطلعين وبس
ايقول نطري شوي وبعدين طلعي


واااي زهقت بروح السوق بس جذي
ضايق خلقي
خاطري ادور بجايم شورت حلوة بس موقصيرة واايد
و ابي شويت اكسسوارات مع انه عندي وايد
بس يبيلي خواتم

وبناااات ابي حبوووب اتمتن الويه بلييز
لاتقولولي الخميرة لان الخميرة اتصفي الويه امجربته
يخلي ويهج صافي ويهبل
وكل ما وريته دكتور يقولي دا ممتاز للبشرة
يعني لاتفخ ولا شي

ابي شي يتفخ بلييز

 

[ليمون ونعناع]

سلام
صراحه يعطيكم العافيه على التجمع
ومبروك للي ولدت والله يسهل علينا ليم نولد بالسلامه والصحة
انا بجريه فقبل الحمال وايد شاريه ملابس واصباغ اظافر بعضهم مالبستهم لان حملت وماقاموا يناسبوني
بس ودي اجدد الملابس الداخليه وقمصان النوم وروب الحمام مع الفوطة
الملابس الداخليه من ماركس اند سبنسر ممتازين

قمصان النوم البنات ماقصروا كل شي كتبوا مثل الايوب والطاهر وانور والسندس
البجايم من ماركس اند سبنسر ممتازين مايتغيرون مع الغسل ابدا
عندكم بعد ينايتد كلرز في الافنيوز بضاعته توب
بالنسبه للعطورات اخاف احط بعد الولادة عشان البيبي لا يتاذى
حق العنايه بالجسم انا عندي الوحدة مو لازم تنطر ليم تولد
من حملت وانا حيل بالكريمات
خذيت كريم بالمرز ينباع في محلات بريماما وماتيرناتي ديستينيشن بالافنيوز بس انا خذيته من لولو هايبرماركت
وهمن احط بودر جونسن على طول
وسيكينول الليمون حق رقبتي عشان يشيل السواد وفيه خلطة قريت عنها بالتجمع انشالله بجربها
خديت من شانيل غسول وتونيك وكريم وماسك مرطب و ضد التلوث لان بشرتي وايد جفاف طبعا كل وحدة تاخذ اللي يناسب بشرتها
فازلين عجيب للرجل واليدين وساعات احط حتى على بطني لمزيد من الطراوة

وايد قرقت

بس اللي تعتني برةحها واهي حامل راح يوفر عليها بعدين الاثار وعلى الاقل يخفف العواقب
انا ناويه بعد الةلادة اروح حق دكتور طلال العلي بالشعب اسوي سوالف تبييض و جذي
الشعر بسوي كيراتين و قص في صالون لابلوبيل بالشعب وحدة اسمها صفاء هذا صالون بس تخصص شعر كنت اعالج عندهم شعري قبل الحمل
و صالون للحمام المغربي والحف وتاتو حواجب حنه وشيرة وبدي كير منكير عند صالون ميس ميسمورايز بحولي اسعارة حلوة وعندهم اشتراكات
الحف عنود او ارونا
التاتو حواجب حنه ارونا
البادي كير كلهم شاطرين
حمام مغربي وحدة صعيفه هنديه نسيت اسمها

شيرة عنود
وعندهم حتى المكياج اينن مثل حنان دشتي واسعارهم زينه
الشعر وايد حلو يسسونه
يعني تدشين تخلصين شغلج كله في مكان واحد
والصالون كبير وراقي ومنظم وما فيه زحمه مثل الشرقيه
انا زبونه من ٢٠٠٦

وودي اسوي مساج في فلكس السعب وحدة صينيه مساجها حلو ومريح
في مساج كوين بالشعب هم يضعف ويشيل الكرش بعد الولادة
وهذا برنامجي
وادا شجعتوني بحط الاشياء. اللي اتذكرها عقب

 

[toofaa79]

ليمونه يعطيج العافية ذكرتي اشياء حلوة
ومنكم نستفيد
ليدي خياطين الجمال حلوين صاجة
وفي الحين شيلة الخلوج من دبي يبيعونها هندي بالمنتدى هابين فيها وحلوة
واحلى عبي الدبوس غاماتهم حلوة وماتغير مع الغسيل واسعارهم معقولة

 

[.:lady bug :.]

ليمونه حياتي ماقصرتي
ولازم اروح لمارك سبنسر

وتفاحه صاجه هالشيله عجييبه شفتها ع وحدة

 

[ملح الدنيا فيني]

:eh_s(9):

حمام مغربي 22371800

صبغ حواجب عجيب 97597408

صالونه مكياج ايهبل ب 10 دك 97613098

صبغ شعر رخيص حلو 66099757

تمليس للشعر ماتريكس رووووووووووووعه مجربينه ( عايشه ) 55687553

صالونه فوزيه نقش حنه 99728786

كلهم خدمة منازل وانا مجربتهم شخصيا:eh_s(7):

 

[toofaa79]

بنات انا كنت موصية بنت عمتى على بخور وعطر من محل انفاسك دخون بدبي بس عجيييييييييب ريحتة انصحكم فيه

 

[الغاليه امي]

جزاج الله خير على هالتجمع وان شاء الله تجمع خير على الكل ونطلع احلى عرايس من النفاس
والله يهون ويسهل الولاده علي وعلى كل حامل امييييين

بنات حبيبت اقول لكم من المعرض اللي بارض المعارض بمشرف للدراريع والاكسسوارات وغيره شغلاته حلوه