إلى كل من طلبت روايتي : كل ما جيت ابتدي فيك انتهيت..وكل ما جيت انتهي شفتك بدايه!!

[برنسس أوراق]

على يخت وسط البحــــــر..
الساعه 2 الفجر..

بغرفة النوم..بالسرادب..

أريج قامت وهي تشد اللحاف لصدرها وبدموع: ليش سويت جذي ليش..أنت هدمت مستقبلي
..
وسام يصرفها: حبيبتي..شفيج قتلج بتزوجج..اعتبري نفسج زوجتي..وأنا بقرب وقت بيي وأخطبج من أبوج بس أنتي امسحي دموعج وارتاحي ولا تخربين علينا لحظات السعاده..

أريج بشك: صـــج ولا تصرفني بس..
وسام باس خدها: لاااا صـــج
..يلا عاد ياقلبي قومي غسلي ويهج والبسي عشان أوديج البيت قبل ما يطلع النور..
أريج صدقت وقامت: إن شاء اللـــه..
وسام بنفسه[وهذي خلصنا منها..لا وحصلنا منها أكثر من 5000..يبيله صيده ثانيه يانبيل بس مو قبل ما أمل منها للحينها جديده]>>>حقيــــــــــــر...

قام بسرعه خذا شاور سريع وطلع لبس بلوزه وجينز وحرك اليخت..
ـــــــــــــــــــــــــــــــــــــــــ

بفـــــــــيلا أبووو مشاري..
الساعه 2:30 الفجر..

دخلوا مناف وعزيز وصبا ونفسيتهم بالأرض..

لمى بلهفه: ها شصار..وبعدين وينه أبوي ما أشوفه..
محد رد عليها..
عبدالعزيز راح لأمه وبحقد: ارتحتي الحين..نيرون ماتت بعد ما ولدت..ماتت وارتحتي من شريجتج مثل ما ذبحتي روز قبلها..برافو يمه خلصتي على العايله كلها..[وصرخ بقهر ودمعه حاره خانته ونزلت على خدوده] ..ماتــــــت وتركت لج أبووي..[وضرب صدره بقوة]..بس أبوي طاح وياته جلطه بالقلب..ما تحمل الصدمه..

الكل كان منهار أكثر منه عشان جذي تركوا العنان لدموعهم..

أم مشاري تندمت وودها الأرض
تنشق وتبلعها: عزيز يايمه أنا مو..
عبدالعزيز بانفعال مع دموع ووجهه أحمر: أنتــــــي شنو..أنتي شنوو يايمه..أنتي مجرمه تسببتي بقتل نفسين..أنتي أم لكن..أم أنانية..حــــــاقده..أنتي
الغيره أعمت قلبج وخلتج تنتقمين من إنسانه مالها ذنب..ليــــــه[وتحشرج صوته]وعشان
شنو..عشان ريال..كاهو الريال انسدح على فراش المرض روحي له يلا..[وطاح عالأرض ومسك قلبه بقسوة ودموعه تنزل عالأرض]..روحي يمه روحي صلحي اللي كسرتيه..صلحي اللي كسرتيه فيني بعد وفاة روز..صلحي اللي كسرتيه بقلب أبووي..صلحي قلوبنا يمه صلحيها..روووووووحي..رووحي
روحي..
وانهار في البجي..
أم مشاري ما قدرت تظل واقفه
جنها محل اتهام..راحت وقلبها مكسور على عيالها اللي دمرتهم..
لمى بدموع..راحت لعزيز وانحنت له وشالته فووووق يرتاح..
مناف مسح دموعه وبصوت مبحوح: روحي ارتاحي ياصبا
وديري بالج يوصل شي حق مشاري..
صبا بهمس: وأنت ما بتصعد ترتاح..
مناف بصوت تعبان تمدد عالقنفه: لااا بنطر صلاة الفير عشان أصلي وأروح المقبره..
صبا بتعب: براحتك..تصبح على خير..وصعدت غرفتها..
ـــــــــــــــــــــــــــــــــــــــــ

لا تعليقققققق بس ناطره ردودكم؟؟

 

[برنسس أوراق]

يلاااا وهااذا البااارت اللي بعده..ومو تقولون نبي بعد خخخخخخ


&الخامس والثلاثون&


بفيلا أبو عمـــر..نفس الوقت..الليل
بغرفة عامر..

كان مستغرق بالنوم لما دق موبايله وصحاه..
عامر تعدل وحك شعره: افف من داق هالحزه..
سحب موبايله ورد باستغراب: هلا صبا وينج أنتي من 3 ساعات أدق عليج ما تردين..
صبا بدموع: عامر أنا تعبانه..تعال خذني عامر أنا محتاجتك معاي..
عامر بخوف ودقات قلبه ترتفع:
صـــبا شفيج..صاير شي..خالي
فيه شي..أحد..
صبا قاطعته بتعب: عامر تعال وأفهمك..وسدت بوجهه..
عامر اخترع وبسرعه قام لبس أي شي جدامه وغسل وجهه وطلع يركض..ركب سيارته وشخط فيها..

عشر دقايق ووصل..
صبا كانت ناطرته على الشباك
ونزلت له بسرعه وبهدوء عشان ما يحس مناف..

طلعت وعامر فتح لها الباب وعلى طول قطت نفسها بحضنه وصارت تبجي وتشاهق..

عامر مات من الخوف..رفع وجهها بقوه بين إيدينه : صبا طيحتي قلبي..تكفين تكلمي قولي شي..
صبا بدموع: أمي ياعامر..أمي دزت نيرون على الطاوله الزجاج
ونيرون ما تحملت الألم وماتت بعد ما يابت توم بنات..
عامر بصدمه: مـــاتت..
صبا تشد على بلوزته: إيه..وأبوي
ما تحمل الخبر وانهار وطاح وصابته جلطه بالقلب ..
عامر حس بقذائف تطيح على راسه: خالي صابته جلطه..واهو
وين الحين
صبا بشهاق: بالـ..بالعنـ ـ ـايه وحالته خطيره..وعزيز ومناف اثنينهم منهارين..وأنا ضايعه..أنا ضايعه وخايفه..عامر لا تتخلى عني..الله يخليك عامر الله يخليك
..
ودفنت وجهها بصدره وصارت تبجـــي..
عامر توهق: لا حول ولا قووة إلا بالله..أنا لله وأنا إليه راجعون
..صبا ياقلبي اهدي واسمعيني..صبـــا
صبا سكتت بس ما رفعت راسها
..
عامر تنهد: لازم تكونين قوية عشان أختج ما تنهار..وأنا لازم أوقف مع أخوانج وما اتركهم بروحهم بهالمحنه..يلا امسحي دموعج وثقي بالله وقوي عزيمتج وانزلي معاي..
صبا رفعت راسها وما تكلمت بس فتحت الباب ونزلت..ونزل وراها عامر..
ـــــــــــــــــــــــــــــــــــــــــ

خبر وفاة نيرون جا صاعقه عالكل..وكل شباب ورجال العايله راحوا لدفنها..

أبو جراح دق على مشاري وبلغه بالخبر وخلاه يضطر يرجع وهو شايل همين..هم حمل زوجته..وهم مرض أبوه ووفاة مرت أبوه..لكن بفضل الله رجعوا سالمين..

أم مشاري من بعد اللي صار مع
عزيز ما طلعت ولا ورت وجهها لأحد..


أبو مشاري صحى من جلطته بعد أسبوع كامل وتشافى بالبطئ بفضل الله وبفضل بناته وعياله اللي ما تركوه لحظه..


بفيلا أبو مشـــاري..
الساعه 4 العصر..

صبا ولمى وعزيز كانوا باستقبال أبوهم..

ودخل أبومشاري بس مع ضيوف جدد(روز&الجوري)..: الســـلام عليكم..
الكل وقف وطاروا له وطاحوا بحضنه: حمدلله عالسلامه يبه تو ما نور البيت..
العنود دخلت وبيدها روز: شفت شكثر نحبك ياعمي..البيت بدون حسك فيه أظلم
أبو مشاري ابتسم ومشى وقعد عالقنفه..: أصيله يابنتي أصيله..
مشاري بيده الجوري: شوفوا شحلاة خدودها وشفايفها الصغار..يـــاناس ودي أكلها..
الكل:هههههههههههههههههههههه
أبو مشاري بجديه: مناف يبه روح
ناد أمك..
مناف قام: إن شاء اللـــه يبه...

بعد دقيقه..
يت أم مشاري ووراها مناف..

أبو مشاري بحزم: هبه اللي سويتيه يمكن كان بدافع الحب الجنوني لي بس قلبي صار أسود
من ناحيتج..روز للحين قلبي محترق عليها وعلى عزيز اللي حطمتيه واهو ماله ذنب..بس مستحيل أنسى أن نيرون ماتت بسبتج..هبه أنتـــي طالق..

الكل انصدم..مشاري ومناف وعزيز وقفوا مع بعض: يـــــبه

صبا بسرعه: ليش يبه ليش..
أبو مشاري بحسره: أنا آسف يا
عيال بس ما أقدر اصبر أكثر من جذي..ما أقدر..أنا بروح أفتح بيتي الثاني وأعيش فيه..بعيش بالمكان اللي لقيت فيه الراحه..عزيز وصبا ولمى أبيهم معاي..
أما مناف ومشاري رجال يشيلون نفسهم
ودخل داخل بدون مجال للنقاش..
أم مشاري ما أظهرت أي ردة فعل غير البرود..ودخلت اهي بعد داخل..
مشاري فتح أزرة ثوبه: لا إله إلا
الـــله..
العنوود بسرعه قعدت عنده تهديه: اهدأ حبيبي ولا تنفعل..اللي صار قضاء وقدر ما نقدر نغيره..
مشاري تنهد بقوة: هذي أمي يالعنود أمـــي..
مناف بضيق: أنا طالع..دقيقه زياده واختنق..
وطلع وصفق الباب بقووووووه
..
ـــــــــــــــــــــــــــــــــــــــــ

# وبعـــد مرور 4 شهور #

عامر خطب صبا بعد ما أصر عمه أنه ما يتأجل أكثر..

جراح وفجر تمموا ملجتهم وقرروا زواجهم بعد 3 شهور..

العنود دخلت بالشهر السابع بحملها ومشاري مانعها من الحركه..

شجون دخلت بشهرها الثامن وبالسونار طلعت حامل بولد..



ليلة عرس زياد ووجدان..

بفيلا أبو فـــهــــــد..
الساعه 10بالليل..

بغرفة أريج..
طلعت من الحمام ميته خوف وتبجي بعد ما تأكدت من شكوكها..

قعدت عالسرير تبجي بندم: حامـــل..يالله شسوي الحيـــن شسوي..شقول إذا عرفوا الناس
..شقول لأبوي ولفهد ولمشعل..مشعـــل..لا إلا مشعل..لازم أكلم وسام يخطبني لازم يصلح غلطته ويعترف بولده..
بس بالأول اتأكد..آآآآآآآآه إهى إهى إهى إهى إهى إهى إهى إهى إهى إهى إهى إهى إهى

وبعد بجي استمر ساعتين..قامت
غسلت وجهها ولبست وطلعت من البيت بعد ما تأكدت أن الكل نام..

راحت المستوصف وسوت التحاليل وفعلا طلعت حامل بالشهر الثـــالث وهي ما تدري..

أريج طلعت تمشي عالرصيف ودقت على وسام بس طلع لها مفصول عن الخدمه..انجنت وطار عقلها وظلت تحاول وتحاول وأخر شـــي راحت تدور
عنه بالأسواق والمقاهي وتسأل
عن اسمه بس محد عرف أحد بهالأسم..وأخر حل راحت البحر
ودورت عن اليخت وشافته..وراحت تدوره..

كان قاعد مع ربعه عند اليخت عالبحر يلعبون جنجفه..
نبيل شافها وبدهشه: أريـــج..ترك الورق وقام لها وخذاها بزواية وبحده: أنتي شيابج..
أريج بدموع: وسام أنا حـــامل
..
نبيل ضحك:هههههههههههههههههه
حامل..مبرووك..
أريج باستغراب: أقولـــك حامل تضحك..ينيت أنت
نبيل مسك ذراعها ولواها بحده:
شوفي عاد احترمي نفسج ولا تغلطين..ويلا فارجي ومابي أشوف رقعة ويهج هني مره ثانية يـــلا
أريج تألمت بس كابرت: ما راح أرووووح..ما أروح إلا لما تصلح غلطتك وتتزوجني وتعترف بولدك..
نبيل بحده عطاها كف: طــــراخ
شوفي عاد انقلعي عني قبل ما ارتكب فيج جريمه..وأنا ما يشرفني ارتبط بوحده مثلج..ولا
يشرفني تكونين أم لولدي..
ودزها بقووووة وطاحت عالأرض وانترس وجهها تراب..

أريج ظلت تبجي وتتحسر على نفسها وشرفها اللي ضاع بغباءها..بس بعد شنو..بعد ما ندمت وحطت راس أبوها بالوحل..ظلت ساعات تبجي وتصرخ..ولما ملت قامت وهي تحس أنها ماتت..مشت ورجعت البيت..

 

[برنسس أوراق]

يوم عرس (زيـــاد & وجدان)..

بفيلا أبو الولـيـــد..
الساعه 2 الظهر..

أم الوليد نزلت لابسه عباتها ووراها فجر وأبرار..: وليد يمه يلا قوم وصلنا الصالون تأخرنا

الوليد باعتراض: بتحضرين عرس زياد يمه
أم الوليد بطيب: هذا عرس بنت
أختي وأنا ما أقدر أخليها بروحها..

الوليد وقف: ونسيتي أنهم رفضوني..رفضوا ولدج يمه..
أم الوليد: حتى لو..يمكن البنت مو من نصيبك..
الوليد بنفسه[قربت يازياد قربت]
:أووك براحتج يمه بس يكون بعلمج أني حجزت تذكره وباجر
بسافر إن شاء الله..
أبو الوليد تدخل: تسافر وين تروح..
الوليد بارتباك: ها..بسافر لندن..إيه لندن عشان أخذ دورة لغة برمجيات وإذا رجعت بشتغل معاك بالشركه..
أبو الوليد صدق: صـــج يبه..هذي ساعة المنى..ما بغيت تفكر صح..
أم الوليد ابتسمت: دام جذي روح
يمه الله يوفقك..ويلا قوم وصلنا
ترى تأخرنا..
الوليد ابتسم: يلا امشوا..
ـــــــــــــــــــــــــــــــــــــــــ



توقعاتكم؟؟

على شنوو ناوي الوليد؟؟

أريج وحملهااا وضياااعهااا..شنوو معقوله يصير فيهاااا؟؟

وابطالناا زيااد ووجدان وحياتهم اليديده..

 

[Zozαĺiиaђ]

امممممم مشاااااااااااااااااااااااااري نفففففففس الشيي الي صااار يوم ماتت روز سوته الحين ليمن ماتت نيرون
نددم و ذابحه روحها بجي و انها تابت و مادري شنو و حابسه رووحه و ردت العن من قبل :/


عبدالعزيييييييز اكثر واحد كاسر خاطري بجيت ليمن قعد يكلم امه

و ارييييييييج تستاااهل هالمصييييبه على الي سوووته باختهاا
اتوقع مشعل بيرتكب فيها جريمه و بيذبحها @@!

و اهم شي الوليد ليمن قال ولدهم ماخذ حبيبتي @@
من متى صارت حبيبته حلوه هاذي
مو اول شي ما كانت عاجبته و ما ترضي غرور وليد ال.. :/
الله يستر منه شكله ناوي على سالفه قشره :/

يعطييييييج العاااااااافيه :*

 

[جفاكـ ضيع غلآكـ]

عجييييب البارت رووعه


يسسسلمو حبي

 

[shambooka]

الله يستر من الولييييد واااااي حقوووود حده و شايف نفسه وع وع
و اريج الله يعينها علئ حالها
و امبي امبي حدي احاتي سالفه وجدان الوليد بسوي بلوته و يقول انه مسافر جذااااب
و يسلمووو يا قلبي و ناطرينج ببارتات يديده *

 

[برنسس أوراق]

امممممم مشاااااااااااااااااااااااااري نفففففففس الشيي الي صااار يوم ماتت روز سوته الحين ليمن ماتت نيرون
نددم و ذابحه روحها بجي و انها تابت و مادري شنو و حابسه رووحه و ردت العن من قبل :/


عبدالعزيييييييز اكثر واحد كاسر خاطري بجيت ليمن قعد يكلم امه

و ارييييييييج تستاااهل هالمصييييبه على الي سوووته باختهاا
اتوقع مشعل بيرتكب فيها جريمه و بيذبحها @@!

و اهم شي الوليد ليمن قال ولدهم ماخذ حبيبتي @@
من متى صارت حبيبته حلوه هاذي
مو اول شي ما كانت عاجبته و ما ترضي غرور وليد ال.. :/
الله يستر منه شكله ناوي على سالفه قشره :/

يعطييييييج العاااااااافيه :*

تعجبني ملاحظتج ودقتج بالكلماااااات..يسلموووو عالردوووووووووود..ئي والله حتى انااا كسر خااااطري عزييييييييز

 

[برنسس أوراق]

الله يستر من الولييييد واااااي حقوووود حده و شايف نفسه وع وع
و اريج الله يعينها علئ حالها
و امبي امبي حدي احاتي سالفه وجدان الوليد بسوي بلوته و يقول انه مسافر جذااااب
و يسلمووو يا قلبي و ناطرينج ببارتات يديده *

ئي والله اللي يستر منه..العفوووووو

 

[برنسس أوراق]

Yup-yup: العفووووووووو قلبي

 

[بيبي 22]

:eh_s(2):
مساكييين اليهااال امهم ماتت بس زين سوى بو مشاري طلق الشرية مرته :eh_s(14): رفعت ضغطي والله
واريييييجووو زين صاار فيها على اللي سوته ان شاء الله اخوانها يدرووون عنها ويذبحوونها ونفتك منها :rerrerek::yaaaaaarb:
وفديــــــــــــت البنات الحمل صج وناسة هههههههههههههههه :ggdw:
ان شاء الله الوليييد ما يعفس الليييلة ... مصخها ترى يعني البنت ما تبيييه غصب تاخذه يعني صج مغرووور ومتكبر :eh_s(14):​

نبي بارت بعد عفية عشاان خاطري :ggdw::eh_s(7):
وثانكس حياااتي :eh_s(7)::eh_s(7):​

 

[يكفي إني كويتيه]

تسلمييين على البارت الي روعه مثلج
و ما اقوول الا الله يستر من الي جاي
و بالتوفيق قلبووووو

 

[برنسس أوراق]

تسلمييين على البارت الي روعه مثلج
و ما اقوول الا الله يستر من الي جاي
و بالتوفيق قلبووووو

العفووووو قلبووووووو واليااااااي احلى هههههههههه

 

[يكفي إني كويتيه]

تقدرين تنزلين بارت الحين >>> أدري طراره واتشرط
بس شسوي قصتج ابدااااع

 

[بيبي 22]

عفية عشانننا نزلي بعد بارت ولا ننطر لين باجر ؟؟ :eh_s(10): " طرارة وتشرط من قلب هههههه"
تسلميـــــــــــــــــــــن وما تقصرييين حبيبتي والله اني انعجبت فيج وبرواياتج كلها :eh_s(7):

نبي بارتااات
بارتااات
بارتاات
بارتات ​

 

[shambooka]

يالله حبووبه نبي باااارت
البارت الي قبل توقعت و طلع توقعي صح
الحين بشوف امبي ماني قادره انطر
و ليش ما تردين على مشاركاتي ( أنا و الله احبج

 

[مشكلتي آهوااه]

اممممم اتوقع الوليد يدعم زياااد وينحاش

كاسرين خاطري بنات نيروون توهم صغار

يسلموووو عالبارت

 

[برنسس أوراق]

يالله حبووبه نبي باااارت
البارت الي قبل توقعت و طلع توقعي صح
الحين بشوف امبي ماني قادره انطر
و ليش ما تردين على مشاركاتي ( أنا و الله احبج

فديتج وانا بعد احبج ورديت على كل المشاركات بس شكلج ما انتبهتي

 

[برنسس أوراق]

تقدرين تنزلين بارت الحين >>> أدري طراره واتشرط
بس شسوي قصتج ابدااااع

حبيبتي انتي والله بهالوقت كنت طالعه من النت وما شفت ردودكم وﻻ جان نزلت ولعيونكم اراضيكم ببارتااااااات

 

[برنسس أوراق]

عفية عشانننا نزلي بعد بارت ولا ننطر لين باجر ؟؟ :eh_s(10): " طرارة وتشرط من قلب هههههه"
تسلميـــــــــــــــــــــن وما تقصرييين حبيبتي والله اني انعجبت فيج وبرواياتج كلها :eh_s(7):

نبي بارتااات
بارتااات
بارتاات
بارتات ​

ياقلبووووووو انتي ولله راح انزل بااااااااارتات

 

[برنسس أوراق]

اممممم اتوقع الوليد يدعم زياااد وينحاش

كاسرين خاطري بنات نيروون توهم صغار

يسلموووو عالبارت

العفوووو قلبي..امممم البارتات بتعرفين فيها إذا توقعج صح وﻻ غلطططط