مييي توووو :$
لووول حيااااااج الله كاميلياااا
انا بكون وياج صريحـة ,, بنت خالتي أكبر مني بسنة الحين اهي بالطـب " طب أسنان "
تقول التحويل للطب شبـه مستحييييييل
تقدرين تحولين صيدلة ,, بس طب ما أعتقد
لإن اللي ينقبلون بمركز العلوم الطبية أول شي يقعدون سنة كاملة " لإن نظام الطب والحقوق سنوي مو
نفس الهندسة وباجي الكليات نظام كورسات "
ياخذون مواد و بعدين يحطون لهم نسبة معينة .. خل نفرض إنها 2.67 افترااااض أوكي
اللي تييب أقل من هالمعدل طررد من الكلية .. يعني سنة كاملة ضاعت عالفاضي و تروحين كلية ثانية
بالنسبة للكليات
طب أسنان .. يبون معدل 3.5 وفووووق وترى جداً مو سهل خصوصاً إن مواد الطب صعبة ويبيلها مجابل
طب بشري .. 3 نقااط
صيدلة 2.67
مو متأكدة 100 % من المعدلات اللي حطيتها بس تقريباً جذي ,,
و طبعاً أغلب اللي دشو مركز العلوم الطبية يبون طب أو طب أسنان .. نادراً تلقين أحد داش يبي صيدلة
فتلقين بعدين اللي انقبلو صيدلة يسحبون أوراقهم ويروحون يدرسون طب بره
و بالنسبة للتحويـل
تقدرين من الهندسة بس أقرب شي ، تدشين علوم بيولوجية أو طب مساعد و تاخذين مواد التحويل سنة كااملة
إذا يبتي المعدل المطلوب تحولين ,, بس مو متأكدة أذا تدشين مركز العلوم الطبية وتقعدين سنة بعد بعدين
تتخصصين .. أو تتخصين بعد التحويل دايركت
و طبعاً التخصص اللي راح يكون مبطل جدامج صيدلة .. لإن وايد طلعوا منه
طب الاسنان مستحيل .. لإن المقاعد تقريباً 30 مقعد ،، و الاولوية حق طلبة مركز العلوم الطبية
و طب الاسنان احتمال ضئيل جداً إنج تلقين مقعد ,,
مو قاعدة أخرعج بس قاعدة أقولج الواقع عشان ماتنصدمين بعدين , وانا أعطيج هالمعلومات من بنت
خالتي بالطب واهي أدرى بكليتهـم
إذا انتي تبين الطب وما تبين غيره .. نصيحة شدي حيلج بالقدرات و إذا ما و صلتي للمكافئ المطلوب حق
الطب .. قدمي بعثة خارجية " ايرلندا أو أمريكا "
بس حاولي معدلج مايكون أقل من 92 % لإن هذي أقل نسبة قبلوها السنة اللي طافت حق هالدول
ولازم تمتحنين ايلتز أو توفل >> نفس القدرات لوووول لاحقنا وين مانروح
بس إذا تبين طب بالبحرين ولا مصر ولا الأردن ، سهالات حتى لومعدلج بالسبيعنات تنقبلين
انتي فكري عدل من الحين عشان لا تخرجتي من تطلع النسب علطول يفتحون باب التقديم الجامعات و
البعثات الخارجية والداخلية
فتكونين جاهزة و عارفة وين تبين تدشين
تبين طب .. عندج جامعة الكويت أو بعثة خارجية
تبين هندسة .. عند جامعة الكويت + بعثة خارجية + بعثة داخلية " حق ACK .... AUM .... AUK "
