Yes We Can Do It " Lets Go Girls ( part 2)

[BiiShOoO]

الله يكون بعونج و يعينج و يفرج عليج همج و يحقق لج الي ببالج يا اسومي

 

[• الْـڪَـونّتيسَـہٌ «]

فواصل حبي مشكوره على اهتمامج ^^

بس انا من اشوف الاكل انسسى كل شي >> عاده شيينه

 

[شوكولاته&فانيلا]

شوشو حياتي والله خلاص بحاول باجر يكون اكلي صحي اكثر بس والله مو بسدي
سوال محرج وناسة لما تتكلمين مع ريلج بالكام؟؟؟؟
عسا ربي يتمم عليييييكم ويرزقكم الذرية الصالحة حبيبتي
لا تزعلين ترا اتغشمر ومن زمان ما سوينا اكشنات بالتجمع

ايه اكيد وناسه:eh_s(22):

والله يعافي اللي اخترع النت والكام لأن ريلي بديرة وانا بديرة وماشفنا بعض للحين فالكام

يجمعنا لووووووووول

تسلمين عالدعوة حبيبتي وعادي ماكو شئ يزعل اخذي راحتج​

 

[om l3yal]

حرورة مادري ماياني مسج ولا شي
بس اذا استمر الجو لي باجر جذي ماراح اخليهم يروحون المدرسة
انتي بتودينه

 

[om l3yal]

وناااااااسة شوشو احس حدة اكشن تتهنين يارب بس تعالي مو تنسين تعزميني بعرسج حبوبة

 

[om l3yal]

كونتيسة جيكي الخاص عمري

 

[om l3yal]

بزبز حضرتج ليش ماتشاركين ان شاالله مستمعة مثلا اقصد مشاهدة

 

[الحراير]

حرورة مادري ماياني مسج ولا شي
بس اذا استمر الجو لي باجر جذي ماراح اخليهم يروحون المدرسة
انتي بتودينه

انا بعد اشوف الجو الصبح اذا زين بوديه ماحب الغياب!!

 

[شوكولاته&فانيلا]

الكونتيسه حاولي حبيبتي تسوين رجيم شدي على نفسج شوي صدقيني لما ينزل الوزن وتسمعين الاطراء راح تنسين الحرمان

وتشعرين بسعادة واحنا كلنا وياااج

اسومي ربي يهون عليج ويفرجها عليج وهونيها وتهون ياحبيبتي,,

لولو افا عليج كلكم معزومين ان شاء الله انتوا خواتي الغاليات ​

 

[Lady <3 A]

بالعافيه بزبز و ان شاء الله باجر تبدين المشي

إن شاء الله .. والله يعافيج بيشوو

بزنز

بالعافيه حبيبتي

بس لا تكثرين من الطحينه لانها دسمه حييل

عيل انا على بالي خفيفه بس ماكثر أحط شويه عشان الأكل ما يكون ناشف ثانكس ع التنبيه مزمز

لولو عليج بالعافيه حبيبتي


بنات اشتراكي اخر يوم الاربعاء
خايفه بعدين اخورها بالرجيم

وشرايكم يوم الخميس اخذه فريه لانه جمعتنا علي العشا؟؟

أنا أقول اخذيه فري بس وجبة العشا

صباااح الخيررر


واخيراا طلعت بنات واخيراااا

واكلكم وانا بالسياره----- مالي غناة عنكم:*

انجووووووووووووووي ضيووون :eh_s(9):

شلونكم بنات شخباركم ولهان عليكم بنت بنت دبة دبة رشيقة رشيقة
صبورة ماعليج شر حبيبتي
عيون سلرة عسا ربي يعوضج باللي ابرك منه ويجعله شفيع لج
شوشو شربي سوايل دافية تنزل الوسخ تكرمين وماتشوفين شر يالغالية
يومي اليوم مو عاجبني
الصبح شربت بطل ماي سويت لهم الريوق كان بيض عادي بيض طمام بيض بالجبن وحطيت لبنة وسلطة واجبان وقيمر وعسل وسويت حمسة فاصوليا حمرا بالاول ما اشتهيت تالي اكلت قفشتين فاصوليا بدون خبز
عقب صلاة الظهر رحت الصالون واخذت معاي اعشابي
الغدا لوز الكيس الصغير مال الرفاعي بعدين اكلت برد لولي برتقال في 49 سعرة
كنت متعسرة شوي رحت نمت قعدت ورحت الجمعية بغيت اخذ لي لاتيه بس ماصار رجعت من الجمعية ورحت المطعم الايطالي اللي يم ليالي الخيام
اكلت سلطة سيزر ثلاث قفاش وقفشة ونص لزانيا وقفشتين اسباجتي حسيت الاكل ثقيييييل حيل لاغت جبدي وخلاص عقبها ارتحت (افهم يافهيم) تحسفت اني اكلت ولو شاربة لاتيه احسن بس الحمد لله علا النعمة

لولو أنا اايد كلام مزمز أكلج حيل خفيف وبعد ما تستفيدين منه مو زييين

لحين احس مافيني طاقة وقلبي يدق بسرعة بنتي تقولي ويهج اصفر مادري صار لي جم يوم احس نفسي مو علا بعضي

لولو ترا والله من قل الاكل انا جذي كللله مالي خلق ولمن اصلي واخلص احس بدووووخه ادري والله من قل الاكل بس شسوي بوزني العسر اللي بالغصب ينزل وهذا وانا وزني وايد

الله يرحمنا برحمته

سلامتكم لولو وضيوون ما تشوفون شر إن شاء الله
وديرو بالكم على نفسكم

بنات بسالكم
ريولي كلها طقات اللي لونها بنفسجي تختفي وحدة وتطلع غيرها ثنتين تهقون من شنو

والله مادري لولو انا بين فتره وفتره يصير لي جذي بدون سبب !! مادري من شوو !!

بنات نفسيتي زفت

ادعولي بظهر غيب ان الله يوفقني ويرزقني اللي فبالي ..

جد محتاجه حق الدعوات

الله ييسر أمورج ويوفقج يارب وينولج الي فبالج يا اسومي :yaaaaaarb:

السلآم عليكم

سورري بنات ادري قطعت فترره ولكن ظرووف وعدت

والحين رجعت لكم :eh_s(9):

بس متضااايقه وودي افضفض لكم ,,

بنات انا وزني وكل ماله يزيد امم انا مو معرسسه

وعندنا ملجه بعد 20 يوم تقريبا

والكل قام يعيب عليي صج اتمنى يضربوني ولا يعقون حجي :0bee2e8d89:

لان الكلمه تعووور تحررق قلبي حرآآق ودي اصررخ واقول انا انسااانه بس عااد !!

صرت مااطلع من البيت وصرت خجووله وانطوائييه وايد وانحرمت من اللبس

الكل يكششخ الا انا اطالع واتحسسف على نفسي ,,

حدي غرفتي ولابتوبي ومخدتي اللي ابجي عليها وتواسيني

مشكلتي رجيم ماااااقدر والله جربت وحاول بالكثير يوميين وااخرب

حبوووب مايخلوني اهلي ,,

جد تعبت واايد وصار الموضوع جدا ياثر على ثقتي ونفسيتي !

اه بس ,,

>> وطلعت اللي بقلبي لكم حبيباتي

بالعكس يالكونتيسه كلام الناس المفروض يكون دافع لج

خلج قوية وبيني للناس انج العكس وانج تقدرين توصلين للي تبينه

وبالإراده بتضعفين إن شاء الله

واعتقد انتي مليانه بس مو متينه وايد ؟ عادي البسي وتكشخي وخلج واثقه من نفسج

وحطي لج هدف وبتوصلين له ان شاء الله
:eh_s(7):

بزبز حضرتج ليش ماتشاركين ان شاالله مستمعة مثلا اقصد مشاهدة

انا قاعده اقرا وارد ع الاقتباسات وخلصت قرايه لوول
والله مادري شفيني كسل على دوخه ماعرف اوصف صارلي ساعه ونص منسدحه ومانمت مادري شفيني :\ أحس هالحاله صايبه الكل بالتجمع ​

 

[LadY BuG 80]

هللوووووووووووووووووو مستانسههههههه اليوم مدري ليش الحمدلله انفسيه تحسنت من بعد كأبت ادوره و احسسس ودي اطيييير انشا الله من بكره جيم ,, يا رب ابعد عني الهم و الغم الي ماله سبب والي بسبب

المهم بكره عندي عزيمه اختي و زوجها و عزمت كل اخواني و مرت اخوي يعني شغل

اليله راح اتبل اسمك و اشرمب و اجهز الحلو ,, ما ادري راح يمديني اصور ولا لأ بشوف اذا قدرت اصور لكم ,,, طبعا الغدا كله سي فوود و على اطريقه الهنديه ,, بس وش مي لك الحين راح اقوم اتبل و احوس في المطبخ

لولو الكدمات هاذي قريت عنها مره انها اعراض شي من الاشيا الي عندي ,ههههههه من كثرهم نسيت ,, يا الانيميا يا ,,, مادري نسيت,,,, بس اعتقد انها اعراض فقر ادم الحاد و الله اعلم

فواصل اي وصفات ؟؟ على العموم صحتين

حيااا الله gap اقلطي ويانا :eh_s(15):

كونتيسه حبيبتي الانطوائيه و الحبسه و البكى هاذي كلها اعراض اكتأب ,,, حبيبتي حاولي تقوين عزيمتك لا تستسلمين للاكتأب ,, شعور بشع ,, ليش تقولين مستحيل رجيم و ليش ادورين حبوب ترا كلهااااا مو زينه و تخوف و تسبب سكتات قلبيه الله لا يقولها ,, لا تفكرين فيهم و اهلك معاهم حق رافضينهم ,,, هدي نفسك و اضعفي مو عشان المناسبه الي بعد 20 يوم لا ,,, عشان نفسك مدا الحياه ,,, الله يبعد عنك الكدر ,,, :yaaaaaarb:​

 

[Lady <3 A]

من الكسل ما اكلت روب ولا شربت شاي أخضر وماقدر أقوم من مكاني :\

 

[شوكولاته&فانيلا]

لولو حتى انا تجيني كدمات وانا متأكده اني مو طاقه نفسي بشئ اقوم من النوم وهي فيني ومادري من شنو والله هههههههه

كوتن دوم هالوناسه يارب وموفقه بعزيمة باجر ان شاء الله

....................

يومياتي

الريوق حليب بقرفه فقط

الغداء صدر دياي+واربع قفاش سلطة+اربع قفاش سبانخ

ماكليت سناك عشان العوار الللي مسكني فمااشتهيت شئ

العشاء كورن فلكس+حليب +حبة مانجو صغنونه

والحمد لله​

 

[شوكولاته&فانيلا]

تصبحون على خير​

 

[Zain_ALZain]

هاااي بنات بالعافيه الي كليتوه

عيون ساره حياتي انتي الله يعوضج بأحسن منه ماتدرين يمكن فيه شي :/ قدر الله وماشاء فعل >>> حيل كنت مستانسه

انه في وحده بالتجمع حامل الله يعوضج يارب

طبعا اليوم خبصت عالعشا كليت حليل خالي الدسم مع كورن فليكس فتنس الي يصير صغير

بعدها بنص ساعه مادري ليش قعدت مع اهلي عالعشا جان اكل طاسة فتوش والله ما اعيدها اخر مره سامحوني

بنات بغيت اقول شغله بس سامحوني اذا لاعت جبدكم انا بديت الدوره يوم الاربعا والمفروض اخلص يوم الاثنين

بس اليوم لما قعدت من النوم ودخلت حشاكم الحمام ماكان نازل شي :/ مادري ليش مع اني ما كليت روب ولا ليمون

وووو سؤال بايخ اشلون احسب الدوره اليايه متى تييلي :/ لاني ما احسب واختي كل ما علمتني انسى :/

 

[ALMZa^_^JeYa]

زيون

اذا ما نزل شي اليوم مو معناته ان دورتج خلصت

في علامات تدل على انج طهرتي فعلا


خل نفرض ان دورتج ياتج 25/4

معناته دورتج اليايه تييلج 25/5 طبعا اذا كانت مو مضبوطه ومنتظمه

وممكن تجدم لها يوم او يومين او حتى 3 ايام

يعني ممكن تييلج 22 او 23 اوو 24/5

ويمكن تتأخر لها جم يوم


ولازم تتعلمين تحسبين حق روحج

باجر ان شاء الله لي ربي رزقج بولد الحلال وحملتي الدكتور بيسألج متى اخر دوره عشان يحسب موعد ولادتج

لانج اذا شيرتي تاريخ بيحسب لج غلط وبتولدين ولاده مفاجأه لووووووووووووووووووول <<<< زوجتج وحملتج وولدتج

عساااه فااال خير ياااااارب يا زوزو والله تستاهلين كل خير

 

[B7rainia]

مرحبا بنات
الظاهر ماكو احد دشيت اشكي لكم همي
الحمد لله
اللهم اجعله شفيع لي يارب

خسرت حملي مع اني حيل كنت مستانسه بس الحمد لله على قسمته

خلوني بس ارتفع شوي من ها الاجهاض وارد معاكم بحماس للريجيم

امانه ادعو لي ربي يصبرني ويعوضني خير يارب

الله يعووضج

هااي بنات اليوم رحت حق الدكتورة هايدي السعداوي

اول مرة اروحلها

طبعن خذو قياساتي ووزني وطولي و دشيت ع الدكتورة كل شي لي هني اوكي

بعدين طلعت قالولي لازم تسوين فحوصات بالمختبر

سويت تحليل دم وتحليل مكرم القارئ "البول" وخذوو عليه 56

يعني الزيارة بكبرها طلعت علي ب76

المهم انا موعدي الياي معاها يوم الثلاثا لاني من باجر ببلش ريجيم تنظيف الجسم

وبثث


فديتكم

بالتوفييييييييق

مساء الخير اشلونكم بنات​

بالعافية عليكم كلكم وحياج اختي احبج ماماتي مع انج ضعيفه شكو مسويه دايت هههههه ياحلوج جان زين انا مثلج مافكرت​

بوزني الا بعد فوات الاوان​

باقي البنات عوافي عليكم ام عامر بيشو كوكو ضيون كتون لولو مززمز بزبز عطوف بحور الاسده وكلكم سامحوني اللي ماقلت اسمها عوافي عليكم وموفقين​

بنات اليوم رابع يوم دورة وللحين عوار شديد بظهري مادري ليش كاني جني يديده حاطه تحت ظهري جربة ماي حار​

عندكم فكرة شالسبب؟؟ العاده اول يوم يومين شكو رابع يوم العوار ذابحني ببجي​

دعواتكم بنات,,​

عادي ساعات تخرف خخخ

بالنسبه ليومي

بما ان يومي معفووس بسبة العطله والفضاوه


قعدت تقريبا 3 ونص قمت نظفت البيت شوي ودخلت تكرمون الحمام بسبح قلت بالمره اغسله واسبح

وبعدها صليت وتغديت مادري تعشيت

جم لقمه سلطة خس وفاصوليا حمره وذره مع مايو وليمون و3 مكعبات صغار بطاط مفيوح

وطبعا ما حسيت اني شبعت

لاني من امس بس على غداي

بعدها سويتلي كورن فلكس اسمر مال كلوقز وحليب نص دسم <<<< نصيحه لا تجربون هالكورن فلكس لان طعمه استغفر الله يزيد النعمه

ويحسسني جنه خبز رقاق بس ناشف على مادري شلون

والحين قاعده اشرب ماي

قصدج سبشل كي الي بدون فواكة؟ ولا واحد ثاني؟؟ اذا سبشل كي بالعكسسس حده لذيذ

مساء الخير​

شلونكم بنات :eh_s(7):​

.​

اليوم شربت نص لتر ماي ع الريج ​

وعقبه بفتره تغديت 4 حبات كفتة دياي + سلطة + صلصة طحينية ​

وقبل العشا بشوي شربت قلاص شاي ​

وكلت 3 حبات صغار يح ​

وعشاي كان راهي شوي :bbbiu: ​

آش + سلطة + بيضه مفيوحه + شوية شعيريه ​

وعقب اكلت شوية مهلبيه ​

الحمدلله ع النعمه .. وبس هذا يومي حتى الآن ​

.​

من باجر إن شاء الله ناوية أرد للممشى وأقلل من أكلي أكثر​

شنو يعني آش؟:eh_s(10):

هلااا حروره شخبارج



لولو

بالعافيه حبيبتي

والله انتي اكلج مو ثقيل

بس احس صار عندج هوس من الاكل ان ثقيل

مو زين عليج ما تاكلين وبس سوايل

لازم تتغذين عدل عشان صحتج

اكلي فاكهه وخضار عالاقل عوضي الفيتامينات

اي والله مب زين شنو يعني بس سوائل خخخخخ والله يخرع حتى لو فكرت اسويه مابقول حق اهلي اكيد مابيرضون هع

حرور بتجددين الاشتراك؟


لولو امس قلت لكم زايده ٦٠٠ صح؟؟ من ال٦٠٠ نزل ٢٠٠ بس يعني وزني زااايد عن يوم الاربعا اللي طاف بالذمه مو فهر ((

عاااادي ضيونة حمدي ربج مايصير بالكيلو وان شاء الله ما ايي يوم الميزان الا انتي نازلة

بنات نفسيتي زفت

ادعولي بظهر غيب ان الله يوفقني ويرزقني اللي فبالي ..

جد محتاجه حق الدعوات

بالتوفيييييييييق

السلآم عليكم

سورري بنات ادري قطعت فترره ولكن ظرووف وعدت

والحين رجعت لكم :eh_s(9):

بس متضااايقه وودي افضفض لكم ,,

بنات انا وزني وكل ماله يزيد امم انا مو معرسسه

وعندنا ملجه بعد 20 يوم تقريبا

والكل قام يعيب عليي صج اتمنى يضربوني ولا يعقون حجي :0bee2e8d89:

لان الكلمه تعووور تحررق قلبي حرآآق ودي اصررخ واقول انا انسااانه بس عااد !!

صرت مااطلع من البيت وصرت خجووله وانطوائييه وايد وانحرمت من اللبس

الكل يكششخ الا انا اطالع واتحسسف على نفسي ,,

حدي غرفتي ولابتوبي ومخدتي اللي ابجي عليها وتواسيني

مشكلتي رجيم ماااااقدر والله جربت وحاول بالكثير يوميين وااخرب

حبوووب مايخلوني اهلي ,,

جد تعبت واايد وصار الموضوع جدا ياثر على ثقتي ونفسيتي !

اه بس ,,

>> وطلعت اللي بقلبي لكم حبيباتي

خلييييييهم يولون والله يبطون جبدي الي يعلقون ع الاوادم وينسون روحهم انا لو بدالج اطلع فيهم الف عيب وارد لهم الحجي عشان يتأدبون ويعرفون شلون يحترمون مشاعر الناس

انا مب وايد وايد متينة بس قبل فترة واحد ضعييييييييييييييييييييييييييف عندي في المسن اعرفه من الجامعة كل جم يوم ايي يتمسخر يسوي لي يقولون ضعفانة؟ ضعفتي؟ ها ضعفتي؟ سكت عنه وااايد بس آخر شي انفجرت قلتله انا ع الاقل بنية ومتينة المتن له حل بسيط اسوي ريجيم اخفف لكن انت صبي وحلاته الصبي متروس ع الاقل واصعب شي الواحد يمتن روحه الله يعينك ومن هالحجي

والله الحين مايتجرأ يفتح الموضوع جدامي

لاتخلين كلامهم يأثر فيج ووقفيهم عند حدهم وخلي عندج ارادة لان بدونها مستحيل توصلين حق هدفج

 

[B7rainia]

تعبت وانا اقرا الردود الي فاتتني واعلق عليها خخخخ

الريوق: كورنفليكس فتنس مع حليب قليل الدسم

الغدا: توستة وحدة من النخالة مادري شنو فوقها لبنة قليلة الدسم + تفاحة خضرة

السناك: لاتيه بسكيم ميلك وبدون كريمة حطيت معاه 2 من الشكر الوردي

العشا: روب بالخيار طبعا الروب قليل الدسم وحطيت معاه زعتر + عصير تفاح

الحمدلله راضية عن اليوم لاني مصختها اليوم الي قبله في الفري دي

للاسف صادتني ظروف خلتني ماقدر اروح الممشى بس رقصت في البيت شووووي على اغاني البحرين وتحركت وايد في المجمع

 

[B7rainia]

اي صج بنات اليوم جفت رفيجتي صارلي مدددة ماجفتها كنت لابسة دفة وشيلة فمابين عندها جسمي بس قالتلي ان ويهي ضعف وااايد عن قبل حتى الخدامة تقول اكثر شي ضعف فيني ويهي ورقبتي

 

[ALMZa^_^JeYa]

هلا بحوور

شلوونج حبوبه

الكورن فلكس اسمه all bran اذا ماني غلطانه ماركة كلوقز

كللللش ما عجبني


واحلى شعور لمن الواحد يلاحظ عليج الضعف