هدية لمولود :) ساعدوني

[Tantoshah]

السلام عليكم

بنات أخت ريلي ولدت بالسلامة ولله الحمد ويابت ولد .. حبيت إنكم تفيدوني بهدية تكون راقية سواء للمولود أو الأم أنا أبي الهدية تكون من قيمتي وأبيض ويه ريلي حبيبي يعني ومحتارة وايد مو عارفة شسوي وأبي أصك على مرت أخو ريلي :eh_s(9): وأتميز بالهدية شورو علي ولكم دعوات حلوة والفال لكم إن شاء الله تولدون بالسلامة واللي ما حملت عسى تحمل بإذن واحد أحد وربي يفرح قلوبكم أجمعين بانتظار الردوود أبي تفاعل يا حلوات وأفكار غريبة وياليت تكون الأشياء من ماركة أو شي معروف يفضل :eh_s(7):

 

[jawaa]

حبي اذا تبين ماركات هدوم عندج بربري وعندج قوتشي اللي ب 360 مبطلين قوتشي اطفال لبسهم حلو راسعارهم معقوله او عربانه حق البيبي روحي مارتيني اللي بالفنار عندهم لبس بيبي وعربانه وجناط تجهيز كامل حق البيبي وماركتهم حلوه أنا شريت حق ولدي منهم جنطة اغراض البيبي والعربانه وسليب باق وباق حق المميه حلوين جربي اخذيلج فره

 

[بخـــارى]

في عضوه اسمها نيولووك عندها طقم للبيبي
عليه الاسم وايد حلو

 

[Tantoshah]

جوا مشكورة حبيبتي راح أروح وأخذ فكرة
بخارى مشكورة حبيبتي راح أدورها إن شاء الله

وباقي البنات وينكم صج زعلتوني 33 يعني عالاقل رفعوا الموضوع أو عطوني أسامي محلات

 

[الأميرة كيرارا]

رفع لعيونج
هدايا الأولاد شوي أصعب من البنات
إخذيلها ديرفة الياهل الكهربائية إلي تهزه عشان ينام
إختي خذت وحدة و ريحتها
موجودة بسنتربوينت و ماماز اند باباز
بحدود ال60 قيمتها

 

[Tantoshah]

رفع لعيونج
هدايا الأولاد شوي أصعب من البنات
إخذيلها ديرفة الياهل الكهربائية إلي تهزه عشان ينام
إختي خذت وحدة و ريحتها
موجودة بسنتربوينت و ماماز اند باباز
بحدود ال60 قيمتها

مشكورة بعد قلبي بروح أشوف وماماز اند باباز جني شايفتة بالافينيوز صح ! :eh_s(10):

 

[Tantoshah]

uppppppppppppppppppppppppppp

 

[أم@الحلوين]

عطيها فلوس أحسن وحطيهم بعلبه حلوه وزينيها تستاهل اخت الغالي

 

[Tantoshah]

عطيها فلوس أحسن وحطيهم بعلبه حلوه وزينيها تستاهل اخت الغالي

هلا حبيبتي بعد عمري تسلمين عالرد والله هي فكرة بس فشلة جني مرة عودة ولا أخاف تفهمني غلط أنا أبي هدية حلوة ومن قيمتها البنات ماقصرو عطوني شوية أفكار وأنا قاعدة أشوف ويه الهدية كب كيك من النوفمبر بيكر اللي بالشويخ يهبل صراحة باقي الهدية عليكم :eh_s(7): وعساكم عالقوة يابنات بانتظاركم

 

[^noonaa^]

ودي لها طقم alviero martni عجيييب شغلهم حق البيبيات مكانه بالفنار فوق

 

[noo7a]

البنات ما قصروا

 

[ام عفاف الكويت]

صدقيني افضل شي الهديه 50 دينار وطالع
بصندوق حلوو وكرت حلووو تلقينهم بمحلات الهدايا
لانه الوالده مجهزه كل شي فالفلوس تنفعها

 

[Mednight Rain]

عندج محلات الماركات تاخذين بدلة او كيس للبيبي .. محل كل لحظه الافنيوز ومحل مارتيني بالفنار وديور .
اذا تبين تغليف غريب عندج محل برج جاسم سوالف كيس وبوكسات غريبة .

 

[Mednight Rain]

او بطانية مطرز عليها اسم البيبي من بوتري بان الافنيوز

 

[ليلكي]

روحي حق لحظة من فضلك في بالافنيوز و المهلب عندهم تقريبا كل الماركات العاالمية للاطفال مثل ديور و كفالي و غوتشي و بربري

 

[al om]

انا مره خذيت حق بنت عمتي طقم ذهب اسم المولود صممته على كيفي من سوق الذهب وايد حلو وذرب وراقي معاه جم حبة لولو صج كان روعه وايد استانست عليه

 

[al om]

بس حق الام مو حق البيبي :eh_s(15):

 

[Tantoshah]

بعد قلبي يا بنات مشكورين ماقصرتو أنا رحت حق ماماز أند باباز لقيت عربانة الهز ومسويين سيل بعد 50% بس قلت بنطر شوي أشوف بعد اقتراحات يديدة

 

[kanoosha]

صدقيني افضل شي الهديه 50 دينار وطالع
بصندوق حلوو وكرت حلووو تلقينهم بمحلات الهدايا
لانه الوالده مجهزه كل شي فالفلوس تنفعها

وانا معاها فلوس احسن لج اخذي صحن حلو راهي والفلوس وحطيهم بصندوق