منو جددت بطاقتها المدنية..وشنو الطلبات..الي موظفه بالبطاقه تدخل

[شموخ الجبال]

مرحبا


بنات بجدد بطاقتيي


بس بعرف شنو مقاس الصوره والخلفيه صج لازم لون معين ولا؟


وكم صوره

ويبون فصيله دم ولا


ياليت تفيدوني شنو الطلبات


ولازم اطلع البطاقه الذكيه هالشهر صج ولا؟معت فيه غرامه

 

[سندبادماركت]

افضل شي انج تدخلين على موقع الحكومة الالكترونية الكويت او مباشره موقع الخدمة المدنية الكويت وراح تلقين طلبات تجديد البطاقة المدنية بالنسبه للتصوير روحي اي مصور وقوليله تصوير بطاقة مدنيه يعرف الخلفية واللون
بطاقتج ما عليها مخالفة ما تدفعين غير دينارين حق المكينة
بطاقتج عليها مخالفة تدفعين 20 دك + دينارين المكينه
قدمي الطلب بمركز خدمة المجتمع احسنلج لا تروحين الخدمة المدنيه لانها زحمه وراح تضطرين تروحين اذا عنوانج يحتاج تغيير
شكرا

 

[سآق نملة]

انا مسويه البطاقه الصورة عادية قولي حق المصور للبطاقه المدنية ..

ولازم فصيلة دم اتروحين للمستوصف وتطلبين فصيلة دم وانتي واقفه يعطونج النتيجه بورقه وتقدمين ورقة فصيلة الدم مع الصور ..

وبالنسبة لخلفية الصور لا مو لازم لون معين عادي ..

اتمنى افدتج

 

[سآق نملة]

وترا فصيلة الدم حتى لو ابطاقتج القديمة فصيلة دم لازم اتسوين يديده ..

<< ما يعترفون بفصيلة الدم اللي بالبطاقه القديمه لووووووووووووول

 

[أم نواف غير]

صح لازم فصيله الدم

 

[G!RLY-PAci]

لا يبا مالج شغل بكل الحجي اللي انقال
انا اختي تشتغل هناك
تغيير البطاقه المدنيه
اذا بتغيرين عنوان الطلبات هي :
1- صورة وثيقه البيت او عقد الايجار اذا كنتي مأجرة واخر وصلين اجار
2- صورة البطاقه المدنيه القديمه
فصيله دم واذا مافي ببطاقتج القديمه فصيله دم تقدرين تصورين صورة الليسن لان بالليسن فيه فصيله دم.
3- عدد 2 صورة والراس لازم يكون سيدا يعني لاتطالعين يمين ويسار لان السكنر ماراح يقبلها والخلفيه لااااازم ازرق.
4- صورة الجواز ((لان راح ينكتب اسمج بالانجليزي بالبطاقه المدنيه اليديده ))
واذا البطاقه ضايعه الطلبات هي :
1- اي اثبات اصلي (جنسيه او جواز او ليسن صاحب العلاقه ولازم حضورة )
2- عدد 2 صورة الوجه سيدا والخلفيه زرقا .
3- فصيله الدم .
4-صورة الجواز .
واذا البطاقه منتهيه الطلبات هي :
1- 2 صورة خلفيه زرقا والويه سيدا .
2- صورة الجواز
3- فصيله الدم .

 

[شموخ الجبال]

انا بطاقتي ضايعه وبطلع البطاقه الذكيه لان مالتي الي ضاعت قديمه


يعني لازم حتى عقد البيت والفصيله والصور جم صوره

 

[شموخ الجبال]

وينكم

 

[أحبج يمه]

للرفع

 

[G!RLY-PAci]

انا بطاقتي ضايعه وبطلع البطاقه الذكيه لان مالتي الي ضاعت قديمه


يعني لازم حتى عقد البيت والفصيله والصور جم صوره

لا حبيبتي اذا انتي بطاقتج ظايعه وبس بتطلعين البطاقه اليديده وماتبين تغيرين عنوان ولاتبين تغيرين شي فيها...خلاص الطلبات بس تكون طلبات البطاقه الضايعه اللي اهيا اثبات اصلي وصورة جواز وصورتين خلفيه زرقا والويه سيدا وصورة البطاقه المدنيه,,وقلت لج اذا فيها فصيله دم خلاص عادي اما اذا مافيها اما انج تييبين صورة ليسنج لان بالليسن موجود فصيله الدم او انج تييبين فصيله دم من المستوصف وتييبين معاج 11 دينار -- 10 للتجديد ودينار للشهاده
وراح تنطرين شهرين عل ماتطلع​

 

[شموخ الجبال]

مشكووره ع الرد

 

[شموخ الجبال]

بنات البطاقه المدنيه الجديده ينسافر فيها؟؟

وانتو تقولون شهرين وتطلع واذا شهرين ماطلعتها ماقدر اسافر بالجواز؟

 

[شموخ الجبال]

ردو



اب