اشلون تتصرفون بهالموقف "مد يد الطفل على الام" !!

[mariam_q8]

السلام عليكم

بنات انا ولدي عمره سنه ونص و صارله ٤ ايام كل اذا شي بيده يعوره او ببدله او ابي اخذ شي منه او مااا عطيته على طوول يبدي يطقي على وييهي و ماا يوقف مااا يعور بس غلط لازم اعلمه ما يسوي هشي وولدي يروح حضانه فيمكن متعلم من اهنااك بس شنو اسوي عشان يعرف ان هشي غلط و ينسى

 

[lovely jojo]

بنتي كانت جذي وكانت طراقاتها اتعور ههههه ..
بعدين قعدت امسك ايدها واقولها لأ واعصب ما اخليها اتطقني بعدها بفترة فهمت هالشي غلط وتعدل سلوكها فديتها

 

[ديانا سبنسر]

لاتتهاونين بهالشي عصبي وبينيله ان هذا الشي غلط حتى لو وصل الامر تطفينه على ايده ولايهمج بجاه مرة مرتين راح يتعلم

 

[Cute mama]

واي انا احاول اعصب بس ماقدر اتييلي الضحكه :jumpon:
ادري هالشي غلط بس ماقدر امسك روحي

 

[ZajiL]

ترى هالعمر اغلب اليهال يسون جذي
مو بقصد الطق او انه يبي يهينج لا لانه بعده عنونو مايستوعب
اول شي تقدرين تمسكين ايده بس لاتعصبين وايد لانه لو عصبتي
راح تركز بمخه ويتعمد
اخذيها عن طريق لعب اذا بده يطق اخذي ايده وطقي فيها خدوده بس مو حيل جنه تلعبين معاه
ودلدقيه وضعي السالفه مره على مره على مره بينسى
هذا بالنسبه للبيبي الي قبل السنتين

بو سنتين وفوق لا لازم تشدين عليه انا ودلي عمره سنتين ونص اشد عليه لانه اني بده يستوعب
وقوليا لا دودو وسوي روحج تبجين انه تالمتي اهني راح ينكسر خاطره
او انه تمسكين ايده وتقوليله لا عيب انا ماما يالله بوس ماما
يعني لمه تشدين عليه بالمقابل سوي شغله ايجابيه خليه يبوسج او يلمج
انا شقول حق ولدي لا عيب انا ماما يالله بوسه ماما بوسه ماما او لمه ماما لمه ماما
يقوم ينسى ويلمني ا و يبوسني

بس لو ازفه واصرخ عليه بعاند ويحطها في باله

 

[mariam_q8]

انا قمت امسك ايده و اقوله لا دوودوولا تطق ماما هذا غلط و يعصب زياده و يقط روحه !! و اي شي يبييه يا ياخذه يا يسويي سالفهههه :rgewrg:

 

[tmtmt]

انا امر بهالمرحله حاليا
لا وهابه تمجع ويذبح والله مرات ابجي من صج اسم الله عليها تنتف شعري

بس عاد اخيس شي عندي هالطبع الياهل يطق ا خليتها
جربت معاها كل الطرق لين الحمدالله فاد معاها

1- كنت اقولها لا وما لا وغلط ودودو . ( ما فاد ) .

2- اطقها على ايدها وتبجي . ( مافاد ) .

3- قمت احطها بالدار واسكر الباب عليها
بس قلبي عورني حيييييييل وخفت تتعقد من هالسالفه ( شوي فاد )

4- الولاعه + الفلفل ( فادوووا ) الحمدالله

وفي طريقه بنت خالتي قالتلي الدكتور قايلها
انسب شي الشمع
شبي الشمعه وخرعيه انج بتحقرينه
لن اصلا الشمعه ماتحرق لو بحوشها

ان شاءالله تفيد معاج احدى الطرق

 

[love love]

انا جربت كل الحلوول وصاجه تم تم الفلفل ساعدني باشياء وايده


بس على الطق مرات بنتي تفقد واحسها لا شعوريا لانها بعدها تكون مصدومه


مرات ازفها واعاقبها ومرات اقولها وخري عني ماابيج واخلي ابوها يقولها روحي قولي سوري لماما وبوسيها عاد اهي تبي اتيي وانا امنعها لانها طقتني وانا ماابيها خلاص امبييييييييه تفرفرررررررررر وصج بعدها تحرم وتعرف انه غلط

 

[reham123]

لو احط حق ولدي شمع يستانس هابي بيرثدي

 

[ريكاتو]

عندنا وعندكم خير

ولدي شنو شري ومجرم من كمل السنه اول ما مشى وهو مييننا ومن ناحية الطق يطق ويعض ويقرص بعد ما خلى شي واي شي جدامه يشيله ويطقنا فيه لما اوح حق زوارتنا يشيل الطاولات ويحذفها علينا عاااااااااادي تعودنا

بس لا تقوللي تربيه اخته اللي اكبر منه لما ازفها او اطقها خلاص تخاف وتسمع الكلام اما اهو ياااااساتر اطقه يطقني ازفه هم يطقني لا تشوفين جسمي شلون كله زلوق منه

 

[coralia]

اب اب الله يخليلكم عيالكم

 

[Om_Ksha]

ههههههه شمعنا تقولولهم دووودوو

 

[جوان 2020]

الله يعينا على تربيتهم بس احس اساليب سوبر ناني مفيده مع الاستمرار
الي مطفشني في ولدي انه اذا خانقته يقولي ليش ياماما تخانقيني ويبكي

 

[farawlaa1]

والله نفس معاناتي ولدي عمره سنه و نص وما ني قادره عليه مع اني عندي بنتين فوقه و ما يوصلون ربع شطانته اذا ما اخذ الشي اللي براسه يطق و يمجع و يشمخ و يقط روحه على الأرض مع اني ما اعطيه ويه و اذا طقني اطقه على ايده و اعصب عليه بس كلماله و يزيد ذبحني قمت ما احب اشيله ولا ابدله من كثر ما يطق

 

[استغفر الله%]

شوفي ياختي انا اذا سوت بنتي هالشي اقولها اني زعلانه منها وابجيب بنيه ثانيه معدله لانج تطقين امج ماتستحين!! فعلى طول تقول آسفه وتخاف تعيدها

 

[Lo0ol girl]

ترى هالعمر اغلب اليهال يسون جذي
مو بقصد الطق او انه يبي يهينج لا لانه بعده عنونو مايستوعب
اول شي تقدرين تمسكين ايده بس لاتعصبين وايد لانه لو عصبتي
راح تركز بمخه ويتعمد
اخذيها عن طريق لعب اذا بده يطق اخذي ايده وطقي فيها خدوده بس مو حيل جنه تلعبين معاه
ودلدقيه وضعي السالفه مره على مره على مره بينسى
هذا بالنسبه للبيبي الي قبل السنتين

بو سنتين وفوق لا لازم تشدين عليه انا ودلي عمره سنتين ونص اشد عليه لانه اني بده يستوعب
وقوليا لا دودو وسوي روحج تبجين انه تالمتي اهني راح ينكسر خاطره
او انه تمسكين ايده وتقوليله لا عيب انا ماما يالله بوس ماما
يعني لمه تشدين عليه بالمقابل سوي شغله ايجابيه خليه يبوسج او يلمج
انا شقول حق ولدي لا عيب انا ماما يالله بوسه ماما بوسه ماما او لمه ماما لمه ماما
يقوم ينسى ويلمني ا و يبوسني

بس لو ازفه واصرخ عليه بعاند ويحطها في باله

انتي صح انتي الصراحه راح اتصيرين ام مثاليه ام ناجحه اانا معاج اب كلمه قلتيها لو بطقه راح يعاند اما الكلام اللي قلتي ماراح يعيدها

 

[Lo0ol girl]

لو احط حق ولدي شمع يستانس هابي بيرثدي

ههههههههههههههههههههههههههههههههههههههههههههههههههههه مثلي يوم كنت صغيره يبون يخرعوني اول مايحطونه اقعد اصفق