بنات طلبتكم أنا طالبه من شخص بامريكا من موقع i offer ودازه الكويت عن طريق usps

[atc666]

ادري العنوان طويل بس والله محتاسه طلبت من شخص امريكي من موقع i offer وطرش لي الطلبيه على عنواني بالكويت عن طريق البريد الأمريكي usps ولا عطاني تراكنغ نمبر وكلمته اكثر من مره قالي طرشتها لج وين احصل الشحنه بالكويت انا ما حطيت غير عنوان بيتنا وبس ماعندي صندوق بريد

اللي تعرف تفيدني الله لا يهينها ناس قالوا بريد كيفان وناس قالوا المطار وناس قالوا يوصلونه للبيت :eh_s(11)::eh_s(11):

اللي مجربه ياليت تفيدني واذا عندكم رقم البريد ياليت تقولون لي

 

[قطوووة]

ااااااب مادري والله بس شوفي التاجرة ام يوسف الكويت ان شاء الله تفيدج

 

[الأميرة كيرارا]

مادري بس الموقع معروف ولا لأ؟
المفروض يوصل البيت
آنا دايما أطلب عن طريق أرامكس

 

[atc666]

لا أنا مو عن ارامكس هذا البريد الأمريكي بس مايندري وين يقطونه بالكويت

 

[الأميرة جوري]

البائع ثقه ولاجم تقيمه؟؟....ارامكس تفتح صندوق بامريكا ليش ما شحنتى عليها؟

 

[هنـــد]

حبيبتي يمكن يجذب عليج

اول شي لما يشحن لج على بريد الكويت يسمونه ems

واذا امريكا ups

 

[atc666]

البائع ثقه ولاجم تقيمه؟؟....ارامكس تفتح صندوق بامريكا ليش ما شحنتى عليها؟

البياع شكله ثقه بس انا هقيته صيني ما انتبهت للشركه الا بعد ما سويت شيك اوت وحطيت عنوان الكويت لأنه عندي بوكس بالارامكس اساسا لو منتبهه انه امريكي جان عطيته عنوان امريكا وانا دافعه عن طريق الباي بال يعني اقدر ارد فلوسي بس ما ابي اطالب بالفلوس اخاف يكون مطرشها وضيعوه بريد الكويت :_bbbiu::eh_s(16):بس انا اللي بعرفه اي بريد اروح كيفان ولا مطار الكويت ولا وين بالضبط

 

[atc666]

حبيبتي يمكن يجذب عليج

اول شي لما يشحن لج على بريد الكويت يسمونه ems

واذا امريكا ups

EMS هذولا يشحنون من الصين وهالدول

UPS شركة عالميه مثل ارامكس وفدكس ودي اتش ال

USPS هذا البريد الأمريكي الرسمي مال أمريكا
United State Postal Service
http://www.usps.com/

 

[LuLiTa]

اممم جنه اتجيكين على المطار مكان الشحن و هالسوالف ,,, لانه خبري البريد العادي مال الكويت يوصل بس المكاتيب للبيت و الطرود تستلمينها من مكان بـ المطار (صوب الشحن و الطرود و الجمارك ),, يمكن الاغراض واصله و ظالين اهناك

 

[atc666]

والله انا متضايقه يعني الشغله مو غاليه بس خاطري فيها والريال عيز يطرش لي يسألني وصلت الشحنه ولا لأ شكله يبي يرجع لي فلوس بس انا آخاف اخذ الفلوس تقعد بذمتي والشحنه بالكويت مقطوطه مادري وين...

اليوم دشيت على موقع وزارة المواصلات وخذيت رقم بريد كيفان ودقيت ولا ترد على وحده نايمه تقولي الرقم غلط :_( يعني شهالسالفه الماصخه موقع حكومي مافيه اي خدمه حتى الأرقام اللي حاطينها غلط شهالتخلف ؟؟؟؟؟؟؟؟

 

[atc666]

اممم جنه اتجيكين على المطار مكان الشحن و هالسوالف ,,, لانه خبري البريد العادي مال الكويت يوصل بس المكاتيب للبيت و الطرود تستلمينها من مكان بـ المطار (صوب الشحن و الطرود و الجمارك ),, يمكن الاغراض واصله و ظالين اهناك

ويييه شهالحوسه مشكله ماكو تراكنغ نمبر بقعد ادور

 

[atc666]

محد مجرب بنات ؟؟؟؟؟؟؟

 

[مطيريه ^ ماركه]

حبيبتي دام حاطه عنوان بيتكم نطري 14 يوم تقريبا وشحنتج راح اييبونها لج ~
بريد الكويت يوصلولج طلبياتج بس عيبهم يطولون
واساسان البريد العادي مافيه تتبع ​