تحبين وماصار من نصيبج ......خسارة

[عاشقة هواك]

حبيت شخص سنه كامله وخطبني وفجأه امه حنت بتروح تزور اهلها اهي من احدى الدول العربيه وأصرت ان خطيبي يروح معاها وقالي بسافر مع الوالده واول ما ارجع نملج على طول وكان الاتصال بينا تقدرون تقولون ٢٤ ساعه حتى لو بنام يقولي خلي التلفون مفتوح اقعد من النوم اشوفه للحين على الخط اسمع صوت انفاسه وهو نايم ياما قعدت على صوته وياما قعد على صوتي بس الصدمه كانت امه مقرره تسافر مو شوق حق اهلها لا كانت تبي تزوجه بنت اختها والمشكله اني ما حسيت بأي تغيير على حياته رد من السفر ونفس التواصل بينا طول اليوم الخط مفتوح بينا واحنا بالدوامات واحنا بالبت واحنا نايمين وفي يوم من الايام دقت علي وحده من رفيجاتي قالتلي ادلين صالة الافراح الفلانيه قلتلها ايه قالتلي تعالي الحين انا كنت ماره وحده من رفيجاتي وشفت خطيبج معرس قلتلها مو معقوله اكيد واحد يشابها توه معاي على الخط وسكر عشان يتسبح قالتلي مادري يمكن انا مخربطه وسكرت بس انا قلبي قرصني وقلت بروح صالة الافراح اتأكد خصوصا ان يومها بنت عمته معاي بالدوام خذت اجازه قالت عندها شغل ورزيت الويه ورحت الصاله وانصدمت ان خطيبي قاعدين يزفونه على بنت خالته اللي يابتها امها معاهم من ديرتها طبعا ما تتصورون شنو صار فيني كانت صدمت عمري رديت البيت ولاكلمه والقهر ان معرس وزافينه وكل شوي داق شلون مادري طبعا اهله شافوني بالعرس واكيد وصله الخبر اني كنت موجوده لان تلفوني ما سكت تمت يدق لي الصبح وانا ما ارد قعدت الصبح بدلت وطلعت مع اختي بكل هدوء رحت البحر قعدت وقلت حق اختي اللي صار وفجأه انفجرت بالبجي ومسكينه اختي ماتدري شتسويلي وبهالحظه قررت اني ما ارد ولا اسمع اي مبررات منه لان ماكو اي شي يبرر اللي سواه وتم يدور وراي وين ما اروح ويدق ويه البيت كلم اهلي وشرح لهم ظروفه وان تزوجها عشان امه ومازال يبيني ومستعد يملج بأسرع وقت وقعد يبجي وكسر خاطر اهلي وحاولاو يقنعوني اسامحه وقالولي يبيج حرام وانا قلبي صار صخر يات بنت عمته وقالتلي نفس الكلام وقالت حرام عليج حتى مرته مالمسها عشانج واهله قايليها كلميها ترد عليه بس وتنهي الموضوع بس تريحه وانا مستحيل اغير موقفي اشوف رقمه او اي رقم غريب ما ارد تميت سنه على هالحال لين تقدملي ريلي الحالي وبليلة عرسي شفت خطيبي السابق واقف عند الباب وشافني وانا لابسه فستان العرس وايدي بيد ريلي وطالعه بركب السياره بزفوني لي شقتي اهني بس حسيت اني حس باللي انا حسيته
وانا حاليا متزوجه صارلي ٨ سنين وما زال يحاول ان يوصلي اعتذار بس انا مازلت على رفضي وبقوه لان حاليا متزوجه وتوصلني اخبار ان شايفني اكثر من مره وشايف بناتي بس انا ما اذكر اني صادفته
طولت عليكم بس قصتي عبره هههههه

ربي يتمم عليج بس صج قهر وصدمه الي صار لج مو شويه :eh_s(11): الله يعينج شلون تحملتي

 

[داريني]

يا ربي شالمواضيع الي هابين فيها تعور القلب
الحمدالله بارض الواقع ما حصل لي
و حصلي لما كنت معجبه في فرقه واحد منهم تزوج صج تحطمت وبجيت ههههههه و صكت فيني الدنيا
والله كل ما اتذكر اضحك على روحي التفاهه والسخافه عاد جنه صج بيني وبينه شي

 

[بحر الرمال]

قهر

 

[!! شوق !!]

الله يجمعكم بالحـــلال ,, وتجيبون كتاكيت صغار ..

 

[قهرني]

انا حبيت بس اهو من قبيلة وانا من قبيلة ثاانية واحنا نموت ع بعض بس مايصير نتزوج تركته لاني بتزوج وفهمنا بعض اللي احنا نسوية شي غلط آآآآآآآآآآآآآآآه والله يوفقة فهمني ع الطاير بحكم احنا بدو انا واهو يعني فيها ذبح بس والله قلبتي المواجع كلما تهاوشت مع زوجي تذكرت(حبيبي) سابقا مايحب يزعلني وإذا عصبت علية يراضيني باغنية من صوتة والاقصيده يكتبها فيني
آآآآه صوته عذاب نبرة حزينه والله اشتقت لة

 

[Shasawi]

انا هذي قصتي
http://www.q8yat.com/t525430.html

ومالت علي وعلى حظي ليلحين احبة ولافكر حتى يكلمني ولايعتذرلي
بس اللي صار انه بيوم من الايام دقت وحده معرفتي فيها حيل سطحية وقالتلي رفيجتي بتكلمج
ولا منو رفيجتها مرت اخوة اللي سبني!!!!! قالتلي فلانة بس بقولج شي واحد قومي توضي وصلي ركعتين شكر انه الله ماطيحج بهالعايلة!! وانامصدومة البنت تزوجت عقب مافليناا ولمه سالتها شعرفج فيني؟ قالت من الكلام اللي يقولونة عنج
ولا شنو؟؟؟؟؟؟؟؟؟؟؟؟ ياسلام عاللي قايلينة
طايحة على ريلها يكلم وحده ويوم شكت حق امة .. الام المحروسة اللي كانت ذهبة معاي.. شقايلتلها؟؟ قايلتلها هذي وحده اسمها فلانة الفلاني ( اسمي) كانت تكلم اخو ريلج ورلج تدرين فيه متدين (طل) مايرضى اخوة ياخذ وحده يكلمها خرب بينهم وهذي لي الحين تدق على ريلج لانها حاالفة وقايلة والله لا اخرب بيتك نفس ماخربت بيني وبين اخوك!!!!

لاوشقايلة!! قايتلها هذي وحده بنت حرام.. كانت تلحق ولدي بكل مكان عقب ماهدها حتى بداومة ماسلم منها (الريال يداوم بقاعده عسكرية شيدخلني هناك)!!!

والادهى من ذلك انه الاخت قايلة اني مهددتها وقايلتلها واله ان مازوجتيني ولدج لااروح المخفر اقول مسوي فيني شي عشان يزوجونه هناك (ماعليها شرهة متعودة عالمخافر خواتها واهل ريلها مدخلينها قبل وانا عبالي مظلومه) والقهر موهني القهر انه اهي اللي تدق واهي اللي تسال وكل ماتسالني شتبين بولدي جيكر واسود اقولها لا اخو عزيز وغالي هي تدري شنو بينة بس عشتو يعني انا مستحية اقولها اني احبه كنت اقولها اخو وترد علي تقولي اخو ها!!! وسوتني بارع وماستحي امشي واقولها زوجيني يا بذمتكم موقهررررر؟

وماقهرتني الا يوم قالت هذا اللي ناقص انا اناسب هالاشكال واخليهم يدشون بيتي!! واهما لااصل ولا فصل بيتهم مترين بمتر وانا بنت عايلة معروووفة وبيتنا بارقى منطقه بالكويت واهي من درت انا من بنتة قامت تتلزق زيادة ولاتشوفون النقصات اللي تتنقصها برمضان والسوالف اللي تدزلي ياها وصرت اخر شي انا اتلزق؟؟ ورب الكعبة عمتي كانت تقولي مومن مواخيذنا بس نبيية وراضين فية في لانة شاريج بس الله يعينج على عمج وابوج لي يا رسمي ماراح يرضون... والله موتفلسف بس بذمتكم مو شي يحررر؟؟؟ احس اني رخصت روحي يوم رضيت بواحد اقل مني وخليتة يشيخ علي!!!!!!!

شكثر فكرت على كثر البنات اللي عيالها يعرفونهم شمعنى قالت اسمي انا وطلعت علي كل هالسوالف معنها بلسانها كانت تقول بتشوفين حوبتج بولدي لانه ظلمتج... وليلحين ماعرف الاجابة

وفكرت ادق علية اهزأة واطلع حرتي واقولة امسك امك اللي ماتخاف الله اتحجى باعراض الناس تره عندها بنات..

بس امي قالتلي حرام مانبي نسوي حق مرت اخوه مشاكل (مع العلم انه مرت الاخو كانت بتطلق وموهامها اذا وصلهم الحجي) وانتي حقج عند ربج.. طاع الفرق بين امي وامه
ومرت اخوه تطلقت وهالشي بصراحة اعتبرة حوبتي اب اخوه سبحان الله قالي اخوي مايستمر معاج وبنت الناس بتدش بيتنا.. واخر شي اللة ياب بنت الناس هذي لي عندي عشان تقولي موريال ومابية وحمدي ربج ماخذيتي اخوه! ومالها لايم انا اعرف سوالفة من قبل

وليلحين احبة ويفز قلبي لي شفت اسمة ولا شفت صورة بالفيس بوك وكل يوم اتبجبج واسوي دراما على رفيجاتي
وادري لو اعيش قد عمري مليون مرة ما القى احد ييسويلي ربعي اللي سوالي يا وارد واقول مسامحتة على كل شي سوا فيني
الا انه كان زين معاي( لوماكان زين جا نسيانة اسهل
بس ع كل هذا انا موندمانة انه هدني وادري 100% انها خيرررررررررررررررة والله فكني من هالعايلة الزبالة وهو والناس اللي نفسة باجر الزمن يعلمهم انه مشاعر بنات الناس مولعبة

 

[ليان]

بس حبيت زوجي وصار من نصيبي ولله الحمد​

 

[اجمل الورود]

صراحه شئ يقهر بس سبحان الله عسا ان تكرهو شئ وهو خيرا لكم وعسا ان تحبو شئ وهو شرا لكم
ولا تنسون من عافنا عفناه لو كان غالي

 

[بدورة القمورة]

shaswii

انا كنت اتاابعج قصتج..

الله يعوضج بالي احسن منه

 

[أدري أخذوكـ مني]

عاااااانييييييييت منها واجد
حبيت ولدي عمتي بس مايدري عني خواته يدرون اني ابيه
دارت الايام وجى واحد خطبني لا يقربلي ولا من عايلتنا بس غني
المهم بنات عمتي قالوا لأخوهم البنت تحبك وواحد تقدم لها وجى ولد عمتي تقدملي صاروا اثنين وصرت مخيره
رحت لأبوي وامي وقلت لهم ابي ولد عمتي قلت لهم واناا اصيح ابوي قال لا مافيه انا وامي قمنا نصيح
زوجوني وثاني يوم بزواجي الصبح هربت يم بيت جدتي وطقني ابوي طق ومنعني من الدراسه وبهدلني ورماني بالبر بس هو معي مو لحالي
المهم قعدت عند اهلي سنتين مارحت مع زوجي جوا بنات عمتي يبون اختي للي كنت احبه وامي طردتهم وصارت بينا مشاكل
ثم ابوي حلف الا ارجع لزوجي ورفضت راح حبسني عند مرت ابوي وحرمني من امي لا اكلمها ولا اشوفها اسبوعين وتعبت نفسيتي وامي جت عند بيت ابوي ترجاني ارجع لزوجي ورجعت لخاطر امي وقعدت عند زوجي ثلاث اسابيع وهو كأنه اخوي
بعدهااا مشيت حياتي والحين لي سنه من رجعت له
والله يعوضنا خير اللي ماحصلانها بدنيا الموعد الأخره يارب


منــــي أخذوه وأدري اخذوه منـي ..... مني أخذوه ومن هواه أحرموني



أن كــــآن قلبي في هوى الغيــر هنتوه ... لأعيش أناا ويـــــــآه دنـــيا زهـيده

 

[just ask me]

الحمد لله مامريت بهالشعور وان شاااء الله ماامر به

الله يبعد عنى المواجع

 

[*ريمي*]

حـسبي الله ونــعم الوكيل

 

[عشق رسامه :$]

اب
اب
اب

 

[Miss McDonald]

• Uppp !

 

[رُۈحَ ۈ رْيحَآن]

،

أب أب
،

 

[مـعـجـبـة]

إي حبيت .. حب بريء .. حب روعــة حب خيال .. بس للأسف من طرف واحد
~يا هي قرف / لا جت محبة من طرف ,, تحبه أكثر من الكثير / وعمره بالحب ماعترف !~

كان ولا يزال أطيب قلب عرفته في حياتي كلها ولي هاليوم ما جفت أحد مثله
شخص قلبه أبيض ونظيف ولطيف ووسيم وذكــي وشاطر ومحبوب من الكل
ساعدني ووقف معاي وقفة طول عمري ما راح أنساها له ولي باجر ما اطلع من يزاه

شلون عرفته !! صدفة .. وقسم بالله أحلى صدفة في حياتي ,, كنت بالجامعة واهو كورس تخرج
ساعدني دراسيا وااايد، يقصر على روحه من وقته ويعطيني واهو ما يبي مني شي ولا حتى كلمة شكرا
كان يساعدني لوجه الله " لا نريد منكم جزاءا ً ولا شكورا " .... ما يعصب أبدا ً ودايما اهو اللي يبادر بالسلام
كنا وااايد كلوز من بعض، يقول لي كل شي عنه وعن أهله وشغله ودراسته وربعه، عكسي كنت متحفظة!
غشمرجي حده وطــييييـب وواايد يحب يساعد أبد عمره ما يرد أحد .. عمره عمره ما قال لي لا أو ردّني !!
أبي أتذكر سيئات فيه ماكو أبي أتذكر غلط بدر منه بحقي هم مااكو، والله كان مثل الملاك اللي نزل من المجهول عشاني !

طبعا بتقولون ليش سكت وما صارحته إني أحبه! ببساطة، لأنه مذاهبنا مختلفة، والأدهى انه لهاليوم ما يدري إني مو نفس المذهب!
لهجتي شكلي وأسلوبي وكل شي ما يبين علي .. واهو عمره ما سأل أصلا، ولا عمرنا يبنا هالطاري .. على مدى سنة ونص
ومن بعدها راح وكنت أدري إنه بيروح.. ما تركني وراح بسبة غدر ولا خيانة ، بس راح يكمل سنة الله ورسوله ..
قسم بالله فرحت له من كل قلبي، يستاهل هالطيب يستاهل، مع ان في القلب غصة على فراقه بس فرحت له..

احنا من نفس المنطقة، بين بعض مسافة 5 دقايق، وبين كل فترة والثانية أشوفه مار ~ بالصدفة ~ عالشارع ..
بس النظرة اختلفت، قبل لين نتلاقى في الشارع نطق هرنات ورنااات وابتسامات، والحين .. ولا كأنه نعرف بعض !
وانا اصلا من اجوفه اتخسبق وافر ويهي أو أنزل راسي، وصرت من اشوف سيارة نفس سيارته حتى لو مو اهو هم اتخسبق s: !!

الحين هو ترقى وصار مسئول مهم في بنك كبير ومعروف، وكمل دراسته العليا، والأهم صـار أبـو .. الله يهنيه ويسعده ويوفقه..

والله ثم والله كل ما أتذكره أذكره بالخير وأدعي له ، أقول يا ربي تعطيه وترزقه وتزيده من فضلك.. آآخ آنا بسبته "معجبة" :eh_s(22):
طافت الحين ثلاث سنين على فراقه .. بالأحرى على زواجه .. ولليوم أتذكر كل شي وكأنه أمس !!

~~لم تكن إنسانا عاديا ً حتى يكون حزني عليك عاديا ً، لا أحد يشبه روحك ... ولا أحد يعوض غيابك ~~
:eh_s(17):​

 

[classicyah]

إي حبيت .. حب بريء .. حب روعــة حب خيال .. بس للأسف من طرف واحد

~يا هي قرف / لا جت محبة من طرف ,, تحبه أكثر من الكثير / وعمره بالحب ماعترف !~​

كان ولا يزال أطيب قلب عرفته في حياتي كلها ولي هاليوم ما جفت أحد مثله
شخص قلبه أبيض ونظيف ولطيف ووسيم وذكــي وشاطر ومحبوب من الكل
ساعدني ووقف معاي وقفة طول عمري ما راح أنساها له ولي باجر ما اطلع من يزاه​

شلون عرفته !! صدفة .. وقسم بالله أحلى صدفة في حياتي ,, كنت بالجامعة واهو كورس تخرج
ساعدني دراسيا وااايد، يقصر على روحه من وقته ويعطيني واهو ما يبي مني شي ولا حتى كلمة شكرا
كان يساعدني لوجه الله " لا نريد منكم جزاءا ً ولا شكورا " .... ما يعصب أبدا ً ودايما اهو اللي يبادر بالسلام
كنا وااايد كلوز من بعض، يقول لي كل شي عنه وعن أهله وشغله ودراسته وربعه، عكسي كنت متحفظة!
غشمرجي حده وطــييييـب وواايد يحب يساعد أبد عمره ما يرد أحد .. عمره عمره ما قال لي لا أو ردّني !!
أبي أتذكر سيئات فيه ماكو أبي أتذكر غلط بدر منه بحقي هم مااكو، والله كان مثل الملاك اللي نزل من المجهول عشاني !​

طبعا بتقولون ليش سكت وما صارحته إني أحبه! ببساطة، لأنه مذاهبنا مختلفة، والأدهى انه لهاليوم ما يدري إني مو نفس المذهب!
لهجتي شكلي وأسلوبي وكل شي ما يبين علي .. واهو عمره ما سأل أصلا، ولا عمرنا يبنا هالطاري .. على مدى سنة ونص
ومن بعدها راح وكنت أدري إنه بيروح.. ما تركني وراح بسبة غدر ولا خيانة ، بس راح يكمل سنة الله ورسوله ..
قسم بالله فرحت له من كل قلبي، يستاهل هالطيب يستاهل، مع ان في القلب غصة على فراقه بس فرحت له..​

احنا من نفس المنطقة، بين بعض مسافة 5 دقايق، وبين كل فترة والثانية أشوفه مار ~ بالصدفة ~ عالشارع ..
بس النظرة اختلفت، قبل لين نتلاقى في الشارع نطق هرنات ورنااات وابتسامات، والحين .. ولا كأنه نعرف بعض !
وانا اصلا من اجوفه اتخسبق وافر ويهي أو أنزل راسي، وصرت من اشوف سيارة نفس سيارته حتى لو مو اهو هم اتخسبق s: !!​

الحين هو ترقى وصار مسئول مهم في بنك كبير ومعروف، وكمل دراسته العليا، والأهم صـار أبـو .. الله يهنيه ويسعده ويوفقه..​

والله ثم والله كل ما أتذكره أذكره بالخير وأدعي له ، أقول يا ربي تعطيه وترزقه وتزيده من فضلك.. آآخ آنا بسبته "معجبة" :eh_s(22):
طافت الحين ثلاث سنين على فراقه .. بالأحرى على زواجه .. ولليوم أتذكر كل شي وكأنه أمس !!​

~~لم تكن إنسانا عاديا ً حتى يكون حزني عليك عاديا ً، لا أحد يشبه روحك ... ولا أحد يعوض غيابك ~~

:eh_s(17):​

الله يعوضج و يرزقج بولد الحلآل الي ينسيج حبه . .

 

[G!RLooNa]

وه ضيقتوا خلقي


نبي موضوع ثاني حبيتي و صار من نصيبج

 

[m&ms2]

حبيت شخص سنه كامله وخطبني وفجأه امه حنت بتروح تزور اهلها اهي من احدى الدول العربيه وأصرت ان خطيبي يروح معاها وقالي بسافر مع الوالده واول ما ارجع نملج على طول وكان الاتصال بينا تقدرون تقولون ٢٤ ساعه حتى لو بنام يقولي خلي التلفون مفتوح اقعد من النوم اشوفه للحين على الخط اسمع صوت انفاسه وهو نايم ياما قعدت على صوته وياما قعد على صوتي بس الصدمه كانت امه مقرره تسافر مو شوق حق اهلها لا كانت تبي تزوجه بنت اختها والمشكله اني ما حسيت بأي تغيير على حياته رد من السفر ونفس التواصل بينا طول اليوم الخط مفتوح بينا واحنا بالدوامات واحنا بالبت واحنا نايمين وفي يوم من الايام دقت علي وحده من رفيجاتي قالتلي ادلين صالة الافراح الفلانيه قلتلها ايه قالتلي تعالي الحين انا كنت ماره وحده من رفيجاتي وشفت خطيبج معرس قلتلها مو معقوله اكيد واحد يشابها توه معاي على الخط وسكر عشان يتسبح قالتلي مادري يمكن انا مخربطه وسكرت بس انا قلبي قرصني وقلت بروح صالة الافراح اتأكد خصوصا ان يومها بنت عمته معاي بالدوام خذت اجازه قالت عندها شغل ورزيت الويه ورحت الصاله وانصدمت ان خطيبي قاعدين يزفونه على بنت خالته اللي يابتها امها معاهم من ديرتها طبعا ما تتصورون شنو صار فيني كانت صدمت عمري رديت البيت ولاكلمه والقهر ان معرس وزافينه وكل شوي داق شلون مادري طبعا اهله شافوني بالعرس واكيد وصله الخبر اني كنت موجوده لان تلفوني ما سكت تمت يدق لي الصبح وانا ما ارد قعدت الصبح بدلت وطلعت مع اختي بكل هدوء رحت البحر قعدت وقلت حق اختي اللي صار وفجأه انفجرت بالبجي ومسكينه اختي ماتدري شتسويلي وبهالحظه قررت اني ما ارد ولا اسمع اي مبررات منه لان ماكو اي شي يبرر اللي سواه وتم يدور وراي وين ما اروح ويدق ويه البيت كلم اهلي وشرح لهم ظروفه وان تزوجها عشان امه ومازال يبيني ومستعد يملج بأسرع وقت وقعد يبجي وكسر خاطر اهلي وحاولاو يقنعوني اسامحه وقالولي يبيج حرام وانا قلبي صار صخر يات بنت عمته وقالتلي نفس الكلام وقالت حرام عليج حتى مرته مالمسها عشانج واهله قايليها كلميها ترد عليه بس وتنهي الموضوع بس تريحه وانا مستحيل اغير موقفي اشوف رقمه او اي رقم غريب ما ارد تميت سنه على هالحال لين تقدملي ريلي الحالي وبليلة عرسي شفت خطيبي السابق واقف عند الباب وشافني وانا لابسه فستان العرس وايدي بيد ريلي وطالعه بركب السياره بزفوني لي شقتي اهني بس حسيت اني حس باللي انا حسيته
وانا حاليا متزوجه صارلي ٨ سنين وما زال يحاول ان يوصلي اعتذار بس انا مازلت على رفضي وبقوه لان حاليا متزوجه وتوصلني اخبار ان شايفني اكثر من مره وشايف بناتي بس انا ما اذكر اني صادفته
طولت عليكم بس قصتي عبره هههههه

:eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11)::eh_s(11):

 

[امي الحنونه]

كنا نحب بعض بدون علاقة

وخطبني كم مررررة

واهلي ما وافقواا لأسباب مقنعة

المهم انا تزوجت من 10 سنوات

واهو تزوج من 13 سنة

والى هذا اليووووووووووووووم زوجته تغار