السعوديات المتزوجات كويتيين وبنات الجهراء ممكن ؟

[♥ SWeeRa ♥]

ياحلو الجهرااااا

 

[الآنسة الشحرورة]

سويرا اشكرك وانتي الحلوة

 

[جـوود الحب]

انا العكس ساكنه بالسعوديه هههههه
موووفقه حبيبتي

 

[آتعــبني غـلآآك]

حبيبتي فكري عدل قبل لاتوافقين ترا الغربه صعبه
الله يوفقج​

 

[مريومه الرشيدي]

حبيبتي انا قريبتي سعوديه وسكانه بالكويت اخذها كويتي بالجهراء والحمدلله الامور ماشيه والحين عندها منه عيال الجهراء شويه بعيده عن المناطق الثانيه مو بعيده حيل اقل من نص ساعه الطريق بس احنا بالكويت الحمدلله المناطق كلها يم بعض يمكن بس الجهراء وام الهيمان البعيدات بس مو نفس السعوديه الله يحفظها من الرياض للشرقيه سفر واجد ناس اعرفهم والله اهلهم بالقصيم وحايل والدمام ومتزوجين كويتيين وعسى الله يكتبلج النصيب اللي يسعدج اهم شي استخيريوالباقي على الله

 

[ALBAROUNA.FAJER]

الجهراوين نفس نظام السعوديه 99% منهم منقبات وعبايات كلش مو نفس داخل الديره
وعيالها نظامهم شماغ ودشداشه 1% الي يلبس بدله


عموماً صلي الاستخاره ، والله يوفقج

 

[قيم واخلاق]

الجهرا منطقه ولا اروع منها اغلبيتها بدو واهم شي الرجال اللي تزوجينه واخلاقه ودينه والله يوفقج ويكتبلج اللي فيه الخير

 

[cat-girlq8]

تدرين عاد مع اني مو ساكنه بالجهرا بس والله انه ابوي يقول انه عيال الجهرا خوش ناس والريايل هناك شقرديه وسنعين

 

[ضماي هو وهناي]

جهراوي يعني كويتي ....
ماكو فرق بالمره .... والكويت صغيره اللي يصير بالجهرا يعني بالكويت ...وكل اهل الكويت يعرفون بعض واذا ما يعرفون بعض شخصي العوايل والقبايل معروفه ...
الجهرا الاغلبيه قبايل وقليل حضر .. والعاصمه وضواحيها مختلطه بالعوايل الحضريه والقبليه المتحضره ... الاحمدي والفحيحيل نفس الشي .....نفس الجهرا ... الجهرا اغلبها قبايل الشمال والعاشره اللي هي الاحمدي والفحيحيل والصباحيه الاغلبيه جنوب .. والفروانيه عاد بالضبط ماادري بس هم قبايل وقله قليله حضر بس ترا كلهم كلهم محضرين من الجد للاب للابن للحفيد ....مافي بدو بدو الا يمكطن باللهجه واللبس بالنسبه للبنات ........... وسلامة عمرج ..
انت على بالج انهم غير بالعادات والتقاليد وماادري شنو لا هو بس الاذان ياذن بعد ما ياذن بالعاصمه بدقيقتين وبس ...
وتبين الصج الصج ... ا لجهرا ونييييييييييييييسه ومنطقه الحياه فيها على مدار اليوم لليوم البيبان مفتوحه والناس تمشي بين البيوت وبرمضان وغيره تشوفين الصواني رايحه راده ........... وبالعيد الثلاث ايام تحسينها عيد ..عيد ...........
ياحلو الجهرا مع اني مو جهراويه ويشرفني والله بس احبهاواحب اهلها اللي عشت ايام بالطفوله بينهم مع انها اشهر بس يااختي غير تهبل الجهراء ..
ماعليج من السوالف اللي تنذكر فيها تراها حالها حال المناطق الثانيه بس لانها بارزه ومنطقه من بدايه الكويت معروفه ومعروفين اهلها يلفت النظر اي شي يصير فيها .......................

 

[الغلا كله لبوي]

ههههههههههه ليكون انتي زوجت اخوي وانا ما ادري اخوي خاطب سعوديه وساكن بالجهراء

 

[مهـــــآ]

السلام عليكم ..


شوفي حبيبتي ..دآمج ماخذهـ جهروآآي جنج ماطلعتي من السعوديه (ولاقصورن بالمنآطق الثانيه)
لووول:eh_s(9):

وبعدين حبيبتي الزوآآج سبحآآنه توآفيـــق ....يعني يمكن ترتاحين اكثر بهالانسسسسسآن ..



وخلي عنج قوقل ...ولاتسوين سيرج لووول ووكلي امرج لله سبحآنه وتعالى




بالتوفيــــــــــــق حبيبتي

 

[ميشووو]

حبيت اقول الله يوفقج معاه

واهل الجهرا حبوبين <<


انا العكس كويتيه وساكنه بالرياض >>


شوفي صج غربه بس صدقيني بترتاحين >>>


اسالي عنه وتوكلي علي الله

 

[قلب ضعيف]

ههههههههههه ليكون انتي زوجت اخوي وانا ما ادري اخوي خاطب سعوديه وساكن بالجهراء

هههههههههههههههه تخيلي تطلع خطيبت اخوج

ساكن بالجهراء هو عزابي ولا متزوج :eh_s(9):

 

[غرق بالماي]

إذا الريال زين وخلوق ما يهم المكان اللي عايش فيه

بس حطي في بالج إن الغربة صعبة
صحيح الكويت مو بعيد عن السعودية بس ما راح تقدرين تزورين أهلج في أي وقت
والبنت أول ما تتزوج تحتاج وايد لأهلها وما تقدر تبتعد عنهم بسهولة
فلازم تقوين علاقتج باهله علشان يخففون عنج إحساسج بالغربة

والله الموفق

صح كلامج ياقلبي



وانا بنسبه لي مااااااااااااااحب الجهرء اكره ولا احب اشوفها ولا اروح لها وييييييييييييع


احسها هيييييييييييييلق

 

[على الطيب تربيت]

عفوا الي فوووقي شوي شوي على فمج وانتي تقووولين وييع هيلق اخاف عليج لاينشق هالفم

صج اني مو من اهل الجهرا بس دامها بالكويت فهي حلوه وناسها اطيب نااااس ومايعيب الا المعيوب


وياصاحبة الموضوع مالج شغل بالسكن لج شغل بصلاة الرجل واخلاقه واستخيري وياعل ربي يوفقج

 

[الغلا كله لبوي]

هههههههههههههههه تخيلي تطلع خطيبت اخوج

ساكن بالجهراء هو عزابي ولا متزوج :eh_s(9):

لا عزابي وهو خاطب سعوديه اخاف تكون زوجته ياربي ياحبي للفضول هههههههههه

 

[رتو الكيوت]

انا مو صغيرة
انا من الرياض وحضرية وهو بدوي وكويتي ياليت تقولين الفروق
اشكرك من كل قلبي

شوفي اذا انتي منقبه وتلبسين عباااه واجتماعيه راعيه مواجيب وروحات وجيات عروووس

واهل الجهرا فيهم ميزه زوارات الجيران مشاللله دااايم !

وتعرفين نمط هالبدوووي ومتقبله نمط اسلوبه بالحياه

مممكن مايدخل الديره في ناس شكثر ماايدشون الديره بالجهرا حياتهم كلها ما يطلعون منها

محد راح يفيدج الا احد يعرف العريس عدل عدل يعرف شاسلوبه بالحياه لان الناس مو سوساسيه مو اساس منطقته الجهرا يصير حجررر وبدوي ومقفل رااسه لا ممكن يصير فررري بزيااده
والعكس ممكن تلقين نااس بالمناطق الداخليه قااافلين حييييييييييييييييييييل !

وترا انا اشوف سعوديه تجي تعيش بالكويت تسااانس دااايم نااادر تحلطم

اما كويتيه تروح السعوديه هي الي تتعب من الغربه لان في اشيا شكثر تغير عليهاااااااا

وعيشه الكويت حلوووة ترا :eh_s(22):


ومووفقه

 

[قسبجا]

ههههههههه الحمد لله والشكر داشين يحرون بعض

يبه البنت تسال عن الغربه والزواج من غير ولد ديرتها

حبيبتي انا اقولج خلج بديرتج تر الغربه شينه اهم شي تكونين بين اهلج وعزوجتج والناس الي يحبونج

 

[قسبجا]

موفقه خير

 

[shasha_bahrain]

الله يوفقج ان شاءالله.. الخليج واحد وماظن بتحسين بالغربه وتقدرين تزورين هلج بالاجازات
الله يتمم عليج ان شاءالله ويسعدج دام اخلاقه زينه توكلي على الله