اضراب للمعلمات بمدرسة بالاحمدى

[عصير ليمون]

على كلامج الله يكون في عونكم ،، مو مدرسة هذي صارت حارت كل من إيدواا إلووو

الاعتصام شويه عليه ،، شنو جايبه شرطي حق المنطقة ،، والله قويه ،،

إن شاء الله الامور تتصلح ،، وبصراحه نشد على إيدينكم وقلوبنا معاكم ،،،

 

[كلمات عابره]

الشرهه مو عليهم الشرهه على ناظرتهم االخرطي
والا مدرسات يستقوون والناظره طماشه ماتوقفهم عند حدهم شي مايدش العقل
المعروف ان الناظره لها صلاحيات ممكن تنقلهم من مدرستها
والله فوضى في شي مو طبيعي اللي يصير بمدرستهم
بصراحه المفروض الناظره تتعاقب معاهم لانها ماوقفتهم عند حدهم والا كل معلمات المدرسه ضد هالاربعه والناظره تتفرج ماحولتهم على التحقيق الاربعه ليش ؟؟
ماوقفتهم عند حدهم ليش ؟؟
والا مدرسه عاديه تاخذ مايك الاذاعه وتهدد
والله احنا بزمن العجايب

 

[اخت شيوخ]

شاكره لكم جميعا وقفتكم معانا بس دعواتكم لان فعلا احنا خايفين ينقلب الوضع علينا لان الحبيبات مسنوداااات
الشي الثاني الاخت احاسيس ومشاعر تسالين ليش الناظرة ساكته لانها فعلا خايفه وتعترف تقول انا خايفه انطق خصوصا انها اول سنه نظارة فتعتبر ندب فما تبي اي مشكله عليها حتى تتثب

الشخصيات كما طلبتيها
معلمة فنية (سوابق) + معلمة بدنية (نقل تأديبي)+ رئيسة قسم بدنيه لكن مو متأكدة اذا نقل تأديبي او لا + معلمة اسلاميه
طبعا هذيلا راس العصابه وفيه لهم حاشيه وتوابع

وكل مترديه ونطيحه من نصيب دائما ابوعبيدة بن الجراح


وين ايامج يا فاطمه المطيري كانت ناظرة والنعم فيها ضابطه المدرسه وكانت مدرسه نموذجيه ايامها وكل اولياء الامور يحاولون ينقلون عيالهم من المدرسه الي بالقطعه الثانيه عندنا.... الله يمسيج بالخير 

 

[مبرووكه]

رئيسة قسم البدنية ومعلمة البدنية إكس في كل شي لأدب ولا أخلاق كانوا معاي بمدرستي حتى رئيسة قسمهم جنننوها وإنتقلت إبسبتهم,, والحمد الله إفتكينا منهم وراحوا مع بعض عفيه واسطه إتعين رئيسة قسم ورفيجتها بمدرسة وحده ،، نصيحه لاتسكتون عن هالخمه عاملوهم بالمثل إهم مايحترمون ولا يقدرون أحد إلسانهم طويل،، كثرو ا من الشكاوي عليهم وإرفعوا قضية ضدهم بالمحكمه التربية مارا ح إتسويلكم شي وبيداومون معاكم لين آخر السنه لأن النقل يكون بداية العام وإنتقامهم صعب،، كل شي توقعوه منهم..
الله ينصركم عليهم ويأخذهم أخذ عزيز مقتدر.....
أمانه بلغينا بآخر التطورات وآنا صراحه صار لي مواقف شخصية معاهم خليتهم ياكلون تبن حشاج..وألحين طاحوا بشرأعمالهم ويارب يفصلونهم .......

 

[الجوهرة777]

شنو ؟؟ وين قاعدين ؟؟

ما وراهم رياجيل يحسبون لهم حساب

شايخين ببنات الناس

وبعيال الناس ( الصبيان )

ومحد قادر يلمهم

انا سمعت بعض الشغلات عنهم ولاعت جبدي منهم

الله يعينكم ويفكم منهم

وما اعتقد انهم يصلحون للتدريس

التدريس يبيله وساعة صدر واحترام متبادل

والأهم ان الوحدة تحترم نفسها علشان تكون قدوة


وهذيلا مصدع

الله يبعدهم عنا ويكفينا شرهم

 

[اخت شيوخ]

لو وراهم رياجيل ماكان شاخوا ولا سووا الي سووه

كلامج مضبوط اخت مبرووكه صح الثنتين جايين مع بعض ومن اول ما جاوا سبحان الله محد ارتاح لهم

لكن هذا ما يعني ان احنا تعادينا لهم لا حشى لكن سيماهم على وجوههم

حسبي الله ونعم الوكيل .... اللهم اظهر الحق وكن مع الحق ولا تشمت بنا اعدائك اللهم آمييييييين

 

[المتميزة*]

الله ينصركم عليهم وينفصلونلأن هذيلا مو كفوامعلمات يربون أجيال

 

[جيتك تعال]

صرااحة من كلامكم حسيت اني اشووف فيفي عبدوو وربعها الهيلق
هذيل تربية حواري تربو عالطق والتجعم وقلة الكرامة والدنيا لطشتهم
ما تعدودو من صغرهم على الاحترام عشان جذيه ما يعرفونه
يبيلهم دورة كم شهر بسجن نساء طره في مصر عشاان يتربون عدل
لان هالنوعية هي الي تعرف تتعامل مع الهلاقة

 

[مسك ابيض وورد]

الله يعينكم وينصركم وان شاء الله فصل من الوزارة والمفروض ان الناس اللي تدعمهم وساندتهم ن\\\\\\\\\\\\\\\\\\\\تقولين اسماؤهم وينشهرون عند الناس​

 

[gorasm]

حياتي الله ينصركم يارب ويرد كيدهم بنحرهم
بس ماتحسون إن المرأه إذا وصلت لهلمرحله من البلطجه معناتها فسادها حتى إخلاقيا .... فهمتوني:080402ask_prv: ولا منو يوقف ورا ناس من هالنوعيه أكيد فايدينه بشئ ثاني أستحي أفسر أكثر من جذي....... الصراحه حدي أحتريت بس الله يثبتكم ولا يضركم

 

[(كويتيه عسل)]

امبيه شنو هذا وين قاعدين ؟؟؟

والحين شصار على الابلات ال4 شسوو فيهم ؟

 

[اخت شيوخ]

(gorasm) صح لسانج

(كويتيه عسل) الاعتصام كان الخميس ومدير المنطقة وعدنا اسبوع وتنحل المشكله
من يوم الاحد راح تجي لجنه تحقيق تحقق مع الكل لتظهر الحق

تعرفون مسرحيه مدرسة المشاغبين لما يقول ( المدارس باااااازت يا قدعااااان)
هذا حال التربيه هالايام

 

[مبرووكه]

إختي اخت شيوخ بلغينا بآخر الأخبار عن وضعكم ،،،والله ندعيلكم من كل قلبنا الله ينصركم على هالشله البلطجيه ويكيفيكم شرهم،،
وخلوا كلمتكم وحده ماراح إنداوم مدام هالأشكال بالمدرسه خل يوقفونهم عن العمل لتستقر العملية التعليمية وبعدين يحققون.
وعلى فكره تراهم بيلعبون معاكم لعبة الأعصاب وبيشوشرون عليكم جدام المحققين عشان يستفزونكم وتغلطون عليهم ويصير الحق لهم ،، بلغي ربعج تمسكون أعصابكم عدل وتحقرونهم،،، لما يخلص التحقيق..
وبالتوفيق.

 

[اخت شيوخ]

ماشاء الله عليج يا مبرووووكه فاهمتهم عدل .... ليش انا مو قلت ان ثنتين دخلوا علينا بالاجتماع الي مع مدير المنطقه والمراقبه وقاموا يغلطون علينا واحنا الخمسين واكثر سااااااكتين .... ندري انهم يبون يستفزونا عشان يمسكون علينا شي بس الله يكون ويانا ان شاء الله ... يعني معقوله احنا بهذا العدد مانقدر نمسكهم ونلعن خيرهم؟؟؟ لكن اخلاقنا وتربيتنا ما تسمح لنا ننزل مستوانا لمثل هالأشكال ان شاء الله البنات يكونون حليمات وصبورات هالاسبوع لين تعدي السالفه

 

[اريج الجوري]

استغفر الله العلي العظيم ,,,

ما اصدق اللي اقراه !!! وين قاعدين بمدارس او سجون ؟؟؟

هذول كويتيتات ؟؟؟

وصلنا لهالمرحله من قلة الادب والاحترام لا ومعلمات بعد !!!

اللهم لا تواخذنا بما فعل السفهاء منا ...

 

[كويتية82]

هذيل يطلق عليهم مربيات اجيال والله حرام هذيل مدمرات اجيال مفسدات اجيال
الله يكون بعونكم وينصركم عليهم والله مع الحق دامكم على حق لاتحاتون ربي بينصركم​

 

[الرحيق]

شوفي حبيبتي ..

انا اقولج اياها من الحين
عندج واسطه قويه توكلي على الله
والله خوفا عليكم لا ينهضم حقكم
قلت لج احنا فاهمين شغل المنطقة
والأفضل لكم ..
تعينون لكم محامي ..
والله اتكلم جد
لا تنطرون من المنطقة شي
شفيج انتي .. يبا عارفين خمارهم وبلاويهم
وربي دامها طلعت في الجرايد الحين الا مايطلعونكم انتوا الغلطانين
المهم يورون للكل ان المنطقة هاديه والوضع مسيطر عليه .. ومافي مشاكل
وسئلوا شوفوا جم واحد والا وحده اشتكت واقلبوا السالفه عليها ..

انا نصحتج وانا اختج
حطوا لكم محامي ..
بس ودي افهم اهم هالمدرسات .. شنو قصتهم بالضبط ..
شلون بدت السالفه ..

 

[(كويتيه عسل)]

انا شفت بعيني ابله مظلومه قلبو السالفه عليها

لا تقولين الشؤون القانونيه يردون حقنا كل اللي في المنطقه ربع وكل واحد يغطي للثاني

مادام عندكم شهود ومستندنات وادله خلي القانون اييب حقج بالمحكمه

اهني صج تردون كرامتكم وهالابلات ال4 اللي سبوكم

ترى المسبه فيها سجن 6 أشهر

موتقولين خصم 4 دنانيرمثل الشؤون القانويه الخرطي خليهم يكونون عبره لمن يعتبر

واذا تبون محامي أعرف وايد محاميين دزيلي على الخاص اعطيج أعطيج أرقامهم

 

[PuPa^^SWeeT]

والله ضيييم

لا من طالبات ولا من معلمات ؟؟؟؟

 

[fatoomm]

الله ينصركم انشالله